abhī tahzīb kā nauha na likhnā

abhī kuchh log urdu bolte haiñ

abhi tahzib ka nauha na likhna

abhi kuchh log urdu bolte hain

ye mo.ajiza hamāre hī tarz-e-bayāñ kā thā

us ne vo sun liyā thā jo ham ne kahā na thā

ye moajiza hamare hi tarz-e-bayan ka tha

us ne wo sun liya tha jo hum ne kaha na tha

vo jugnū ho sitāra ho ki aañsū

añdhere meñ sabhī mahtāb se haiñ

wo jugnu ho sitara ho ki aansu

andhere mein sabhi mahtab se hain

koī manzar nahīñ barsāt ke mausam meñ bhī

us kī zulfoñ se phisaltī huī dhūpoñ jaisā

koi manzar nahin barsat ke mausam mein bhi

us ki zulfon se phisalti hui dhupon jaisa

apnoñ se jañg hai to bhale haar jā.ūñ maiñ

lekin maiñ apne saath sipāhī na lā.ūñgā

apnon se jang hai to bhale haar jaun main

lekin main apne sath sipahi na launga

purāne vaqtoñ ke kuchh log ab bhī kahte haiñ

baḌā vahī hai jo dushman ko bhī muaaf kare

purane waqton ke kuchh log ab bhi kahte hain

baDa wahi hai jo dushman ko bhi muaf kare

tumhāre ḳhat kabhī paḌhnā kabhī tartīb se rakhnā

ajab mashġhūliyat rahtī hai bekārī ke mausam meñ

tumhaare KHat kabhi paDhna kabhi tartib se rakhna

ajab mashghuliyat rahti hai bekari ke mausam mein

maiñ jhuuT ko sachchā.ī ke paikar meñ sajātā

kyā kījiye mujh ko ye hunar hī nahīñ aayā

main jhuT ko sachchai ke paikar mein sajata

kya kijiye mujh ko ye hunar hi nahin aaya

log ye soch ke hī pareshān haiñ

maiñ zamīñ thā to kyuuñ āsmāñ ho gayā

log ye soch ke hi pareshan hain

main zamin tha to kyun aasman ho gaya

laaj rakhnī paḌ ga.ī hai dostoñ kī

ham bharī mahfil meñ jhūTe ho ga.e haiñ

laj rakhni paD gai hai doston ki

hum bhari mahfil mein jhuTe ho gae hain

ranj-o-ġham Thokareñ māyūsī ghuTan be-zārī

mere ḳhvāboñ kī ye ta.abīr bhī ho saktī hai

ranj-o-gham Thokaren mayusi ghuTan be-zari

mere KHwabon ki ye tabir bhi ho sakti hai

ranj-o-ġham sahne kī aadat ho ga.ī hai

zinda rahne ke salīqe de gayā vo

ranj-o-gham sahne ki aadat ho gai hai

zinda rahne ke saliqe de gaya wo

chalo amn-o-amāñ hai mai-kade meñ

vahīñ kuchh pal Thahar kar dekhte haiñ

chalo amn-o-aman hai mai-kade mein

wahin kuchh pal Thahar kar dekhte hain

ye bhī kyā baat ki maiñ terī anā kī ḳhātir

terī qāmat se ziyāda tirā saayā chāhūñ

ye bhi kya baat ki main teri ana ki KHatir

teri qamat se ziyaada tera saya chahun

jugnū thā kahkashāñ thā sitāra thā yā guhar

aañsū kisī kī aañkh se jab tak girā na thā

jugnu tha kahkashan tha sitara tha ya guhar

aansu kisi ki aankh se jab tak gira na tha

jām-e-sharāb ab to mire sāmne na rakh

āñkhoñ meñ nuur haath meñ jumbish kahāñ hai ab

jam-e-sharab ab to mere samne na rakh

aankhon mein nur hath mein jumbish kahan hai ab

diloñ meñ karb baḌhtā jā rahā hai

magar chehre abhī shādāb se haiñ

dilon mein karb baDhta ja raha hai

magar chehre abhi shadab se hain

ye munsifān-e-shahr haiñ ye pāsbān-e-shahr

in ko batāo naam jo balvā.iyoñ ke haiñ

ye munsifan-e-shahr hain ye pasban-e-shahr

in ko batao nam jo balwaiyon ke hain

vo ik lamha jo tere vasl kā thā

bayāz-e-hijr par likkhā huā hai

wo ek lamha jo tere wasl ka tha

bayaz-e-hijr par likkha hua hai

zarā yādoñ ke hī patthar uchhālo

navāh-e-jāñ meñ sannāTe bahut haiñ

zara yaadon ke hi patthar uchhaalo

nawah-e-jaan mein sannaTe bahut hain