vafā kī aaḌ meñ kyā kyā huī jafā ham par

jo dostī yahī Thahrī to dushmanī kyā hai

wafa ki aaD mein kya kya hui jafa hum par

jo dosti yahi Thahri to dushmani kya hai

jab dil hī nahīñ hai pahlū meñ phir ishq kā saudā kaun kare

ab un se mohabbat kaun kare ab un kī tamannā kaun kare

jab dil hi nahin hai pahlu mein phir ishq ka sauda kaun kare

ab un se mohabbat kaun kare ab un ki tamanna kaun kare

kis ġhalat-fahmī meñ apnī umr saarī kaT ga.ī

ik vafā-nā-āshnā ko bā-vafā samjhā thā maiñ

kis ghalat-fahmi mein apni umr sari kaT gai

ek wafa-na-ashna ko ba-wafa samjha tha main

vahī sub.h-o-masā vahī shab-o-roz

zindagī hai vabāl kyā kahiye

wahi subh-o-masa wahi shab-o-roz

zindagi hai wabaal kya kahiye

na kuchh aalim samajhte haiñ na kuchh jāhil samajhte haiñ

mohabbat kī haqīqat ko bas ahl-e-dil samajhte haiñ

na kuchh aalim samajhte hain na kuchh jahil samajhte hain

mohabbat ki haqiqat ko bas ahl-e-dil samajhte hain

ummīd-e-vafā ke pesh-e-nazar maiñ un kī jafā.eñ bhuul gayā

hai mustaqbil par aañkh mirī maazī ko bhulātā jaatā huuñ

ummid-e-wafa ke pesh-e-nazar main un ki jafaen bhul gaya

hai mustaqbil par aankh meri mazi ko bhulata jata hun

koī samjhe na samjhe is haqīqat ko magar 'najmī'

ham apne dard-e-dil ko ishq kā hāsil samajhte haiñ

koi samjhe na samjhe is haqiqat ko magar 'najmi'

hum apne dard-e-dil ko ishq ka hasil samajhte hain

isī kā naam shāyad zindagī hai

ḳhushī kī ik ghaḌī to ik ġhamī kī

isi ka nam shayad zindagi hai

KHushi ki ek ghaDi to ek ghami ki

āsāñ nahīñ visāl to dushvār bhī nahīñ

mushkil meñ huuñ ye mushkil-e-āsāñ liye hue

aasan nahin visal to dushwar bhi nahin

mushkil mein hun ye mushkil-e-asan liye hue

bachhḌā huā jaise koī milte hī lipaT jaa.e

yuuñ tiir tirā aa ke lipaTtā hai jigar se

bachhDa hua jaise koi milte hi lipaT jae

yun tir tera aa ke lipaTta hai jigar se

na duniyā bā.is-e-ġhaflat na uqbā vaj.h-e-hushyārī

rahe jo tujh se ġhāfil ham use ġhāfil samajhte haiñ

na duniya bais-e-ghaflat na uqba wajh-e-hushyari

rahe jo tujh se ghafil hum use ghafil samajhte hain

batā ki ye bhī koī shān-e-be-niyāzī hai

sunī na haa.e koī tū ne guftanī apnī

bata ki ye bhi koi shan-e-be-niyazi hai

suni na hae koi tu ne guftani apni

zulf-e-mushkīñ thī mehrbāñ kis kī

bū basī hai dimāġh meñ ab tak

zulf-e-mushkin thi mehrban kis ki

bu basi hai dimagh mein ab tak