Tahzeeb Hafi - Nayi awaazon mein ek aawaaz
Urdu Poetry's garden is blooming like never before. Many young poets are taking Shayari a step forward. Tahzeeb is one of them, who is touching the heart of millions. Here are a few selected couplets from his library of poems.
maiñ ki kāġhaz kī ek kashtī huuñ
pahlī bārish hī āḳhirī hai mujhe
main ki kaghaz ki ek kashti hun
pahli barish hi aaKHiri hai mujhe
terā chup rahnā mire zehn meñ kyā baiTh gayā
itnī āvāzeñ tujhe diiñ ki galā baiTh gayā
tera chup rahna mere zehn mein kya baiTh gaya
itni aawazen tujhe din ki gala baiTh gaya
ye ek baat samajhne meñ raat ho ga.ī hai
maiñ us se jiit gayā huuñ ki maat ho ga.ī hai
TRANSLATION
Nightfall occurred in knowing this feat,
Have I attained victory or this is a defeat.
Sagar Akbarabadi
ye ek baat samajhne mein raat ho gai hai
main us se jit gaya hun ki mat ho gai hai
TRANSLATION
Nightfall occurred in knowing this feat,
Have I attained victory or this is a defeat.
Sagar Akbarabadi
apnī mastī meñ bahtā dariyā huuñ
maiñ kināra bhī huuñ bhañvar bhī huuñ
apni masti mein bahta dariya hun
main kinara bhi hun bhanwar bhi hun
dāstāñ huuñ maiñ ik tavīl magar
tū jo sun le to muḳhtasar bhī huuñ
dastan hun main ek tawil magar
tu jo sun le to muKHtasar bhi hun
batā ai abr musāvāt kyuuñ nahīñ kartā
hamāre gaañv meñ barsāt kyuuñ nahīñ kartā
bata ai abr musawat kyun nahin karta
hamare ganw mein barsat kyun nahin karta
-
Tag : Gaon
ik tirā hijr dā.imī hai mujhe
varna har chiiz aarzī hai mujhe
ek tera hijr daimi hai mujhe
warna har chiz aarzi hai mujhe
tamām nāḳhudā sāhil se duur ho jaa.eñ
samundaroñ se akele meñ baat karnī hai
tamam naKHuda sahil se dur ho jaen
samundaron se akele mein baat karni hai
maiñ jañgaloñ kī taraf chal paḌā huuñ chhoḌ ke ghar
ye kyā ki ghar kī udāsī bhī saath ho ga.ī hai
main jangalon ki taraf chal paDa hun chhoD ke ghar
ye kya ki ghar ki udasi bhi sath ho gai hai
peḌ mujhe hasrat se dekhā karte the
maiñ jañgal meñ paanī laayā kartā thā
peD mujhe hasrat se dekha karte the
main jangal mein pani laya karta tha
maiñ jis ke saath ka.ī din guzār aayā huuñ
vo mere saath basar raat kyuuñ nahīñ kartā
main jis ke sath kai din guzar aaya hun
wo mere sath basar raat kyun nahin karta
tujh ko paane meñ mas.ala ye hai
tujh ko khone ke vasvase raheñge
tujh ko pane mein masala ye hai
tujh ko khone ke waswase rahenge
maiñ suḳhan meñ huuñ us jagah ki jahāñ
saañs lenā bhī shā.irī hai mujhe
main suKHan mein hun us jagah ki jahan
sans lena bhi shairi hai mujhe
sahrā se ho ke baaġh meñ aayā huuñ sair ko
hāthoñ meñ phuul haiñ mire paañv meñ ret hai
sahra se ho ke bagh mein aaya hun sair ko
hathon mein phul hain mere panw mein ret hai
is liye raushnī meñ ThanDak hai
kuchh charāġhoñ ko nam kiyā gayā hai
is liye raushni mein ThanDak hai
kuchh charaghon ko nam kiya gaya hai
āsmāñ aur zamīñ kī vus.at dekh
maiñ idhar bhī huuñ aur udhar bhī huuñ
aasman aur zamin ki wusat dekh
main idhar bhi hun aur udhar bhi hun
niiñd aisī ki raat kam paḌ jaa.e
ḳhvāb aisā ki muñh khulā rah jaa.e
nind aisi ki raat kam paD jae
KHwab aisa ki munh khula rah jae
-
Tag : Raat
mujh pe kitne sānahe guzre par in āñkhoñ ko kyā
merā dukh ye hai ki merā ham-safar rotā na thā
mujh pe kitne sanahe guzre par in aankhon ko kya
mera dukh ye hai ki mera ham-safar rota na tha
merī naqleñ utārne lagā hai
ā.īne kā batāo kyā kiyā jaa.e
meri naqlen utarne laga hai
aaine ka batao kya kiya jae
-
Tag : Aaina
kyā mujh se bhī aziiz hai tum ko diye kī lau
phir to merā mazār bane aur diyā jale
kya mujh se bhi aziz hai tum ko diye ki lau
phir to mera mazar bane aur diya jale
mire hāthoñ se lag kar phuul miTTī ho rahe haiñ
mirī āñkhoñ se dariyā dekhnā sahrā lagegā
mere hathon se lag kar phul miTTi ho rahe hain
meri aankhon se dariya dekhna sahra lagega
