na jaane kitne bhañvar ko rulā ke aa.ī hai

ye merī kashtī-e-jāñ ḳhud ko paar kartī huī

na jaane kitne bhanwar ko rula ke aai hai

ye meri kashti-e-jaan KHud ko par karti hui

ye kaisā shahr hai maiñ kis ajā.ib-ghar meñ rahtā huuñ

maiñ kis kī aañkh kā paanī huuñ kis patthar meñ rahtā huuñ

ye kaisa shahr hai main kis ajaib-ghar mein rahta hun

main kis ki aankh ka pani hun kis patthar mein rahta hun

shahr jab ḳhud-kafīl hai sāhab

kaun kis kā malāl kartā hai

shahr jab KHud-kafil hai sahab

kaun kis ka malal karta hai

shahr be-āb huā jaatā hai

apnī āñkhoñ meñ bachā luuñ paanī

shahr be-ab hua jata hai

apni aankhon mein bacha lun pani

ye merā ḳhāk-dāñ rakkhā huā hai

isī meñ āsmāñ rakkhā huā hai

ye mera KHak-dan rakkha hua hai

isi mein aasman rakkha hua hai

jazīre ug rahe haiñ pāniyoñ meñ

magar puḳhta kinārā jā rahā hai

jazire ug rahe hain paniyon mein

magar puKHta kinara ja raha hai

ai shahr-e-sitam-zād tirī umr baḌī ho

kuchh aur batā naql-e-makānī ke alāva

ai shahr-e-sitam-zad teri umr baDi ho

kuchh aur bata naql-e-makani ke alawa

sāhil se sunā karte haiñ lahroñ kī kahānī

ye Thahre hue log baġhāvat nahīñ karte

sahil se suna karte hain lahron ki kahani

ye Thahre hue log baghawat nahin karte

duniyā ko rauñdne kā hunar jāntā huuñ maiñ

lekin ye sochtā huuñ ki duniyā ke ba.ad kyā

duniya ko raundne ka hunar jaanta hun main

lekin ye sochta hun ki duniya ke baad kya

ham bhī tire beTe haiñ zarā dekh hameñ bhī

ai ḳhāk-e-vatan tujh se shikāyat nahīñ karte

hum bhi tere beTe hain zara dekh hamein bhi

ai KHak-e-watan tujh se shikayat nahin karte

marsiya huuñ maiñ ġhulāmoñ kī ḳhush-ilhāmī kā

shaah ke haq meñ qasīda nahīñ hone vaalā

marsiya hun main ghulamon ki KHush-ilhami ka

shah ke haq mein qasida nahin hone wala

sisaktī aarzū kā dard huuñ fōtpath jaisā huuñ

ki mujh meñ chhaTpaTātā shahr-e-kalkatta bhī rahtā hai

sisakti aarzu ka dard hun footpath jaisa hun

ki mujh mein chhaTpaTata shahr-e-kalkatta bhi rahta hai

sahl kyā bār-e-amānat kā uThānā hai falak

maiñ sambhaltā huuñ mire saath sambhaltī hai zamīñ

sahl kya bar-e-amanat ka uThana hai falak

main sambhalta hun mere sath sambhalti hai zamin

na jaane kyā likhā thā us ne dīvār-e-barahna par

salāmat rah na paa.ī ek bhī tahrīr paanī meñ

na jaane kya likha tha us ne diwar-e-barahna par

salamat rah na pai ek bhi tahrir pani mein

rotā huuñ to sailāb se kaTtī haiñ zamīneñ

hañstā huuñ to Dah jaate haiñ kohsār mirī jaañ

rota hun to sailab se kaTti hain zaminen

hansta hun to Dah jate hain kohsar meri jaan

dalīleñ chhīn kar mere laboñ se

vo mujh ko mujh se behtar kāTtā hai

dalilen chhin kar mere labon se

wo mujh ko mujh se behtar kaTta hai

shaam ke tiir se zaḳhmī hai 'ḳhurshīd' kā siina

nuur simaT kar surḳh kabūtar ban jaatā hai

sham ke tir se zaKHmi hai 'KHurshid' ka sina

nur simaT kar surKH kabutar ban jata hai

yahāñ to rasm hai zindoñ ko dafn karne kī

kisī bhī qabr se murda kahāñ nikaltā hai

yahan to rasm hai zindon ko dafn karne ki

kisi bhi qabr se murda kahan nikalta hai

lahū tevar badaltā hai kahāñ tak

mirā beTā siyānā ho to dekhūñ

lahu tewar badalta hai kahan tak

mera beTa siyana ho to dekhun

badan meñ saañs letā hai samundar

mirī kashtī havā par chal rahī hai

badan mein sans leta hai samundar

meri kashti hawa par chal rahi hai

baḌī bholī hai ḳharchīlī zarūrat

shahanshāhī kamā.ī māñgtī hai

baDi bholi hai KHarchili zarurat

shahanshahi kamai mangti hai

jo din hai ḳhāk-e-bayābāñ jo raat hai jañgal

vo be-panāh mire ghar se hai ziyāda kyā

jo din hai KHak-e-bayaban jo raat hai jangal

wo be-panah mere ghar se hai ziyaada kya

kashtī kī tarah tum mujhe dariyā meñ utāro

maiñ biich bhañvar meñ tumheñ patvār banā.ūñ

kashti ki tarah tum mujhe dariya mein utaro

main bich bhanwar mein tumhein patwar banaun

muTThī se ret paañv se kāñTā nikal na jaa.e

maiñ dekhtā rahūñ kahīñ duniyā nikal na jaa.e

muTThi se ret panw se kanTa nikal na jae

main dekhta rahun kahin duniya nikal na jae

dil hai ki tire paañv se pāzeb girī hai

suntā huuñ bahut der se jhankār kahīñ kī

dil hai ki tere panw se pazeb giri hai

sunta hun bahut der se jhankar kahin ki

aate aate aa.egī duniyā-dārī

jaate jaate fāqa-mastī jā.egī

aate aate aaegi duniya-dari

jate jate faqa-masti jaegi

dard kā zā.iqa batā.ūñ kyā

ye ilāqa zabāñ se bāhar hai

dard ka zaiqa bataun kya

ye ilaqa zaban se bahar hai

samundar āsmāñ is par sitāroñ kā safīna

mirā mahtāb-e-ġham hai be-karānī dekhne meñ

samundar aasman is par sitaron ka safina

mera mahtab-e-gham hai be-karani dekhne mein

ḳhudā ke ġhā.ebāne meñ kisī din

suno kyā shahr saarā boltā hai

KHuda ke ghaebane mein kisi din

suno kya shahr sara bolta hai

zindagī! tujh ko magar sharm nahīñ aatī kyā

kaisī kaisī tirī tasvīr nikal aa.ī hai

zindagi! tujh ko magar sharm nahin aati kya

kaisi kaisi teri taswir nikal aai hai

ġharībī kāTnā āsāñ nahīñ hai

vo saarī umr patthar kāTtā hai

gharibi kaTna aasan nahin hai

wo sari umr patthar kaTta hai

sulagtī pyaas ne kar lī hai morcha-bañdī

isī ḳhatā pe samundar ḳhilāf rahtā hai

sulagti pyas ne kar li hai morcha-bandi

isi KHata pe samundar KHilaf rahta hai

qur.ān kā mafhūm unheñ kaun batā.e

āñkhoñ se jo chehroñ kī tilāvat nahīñ karte

quran ka mafhum unhen kaun batae

aankhon se jo chehron ki tilawat nahin karte

mere us ke biich kā rishta ik majbūr zarūrat hai

maiñ sūkhe jazboñ kā īñdhan vo māchis kī tiilī sī

mere us ke bich ka rishta ek majbur zarurat hai

main sukhe jazbon ka indhan wo machis ki tili si

chehre haiñ ki sau rañg meñ hote haiñ numāyāñ

ā.īne magar koī siyāsat nahīñ karte

chehre hain ki sau rang mein hote hain numayan

aaine magar koi siyasat nahin karte

ḳhud se likhne kā iḳhtiyār bhī de

varna qismat kī taḳhtiyāñ le jā

KHud se likhne ka iKHtiyar bhi de

warna qismat ki taKHtiyan le ja

ġhaib kā aisā parinda hai zamīñ par insāñ

āsmānoñ ko jo shah-par pe uThā.e hue hai

ghaib ka aisa parinda hai zamin par insan

aasmanon ko jo shah-par pe uThae hue hai

vo ek aa.ina chehre kī baat kartā hai

vo ek aa.ina patthar se hai ziyāda kyā

wo ek aaina chehre ki baat karta hai

wo ek aaina patthar se hai ziyaada kya