Sher on Haar

maiñ sach kahūñgī magar phir bhī haar jā.ūñgī

vo jhuuT bolegā aur lā-javāb kar degā

main sach kahungi magar phir bhi haar jaungi

wo jhuT bolega aur la-jawab kar dega

ab ke milī shikast mirī or se mujhe

jitvā diyā gayā kisī kamzor se mujhe

ab ke mili shikast meri or se mujhe

jitwa diya gaya kisi kamzor se mujhe

pahāḌ kāTne vaale zamīñ se haar ga.e

isī zamīn meñ dariyā samā.e haiñ kyā kyā

pahaD kaTne wale zamin se haar gae

isi zamin mein dariya samae hain kya kya

ham aaj rāh-e-tamannā meñ jī ko haar aa.e

na dard-o-ġham kā bharosā rahā na duniyā kā

hum aaj rah-e-tamanna mein ji ko haar aae

na dard-o-gham ka bharosa raha na duniya ka

dil sā vahshī kabhī qaabū meñ na aayā yaaro

haar kar baiTh ga.e jaal bichhāne vaale

dil sa wahshi kabhi qabu mein na aaya yaro

haar kar baiTh gae jal bichhane wale

yārān-e-be-bisāt ki har bāzī-e-hayāt

khele baġhair haar ga.e maat ho ga.ī

yaran-e-be-bisat ki har bazi-e-hayat

khele baghair haar gae mat ho gai

dushman mujh par ġhālib bhī aa saktā hai

haar mirī majbūrī bhī ho saktī hai

dushman mujh par ghaalib bhi aa sakta hai

haar meri majburi bhi ho sakti hai

vo intiqām kī ātish thī mere siine meñ

milā na koī to ḳhud ko pachhāḌ aayā huuñ

wo intiqam ki aatish thi mere sine mein

mila na koi to KHud ko pachhaD aaya hun

bahut ġhurūr thā sūraj ko apnī shiddat par

so ek pal hī sahī bādaloñ se haar gayā

bahut ghurur tha suraj ko apni shiddat par

so ek pal hi sahi baadalon se haar gaya

āḳhirī lamhāt meñ kyā sochne lagte ho tum

jiit ke nazdīk aa kar haar jaayā mat karo

aaKHiri lamhat mein kya sochne lagte ho tum

jit ke nazdik aa kar haar jaya mat karo