āsmāñ kahte haiñ jis ko vo zamīn-e-sher hai

māh-e-nau misra.a hai vasf-e-abrū-e-ḳhamdār meñ

aasman kahte hain jis ko wo zamin-e-sher hai

mah-e-nau misra hai wasf-e-abru-e-KHamdar mein

gayā hai kūcha-e-kākul meñ ab dil

musalmāñ vārid-e-hindostāñ hai

gaya hai kucha-e-kakul mein ab dil

musalman warid-e-hindostan hai

gar hamāre qatl ke mazmūñ kā vo naama likhe

baiza-e-faulād se nikleñ kabūtar saikḌoñ

gar hamare qatl ke mazmun ka wo nama likhe

baiza-e-faulad se niklen kabutar saikDon

dar pe nālāñ jo huuñ to kahtā hai

pūchho kyā chiiz bechtā hai ye

dar pe nalan jo hun to kahta hai

puchho kya chiz bechta hai ye

har gaam pe hī saa.e se ik misra.a-e-mauzūñ

gar chand qadam chaliye to kyā ḳhuub ġhazal ho

har gam pe hi sae se ek misra-e-mauzun

gar chand qadam chaliye to kya KHub ghazal ho

bijlī chamkī to abr royā

yaad aa ga.ī kyā hañsī kisī kī

bijli chamki to abr roya

yaad aa gai kya hansi kisi ki

saḳht hai hairat hameñ jo zer-e-abrū ḳhaal hai

ham to sunte the ki ka.abe meñ koī hindū nahīñ

saKHt hai hairat hamein jo zer-e-abru KHal hai

hum to sunte the ki kabe mein koi hindu nahin

vo tifl-e-nusairī aa.e shāyad

qasmeñ duuñ murtazā-alī kī

wo tifl-e-nusairi aae shayad

qasmen dun murtaza-ali ki

misl-e-tiflāñ vahshiyoñ se zid hai charḳh-e-pīr ko

gar talab muñh kī kareñ barsā.e patthar saikḌoñ

misl-e-tiflan wahshiyon se zid hai charKH-e-pir ko

gar talab munh ki karen barsae patthar saikDon

ḳhuun mirā kar ke lagānā na hinā mere ba.ad

dast rañgīñ na hoñ añgusht-numā mere ba.ad

KHun mera kar ke lagana na hina mere baad

dast rangin na hon angusht-numa mere baad

dimāġh aur hī paatī haiñ in hasīnoñ meñ

ye maah vo haiñ nazar aa.eñ jo mahīnoñ meñ

dimagh aur hi pati hain in hasinon mein

ye mah wo hain nazar aaen jo mahinon mein

nahīñ bachtā hai bīmār-e-mohabbat

sunā hai ham ne 'goyā' kī zabānī

nahin bachta hai bimar-e-mohabbat

suna hai hum ne 'goya' ki zabani

saare qur.ān se us parī-rū ko

yaad ik lafz-e-lan-tarānī hai

sare quran se us pari-ru ko

yaad ek lafz-e-lan-tarani hai

jo pinhāñ thā vahī har sū ayaañ hai

ye kahiye lan tarānī ab kahāñ hai

jo pinhan tha wahi har su ayan hai

ye kahiye lan tarani ab kahan hai

apne sivā nahīñ hai koī apnā āshnā

dariyā kī tarah aap haiñ apne kanār meñ

apne siwa nahin hai koi apna aashna

dariya ki tarah aap hain apne kanar mein

naqsh-e-pā pañch-shāḳha qabar par raushan karo

mar gayā huuñ maiñ tumhārī garmī-e-raftār par

naqsh-e-pa panch-shaKHa qabar par raushan karo

mar gaya hun main tumhaari garmi-e-raftar par

ai junūñ haath jo vo zulf na aa.ī hotī

aah ne arsh kī zanjīr hilā.ī hotī

ai junun hath jo wo zulf na aai hoti

aah ne arsh ki zanjir hilai hoti

ḳhaar chubh kar jo TūTtā hai kabhī

aabla phuuT phuuT rotā hai

KHar chubh kar jo TuTta hai kabhi

aabla phuT phuT rota hai

na hogā koī mujh sā mahv-e-tasavvur

jise dekhtā huuñ samajhtā huuñ tū hai

na hoga koi mujh sa mahw-e-tasawwur

jise dekhta hun samajhta hun tu hai

zo.af se rahtā hai ab paañv pe sar

āp-apnī Thokareñ khāte haiñ ham

zoaf se rahta hai ab panw pe sar

aap-apni Thokaren khate hain hum

nāsehā āshiqī meñ rakh ma.azūr

kyā karūñ ālam-e-javānī hai

naseha aashiqi mein rakh mazur

kya karun aalam-e-jawani hai

na mar ke bhī tirī sūrat ko dekhne dūñgā

paḌūñgā ġhair kī āñkhoñ meñ vo ġhubār huuñ maiñ

na mar ke bhi teri surat ko dekhne dunga

paDunga ghair ki aankhon mein wo ghubar hun main

jāma-e-surḳh tirā dekh ke gul

pairahan apnā qabā karte haiñ

jama-e-surKH tera dekh ke gul

pairahan apna qaba karte hain

Thukrā ke chale jabīñ ko merī

qismat kī likhī ne yāvarī kī

Thukra ke chale jabin ko meri

qismat ki likhi ne yawari ki

zāhido qudrat-e-ḳhudā dekho

but ko bhī dāva-e-ḳhudā.ī hai

zahido qudrat-e-KHuda dekho

but ko bhi dawa-e-KHudai hai