یہ زندگی جو پکارے تو شک سا ہوتا ہے

کہیں ابھی تو مجھے خود کشی نہیں کرنی

سارا غصہ اب بس اس کام آتا ہے

ہم اس سے سگریٹ سلگایا کرتے ہیں

بڑے ہی غصے میں یہ کہہ کے اس نے وصل کیا

مجھے تو تم سے کوئی بات ہی نہیں کرنی

اور کم یاد آؤگی اگلے برس تم

اب کے کم یاد آئی ہو پچھلے برس سے

میرے تعویذ میں جو کاغذ ہے

اس پہ لکھا ہے محبت کرنا

اجالوں میں چھپی تھی ایک لڑکی

فلک کا رنگ روغن کر گئی ہے

اگر دوبارہ بنی یہ دنیا

تو پہلے تیری گلی بنے گی

کب تک چنری پر ہی ظلم ہوں رنگوں کے

رنگریزہ تیری بھی قبا پر برسے رنگ

نیند کا رستہ چھوٹا ہے

جس میں خواب کی ٹھوکر ہے

شاخ پر شب کی لگے اس چاند میں ہے دھوپ جو

وہ مری آنکھوں کی ہے سو وہ ثمر میرا بھی ہے

کھلے ملتے ہیں مجھ کو در ہمیشہ

مرے ہاتھوں میں دستک بھر گئی ہے

کس نے رستے میں چاند رکھا ہے

اس سے ٹکرا کے گر پڑیں گے ہم

میرے عناصر خاک نہ ہوں بس رنگ بنیں

اور جنگل صحرا دریا پر برسے رنگ