ab tirā rasta judā merā judā

dekh qismat kā likhā hote hue

ab tera rasta juda mera juda

dekh qismat ka likha hote hue

bas itnā sā hai ḳhulāsa mirī kahānī kā

ki ibtidā tirī āñkheñ haiñ intihā mirā 'ishq

bas itna sa hai KHulasa meri kahani ka

ki ibtida teri aankhen hain intiha mera 'ishq

maiñ chāhtā huuñ ki tujh sā dikhā.ī duuñ maiñ bhī

jamāl-e-yār kabhī mere ḳhadd-o-ḳhāl meñ aa

main chahta hun ki tujh sa dikhai dun main bhi

jamal-e-yar kabhi mere KHadd-o-KHal mein aa

is liye kashkol meñ paḌtī hai bhiik

ham ne hai lāThī se laTkāyā huā

is liye kashkol mein paDti hai bhik

hum ne hai laThi se laTkaya hua

hākim-e-shahr kī ḳhvāhish ki hukūmat kī jaa.e

varna hālāt to aise haiñ ki hijrat kī jaa.e

hakim-e-shahr ki KHwahish ki hukumat ki jae

warna haalat to aise hain ki hijrat ki jae

kahīñ bhī baat ho merā havāla aa hī jaatā hai

mohabbat ne bachāyā hai mujhe gumnām hone se

kahin bhi baat ho mera hawala aa hi jata hai

mohabbat ne bachaya hai mujhe gumnam hone se

ab to havā-e-shahr bhī bilkul tirī tarah

ye chāhtī hai koī diyā baam par na ho

ab to hawa-e-shahr bhi bilkul teri tarah

ye chahti hai koi diya baam par na ho

maiñ agar harf-e-ġhalat thā to likhā hī kyoñ thā

likh diyā hai to ḳhudārā na miTāyā jaa.e

main agar harf-e-ghalat tha to likha hi kyon tha

likh diya hai to KHudara na miTaya jae

alvidā'ī shaam aa pahuñchī yahāñ

chup hai tū merā ḳhudā hote hue

alwida'i sham aa pahunchi yahan

chup hai tu mera KHuda hote hue

tū zindagī kā mirī intisāb hai mire dost

so tere naam hī pahlī kitāb hai mire dost

tu zindagi ka meri intisab hai mere dost

so tere nam hi pahli kitab hai mere dost

balcony pe khaḌī laḌkiyāñ kab sochtī haiñ

ye jagah Thiik nahīñ ā.ina-dārī ke liye

balcony pe khaDi laDkiyan kab sochti hain

ye jagah Thik nahin aaina-dari ke liye

tū batā kaise guzārī shab-e-hijrāñ tū ne

maiñ to jab ro na sakā maiñ ne ġhazal-ḳhvānī kī

tu bata kaise guzari shab-e-hijran tu ne

main to jab ro na saka main ne ghazal-KHwani ki

sāhabo maiñ ne tarāshe nahīñ patthar ke sanam

mere hāthoñ se banā aur banā ek hī shaḳhs

sahabo main ne tarashe nahin patthar ke sanam

mere hathon se bana aur bana ek hi shaKHs

jahāñ tak ho sake ḳhud ko bachā badnām hone se

mohabbat ḳhatm hotī hai mohabbat 'aam hone se

jahan tak ho sake KHud ko bacha badnam hone se

mohabbat KHatm hoti hai mohabbat 'am hone se

gulāb-rut kī tarah 'arsa-e-jamāl meñ aa

havā-e-ġham se nikal mausam-e-visāl meñ aa

gulab-rut ki tarah 'arsa-e-jamal mein aa

hawa-e-gham se nikal mausam-e-visal mein aa

in kī chahkār se yādoñ meñ ḳhalal paḌtā hai

ghar kī dīvār se chiḌiyoñ ko uḌā do 'anjum'

in ki chahkar se yaadon mein KHalal paDta hai

ghar ki diwar se chiDiyon ko uDa do 'anjum'

'ishq vaqt-e-digar pe kyoñ chhoḌeñ

ye tire baa'd ho nahīñ saktā

'ishq waqt-e-digar pe kyon chhoDen

ye tere ba'd ho nahin sakta

bahut achchhā bahut achchhā bahut achchhā hai tū lekin

tujhe koī kahe achchhā mujhe achchhā nahīñ lagtā

bahut achchha bahut achchha bahut achchha hai tu lekin

tujhe koi kahe achchha mujhe achchha nahin lagta

vo to 'anjum' ḳhvāb thā bas ḳhvāb thā

kab tirā thā vo tirā hote hue

wo to 'anjum' KHwab tha bas KHwab tha

kab tera tha wo tera hote hue

is liye saañp mujhe DhūñD rahe haiñ pyāre

maiñ mahaktā huuñ tire hijr meñ sandal ho kar

is liye sanp mujhe DhunD rahe hain pyare

main mahakta hun tere hijr mein sandal ho kar

mire piñjre ko toḌte kyoñ ho

jab maiñ āzād ho nahīñ saktā

mere pinjre ko toDte kyon ho

jab main aazad ho nahin sakta

aise mileñ ki ham ko bichhaḌne kā Dar na ho

vo 'ishq koī 'ishq hai jo 'umr bhar na ho

aise milen ki hum ko bichhaDne ka Dar na ho

wo 'ishq koi 'ishq hai jo 'umr bhar na ho

abhī to ḳhush huuñ tire 'ishq meñ bahut ḳhush huuñ

ye ek din mirā jiinā 'azāb kar degā

abhi to KHush hun tere 'ishq mein bahut KHush hun

ye ek din mera jina 'azab kar dega