Search result for

SEARCH RESULTS

Showing search results for "murgaabii"

See All

POETS/AUTHORS/ARTISTS

R. S. Mugali

Author

MOST RELEVANT MATCHES FOR "murgaabii"

Nazm

parindon ki music conference

totaa chhe.De thap-thap tabla mainaa giit sunaa.e
ulluu jab mirda.ng bajaa.e kavvaa shor machaa.e
kuk.Duu.n kuu.n kii taan lagaa ke murGaa gaay KHayaal
qumrii apnii Thumrii gaay murGii deve taal
mor apnii dum ko phailaa kar katthak naach dikhaa.e
totaa chhe.De thap-thap tabla mainaa giit sunaa.e
chi.Diyaa baajii sabhaa me.n naache KHushii se chham chham chham
moTii bataKH cho.nch se Dholak piiTe dham dham dham
bayaa bajaa.e manjere aur bhau.nraa bhajan u.Daa.e
totaa chhe.De thap-thap tabla mainaa giit sunaa.e
bulbul gul kii yaad me.n ro-ro gaa.e diipak raag
mast papiihaa duur se naGmo.n kii bha.Dkaa.e aag
koyal pahan ke paa.el saarii mahfil me.n iThlaa.e
totaa chhe.De tha-thap tabla mainaa giit sunaa.e
ra.ng bira.ngii chi.Diyaa.n ab chhe.De.n aisii qavvaalii
pattaa pattaa buuTaa buuTaa taal me.n deve taalii
phuuphii chiil vajd me.n aa kar uu.nchii taan lagaa.e
totaa chhe.De thap-thap tabla mainaa giit sunaa.e
inglistaan kaa saaras aa kar naache rock ain rol
murGaabii se bole madam english gaanaa bol
dekho dekho kitnii pyaarii mahfil hai ye haa.e
totaa chhe.De thap-thap tabla mainaa giit sunaa.e

Raja Mehdi Ali Khan

Nazm

tan-asani

Gusl-KHaane me.n vo kahtii hai.n hame.n chiinii kii ii.nTe.n hii pasand aatii hai.n
chiinii kii ii.nTo.n pe vo kahtii hai.n chhii.nTaa jo pa.De to pal me.n
ek ik buu.nd bahut jald phisal jaatii hai
ko.ii puuchhe ki bhalaa buu.ndo.n ke yuu.n jald phisal jaane me.n
kyaa faa.eda hai
jab zaruurat hu.ii jii chaahaa to chupke se ga.e aur nahaa kar lauTe
dhul-dhulaa kar yuu.n chale aa.e ki jis tarah kisii jhiil ke paanii pe ko.ii murGaabii
ek dam Dupkii lagaatii hai lagaate hii ubhar aatii hai
aur phir tairtii jaatii hai zaraa ruktii nahii.n

Meeraji

Nazm

pura chand nikalta hai to bheDiya aksar rota hai

dumba zarraafe kii gardan naapne ko tayyaar hu.aa
murGaabii ke anDe khaa kar saa.np bahut biimaar hu.aa

Jameel Usman

Nazm

ab Dar nahin lagta

ek Dar thaa tanhaa.ii kaa
ek Dar thaa judaa.ii kaa
jo musalsal mere saath rahtaa thaa
kal kaa din jo guzar gayaa
bahut bhaarii lagtaa thaa
lagtaa thaa kisii aise din kaa bojh uThaa na paa.uu.ngii
aadhe-adhuure raaste me.n hii mar jaa.uu.ngii
magar kal kaa din bhii aa hii gayaa
aur ret kaa vo gharau.ndaa saath hii bahaa le gayaa
jis me.n rakhe the mai.n ne
ra.ng-ba-ra.ng ke pyaare patthar
titliyo.n ke par aur mor ke pa.nkh
phuulo.n ke sab ra.ng
aur aasmaan kii dhanak
gilahrii kaa adh khaayaa aKHroT
maa.n ke paro.n tale baiThe murGaabii ke bachche
us gharau.nde par utrii dhuup jis ne mujh se meraa saaya judaa kar diyaa thaa
kal jab vo sab be-rahm vaqt kii maujo.n ke saath bah gayaa
aur chaar-suu qabr jaisaa a.ndheraa phail gayaa
to safed dhuup jaate jaate ek ehsaan kar ga.ii
vo mujh ko meraa saaya lauTaa ga.ii
aur mai.n marte marte bach ga.ii varna
mai.n to aise kal me.n mar hii jaatii
aavaazo.n ke bichha.Dne se

Rubina Faisal

Masnavi

kyaa kahuu.n ab kii kaisii hai barsaat
josh baaraa.n se bah ga.ii'' hai baat
buu.nd thamtii nahii.n hai ab kii saal
charKH goyaa hai aab dar Girbaal
vahii yaksaa.n a.ndher barse hai
aasmaa.n chashm vaa ko tarse hai
maah o KHurshiid ab nikalte nahii.n
taare Duube hu.e uchhalte nahii.n
aab ban ko.ii boltaa hii nahii.n
aasmaa.n diida kholtaa hii nahii.n
charKH tak ho gayaa hai paanii jo
maah o maahii hai.n ek jaa har do
le zamii.n se hai taa falak Garqaab
chashma aaftaab hai.n girdaab
KHushk ban ab kii baar sabz hu.e
muush dashtii ke KHaar sabz hu.e
abr kis kis syaah mastii se
hote jaa hai.n buland pastii se
la.Dko.n ne kii zamaana saazii hai
KHaak baazii ab aab baazii hai
abr kurtaa hai qatra afshaanii
paanii paanii rahe hai baaraanii
tunak aabii se jaan mat aGraaq
Duubne par hai kashtii aafaaq
'aql ne sab kii kho.ii hai
baat baaraa.n ne yaa.n Dubo.ii hai
kaisaa tuufaan me.nh chhaayaa hai
zaKHm dil ne bhii aab uThaayaa hai
baiThe uThte nahii.n hai.n baam o dar
ye KHaraabii hai shahr ke andar
saqf aamaaj buu.nd paikaa.n hai
me.nh hai yaa ki tiir baaraa.n hai
jaise dariyaa ubalte diikhe hai.n
yaa.n sau parnaale chalte diikhe hai.n
abr rahmat hai yaa ki zahmat hai
ek ‘aalim Gariiq rahmat hai
le ga.e hai.n jahaan ko sailaab
naqsha 'aalam kaa naqsh thaa bar-aab
na hai jalsa na rabt yaaraa.n hai
shahr me.n hai to baad o baaraa.n hai
roz o shab yaa.n hamesha jhamkaa hai
in dino.n rang barq chamkaa hai
ba.Dii buu.ndo.n kii choT se Dariye
sa.ng baaraa.n jahaa.n huu vaa.n mariye
pa.Dhte hai.n yaar daras hairaanii
aarsii ke bhii ghar me.n hai paanii
aadmii hai.n sau kab nikalte hai.n
mardum aabii phirte chalte hai.n
kate Duube ga.e kahaa.n hai.n ab
sag aabii hii hai.n jahaa.n hai.n ab
vus'at aab puuchh mat kuchh yaar
kuuche maujo.n ke ho ga.e baazaar
maa'bad ''ab saare girte aate hai.n
zaahid KHushk Duube jaate hai.n
thaa Thahrnaa baraabar un ke shaaq
masjido.n me.n kiyaa hai istiGraaq
me.nh to yaa.n lage hii rahte hai.n
saare ‘aalim ke kaan bahte hai.n
Garq hai chi.Diyaa aur gilahrii hai
KHushkii kaa jaanvar bhii bahrii hai
me.nh az bas-ki hai gaa
ik jahaa.n ko Dubo rihaa hai gaa
tar hai.n jo KHushk aur tiruu.n me.n hai.n
jaane.n ik suukhtii gharo.n me.n hai.n
she’r kii bahr me.n bhii hai paanii
bahtii phirtii hai ab Gazal KHvaanii
laa.ii kii chaalaakii
aab KHushk guhar pe namnaakii
hai zaraa'at juu paanii ne maarii
ho ga.ii aab KHissat tarkaarii
aab hai gaa jahaa.n ke sar taa sar
KHauf se suukhtaa hai tar
mast ho ho ga.e hai.n mast sharaab
Gote khaate phire hai.n 'aalam aab
mastii hai ''ab juu chaahe.n sair aabii
bat mai to hu.ii hai murGaabii
jitnii qahbaae.n KHushk thii.n mash.huur
un kii se sail hai.n mahshuur
unho.n kii thailaa hai
ye KHaraaba bure me.n phailaa hai
dast Gam is qadar bah tuGyaa.n hai
ki har ik gosha biich tuufaa.n hai
sail diikhe hai.n ke
liye kashtii gaddaa hai.n baaraa.n ke
jazar o mad jis kaa taa falak jaa hai
jo hai taalaab qahr dariyaa hai
har taraf hai.n nazar me.n abr-e-siyaah
paanii hai jas taraf ko kariye nigaah
dar rikaab
chashm taa car mii kunad
paanii 'aalam ke taa ba sar hai gaa
KHushk maGzo.n kaa maGz tar hai gaa
KHizr kyo.n karke ziist kurtaa hai
aab-e-haivaa.n me.n paanii martaa hai
likhe kiyaa 'miir' me.nh kii tuGyaanii
ho ga.ii hai siyaahii bhii paanii

Meer Taqi Meer

See All

DICTIONARY MATCHES

REKHTA DICTIONARY

murGaabii

मुर्ग़ाबीمُرْغابی

Persian

duck, drake, waterfowl, teal

muraadii

मुरादीمُرادی

Arabic

favourable

gurgaabii

गुरगाबीگُرگابی

Persian

a kind of soft shoe or moccasin, a kind of slipper

guurgaabii

गूरगाबीگُورگابی

گرگاہی ، ایک قسم کی جوتی

See All

BOOKS MATCHES FOR "murgaabii"

Jadeediyat Ka Mughanni Asad Badayuni

Ghazal Criticism

Pattharon ka Mughanni

Waheed Akhtar

Nazm

Murghi Ande Ka Baipar

Abrar Husain Hashmi

Kannad Adab Ki Tareekh

R. S. Mugali

Tazkira

Ustad Murghi Khana

Abulqasim Rafiq Dilawari

Puri Jo Kadhai Se Nikal Bhagi Aur Murghi Ka Nirala Bachcha

Dr. Zakir Husain

Children's Literature

Shararti Murgha

Afshan Sajid

Story

Chacha Murghi Ne Siti Bajai

Mazhar-ul-Haq Alvi

Story

Chacha Murghi Ne Sarkas Dekha

Mazhar-ul-Haq Alvi

Novel

Lal Murghi

Abdul Wahid Sindhi

Story

Eik Tha Murgha Kukdukun

Qamar Alii Abbasi

Children's Literature

Murghi Ki Char Tangen

Yusuf Nazim

Murjhayi Kaliyan

Kausar Chandpuri

Novel

Report Tehqeeqaat-e-Murghabani

Unknown Author

Murhati Aamoz

Govind Ramchandr Kale

MORE MATCHES FOR "murgaabii"

Nazm

chiDiya-KHana

najmii fahmii uzmaa raa.anaa
aa.o dekhe.n chi.Diyaa-KHaana
jin ke naam sunaa karte ho
aaj unhe.n nazdiik se dekho
ek se ek parinde dekho
aadam-KHor darinde dekho
mor saro.n par taaj sajaa.e
naach rahe hai.n par phailaa.e
bulbul dekho totaa dekho
koyal dekho mainaa dekho
KHush-aavaaz papiihaa dekho
hud-hud aur gaurayyaa dekho
bho.nraa dekho titlii dekho
sher kii KHaala billii dekho
zebra gho.Daa TaTTuu KHachchar
baaz kabuutar kavvaa tiitar
vo dekho KHargosh gilahrii
baara-si.nghaa aur vo hirnii
ban-maanus aur bhaaluu bhii hai
nevlaa aur ka.ngaaruu bhii hai
bandar kii naqqaalii dekho
piiT rahe hai.n taalii dekho
do do haathii jhuum rahe hai.n
duur gad.he bhii ghuum rahe hai.n
shero.n kaa Gurraana dekho
te.ndve kaa bal khaanaa dekho
vo dekho afriiqii gai.nDaa
aur ye hindostaanii chiitaa
phan kaa.Dhe ik naagan bhii hai
lom.Dii ik makkaaran bhii hai
buzdil giida.D lakka.D-bagghaa
kaun banegaa leader is kaa
dilkash taa.ir aabii dekho
kaisii hai murGaabii dekho
machhlii ko lahraate dekho
me.nDak ko Tarraate dekho
ek magarmachh jaag rahaa hai
dekh ke kachhvaa bhaag rahaa hai
aaj 'faraaG' uncle ne dekhaa
kalkatte kaa chi.Diyaa-KHaana

Faragh Rohvi

Ghazal

kabhii damke.n sone ke zarre kabhii jhalke murGaabii kaa lahuu
ka.ii pyaase kab se kha.De hai.n magar paanii shaffaaf nahii.n hotaa

Mohammad Izhar ul Haq

Nazm

apna saya

jismo.n ke kho jaane
aur ruu.o.n ke badalne ke karb ne mujhe tamaam-umr
andesha-e-ziyaa.a me.n hii mubtalaa rakhaa
kal ke din ne mujh me.n base sab KHauf maar diye
chehre se naqaab utraa to sachchaa.ii siina taane mere saamne aa kha.Dii hu.ii
KHud se bichh.Dii hu.ii thii ab KHud se aa milii huu.n
meraa saaya mujh me.n nau phaTaa ho kar jaag gayaa hai aur
vo meraa haath thaame baiThaa hai
ab vahii mor-pa.nkh vahii jhiil vahii murGaabii ke bachche
aKHroT khaatii gilahrii aur rang bikhertii titlii
meraa saaya
yahii sab murda manaazir ko mere andar hanuut kar ke baiTh gayaa hai
ab apne hii saa.e kii panaah me.n huu.n
jis ke na badalne kaa Dar na bichha.Dne kaa vahm
ek saa bas mujh me.n hii rahegaa
meraa hii rahegaa
is liye
ab tanhaa.ii se Dar nahii.n lagtaa
ab judaa.ii se Dar nahii.n lagtaa
ab mai.n apnii panaah me.n huu.n

Rubina Faisal

Nazm

KHalish-e-tassur

KHaamosh hu.aa bhe.Do.n kaa gallaa chalte chalte mimyaa kar
jaa pahu.nchaa shaayad baa.De me.n buusii raste me.n phailaa kar
chup-chaap kha.Daa hai duur udhar vo jangal kaalii chiilo.n kaa
sarsabz pahaa.Do.n ko pur-haul banaane vaalii chiilo.n kaa
aavaaz nahii.n aatii ab jhiil kii jaanib se murGaabii kii
sunsaan fazaa be-jaan havaa me.n larzaa.n ruuh KHamoshii kii
yuu.n laa.ii dosh pe laash sii kyaa ra.ngii.n din kii barbaadii kii
ye shaam ye gahrii shaam ye har lahza ba.Dhtii hu.ii taariikii!
qudarat ke sukuut-e-mujassam kii is haibat-zaa aaraa.ish se
vaadii ke zarre zarre kii ham-aaha.ngii kii numaa.ish se
har naqsh-e-shajar har fiil-numaa patthar duniyaa hai tilismo.n kii
had hii nahii.n aatii ko.ii nazar us turfa-fusuu.n kii qismo.n kii
har shai par KHvaab saa taarii hai aur mai.n huu.n sarf-e-be-KHvaabii
lene hii nahii.n detii dam mujh ko merii fitrat-e-siimaabii
ai kaash kabhii kam kar saktii mere bhii dil kii betaabii
ye shaam ye gahrii shaam ye har lahza ba.Dhtii hu.ii taariikii
mai.n masnuu.aat kaa parvaarda balki insaan bhii masnuu.ii
meraa saamaan bhii masnuu.ii meraa iimaan bhii masnuu.ii
basne vaalaa maidaano.n ke ha.ngaama-parvar shahro.n kaa
be-rabt sukuu.n se naa-vaaqif aur shoriida-sar shahro.n kaa
mai.n qudarat ke asraar-o-rumuuz-e-pinhaa.n se aagaah kahaa.n
is andhyaar ke athaah samundar kii mire dil me.n chaah kahaa.n
aur mujh ko dikhaatii hai nuur-e-haqiiqat ke jalva.o.n kii raah kahaa.n
ye shaam ye gahrii shaam ye har lahza ba.Dhtii hu.ii taariikii
ye manzar KHush-aa.ind to hai.n mai.n in se magar kyuu.n Dartaa huu.n
kyuu.n in kii dil-aavezii ko vahshat-naak tasavvur kartaa huu.n
kyuu.n mujh ko mayassar sang o shajar kaa saa bhii sukuun-e-qalb nahii.n
kyuu.n merii duniyaa is duniyaa se jaa ke basii hai duur kahii.n
kyuu.n mai.n ne Daalaa hai apne hii jii ko aap halaakat me.n
kyuu.n ho hii nahii.n jaataa mai.n KHud paivasta jahaan-e-qudarat me.n
kyuu.n le hii nahii.n letii mujh ko apnii aaGosh kii vus.at me.n
ye shaam ye gahrii taariikii ye har lahza ba.Dhtii hu.ii taariikii

Qayyum Nazar

Nazm

murghabi

Dhal gayaa din aur shabnam hai zamii.n par qatra-rez
gosha-e-maGrib me.n gulguu.n hai shafaq se aasmaa.n
pa.D rahii hai.n duur tak suuraj kii kirne.n zard zard
jaa rahii hai to akelii shaam ko u.Dtii kahaa.n
dekhtaa hai kyuu.n abas sayyaad suu-e-asmaa.n
yaas kii nazro.n se terii shaukat-e-parvaaz ko
arGavaa.n-zaar-falak ke manzar-e-KHush-ra.ng ne
kar diyaa hai aur dilkash tere naqsh-e-naaz ko
Dhuu.nDtii phirtii hai kyaa ko.ii suhaanaa aabshaar
yaa ki sar-garm talaash-e-daaman-e-dariyaa hai tuu
yaa kisii bahr-e-tamavvuj-KHez kii hai justujuu
yuu.n sukuut-e-shaam me.n kyuu.n aasmaa.n-paimaa hai tuu
tuu jo be-sang-e-nishaan-e-jaada-o-be-marhala
kar rahii hai aasmaa.n par qat.a tabqaat-e-havaa
u.D sake be-badraqa tuu ye kahaa.n terii majaal
ko.ii taaqat hai magar terii muqarrar rahnumaa
ai subuk-parvaaz! terii sur.at-e-parvaaz ne
tai kiye kitne hii din bhar sarv-tabqaat-e-nasiim
ho ke daamaanda zamii.n par gar na shahpar jo.D kar
shab kii zulmat kaa hai garche sar pe tuufaan-e-aziim
ho chukii terii mashaqqat KHatm tujh ko an-qariib
garmiyo.n kaa ik suhaanaa ghar milegaa KHush-gavaar
gaatii hogii chhoTii chi.Diyo.n me.n ham-aaha.ngii se tuu
aur nasheman par tire hogii niyastaa.n kii bahaar
ho ga.ii Gaa.eb fazaa-e-aasmaa.n me.n garche tuu
aur ab aa.nkho.n me.n hai teraa tasavvur yaadgaar
mai.n ne siikhaa hai sabaq lekin tirii parvaaz se
hai tariiq-e-zindagii me.n tuu mirii aamoz-gaar
mantiqaa se mantiqaa tak ai subuk-parvaaz-shauq
vus.at-e-auj-e-falak par hai jo teraa raahbar
mujh ko bhii le jaa.egaa vo manzil-e-maqsuud tak
jab karuu.ngaa jaada-e-hastii se mai.n tanhaa safar

Suroor Jahanabadi

Nazm

ye meri ghazlen ye meri nazmen

jo zindagii ke na.e safar me.n
tujhe kisii vaqt yaad aa.e.n
to ek ik harf jii uThegaa
pahan ke anfaas kii qabaa.e.n
udaas tanhaa.iyo.n ke lamho.n
me.n naach uTThe.ngii ye apsaraa.e.n
mujhe tire dard ke alaava bhii
aur dukh the ye maantaa huu.n
hazaar Gam the jo zindagii kii
talaash me.n the ye jaantaa huu.n
mujhe KHabar thii ki tere aa.nchal me.n
dard kii ret chhaantaa huu.n
magar har ik baar tujh ko chhuu kar
ye ret ra.ng-e-hinaa banii hai
ye zaKHm gulzaar ban ga.e hai.n
ye aah-e-sozaa.n ghaTaa banii hai
ye dard mauj-e-sabaa hu.aa hai
ye aag dil kii sadaa banii hai
aur ab ye saarii mataa-e-hastii
ye phuul ye zaKHm sab tire hai.n
ye dukh ke nauhe ye sukh ke naGme
jo kal mire the vo ab tire hai.n
jo terii qurbat tirii judaa.ii
me.n kaT ga.e roz-o-shab tire hai.n
vo teraa shaa.ir tiraa muGannii
vo jis kii baate.n ajiib sii thii.n
vo jis ke andaaz KHusravaana the
aur adaa.e.n Gariib sii thii.n
vo jis ke jiine kii KHvaahishe.n bhii
KHud us ke apne nasiib sii thii.n
na puuchh is kaa ki vo divaana
bahut dino.n kaa uja.D chukaa hai
vo kohkan to nahii.n thaa lekin
ka.Dii chaTaano.n se la.D chukaa hai
vo thak chukaa thaa aur us kaa tesha
usii ke siine me.n ga.D chukaa hai

Ahmad Faraz

Ghazal

murGaan-e-qafas ko phuulo.n ne ai 'shaad' ye kahlaa bhejaa hai
aa jaa.o jo tum ko aanaa ho aise me.n abhii shaadaab hai.n ham

Shad Azimabadi

Ghazal

suuraj ko cho.nch me.n liye murGaa kha.Daa rahaa
khi.Dkii ke parde khii.nch diye raat ho ga.ii

Nida Fazli

Ghazal

nasiim-e-zindagii ke soz se murjhaa.ii jaatii hai
ye hastii phuul kii ik pa.nkhu.Dii ma.aluum hotii hai

SEARCH RESULTS

POETS/AUTHORS/ARTISTS

MOST RELEVANT MATCHES FOR "murgaabii"

Nazm

Raja Mehdi Ali Khan

Nazm

Meeraji

Nazm

Jameel Usman

Nazm

Rubina Faisal

Masnavi

Meer Taqi Meer

DICTIONARY MATCHES

REKHTA DICTIONARY

murGaabii

muraadii

gurgaabii

guurgaabii

BOOKS MATCHES FOR "murgaabii"

MORE MATCHES FOR "murgaabii"

Nazm

Faragh Rohvi

Ghazal

Mohammad Izhar ul Haq

Nazm

Rubina Faisal

Nazm

Qayyum Nazar

Nazm

Suroor Jahanabadi

Nazm

Ahmad Faraz

Ghazal

Shad Azimabadi

Ghazal

Nida Fazli

Ghazal

Nushur Wahidi

Ghazal

Kaif Ahmed Siddiqui

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books