saarī duniyā tirī hoñToñ kī hañsī meñ gum hai

kaun dekhegā mirī aañkh ke paanī kī taraf

sari duniya teri honTon ki hansi mein gum hai

kaun dekhega meri aankh ke pani ki taraf

pyāsī bahut thiiñ hasrateñ lo aaj mar ga.iiñ

bārish kā intizār thā vo bhī nahīñ rahā

pyasi bahut thin hasraten lo aaj mar gain

barish ka intizar tha wo bhi nahin raha

zindagī zulf nahīñ thī jo sañvārī jaatī

zindagī aur ulajhtī ga.ī suljhāne meñ

zindagi zulf nahin thi jo sanwari jati

zindagi aur ulajhti gai suljhane mein

āḳhir tire savāl kā maiñ kyā javāb duuñ

ai mere ham-ḳhayāl zarā sochne to de

aaKHir tere sawal ka main kya jawab dun

ai mere ham-KHayal zara sochne to de

pahle pahle ḳhuub mohabbat kī ham ne

phir ham donoñ ne ye rasta chhoḌ diyā

pahle pahle KHub mohabbat ki hum ne

phir hum donon ne ye rasta chhoD diya

maiñ ne dekhā to nahīñ 'mīr' kā dīvān magar

jāntā huuñ tirī āñkhoñ kī tarah hotā hai

main ne dekha to nahin 'mir' ka diwan magar

jaanta hun teri aankhon ki tarah hota hai

vo jis se maut nikālegī ek din aa kar

tumheñ ḳhabar hai usī zindagī kī qaid meñ huuñ

wo jis se maut nikalegi ek din aa kar

tumhein KHabar hai usi zindagi ki qaid mein hun

kyoñ zulm kartī hai duniyā ham ishq vāloñ par

ham ishq karte haiñ koī ḳhatā nahīñ karte

kyon zulm karti hai duniya hum ishq walon par

hum ishq karte hain koi KHata nahin karte

us kī āñkhoñ se niiñd ġhā.eb hai

aur maiñ shak ke dā.ere meñ huuñ

us ki aankhon se nind ghaeb hai

aur main shak ke daere mein hun

maiñ ne ukhāḌ pheñke haiñ baazū se aise par

jo bojh the kabhī mirī ūñchī uḌaan meñ

main ne ukhaD phenke hain bazu se aise par

jo bojh the kabhi meri unchi uDan mein

dūriyāñ tum ne hī baḌhā.ī thiiñ

ham to apnī jagah pe Thahre haiñ

duriyan tum ne hi baDhai thin

hum to apni jagah pe Thahre hain

āḳhirī nuqsān thā tū zindagī kā

maiñ ne tere baa'd kuchh khoyā nahīñ hai

aaKHiri nuqsan tha tu zindagi ka

main ne tere ba'd kuchh khoya nahin hai

laḌkiyāñ haiñ bas itnī hī āzād

machhliyāñ jitnī martabānoñ meñ

laDkiyan hain bas itni hi aazad

machhliyan jitni martabanon mein

mo'jiza aur bhalā is se baḌā kyā hogā

dard is dil meñ hai girte haiñ tumhāre aañsū

mo'jiza aur bhala is se baDa kya hoga

dard is dil mein hai girte hain tumhaare aansu

kyā zarūrat hai zamāne meñ kisī dushman kī

dost kyā kam haiñ yahāñ aag lagāne vaale

kya zarurat hai zamane mein kisi dushman ki

dost kya kam hain yahan aag lagane wale

kyā hamārī baat ham kis kaam ke

sab bharose chal rahā shrī raam ke

kya hamari baat hum kis kaam ke

sab bharose chal raha shri ram ke

āñkhoñ ne āñsuoñ kā tabarruk luTā diyā

dil ke mazār par tirī yādoñ kā ‘urs hai

aankhon ne aansuon ka tabarruk luTa diya

dil ke mazar par teri yaadon ka ‘urs hai

kaam ho to kaam karnā vaqt ho to shā'irī

naukrī apnī jagah hai shā'irī apnī jagah

kaam ho to kaam karna waqt ho to sha'iri

naukri apni jagah hai sha'iri apni jagah

zindagī ke sab sahāre aap ke

ham bhī haiñ saare ke saare aap ke

zindagi ke sab sahaare aap ke

hum bhi hain sare ke sare aap ke

tere jaane ke baa'd jaanā hai

zindagī hai safar udāsī kā

tere jaane ke ba'd jaana hai

zindagi hai safar udasi ka

jis ke dam se thī jism kī raunaq

us udāsī ke haath piile hue

jis ke dam se thi jism ki raunaq

us udasi ke hath pile hue

laboñ pe naach rahā thā magar kahā na gayā

maiñ aisā harf huuñ jis ko kabhī likhā na gayā

labon pe nach raha tha magar kaha na gaya

main aisa harf hun jis ko kabhi likha na gaya

ik tabassum se ashk-bārī tak

aa gayā husn hoshiyārī tak

ek tabassum se ashk-bari tak

aa gaya husn hoshiyari tak

kam se kam itnā ishāra to karo jaate hue

tum kabhī yaad jo aao to kise yaad kareñ

kam se kam itna ishaara to karo jate hue

tum kabhi yaad jo aao to kise yaad karen

do baar laboñ ne bhī aapas meñ liye bose

jab naam liyā maiñ ne ik baar mohammad kā

do bar labon ne bhi aapas mein liye bose

jab nam liya main ne ek bar mohammad ka