Sahil Shayari


info iconClick on any word for its meaning

aatā hai jo tūfāñ aane de kashtī ḳhudā ḳhud hāfiz hai


mumkin hai ki uThtī lahroñ meñ bahtā huā sāhil aa jaa.e

agar maujeñ Dubo detīñ to kuchh taskīn ho jaatī


kināroñ ne Duboyā hai mujhe is baat ġham hai

dariyā ke talātum se to bach saktī hai kashtī


kashtī meñ talātum ho to sāhil na milegā

dhāre se kabhī kashtī na haTī aur sīdhī ghaaT par aa pahuñchī


sab bahte hue dariyāoñ ke kyā do kināre hote haiñ

kashtiyāñ Duub rahī haiñ koī sāhil laao


apnī āñkheñ mirī āñkhoñ ke muqābil laao

maiñ jis raftār se tūfāñ jānib baḌhtā jaatā huuñ


usī raftār se nazdīk sāhil hotā jaatā hai

musāfir apnī manzil par pahuñch kar chain paate haiñ


vo maujeñ sar paTaktī haiñ jinheñ sāhil nahīñ miltā

nazroñ se nāptā hai samundar vus.ateñ


sāhil pe ik shaḳhs akelā khaḌā huā

sāhil pe log yūñhī khaḌe dekhte rahe


dariyā meñ ham jo utre to dariyā utar gayā

safar meñ koī kisī ke liye Thahartā nahīñ


na muḌ ke dekhā kabhī sāhiloñ ko dariyā ne

us nā-ḳhudā ke zulm o sitam haa.e kyā karūñ


kashtī mirī Duboī hai sāhil ke aas-paas

Tag