ابر شاعری پر اشعار

آئے کچھ ابر کچھ شراب آئے

اس کے بعد آئے جو عذاب آئے

گنگناتی ہوئی آتی ہیں فلک سے بوندیں

کوئی بدلی تری پازیب سے ٹکرائی ہے

یہ ایک ابر کا ٹکڑا کہاں کہاں برسے

تمام دشت ہی پیاسا دکھائی دیتا ہے

سبزہ و گل کہاں سے آئے ہیں

ابر کیا چیز ہے ہوا کیا ہے

ابر برسے تو عنایت اس کی

شاخ تو صرف دعا کرتی ہے

گو برستی نہیں سدا آنکھیں

ابر تو بارہ ماس ہوتا ہے

فلک پر اڑتے جاتے بادلوں کو دیکھتا ہوں میں

ہوا کہتی ہے مجھ سے یہ تماشا کیسا لگتا ہے

یا ابر کرم بن کے برس خشک زمیں پر

یا پیاس کے صحرا میں مجھے جینا سکھا دے

ہم نے برسات کے موسم میں جو چاہی توبہ

ابر اس زور سے گرجا کہ الٰہی توبہ

برسات کا مزا ترے گیسو دکھا گئے

عکس آسمان پر جو پڑا ابر چھا گئے

اٹھا جو ابر دل کی امنگیں چمک اٹھیں

لہرائیں بجلیاں تو میں لہرا کے پی گیا

ابر کی تیرگی میں ہم کو تو

سوجھتا کچھ نہیں سوائے شراب

دعائیں مانگی ہیں ساقی نے کھول کر زلفیں

بسان دست کرم ابر دجلہ بار برس

دشت پھر کیوں نہیں رہے آباد

ابر آزاد ہے ہوا محفوظ