Search result for "ham-dam-o-ham-sukhan" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ham-dam-o-ham-sukhan"

Nazm MATCHES FOR "ham-dam-o-ham-sukhan"

Nazm

shahr-panah

ai ham-suKHan
KHaamosh rah
aahaT na kar
ye raat hai
yaa raat kaa ik 'aks hai

Hammad Younus

Nazm

fitrat-e-dushman

hai daaKHil fitrat-e-mun.im me.n naadaaro.n ko ta.Dpaanaa
sar-e-paa-e-hiqaarat se har ik bekas ko Thukraanaa
hai fitrat dushmanaan-e-diin-o-iimaan-o-haqiiqat kii
vatan se kar ke Gaddaarii muluukiyyat se mil jaanaa
dilo.n me.n tuKHm-rezii ho chukii hai jab kuduurat kii
bhalaa dushvaar kyaa hai aise naKHl-e-tar kaa ba.Dh jaanaa
binaa-e-hurriyat kii ustuvaarii kii thii jab ham ne
sar-e-'daas'-o-bhagat-singh de diye the qabl nazraana
ko.ii kah de hukuumat se na uljhe naujavaano.n se
inhe.n sikhlaa diyaa hai zulm ne zaalim se Takraanaa
yaqiinan inqalaab-e-hind hogaa ai 'suKHan' hogaa
hame.n zebaa hai apne ghar me.n jhanDaa surKH lahraanaa

Tika Ram Sukhan

Nazm

ishwar pararthna

jel-KHaano.n me.n hu.e jaate hai.n ab behaal se
saKHtiyo.n se jabr se aur bhuuk kii ha.Dtaal se
kyaa bataa.e.n haal ai KHaaliq zabaan-e-haal se
aa rahii hai ye sadaa punjab se bangaal se
vaqf zindaa.n kar diye hai.n be-gunaaho.n ke liye
naunihaalaan-e-vatan ke peshvaa.o.n ke liye

Tika Ram Sukhan

Nazm

furqat-e-das

huuk sii uThtii hu.ii dil me.n numaayaa.n dekhnaa
dard-o-kulfat aur jigar me.n zaKHm-e-KHandaa.n dekhnaa
be-bahaa Gam me.n mujhe hotaa pareshaa.n dekhnaa
merii aa.nkhe.n ashk-zaar-e-KHuu.n me.n giryaa.n dekhnaa
par na mujh se puuchhnaa mere dil-e-mahzuu.n kaa haal
ham-nashiino shaaq guzregii ye varna qiil-o-qaal

Tika Ram Sukhan

Nazm

wahi to lamha tha faisle ka

ki jin ko thaame bahut dino.n se
rafaaqato.n ke safar me.n
dono.n hii ham-qadam the
to phir vo lamha bhii aa gayaa jab
baGair tamhiid-e-hijr ko.ii
bichha.D ga.e ham
alag dishaa.o.n kaa qasd baa.ndhe

Abdul Wahab Sukhan

Nazm

raKHsh-e-umr

baiThaa thaa ek roz mai.n aa.ngan kii dhuup me.n
aalam tamaam halqa-e-daam-e-KHayaal thaa
sargoshiyo.n me.n vaqt sunaataa thaa baar baar
qisse qadiim qaisar-o-kisraa kii shaan ke
kartaa thaa varq varq har ik daastaan ke
mai.n ne kahaa ki ham-dam-o-ham-raaz-o-diida-var
maa-qissaa-e-sikandar-o-daaraa na KHvaanda-aim
kuchh zikr ho sabaa kaa gulo.n kaa shabaab kaa
saaGar kaa mai-kade kaa suraahii kaa naab kaa
kuchh baat ho bahaar kii baaraa.n kii dhuup kii
KHushbuu kii chaa.ndnii kii fazaa.o.n kii ruup kii
ho jaa.e kuchh mushaahida-e-haq kii guftuguu
kuchh bhuulne kii phir use paane kii justujuu
kuchh puuchh mujh se baabat-e-afkaar-e-dojahaa.n
ahvaal-o-iKHteyaar-o-shikaayaat-e-dostaa.n
jo jii me.n aa.e puuchh
magar itnaa yaad rakh
''az maa ba-juz hikaayat-e-mehr-o-vafaa mapurs''
bolaa ki tuu ''rahiin-e-sitam-haa-e-rozgaar''
kyaa jaantaa hai baabat-e-imkaan-e-zindagii
jiitaa hai zindagii se pashemaan-e-zindagii
kuchh apne dil kaa haal bhii ma.aluum hai tujhe
ye vahshate.n ye dard ye tanhaa.iyo.n kaa bojh
ye hijrate.n ye karb ye bezaariyo.n kaa rog
ye hasrate.n ye ranj ye afsurdagii ye sog
siina hai daaG daaG jigar laKHt laKHt hai
tuu KHud kahaa.n hai aur kahaa.n teraa baKHt hai
qulzum ko ek qatre kii KHaatir bahaa diyaa
jo vaqt ne diyaa tujhe sab kuchh ga.nvaa diyaa
ek baar mu.D ke dekh ki kyaa teraa kho gayaa
jaagaa tiraa nasiib to tuu KHud hii so gayaa
ab hijr na visaal na saudaa na suud hai
lamhe se bhii qaliil ye teraa vajuud hai
baaqii bachaa hai aur kyaa tere hisaab me.n
“nai haath baag par hai na paa hai rikaab me.n''

Salman Ansari

Nazm

gulha-e-aqidat

lekin is din ke liye ai ham-nashiino dosto
kaisii kaisii be-bahaa qurbaaniyaa.n denaa pa.Dii.n
KHuun-e-dil denaa pa.Daa KHuun-e-jigar denaa pa.Daa
apne KHvaabo.n kii hasii.n parchhaa.iyaa.n denaa pa.Dii.n

Syeda Shan-e-Meraj

Nazm

ahl-e-junun

ham hai.n siimaab-sifat haqq-o-sadaaqat kii naviid
maa'bad-e-zulm me.n nekii ke sanam Dhalte hai.n
jabr se zulm se ham Dar nahii.n sakte hargiz
saa'at-e-jehd me.n sho'lo.n kii tarah jalte hai.n

Noor -e-Shama Noor

Nazm

rabta

ham ko jo mil gayaa tasalsul se
nazr-e-tuufaan-e-sa.ng to na kare.n
apne aslaaf se jo faiz milaa
us ko vahshat ba-ra.ng to na kare.n

Noor -e-Shama Noor

Nazm

ujale ki lakir

ik na.ii sub.h-e-daraKHshaa.n kaa ruupahlaa aa.nchal
apne hamraah liye azm-e-javaa.n kii tanviir
saaqii-e-vaqt ke ruKHsaar pe lahraayaa hai
ye hai taariik fazaa.o.n me.n ujaale kii lakiir

Noor -e-Shama Noor

Nazm

ajnabi

ab ye ehsaas dam-e-fikr-e-suKHan hone lagaa
apnii hii nazmo.n kaa bhuulaa hu.aa kirdaar huu.n mai.n

Shaz Tamkanat

Nazm

farz karo

farz karo ham ahl-e-vafaa ho.n, farz karo diivaane ho.n
farz karo ye dono.n baate.n jhuuTii ho.n afsaane ho.n

Ibn۔e۔Insha

Nazm

ai matawalo! naqon walo!!

apnaa bhii vo dost thaa ham bhii paas us ke baiTh aate hai.n
idhar udhar ke qisse kah ke jii us kaa bahlaate hai.n
ukh.Dii-ukh.Dii baat kare hai bhuul ke aglaa yaaraanaa
kaun ho tum kis kaam se aa.e? ham ne na tum ko pahchaanaa
jaane ye kis ne choT lagaa.ii jaane ye kis ko pyaar kare
tumhii kaho ham kis ko Dhuu.nDe.n aahe.n khii.nche naam na le
piit me.n aise jaan se yaaro kitne log guzarte hai.n
piit me.n naahaq mar nahii.n jaate piit to saare karte hai.n
ai matvaalo naaqo.n vaalo! nagrii nagrii jaate ho
kahii.n jo us kii jaan kaa bairii mil jaa.e ye baat kaho
chaak-girebaa.n ik diivaana phirtaa hai hairaa.n hairaa.n
patthar se sar pho.D maregaa diivaane ko sabr kahaa.n
tum chaaho to bastii chho.De tum chaaho to dasht basaa.e
ai matavaalo naaqo.n vaalo varna ik din ye hogaa
tum logo.n se aate jaate puuchhe.nge 'inshaa' kaa pataa

Ibn۔e۔Insha

Nazm

kal humne sapna dekha hai

haa.n kis ke liye sab us ke liye
vo jis ke lab par Tesuu hai.n
vo jis ke nainaa.n aahuu hai.n
jo KHaar bhii hai aur KHushbuu bhii
jo dard bhii hai aur daaruu bhii
vo allha.D sii vo chanchal sii
vo shaa.er sii vo paagal sii
log aap-hii-aap samajh jaa.e.n
ham naam na us kaa batlaa.e.n
ai dekhne vaalo tum ne bhii
us naar kii piit kii aa.ncho.n me.n
is dil kaa tiinaa dekhaa hai?
kal ham ne sapnaa dekhaa hai

Ibn۔e۔Insha

Nazm

kya dhoka dene aaogi

sab maal nikaalo, le aa.o
ai bastii vaalo le aa.o
ye tan kaa jhuuTaa jaaduu bhii
ye man kii jhuuTii KHushbuu bhii
ye taal banaate aa.nsuu bhii
ye jaal bichhaate gesuu bhii
ye larzish Dolte siine kii
par sach nahii.n bolte siine kii
ye ho.nT bhii, ham se kyaa chorii
kyaa sach-much jhuuTe hai.n gorii?
in ramzo.n me.n in ghaato.n me.n
in va.ado.n me.n in baato.n me.n
kuchh khoT haqiiqat kaa to nahii.n?
kuchh mail sadaaqat kaa to nahii.n?
ye saare dhoke le aa.o
ye pyaare dhoke le aa.o
kyuu.n rakkho KHud se duur hame.n
jo daam kaho manzuur hame.n

Ibn۔e۔Insha

Nazm

us aangan ka chand

ham ne to qismat ke Dar se jab paa.e a.ndhiyaare paa.e
ye bhii chaa.nd kaa sapnaa hogaa kaisaa chaa.nd kahaa.n kaa chaa.nd

Ibn۔e۔Insha

Nazm

lab par nam kisi ka bhi ho

lab par naam kisii kaa bhii ho, dil me.n teraa naqshaa hai
ai tasviir banaane vaalii jab se tujh ko dekhaa hai

Ibn۔e۔Insha

Nazm

dil pit ki aag mein jalta hai

dil piit kii aag me.n jaltaa hai haa.n jaltaa hai ise jalne do
is aag se tum to duur raho ThanDii na karo pa.nkhaa na jhalo
har mahfil me.n ham dono.n kii kyaa kyaa nahii.n baate.n hotii hai.n
in baato.n kaa mafhuum hai kyaa tum kyaa samjho tum kyaa jaano
dil chal ke labo.n tak aa na sakaa lab khul na sake Gam jaa na sakaa
apnaa to bas itnaa qissa thaa tum apnii sunaa.o apnii kaho
vo shaam kahaa.n vo raat kahaa.n vo vaqt kahaa.n vo baat kahaa.n
jab marte the marne na diyaa ab jiite hai.n ab jiine do

Ibn۔e۔Insha

Nazm

ai mere soch-nagar ki rani

tujh se jo mai.n ne pyaar kiyaa hai tere liye? nahii.n apne liye
vaqt kii be-unvaan kahaanii kab tak be-unvaan rahe
ai mire soch-nagar kii raanii ai mire KHuld-e-KHayaal kii huur
itne dino.n jo mai.n ghultaa rahaa huu.n tere binaa yuu.nhii duur hii duur
soch to kyaa phal mujh ko milaa mai.n man se gayaa phir tan se gayaa
shahr-e-vatan me.n ajnabii Thahraa aaKHir shahr-e-vatan se gayaa
ruuh kii pyaas bujhaanii thii par yahaa.n ho.nTo.n kii pyaas bhii bujh na sakii
bachte sambhalte bhii ek sulagtaa rog banii mire jii kii lagii
duur kii baat na soch abhii mire haat me.n tuu zaraa haat to de
tujh se jo mai.n ne pyaar kiyaa hai tere liye? nahii.n apne liye
baaG me.n hai ik bele kaa taKHta bhiinii hai is bele kii sugandh
ai kaliyo kyuu.n itne dino.n tum rakkhe rahii.n ise god me.n band
kitne hii ham se ruup ke rasiyaa aa.e yahaa.n aur chal bhii diye
tum ho ki itne husn ke hote ek na daaman thaam sake
sehn-e-chaman par bhau.nro.n ke baadal ek hii pal ko chhaa.e.nge
phir na vo jaa kar lauT sake.nge phir na vo jaa kar aa.e.nge
ai mire soch-nagar kii raanii vaqt kii baate.n rang aur buu
har ko.ii saath kisii kaa Dhuu.nDe gul ho.n ki bele mai.n huu.n ki tuu
jo kuchh kahnaa hai abhii kah le jo kuchh sun.naa hai sun le
tujh se jo mai.n ne pyaar kiyaa hai tere liye? nahii.n apne liye

Ibn۔e۔Insha

Nazm

munni tere dant kahan hain

munnii tere daa.nt kahaa.n hai.n
daa.nt the mai.n ne duudh pilaa kar saat baras me.n paale
aa kar un ko le ga.e chuuhe lambii mo.nchho.n vaale
gu.D kaa un ko maaT milaa thaa miiThaa aur mazedaar
laakh KHushaamad kar ke mujh se le liye daa.nt udhaar
munnii tere daa.nt kahaa.n hai.n
billii thii ik maamii mausii chupke chupke aa.ii
panjo.n par thii deg kii khurchan ho.nTo.n par baalaa.ii
bolii gu.D ke maaT pe mai.n ne chuuhe dekhe chaar
hissa aadho.n-aadh rahegaa de do daa.nt udhaar
munnii tere daa.nt kahaa.n hai.n
ba.ad me.n buu.Dhaa motii aayaa ronii shakl banaa.e
bolaa biibii is billii kaa kuchh to kare.n upaa.e
duudh na chho.De gosht na chho.De hai.n buDDhaa laachaar
is ko karuu.n shikaar jo mujh ko de do daa.nt udhaar
achchhii munnii tum ne apne itne daa.nt ga.nvaa.e
kuchh chuuho.n ne kuchh billii ne kuchh motii ne paa.e
baaqii jo do-chaar rahe hai.n vo ham ko dilvaa.o
ik daavat me.n aaj mile.nge tikke aur polaav
murGii ke paa.e kaa saalan baigan kaa aachaar
dogii yaa kisii aur se maa.nguu.n
haa.n diye udhaar
baabaa haa.n haa.n diye udhaar
munnii tere daa.nt kahaa.n hai.n

Ibn۔e۔Insha

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now