MAJROOH SULTANPURI

  • 1919-2000

One of the most lyrical of ghazal poets associated with progressive movement.Outstanding film lyricist. Recipient of Dada Sahab Phalke award.

One of the most lyrical of ghazal poets associated with progressive movement.Outstanding film lyricist. Recipient of Dada Sahab Phalke award.

info iconClick on any word for its meaning

ab kārgah-e-dahr meñ lagtā hai bahut dil


ai dost kahīñ ye bhī tirā ġham to nahīñ hai

aise hans hans ke na dekhā karo sab jānib


log aisī adāoñ pe fidā hote haiñ

alag baiThe the phir bhī aañkh saaqī paḌī ham par


agar hai tishnagī kāmil to paimāne bhī ā.eñge

bachā liyā mujhe tūfāñ mauj ne varna


kināre vaale safīna mirā Dubo dete

bahāne aur bhī hote jo zindagī ke liye


ham ek baar tirī aarzū bhī kho dete

dekh zindāñ se pare rañg-e-chaman josh-e-bahār


raqs karnā hai to phir paañv zanjīr na dekh

ġham-e-hayāt ne āvāra kar diyā varna


thī aarzū ki tire dar pe sub.h o shaam kareñ

ham ko junūñ kyā sikhlāte ho ham the pareshāñ tum se ziyāda


chaak kiye haiñ ham ne azīzo chaar garebāñ tum se ziyāda

jafā ke zikr pe tum kyuuñ sambhal ke baiTh ga.e


tumhārī baat nahīñ baat hai zamāne

koī ham-dam na rahā koī sahārā na rahā


ham kisī ke na rahe koī hamārā na rahā

maiñ akelā chalā thā jānib-e-manzil magar


log saath aate ga.e aur kārvāñ bantā gayā

mere sañg-o-ḳhisht se ta.amīr-e-baam-o-dar


mere ghar ko shahr meñ shāmil kahā na jaa.e

mujh se kahā jibrīl-e-junūñ ne ye bhī vahi-e-ilāhī hai


maz.hab to bas mazhab-e-dil hai baaqī sab gumrāhī hai

mujhe ye fikr sab pyaas apnī pyaas hai saaqī


tujhe ye zid ki ḳhālī hai mirā paimāna barsoñ se

paara-e-dil hai vatan sarzamīñ mushkil ye hai


shahr ko vīrān is dil ko vīrāna kaheñ

rok saktā hameñ zindān-e-balā kyā 'majrūh'


ham to āvāz haiñ dīvār se chhan jaate haiñ

sar par havā-e-zulm chale sau jatan ke saath


apnī kulāh kaj hai usī bāñkpan ke saath

shab-e-intizār kashmakash meñ na pūchh kaise sahar huī


kabhī ik charāġh jalā diyā kabhī ik charāġh bujhā diyā

sutūn-e-daar pe rakhte chalo saroñ ke charāġh


jahāñ talak ye sitam siyāh raat chale

zabāñ hamārī na samjhā yahāñ koī 'majrūh'


ham ajnabī tarah apne vatan meñ rahe

comments powered by Disqus