aaj kī raat divālī hai diye raushan haiñ

aaj kī raat ye lagtā hai maiñ so saktā huuñ

aaj ki raat diwali hai diye raushan hain

aaj ki raat ye lagta hai main so sakta hun

zaḳhm jo tum ne diyā vo is liye rakkhā harā

zindagī meñ kyā bachegā zaḳhm bhar jaane ke ba.ad

zaKHm jo tum ne diya wo is liye rakkha hara

zindagi mein kya bachega zaKHm bhar jaane ke baad

vaqt-e-ruḳhsat āb-dīda aap kyuuñ haiñ

jism se to jaañ hamārī jā rahī hai

waqt-e-ruKHsat aab-dida aap kyun hain

jism se to jaan hamari ja rahi hai

maiñ ne ik shahr hamesha ke liye chhoḌ diyā

lekin us shahr ko ā.ankhoñ meñ basā laayā huuñ

main ne ek shahr hamesha ke liye chhoD diya

lekin us shahr ko aaankhon mein basa laya hun

yuuñ baar baar mujh ko sadā.eñ na dījiye

ab vo nahīñ rahā huuñ koī dūsrā huuñ maiñ

yun bar bar mujh ko sadaen na dijiye

ab wo nahin raha hun koi dusra hun main

āñsuoñ se likh rahe haiñ bebasī kī dāstāñ

lag rahā hai dard kī tasvīr ban jā.eñge ham

aansuon se likh rahe hain bebasi ki dastan

lag raha hai dard ki taswir ban jaenge hum

saare dukh so jā.eñge lekin ik aisā ġham bhī hai

jo mire bistar pe sadiyoñ kā safar rakh jā.egā

sare dukh so jaenge lekin ek aisa gham bhi hai

jo mere bistar pe sadiyon ka safar rakh jaega

zindagī merī mujhe qaid kiye detī hai

is ko Dar hai maiñ kisī aur kā ho saktā huuñ

zindagi meri mujhe qaid kiye deti hai

is ko Dar hai main kisi aur ka ho sakta hun

ajiib hālat hai jism-o-jāñ kī hazār pahlū badal rahā huuñ

vo mere andar utar gayā hai maiñ ḳhud se bāhar nikal rahā huuñ

ajib haalat hai jism-o-jaan ki hazar pahlu badal raha hun

wo mere andar utar gaya hai main KHud se bahar nikal raha hun

shab kī āġhosh meñ mahtāb utārā us ne

merī ā.ankhoñ meñ koī ḳhvāb utārā us ne

shab ki aaghosh mein mahtab utara us ne

meri aaankhon mein koi KHwab utara us ne

ye jo dīvār añdheroñ ne uThā rakkhī hai

merā maqsad isī dīvār meñ dar karnā hai

ye jo diwar andheron ne uTha rakkhi hai

mera maqsad isi diwar mein dar karna hai

mere jism se vaqt ne kapḌe noch liye

manzar manzar ḳhud merī poshāk huā

mere jism se waqt ne kapDe noch liye

manzar manzar KHud meri poshak hua

agar saa.e se jal jaane kā itnā ḳhauf thā to phir

sahar hote hī sūraj kī nigahbānī meñ aa jaate

agar sae se jal jaane ka itna KHauf tha to phir

sahar hote hi suraj ki nigahbani mein aa jate

maiñ us ko DhūñDhne niklā to ḳhud ko le aayā

vo merī zaat ke andar kahīñ chhupā niklā

main us ko DhunDhne nikla to KHud ko le aaya

wo meri zat ke andar kahin chhupa nikla

ye naqlī sajde ye dast-bosī ye jhūTī 'izzat tumheñ mubārak

ham ek miTTī ke aadmī haiñ mazār hone se Dar rahe haiñ

ye naqli sajde ye dast-bosi ye jhuTi 'izzat tumhein mubarak

hum ek miTTi ke aadmi hain mazar hone se Dar rahe hain

sīna-e-sabr pe ik bār-e-alam rah gayā hai

ek pattā hī sahī shāḳh pe nam rah gayā hai

sina-e-sabr pe ek bar-e-alam rah gaya hai

ek patta hi sahi shaKH pe nam rah gaya hai

parinde yādoñ ke aate haiñ lauT jaate haiñ

badan kī ret pe koī shajar zarūrī hai

parinde yaadon ke aate hain lauT jate hain

badan ki ret pe koi shajar zaruri hai

raushniyāñ chalī ga.iiñ shaam ke eqtidār meñ

tīra-shabī kā azhdahā saare diye nigal gayā

raushniyan chali gain sham ke eqtidar mein

tira-shabi ka azhdaha sare diye nigal gaya

utar hī jā.egā ik din ḳhumār gandum kā

ye kyā ki har ghaḌī raftār-e-jāñ ko takte raho

utar hi jaega ek din KHumar gandum ka

ye kya ki har ghaDi raftar-e-jaan ko takte raho

vo chāñd sī hatheliyāñ vo raushnī sī uñgliyāñ

ye kis ne mujh ko chhū liyā bujhe charāġh jal ga.e

wo chand si hatheliyan wo raushni si ungliyan

ye kis ne mujh ko chhu liya bujhe charagh jal gae

vahī sharāb se ḳhālī gilās bharte hue

maiñ chaḌh rahā huuñ abhī sīḌhiyāñ utarte hue

wahi sharab se KHali gilas bharte hue

main chaDh raha hun abhi siDhiyan utarte hue