جو لونڈا چھوڑ کر رنڈی کو چاہے

وہ کوئی عاشق نہیں ہے بوالہوس ہے

دور خاموش بیٹھا رہتا ہوں

اس طرح حال دل کا کہتا ہوں

تمہارے لوگ کہتے ہیں کمر ہے

کہاں ہے کس طرح کی ہے کدھر ہے

آج یاروں کو مبارک ہو کہ صبح عید ہے

راگ ہے مے ہے چمن ہے دل ربا ہے دید ہے

قول آبروؔ کا تھا کہ نہ جاؤں گا اس گلی

ہو کر کے بے قرار دیکھو آج پھر گیا

بوساں لباں سیں دینے کہا کہہ کے پھر گیا

پیالہ بھرا شراب کا افسوس گر گیا

تم نظر کیوں چرائے جاتے ہو

جب تمہیں ہم سلام کرتے ہیں

افسوس ہے کہ بخت ہمارا الٹ گیا

آتا تو تھا پے دیکھ کے ہم کوں پلٹ گیا

جلتا ہے اب تلک تری زلفوں کے رشک سے

ہر چند ہو گیا ہے چمن کا چراغ گل

خداوندا کرم کر فضل کر احوال پر میرے

نظر کر آپ پر مت کر نظر افعال پر میرے

غم سیں اہل بیت کے جی تو ترا کڑھتا نہیں

یوں عبث پڑھتا پھرا جو مرثیہ تو کیا ہوا

کیا سبب تیرے بدن کے گرم ہونے کا سجن

عاشقوں میں کون جلتا تھا گلے کس کے لگا

مفلسی سیں اب زمانے کا رہا کچھ حال نئیں

آسماں چرخی کے جوں پھرتا ہے لیکن مال نئیں

اگر دیکھے تمہاری زلف لے ڈس

الٹ جاوے کلیجا ناگنی کا

یوں آبروؔ بناوے دل میں ہزار باتیں

جب رو بہ رو ہو تیرے گفتار بھول جاوے

نمکیں گویا کباب ہیں پھیکے شراب کے

بوسا ہے تجھ لباں کا مزیدار چٹ پٹا

تم یوں سیاہ چشم اے سجن مکھڑے کے جھمکوں سے ہوئے

خورشید نیں گرمی گری تب تو ہرن کالا ہوا

بوسے میں ہونٹ الٹا عاشق کا کاٹ کھایا

تیرا دہن مزے سیں پر ہے پے ہے کٹورا

دکھائی خواب میں دی تھی ٹک اک منہ کی جھلک ہم کوں

نہیں طاقت انکھیوں کے کھولنے کی اب تلک ہم کوں

اس وقت جان پیارے ہم پاوتے ہیں جی سا

لگتا ہے جب بدن سے تیرے بدن ہمارا

یارو ہمارا حال سجن سیں بیاں کرو

ایسی طرح کرو کہ اسے مہرباں کرو

اس وقت دل پہ کیوں کے کہوں کیا گزر گیا

بوسہ لیتے لیا تو سہی لیک مر گیا

جب کہ ایسا ہو گندمی معشوق

نت گنہ گار کیوں نہ ہو آدم

دلی میں درد دل کوں کوئی پوچھتا نہیں

مجھ کوں قسم ہے خواجہ قطب کے مزار کی

قد سرو چشم نرگس رخ گل دہان غنچہ

کرتا ہوں دیکھ تم کوں سیر چمن ممولا

عشق کی صف منیں نمازی سب

آبروؔ کو امام کرتے ہیں

مل گئیں آپس میں دو نظریں اک عالم ہو گیا

جو کہ ہونا تھا سو کچھ انکھیوں میں باہم ہو گیا

دل دار کی گلی میں مکرر گئے ہیں ہم

ہو آئے ہیں ابھی تو پھر آ کر گئے ہیں ہم

کیوں تری تھوڑی سی گرمی سیں پگھل جاوے ہے جاں

کیا تو نیں سمجھا ہے عاشق اس قدر ہے موم کا

ڈر خدا سیں خوب نئیں یہ وقت قتل عام کوں

صبح کوں کھولا نہ کر اس زلف خون آشام کوں

طواف کعبۂ دل کر نیاز و خاکساری سیں

وضو درکار نئیں کچھ اس عبادت میں تیمم کر

غم کے پیچھو راست کہتے ہیں کہ شادی ہووے ہے

حضرت رمضاں گئے تشریف لے اب عید ہے

کبھی بے دام ٹھہراویں کبھی زنجیر کرتے ہیں

یہ نا شاعر تری زلفاں کوں کیا کیا نام دھرتے ہیں

جو کہ بسم اللہ کر کھائے طعام

تو ضرر نئیں گو کہ ہووے بس ملا

ٹیسو کے پھول دشنۂ خونی ہوے اسے

برہن کے جی کوں ہے یہ کسائی بسنت رت

آغوش سیں سجن کے ہمن کوں کیا کنار

ماروں گا اس رقیب کوں چھڑیوں سے گود گود

تمہارے لب کی سرخی لعل کی مانند اصلی ہے

اگر تم پان اے پیارے نہ کھاؤ گے تو کیا ہوگا

غم سے ہم سوکھ جب ہوئے لکڑی

دوستی کا نہال ڈال کاٹ

عشق کا تیر دل میں لاگا ہے

درد جو ہووتا تھا بھاگا ہے

تمہارے دل میں کیا نامہربانی آ گئی ظالم

کہ یوں پھینکا جدا مجھ سے پھڑکتی مچھلی کو جل سیں

جنگل کے بیچ وحشت گھر میں جفا و کلفت

اے دل بتا کہ تیرے مارے ہم اب کدھر جاں

اب دین ہوا زمانہ سازی

آفاق تمام دہریا ہے

دل کب آوارگی کو بھولا ہے

خاک اگر ہو گیا بگولا ہے

کیوں ملامت اس قدر کرتے ہو بے حاصل ہے یہ

لگ چکا اب چھوٹنا مشکل ہے اس کا دل ہے یہ

ترے رخسارۂ سیمیں پہ مارا زلف نے کنڈل

لیا ہے اژدہا نیں چھین یارو مال عاشق کا

تمہارے دیکھنے کے واسطے مرتے ہیں ہم کھل سیں

خدا کے واسطے ہم سیں ملو آ کر کسی چھل سیں

کیا ہے چاک دل تیغ تغافل سیں تجھ انکھیوں نیں

نگہ کے رشتہ و سوزن سوں پلکاں کے رفو کیجے

کم مت گنو یہ بخت سیاہوں کا رنگ زرد

سونا وہی جو ہووے کسوٹی کسا ہوا

ساتھ میرے تیرے جو دکھ تھا سو پیارے عیش تھا

جب سیں تو بچھڑا ہے تب سیں عیش سب غم ہو گیا

کوئل نیں آ کے کوک سنائی بسنت رت

بورائے خاص و عام کہ آئی بسنت رت