Mehfil Shayari

A mehfil brings people of the same feather and they enjoy their togetherness for a moment which fills their lives with pleasure. We have made a selection of some verses on mehfil which you would enjoy reading here.

ek mahfil meñ ka.ī mahfileñ hotī haiñ sharīk

jis ko bhī paas se dekhoge akelā hogā

ek mahfil mein kai mahfilen hoti hain sharik

jis ko bhi pas se dekhoge akela hoga

Nida Fazli

shab-e-visāl hai gul kar do in charāġhoñ ko

ḳhushī bazm meñ kyā kaam jalne vāloñ

shab-e-visal hai gul kar do in charaghon ko

KHushi ki bazm mein kya kaam jalne walon ka

Dagh Dehlvi

sunā hai terī mahfil meñ sukūn-e-dil bhī miltā hai

magar ham jab tirī mahfil se aa.e be-qarār aa.e

suna hai teri mahfil mein sukun-e-dil bhi milta hai

magar hum jab teri mahfil se aae be-qarar aae

Unknown

fareb-e-sāqi-e-mahfil na pūchhiye 'majrūh'

sharāb ek hai badle hue haiñ paimāne

fareb-e-saqi-e-mahfil na puchhiye 'majruh'

sharab ek hai badle hue hain paimane

Majrooh Sultanpuri

jalva-gar bazm-e-hasīnāñ meñ haiñ vo is shaan se

chāñd jaise ai 'qamar' tāroñ bharī mahfil meñ hai

jalwa-gar bazm-e-hasinan mein hain wo is shan se

chand jaise ai 'qamar' taron bhari mahfil mein hai

Qamar Jalalvi

hai aadmī bajā.e ḳhud ik mahshar-e-ḳhayāl

ham anjuman samajhte haiñ ḳhalvat kyuuñ na ho

hai aadmi bajae KHud ek mahshar-e-KHayal

hum anjuman samajhte hain KHalwat hi kyun na ho

Mirza Ghalib

mujh tak us mahfil meñ phir jām-e-sharāb aane ko hai

umr-e-rafta palTī aatī hai shabāb aane ko hai

mujh tak us mahfil mein phir jam-e-sharab aane ko hai

umr-e-rafta palTi aati hai shabab aane ko hai

Fani Badayuni

koī nālāñ koī giryāñ koī bismil ho gayā

us ke uThte digar-gūñ rañg-e-mahfil ho gayā

koi nalan koi giryan koi bismil ho gaya

us ke uThte hi digar-gun rang-e-mahfil ho gaya

Abul Kalam Azad

jaane kyā mahfil-e-parvāna meñ dekhā us ne

phir zabāñ khul na sakī sham.a jo ḳhāmosh huī

jaane kya mahfil-e-parwana mein dekha us ne

phir zaban khul na saki shama jo KHamosh hui

Aleem Masroor

tumhārī bazm se nikle to ham ne ye sochā

zamīñ se chāñd talak kitnā fāsla hogā

tumhaari bazm se nikle to hum ne ye socha

zamin se chand talak kitna fasla hoga

Kafeel Aazar Amrohvi

uTh ke us bazm se aa jaanā kuchh āsān na thā

ek dīvār se niklā huuñ jo dar se niklā

uTh ke us bazm se aa jaana kuchh aasan na tha

ek diwar se nikla hun jo dar se nikla

Aleem Masroor

Added to your favorites

Removed from your favorites