دوستوں سے ملاقات کی شام ہے

یہ سزا کاٹ کر اپنے گھر جاؤں گا

آپ کو میرے تعارف کی ضرورت کیا ہے

میں وہی ہوں کہ جسے آپ نے چاہا تھا کبھی

عصر نو مجھ کو نگاہوں میں چھپا کر رکھ لے

ایک مٹتی ہوئی تہذیب کا سرمایہ ہوں

اب تو کچھ بھی یاد نہیں ہے

ہم نے تم کو چاہا ہوگا

ایک میں نے ہی اگائے نہیں خوابوں کے گلاب

تو بھی اس جرم میں شامل ہے مرا ساتھ نہ چھوڑ

اس گھر کی بدولت مرے شعروں کو ہے شہرت

وہ گھر کہ جو اس شہر میں بد نام بہت ہے

سفر میں اچانک سبھی رک گئے

عجب موڑ اپنی کہانی میں تھا

ہیں چناروں کے چہرے بھی جھلسے ہوئے

زخم سب کا ہرا ہے ترے شہر میں

اکثر ایسا بھی محبت میں ہوا کرتا ہے

کہ سمجھ بوجھ کے کھا جاتا ہے دھوکا کوئی

محبت آپ ہی منزل ہے اپنی

نہ جانے حسن کیوں اترا رہا ہے

اب کسی راہ پہ جلتے نہیں چاہت کے چراغ

تو مری آخری منزل ہے مرا ساتھ نہ چھوڑ

جب ہم تیرا نام نہ لیں گے

وہ بھی ایک زمانا ہوگا

چلو ہم بھی وفا سے باز آئے

محبت کوئی مجبوری نہیں ہے

وہ میرا جب نہ ہو سکا تو پھر یہی سزا رہے

کسی کو پیار جب کروں وہ چھپ کے دیکھتا رہے

ہم نے تو دریچوں پہ سجا رکھے ہیں پردے

باہر ہے قیامت کا جو منظر تو ہمیں کیا

ہمیں وہ ہمیں سے جدا کر گیا

بڑا ظلم اس مہربانی میں تھا

اب اس کو سوچتے ہیں اور ہنستے جاتے ہیں

کہ تیرے غم سے تعلق رہا ہے کتنی دیر

نگاہ و دل کے پاس ہو وہ میرا آشنا رہے

ہوس ہے یا کہ عشق ہے یہ کون سوچتا رہے

ایک درد جدائی کا غم کیا کریں

کس مرض کی دوا ہے ترے شہر میں

نہ اتنی دور جائیے کہ لوگ پوچھنے لگیں

کسی کو دل کی کیا خبر یہ ہاتھ تو ملا رہے

سمیٹ لیں مہ و خورشید روشنی اپنی

صلاحیت ہے زمیں میں بھی جگمگانے کی

تو نہ ہوگا تو کہاں جا کے جلوں گا شب بھر

تجھ سے ہی گرمئ محفل ہے مرا ساتھ نہ چھوڑ

بستیوں کا اجڑنا بسنا کیا

بے جھجک قتل عام کرتا جا

کس سمت جا رہا ہے زمانہ کہا نہ جائے

اکتا گئے ہیں لوگ فسانہ کہا نہ جائے

کہا یہ سب نے کہ جو وار تھے اسی پر تھے

مگر یہ کیا کہ بدن چور چور میرا تھا

تو ہے گر مجھ سے خفا خود سے خفا ہوں میں بھی

مجھ کو پہچان کہ تیری ہی ادا ہوں میں بھی

رات آنکھوں میں حیا لے کے گزر جاتی تھی

لمحۂ شوق بہت چیں بہ جبیں رہتا تھا

دل سے دور ہوئے جاتے ہیں غالب کے کلکتے والے

گوہاٹی میں دیکھے ہم نے ایسے ایسے چہرے والے