Sher on Shama
A lamp burns all night
and spreads its light silently. No one cares what the lamp suffers through to spread that light. No one even bothers to think about how it faces the dark night to do what it is destined to do. Poets have used the lamp as a strong metaphor in their poetry. They have also elaborated the symbolic relationship between the moth and itself and in this process, they have commented upon the philosophy of life itself that is characterized both by deprivation and fulfillment.
sab ik charāġh ke parvāne honā chāhte haiñ
ajiib log haiñ dīvāne honā chāhte haiñ
sab ek charagh ke parwane hona chahte hain
ajib log hain diwane hona chahte hain
-
Tags : Diwangiand 1 more
hotī kahāñ hai dil se judā dil kī aarzū
jaatā kahāñ hai sham.a ko parvāna chhoḌ kar
hoti kahan hai dil se juda dil ki aarzu
jata kahan hai shama ko parwana chhoD kar
-
Tags : Aarzooand 2 more
tū kahīñ ho dil-e-dīvāna vahāñ pahuñchegā
sham.a hogī jahāñ parvāna vahāñ pahuñchegā
tu kahin ho dil-e-diwana wahan pahunchega
shama hogi jahan parwana wahan pahunchega
ai sham.a terī umr-e-tābī.ī hai ek raat
hañs kar guzār yā ise ro kar guzār de
ai shama teri umr-e-tabii hai ek raat
hans kar guzar ya ise ro kar guzar de
parvānoñ kā to hashr jo honā thā ho chukā
guzrī hai raat sham.a pe kyā dekhte chaleñ
parwanon ka to hashr jo hona tha ho chuka
guzri hai raat shama pe kya dekhte chalen
sham.a māshūqoñ ko sikhlātī hai tarz-e-āshiqī
jal ke parvāne se pahle bujh ke parvāne ke ba.ad
shama mashuqon ko sikhlati hai tarz-e-ashiqi
jal ke parwane se pahle bujh ke parwane ke baad
sham.a jis aag meñ jaltī hai numā.ish ke liye
ham usī aag meñ gum-nām se jal jaate haiñ
the fire,that the flame burns in, for all to see
In that very fire I do burn but namelessly
shama jis aag mein jalti hai numaish ke liye
hum usi aag mein gum-nam se jal jate hain
the fire,that the flame burns in, for all to see
In that very fire I do burn but namelessly
yuuñ to jal bujhne meñ donoñ haiñ barābar lekin
vo kahāñ sham.a meñ jo aag hai parvāne meñ
yun to jal bujhne mein donon hain barabar lekin
wo kahan shama mein jo aag hai parwane mein
ḳhud hī parvāne jal ga.e varna
sham.a jaltī hai raushnī ke liye
the moths got burned in their own plight
the flame just burns to shed some light
KHud hi parwane jal gae warna
shama jalti hai raushni ke liye
the moths got burned in their own plight
the flame just burns to shed some light
-
Tags : Parwanaand 1 more
sham.a ke mānind ham is bazm meñ
chashm-e-tar aa.e the dāman-tar chale
shama ke manind hum is bazm mein
chashm-e-tar aae the daman-tar chale
mat karo sham.a kuuñ badnām jalātī vo nahīñ
aap siiñ shauq patañgoñ ko hai jal jaane kā
cast not blame upon the flame it doesn’t burn to sear
the moths are
mat karo shama kun badnam jalati wo nahin
aap sin shauq patangon ko hai jal jaane ka
cast not blame upon the flame it doesn’t burn to sear
the moths are
jaane kyā mahfil-e-parvāna meñ dekhā us ne
phir zabāñ khul na sakī sham.a jo ḳhāmosh huī
jaane kya mahfil-e-parwana mein dekha us ne
phir zaban khul na saki shama jo KHamosh hui
-
Tags : Mehfiland 1 more
parvāne aa hī jā.eñge khiñch kar ba-jabr-e-ishq
mahfil meñ sirf sham.a jalāne kī der hai
parwane aa hi jaenge khinch kar ba-jabr-e-ishq
mahfil mein sirf shama jalane ki der hai
sham.a par ḳhuun kā ilzām ho sābit kyūñ-kar
phūñk dī laash bhī kambaḳht ne parvāne kī
shama par KHun ka ilzam ho sabit kyun-kar
phunk di lash bhi kambaKHt ne parwane ki
ḳhud bhī jaltī hai agar us ko jalātī hai ye
kam kisī tarah nahīñ sham.a bhī parvāne se
it aslo burns itself if it sears him
the flame is not lesser than the moth in any way
KHud bhi jalti hai agar us ko jalati hai ye
kam kisi tarah nahin shama bhi parwane se
it aslo burns itself if it sears him
the flame is not lesser than the moth in any way
-
Tag : Parwana
parvāne kī tapish ne ḳhudā jaane kaan meñ
kyā kah diyā ki sham.a ke sar se dhuāñ uThā
parwane ki tapish ne KHuda jaane kan mein
kya kah diya ki shama ke sar se dhuan uTha
-
Tag : Parwana
ai sham.a sub.h hotī hai rotī hai kis liye
thoḌī sī rah ga.ī hai ise bhī guzār de
ai shama subh hoti hai roti hai kis liye
thoDi si rah gai hai ise bhi guzar de
raushnī jab se mujhe chhoḌ ga.ī
sham.a rotī hai sirhāne mere
raushni jab se mujhe chhoD gai
shama roti hai sirhane mere
ḳhayāl tak na kiyā ahl-e-anjuman ne zarā
tamām raat jalī sham.a anjuman ke liye
KHayal tak na kiya ahl-e-anjuman ne zara
tamam raat jali shama anjuman ke liye
ḳhaak kar deve jalā kar pahle phir Tisve bahā.e
sham.a majlis meñ baḌī dil-soz parvāne kī hai
KHak kar dewe jala kar pahle phir Tiswe bahae
shama majlis mein baDi dil-soz parwane ki hai
-
Tag : Parwana
sham.a kā shāna-e-iqbāl hai taufīq-e-karam
ġhuncha gul hote hī ḳhud sāhab-e-zar hotā hai
shama ka shana-e-iqbaal hai taufiq-e-karam
ghuncha gul hote hi KHud sahab-e-zar hota hai
raat us kī mahfil meñ sar se jal ke paañv tak
sham.a kī pighal charbī ustuḳhāñ nikal aa.ī
raat us ki mahfil mein sar se jal ke panw tak
shama ki pighal charbi ustuKHan nikal aai
