anhonī kuchh zarūr huī dil ke saath aaj

nādān thā magar ye divānā kabhī na thā

anhoni kuchh zarur hui dil ke sath aaj

nadan tha magar ye diwana kabhi na tha

ḳhud pe ye zulm gavārā nahīñ hogā ham se

ham to sho.aloñ se na guzreñge na siitā samjheñ

KHud pe ye zulm gawara nahin hoga hum se

hum to shoalon se na guzrenge na sita samjhen

har-dil-azīz vo bhī hai ham bhī haiñ ḳhush-mizāj

ab kyā batā.eñ kaise hamārī nahīñ banī

har-dil-aziz wo bhi hai hum bhi hain KHush-mizaj

ab kya bataen kaise hamari nahin bani

apnī to koī baat banā.e nahīñ banī

kuchh ham na kah sake to kuchh us ne nahīñ sunī

apni to koi baat banae nahin bani

kuchh hum na kah sake to kuchh us ne nahin suni

dar badar kī ḳhaak thī taqdīr meñ

ham liye kāñdhoñ pe ghar chalte rahe

dar badar ki KHak thi taqdir mein

hum liye kandhon pe ghar chalte rahe

jin meñ kho kar ham ḳhud ko bhī bhuul ga.e haiñ

kyā ham ko bhī un āñkhoñ ne DhūñDā hogā

jin mein kho kar hum KHud ko bhi bhul gae hain

kya hum ko bhi un aankhon ne DhunDa hoga

jaane kyā kuchh hai aaj hone ko

jī mirā chāhtā hai rone ko

jaane kya kuchh hai aaj hone ko

ji mera chahta hai rone ko

uTh kar chale ga.e to kabhī phir na ā.eñge

phir laakh tum bulāo sadā.eñ diyā karo

uTh kar chale gae to kabhi phir na aaenge

phir lakh tum bulao sadaen diya karo

hai yuuñ ki kuchh to baġhāvat-sirisht ham bhī haiñ

sitam bhī us ne zarūrat se kuchh ziyāda kiyā

hai yun ki kuchh to baghawat-sirisht hum bhi hain

sitam bhi us ne zarurat se kuchh ziyaada kiya

merī tarah TuuTe ā.īne meñ us ne bhī

TukḌe TukḌe apne aap ko paayā hogā

meri tarah TuTe aaine mein us ne bhi

TukDe TukDe apne aap ko paya hoga

kitne saada haiñ ham ki baiThe haiñ

dāġh-e-dil āñsuoñ se dhone ko

kitne sada hain hum ki baiThe hain

dagh-e-dil aansuon se dhone ko

ḳhud apnī fikr ugātī hai vahm ke kāñTe

ulajh ulajh ke mirā har savāl Thahrā hai

KHud apni fikr ugati hai wahm ke kanTe

ulajh ulajh ke mera har sawal Thahra hai

ham to begāne se ḳhud ko bhī mile haiñ 'bilqīs'

kis tavaqqo pe kisī shaḳhs ko apnā samjheñ

hum to begane se KHud ko bhi mile hain 'bilqis'

kis tawaqqo pe kisi shaKHs ko apna samjhen

terī to 'bilqīs' nirālī hī bāteñ haiñ

is duniyā meñ kaise tirā guzārā hogā

teri to 'bilqis' nirali hi baaten hain

is duniya mein kaise tera guzara hoga

bas ek jaan bachī thī chhiḌak dī rāhoñ par

dil-e-ġharīb ne ik ehtimām saada kiyā

bas ek jaan bachi thi chhiDak di rahon par

dil-e-gharib ne ek ehtimam sada kiya

dahshat-zada zamīñ par vahshat bhare makāñ ye

is shahr-e-be-amāñ kā āḳhir koī ḳhudā hai

dahshat-zada zamin par wahshat bhare makan ye

is shahr-e-be-aman ka aaKHir koi KHuda hai

kis ne kahā kisī kā kahā tum kiyā karo

lekin kahe koī to kabhī sun liyā karo

kis ne kaha kisi ka kaha tum kiya karo

lekin kahe koi to kabhi sun liya karo

zarā sī der bhī ruktā to kuchh patā chaltā

vo rañg thā ki thī ḳhushbū sahāb sā kyā thā

zara si der bhi rukta to kuchh pata chalta

wo rang tha ki thi KHushbu sahab sa kya tha

yuuñ chup rahā kare se to ho jaa.e hai junūñ

zaḳhm-e-nihāñ kured ke kuchh ro liyā karo

yun chup raha kare se to ho jae hai junun

zaKHm-e-nihan kured ke kuchh ro liya karo

nahīñ hai ḳhvāb dīvāne kā hastī

ye duniyā sirf ik dhokā nahīñ hai

nahin hai KHwab diwane ka hasti

ye duniya sirf ek dhoka nahin hai

ham bhī haiñ 'bilqīs' majrūhīn meñ

ham pe bhī tiir o tabar chalte rahe

hum bhi hain 'bilqis' majruhin mein

hum pe bhi tir o tabar chalte rahe

tamām laala o gul ke charāġh raushan haiñ

shajar shajar pe shagūfoñ meñ jal rahī hai havā

tamam lala o gul ke charagh raushan hain

shajar shajar pe shagufon mein jal rahi hai hawa