Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "subah"

Nazm MATCHES FOR "subah"

Nazm

KHwab nahin dekha hai

mai.n ne muddat se ko.ii KHvaab nahii.n dekhaa hai
raat khilne kaa gulaabo.n se mahak aane kaa
os kii buu.ndo.n me.n suuraj ke samaa jaane kaa
chaa.nd sii miTTii ke zarro.n se sadaa aane kaa
shahr se duur kisii gaa.nv me.n rah jaane kaa
khet khaliyaano.n me.n baaGo.n me.n kahii.n gaane kaa
subah ghar chho.Dne kaa der se ghar aane kaa
bahte jharno.n kii khanaktii hu.ii aavaazo.n kaa
chahchahaatii hu.ii chi.Diyo.n se ladii shaaKHo.n kaa
nargisii aa.nkho.n me.n ha.nstii hu.ii naadaanii kaa
muskuraate hu.e chehre kii Gazal KHvaanii kaa
teraa ho jaane tire pyaar me.n kho jaane kaa
teraa kahlaane kaa teraa hii nazar aane kaa
mai.n ne muddat se ko.ii KHvaab nahii.n dekhaa hai
haath rakh de mirii aa.nkho.n pe ki nii.nd aa jaa.e

Waseem Barelvi
Nazm

dastak

subah subah ik KHvaab kii dastak par darvaaza khulaa' dekhaa
sarhad ke us paar se kuchh mehmaan aa.e hai.n
aa.nkho.n se maanuus the saare
chehre saare sune sunaa.e
paa.nv dhu.e, haath dhulaa.e
aa.ngan me.n aasan lagvaa.e
aur tannuur pe makkii ke kuchh moTe moTe roT pakaa.e
poTlii me.n mehmaan mire
pichhle saalo.n kii faslo.n kaa gu.D laa.e the

Gulzar
Nazm

tumhaare husn ke nam

salaam likhtaa hai shaa.er tumhaare husn ke naam
bikhar gayaa jo kabhii ra.ng-e-pairahan sar-e-baam
nikhar ga.ii hai kabhii subah dopahar kabhii shaam
kahii.n jo qaamat-e-zebaa pe saj ga.ii hai qabaa
chaman me.n sarv-o-sanobar sa.nvar ga.e hai.n tamaam
banii bisaat-e-Gazal jab Dubo liye dil ne
tumhaare saaya-e-ruKHsaar-o-lab me.n saaGar-o-jaam
salaam likhtaa hai shaa.er tumhaare husn ke naam
tumhaare haath pe hai taabish-e-hinaa jab tak
jahaa.n me.n baaqii hai dildaari-e-uruus-e-suKHan
tumhaaraa husn javaa.n hai to mehrbaa.n hai falak
tumhaaraa dam hai to dam-saaz hai havaa-e-vatan
agarche ta.ng hai.n auqaat saKHt hai.n aalaam
tumhaarii yaad se shiirii.n hai talKHi-e-aiyyaam
salaam likhtaa hai shaa.er tumhaare husn ke naam

Faiz Ahmad Faiz
Nazm

ek aam si laDki

vo ek aam sii la.Dkii hai jis ke saada nuquush
chamak uTThe.nge mohabbat kii sard aaho.n se
jahaa.n pe phuul to kyaa dil bujhe hu.e ho.nge
guzarne vaalii hai vo in hasiin raaho.n se
abhii to KHair se ma.asuumiyat Tapaktii hai
magar sharaab bhii Tapkegii un nigaaho.n se
vo ek aam sii la.Dkii hai jis ke baare me.n
na jaane zehn me.n aate hai.n kyuu.n KHayaal ka.ii
magar ba.De hii tahayyur se aaj subah ke vaqt
sunii hai mai.n ne mohalle me.n ek baat na.ii
guzishta shab ko vahii ek aam sii la.Dkii
KHud apne ghar ke mulaazim ke saath bhaag ga.ii

Naresh Kumar Shad
Nazm

naya sal

phir nayaa saal dabe paa.nv chalaa aayaa hai
aur miTte hu.e maddham se nuquush
daur-e-maazii kii KHalaa.o.n me.n nazar aate hai.n
jaise chho.Dii hu.ii manzil kaa nishaa.n
jaise kuchh duur se aatii hu.ii aavaaz-e-jaras
kaun sahme hu.e maayuus diyo.n ko dekhe
phir bhii ye mujh ko KHayaal aataa hai
kitnii nau-KHez ummiido.n ko sahaare na mile
kitnii Duubii hu.ii kashtii ko kinaare na mile
zulf lahraa.ii pe saavan kii ghaTaa ban na sakii
subah ha.nstii rahii bujhte rahe kitne chehre
chuu.Diyaa.n TuuT ga.ii.n maa.ng ke sinduur uj.De
god viiraan hu.ii
naGme taKHliiq hu.e ho.nT sile
kitne fan-paaro.n ke ambaar lage
shaah-raaho.n pe jalaane ke liye
aashiyaane kaa tasavvur hii abhii aayaa thaa
bijliyaa.n kau.nd ga.ii.n
hiroshima chiiKH uThaa
kitnaa pur-haul samaa.n
kitnii bhayaanak taariiKH
ye mah-o-saal ke phaile hu.e jaal
phir nayaa saal dabe paa.nv chalaa aayaa hai
roz-o-shab jaise a.ndhere me.n luTero.n ke giroh
apnii taariik kamii.n gaaho.n me.n chhap kar baiThe.n
aur daamaanda saaraa hii ko.ii
ajnabii raaho.n se Dartaa hu.aa ghabraayaa hu.aa
apnii ko.ii hu.ii manzil kii taraf jaataa ho
aur luTere ise tanhaa paa kar
us ke siine kaa lahuu le le.n ummiido.n ke diye bujh jaa.e.n
kaun lekin dil insaa.n kii tapish chhiin sake
phir nayaa saal dabe paa.nv chalaa aayaa hai
kitnii baariik hai ye sub.h kii pahlii kiran
kaun jaane ki na.ii daam bhii kyaa laa.egii
kaan me.n aaj bhii maanuus sadaa aatii hai
vahii dollar kaa tilism
vahii tahziib-o-tamaddun ke puraane da.ave
vahii pasmaa.nda mamaalik kii taraqqii kaa fareb
vahii taariiKH siyaasat ke puraane shaatir
atomii ja.ng kaa elaan kiyaa karte hai.n
kaun lekin dil-e-insaa.n kii tapish chhiin sake
irtiqaa aahan-o-faulaad se kis tarah ruke
TuuT jaa.e.nge mah-o-saal ke phaile hu.e jaal
phir nayaa saal dabe paa.nv chalaa aataa hai
jaa.o taariik makaano.n me.n charaaGaa.n kar do
aaj zanjiir kii ik aur ka.Dii TuuT ga.ii
aaj duniyaa ke avaam
apne siine se lagaa.e hu.e apnii taariiKH
apne haatho.n me.n na.e ahd kaa farmaan liye
ik na.ii raah pe ba.Dhte hii chale jaate hai.n
roz-o-shab jaise a.ndhere me.n luTero.n ke giroh
haath baa.ndhe hu.e qadmo.n pe jabiine.n rakh de.n
phir nayaa saal dabe paa.nv chalaa aayaa hai
jaa.o taariik makaano.n me.n charaaGaa.n kar do

Akhtar Payami
Nazm

nazm

har raat ek subah kaa
subah ko dopahar kaa
dopahar ko shaam kaa
aur shaam ko phir raat kaa
intizaar hotaa hai
tumhaare ek miiThe bol kii chaahat me.n
mai.n har rose
chaar baar martii huu.n
phir se jiine ke liye

Sheerin Ahmad
Nazm

maslahat

ab yahii sho.ale mirii fikr-o-nazar me.n Dhal kar
husn-e-ehsaas kaa shahkaar nazar aate hai.n
is tamaddun kii ghanii raat ke sannaaTe me.n
sub.h kii tarah ziyaa-baar nazar aate hai.n
aur tuu kahtii hai is subah kaa saudaa kar luu.n
dil me.n in sho.alo.n ke badle tire jalve bhar luu.n

Naresh Kumar Shad
Nazm

baada-e-ishq se sarshaar guru-nanak the

raah-e-haq me.n na the paaband kisii maz.hab ke
taarik-e-subah-o-zunnaar guruu-naanak the

Shyam Sunder Lal Barq
Nazm

intizar

subah ko thaa farsh par patto.n kaa Dher
be-numuu miTTii ke chehre ke naqaab
intiqaam intizaar aaftaab

Sahar Ansari
Nazm

dal badli

chalte chalte daf.atan paTrii badalne kaa chalan
thaa siyaasat ke qalaabaazo.n kaa yak mash.huur fan
faa.eda hotaa thaa vaqtii taur par is khel me.n
go sakaa hazraat kahte the use baazaar-pan
ahl-e-sheristaan ne bhii ab use apnaa liyaa
kaar-aamad dekh kar ye nusKHa-e-aahan-shikan
ho rahaa hai is qadar maqbuul ye nusKHa ki ab
dil badalte rahte hai.n din raat arbaab-e-suKHan
nit nayaa bahruup laazim hai pa.e iz.haar-e-zaat
jab nazar ke saamne ho fan baraa.e makr-o-fan
vo zamaana jab ki bazm-e-sher thii ik razm-gaah
chho.D dii thii har na.e shaa.ir ne raftaar-e-kuhan
gholte rahte the vo hazraat jaam-e-sher me.n
naGma-e-bulbul ke badle shorish-e-daar-o-rasan
hoTalo.n me.n baiTh kar hotaa thaa zikr-e-inqalaab
apne sar se baa.ndhe phirte the taKHayyul me.n kafan
in me.n kuchh leader sifat the aur kuchh volunteer
jhunD me.n surKHaab ke ho.n jis tarah zaaG-o-zaGan
na.ara baazii me.n agar hote the leader paav ser
in ke har volunteer kaa vazn hotaa De.Dh man
rafta rafta shor-e-GauGaa.ii suKHan kaa jab thamaa
lag gayaa jab maah-e-naKHshab me.n havaadis kaa gahan
aa ga.e kuchh aur kartab-baaz bazm-e-sher me.n
ik zaraa saa jaante the jo nazar-bandii kaa fan
suu.ngh kar mausam kii buu aur ruKH havaa kaa dekh kar
kechulii badlii har ik volunteer ne daf.atan
subah dam dekhaa to teddy suiT me.n malbuus hai.n
phe.nk kar chupke se apnaa inqilaabii pairahan
sar ke baalo.n kii safedii ho ga.ii Garq-e-KHizaab
tah-ba-tah Gaaza lagaa kar duur kii ruKH kii shikan
shaa.irii kii umr thii go biis yaa pachchiis saal
lekin apne fan me.n vo bil-qasd laa.e baal-pan
kar diyaa bahr-e-sadaarat pesh apne aap ko
jab banaa.ii chand nau-mashqo.n ne ko.ii anjuman
is liye ghuspaiTh karte ye sab volunteer
ban ga.e ab KHaam zehno.n ke imaam-e-fikr-o-fan
in kaa maqsad hai agar kuchh to husuul-e-manfa.at
inqilaabii shaa.irii ho yaa mu.ammatii suKHan

Raza Naqvi Vahi
Nazm

chup-chap guzar jao

us kii mahak sar pe kafan baa.ndh ke niklii hai
har ik raaste har mo.D pe aavaaz lagaatii hai
magar ko.ii nahii.n ruktaa basant aa.ii hai
sab bhaag rahe hai.n ko.ii aavaaz nahii.n detaa
ko.ii mu.D ke nahii.n dekhtaa
petrol lahuu aur havaa dast-o-garebaa.n hai.n
jidhar dekho pata.nge.n hii pata.nge.n hai.n
zamiino.n pe utarne ke liye Doltii par taultii
bal khaatii hu.ii
subah ko kaTtii hai.n magar shaam ko sa.Dko.n pe utartii hai.n
to vo kaun hai jo
aa.nkho.n ke saa.e se gurezaa.n hai.n
magar sub.h hii sub.h chupke se sau sii.Dhiyaa.n
cha.Dh jaataa hai thaktaa hii nahii.n
aur na.ii aag dahaktii hai
na.e ra.nge hu.e kaaGazo.n se hashr chamak uThtaa hai
sab aurte.n aur mard javaa.n la.Dkiyaa.n aur la.Dke
na.ii Texiyaa.n aur motare.n aur rikshe
unhe.n luuTne nikle hai.n basant aa.ii hai

Abbas Athar
Nazm

raat

aa.ndhiyaa.n aasmaano.n kaa nauha zamii.n ko sunaatii hai.n
apnii guluu-giir aavaaz me.n kah rahii hai.n,
daraKHto.n kii chi.nghaa.D
niichii chhato.n par ye raqs aasmaanii baguulo.n kaa
uu.nchii chhato.n ke tale khele jaate Daraama kaa manzar hai
ye us zulm kaa isti.aara hai
jo shah-e-rag se haabiil kii garm o taaza lahuu ban ke ublaa hai
aa.ndhiyo.n me.n thaa ik shor-e-karb-o-balaa
aur mai.n ne sunaa karbalaa...karbalaa
raat ke saham se, an-kahe vahm se
band aa.nkho.n me.n vahshat zada KHvaab utraa
subah aKHbaar kii surKHiyaa.n ban gayaa

Sajjad Baqar Rizvi
Nazm

kabus

raat ke pahluu me.n
baiThaa hai sunahrii azhdahaa
ahmarii.n phunkaar ke
maddham suro.n kaa shor hai
is gha.Dii lagtaa hai vo kuchh aur hai
band hote aur khulte daa.ero.n ke darmiyaa.n
aap apnii zaat ke girdaab me.n
jaise ko.ii devtaa mehraab me.n
vaqt ke is naqsha-e-mubham pe kaun
us ke maskan kaa lagaa.egaa suraaG
kaun rakkhegaa hathelii par charaaG
is ke niish-e-aarzuu ke zaa.iqe chakkhegaa kaun
kis ko dildaarii kii fursat hai yahaa.n
haa.n magar ye raat hai is kii rafiiq
der tak apnaa badan dasvaa.egii
subah hone tak usii ke rang me.n rang jaa.egii

Shaheen Mufti
Nazm

daere

uu.nche makaano.n kii diivaaro.n par harii bharii phuulo.n kii bel
surma.ii baadalo.n ke ghu.nghaT se merii chhoTii khi.Dkii kii taraf
dekhtii hai
persuaders T.v par film chal rahii hai
mai.n kis ke ta.aaqub me.n apnii taraf bhaag rahii huu.n
mai.n kolhuu kaa bail huu.n
roz ek daa.era apne ird-gird khii.nchtii huu.n aur is daa.ere
ke aage ek aur daa.era phir ek aur
yuu.n aage hii aage daa.ere hii daa.ere
zindagii kaa safar daa.ero.n se likhaa gayaa
subah dopahar shaam aa.nsuu kii roTii dukh kaa saalan aur
sard aaho.n kaa paanii
barsaato.n kii shaame.n nirmal komal dil ko yuu.n dahlaatii hai.n
jaise aatish-daan kii qariib so.ii billii an-jaane qadmo.n se chau.nk jaa.e
ye bhii ek daa.era hai
is daa.ere ke andar hamaare hathiyaar zamiin par pa.Dte hai.n
aur ham haath uThaa.e aasmaanii aavaaz par
aage hii aage be-samt chalte jaa rahe hai.n
daa.ere bante jaa rahe hai.n

Shaista Habeeb
Nazm

subah ka intizar kaun kare

qayaamat kab nahii.n aa.ii
sukuu.n se aashnaa kab hai.n
magar ab bhii ji.e jaate hai.n ham aur tum
gunaaho.n ke talazzuz se kabhii guzre
kabhii paakiizgii hii KHud
hamaare paa.nv kii zanjiir bantii hai
yahii ik silsila hai
qayaamat KHatm hone tak yahii chaltaa rahegaa
KHushii kaa ek pal aa.e
hazaaro.n karb ke badle
to ye lagtaa hai jaane kyo.n
ko.ii vaqfa Ganiimat hai
agar jiinaa muqaddar hai
agar chaaho abhii kuchh aur jii le.n ham
to zillat jabr aur rusvaa.iyo.n ke
ka.ii advaar dekhe.nge
labo.n par KHaamushii jazbaat par pahre
usuul-e-zindagii ke ab
na.e sab zaabte ho.nge
qayaamat KHatm hone tak
jo chaaho tum sar-e-tasliim KHam kar lo
vagarna phir
nadaamat o.Dh kar hijrat pe aamaada
kafan Dhote hu.e logo.n ko aane do

Aquil Ziyad
Nazm

ek udas

aaj phir shaam se pahle hii utar aa.egaa
mere chehre pe ik afsurda udaasii kaa sukuut
raat bhar dard kii chaadar me.n lapeTe KHud ko
subah raushan hai mai.n ye kah ke dilaase duu.ngii
chaa.nd jab thak ke sitaaro.n se lipaT jaa.egaa
raat chupke se mirii aa.nkh me.n Dhal jaa.egii
phir kahii.n duur se aatii hu.ii gumnaam sadaa
band khi.Dkii ke kisii shiishe se Takraa.egii
raat ke be-karaa.n sannaaTe se vahshat khaa kar
chand bikhre hu.e KHvaabo.n ko mai.n yakjaa kar ke
apnii aa.nkho.n se kahii.n duur chhupaa aa.uu.ngii
mere siine pe aziyyat kaa nishaa.n de kar ke
raat chup-chaap dabe paa.nv guzar jaatii hai
apne bistar pe pa.Dii haule se karvaT le kar
bhiigte takiye pe sar rakh ke mai.n aahista se
sochtii huu.n ki mohabbat kii haqiiqat kyaa hai
jin ke chehro.n se jhalaktii hai thakan raato.n kii
korii aa.nkho.n me.n guzar jaatii hai.n raate.n jin kii
apnii aa.nkho.n me.n vo gumnaam udaasii le kar
kyaa faqat ashk bahaane ke liye aate hai.n

Zeba Khan Hina
Nazm

bhali si ek shakl thi

na muddato.n judaa rahe
na saath sub.h-o-shaam ho
na rishta-e-vafaa pe zid
na ye ki izn-e-aam ho

Ahmad Faraz
Nazm

shikwa

kyuu.n ziyaa.n-kaar banuu.n suud-faraamosh rahuu.n
fikr-e-fardaa na karuu.n mahv-e-Gam-e-dosh rahuu.n
naale bulbul ke sunuu.n aur hama-tan gosh rahuu.n
ham-navaa mai.n bhii ko.ii gul huu.n ki KHaamosh rahuu.n
jur.at-aamoz mirii taab-e-suKHan hai mujh ko
shikva allaah se KHaakam-ba-dahan hai mujh ko
hai bajaa sheva-e-tasliim me.n mash.huur hai.n ham
qissa-e-dard sunaate hai.n ki majbuur hai.n ham
saaz KHaamosh hai.n fariyaad se maamuur hai.n ham
naala aataa hai agar lab pe to ma.azuur hai.n ham
ai KHudaa shikva-e-arbaab-e-vafaa bhii sun le
KHuugar-e-hamd se tho.Daa saa gila bhii sun le
thii to maujuud azal se hii tirii zaat-e-qadiim
phuul thaa zeb-e-chaman par na pareshaa.n thii shamiim
shart insaaf hai ai saahib-e-altaaf-e-amiim
buu-e-gul phailtii kis tarah jo hotii na nasiim
ham ko jam.iiyat-e-KHaatir ye pareshaanii thii
varna ummat tire mahbuub kii diivaanii thii
ham se pahle thaa ajab tere jahaa.n kaa manzar
kahii.n masjuud the patthar kahii.n ma.abuud shajar
KHuugar-e-paikar-e-mahsuus thii insaa.n kii nazar
maantaa phir ko.ii an-dekhe KHudaa ko kyuu.nkar
tujh ko ma.aluum hai letaa thaa ko.ii naam tiraa
quvvat-e-baazu-e-muslim ne kiyaa kaam tiraa
bas rahe the yahii.n saljuuq bhii tuuraanii bhii
ahl-e-chii.n chiin me.n iiraan me.n saasaanii bhii
isii maamuure me.n aabaad the yuunaanii bhii
isii duniyaa me.n yahuudii bhii the nasraanii bhii
par tire naam pe talvaar uThaa.ii kis ne
baat jo big.Dii hu.ii thii vo banaa.ii kis ne
the hamii.n ek tire maarka-aaraa.o.n me.n
KHushkiyo.n me.n kabhii la.Dte kabhii dariyaa.o.n me.n
dii.n azaane.n kabhii europe ke kaliisaa.o.n me.n
kabhii africa ke tapte hu.e sahraa.o.n me.n
shaan aa.nkho.n me.n na jachtii thii jahaa.n-daaro.n kii
kalma pa.Dhte the hamii.n chhaa.nv me.n talvaaro.n kii
ham jo jiite the to jango.n kii musiibat ke liye
aur marte the tire naam kii azmat ke liye
thii na kuchh teGzanii apnii hukuumat ke liye
sar-ba-kaf phirte the kyaa dahr me.n daulat ke liye
qaum apnii jo zar-o-maal-e-jahaa.n par martii
but-faroshii ke evaz but-shikanii kyuu.n kartii
Tal na sakte the agar jang me.n a.D jaate the
paa.nv shero.n ke bhii maidaa.n se ukha.D jaate the
tujh se sarkash hu.aa ko.ii to biga.D jaate the
teG kyaa chiiz hai ham top se la.D jaate the
naqsh-e-tauhiid kaa har dil pe biThaayaa ham ne
zer-e-KHanjar bhii ye paiGaam sunaayaa ham ne
tuu hii kah de ki ukhaa.Daa dar-e-KHaibar kis ne
shahr qaisar kaa jo thaa us ko kiyaa sar kis ne
to.De maKHluuq KHudaa-vando.n ke paikar kis ne
kaaT kar rakh diye kuffaar ke lashkar kis ne
kis ne ThanDaa kiyaa aatish-kada-e-iiraa.n ko
kis ne phir zinda kiyaa tazkira-e-yazdaa.n ko
kaun sii qaum faqat terii talabgaar hu.ii
aur tere liye zahmat-kash-e-paikaar hu.ii
kis kii shamshiir jahaa.ngiir jahaa.n-daar hu.ii
kis kii takbiir se duniyaa tirii bedaar hu.ii
kis kii haibat se sanam sahme hu.e rahte the
mu.nh ke bal gir ke huu-allahu-ahad kahte the
aa gayaa ain la.Daa.ii me.n agar vaqt-e-namaaz
qibla-ruu ho ke zamii.n-bos hu.ii qaum-e-hijaaz
ek hii saf me.n kha.De ho ga.e mahmuud o ayaaz
na ko.ii banda rahaa aur na ko.ii banda-navaaz
banda o saahab o mohtaaj o Ganii ek hu.e
terii sarkaar me.n pahu.nche to sabhii ek hu.e
mahfil-e-kaun-o-makaa.n me.n sahar o shaam phire
mai-e-tauhiid ko le kar sifat-e-jaam phire
koh me.n dasht me.n le kar tiraa paiGaam phire
aur ma.aluum hai tujh ko kabhii naakaam phire
dasht to dasht hai.n dariyaa bhii na chho.De ham ne
bahr-e-zulmaat me.n dau.Daa diye gho.De ham ne
safha-e-dahr se baatil ko miTaayaa ham ne
nau-e-insaa.n ko Gulaamii se chhu.Daayaa ham ne
tere ka.abe ko jabiino.n se basaayaa ham ne
tere qur.aan ko siino.n se lagaayaa ham ne
phir bhii ham se ye gila hai ki vafaadaar nahii.n
ham vafaadaar nahii.n tuu bhii to dildaar nahii.n
ummate.n aur bhii hai.n un me.n gunahgaar bhii hai.n
ijz vaale bhii hai.n mast-e-mai-e-pindaar bhii hai.n
un me.n kaahil bhii hai.n Gaafil bhii hai.n hushyaar bhii hai.n
saik.Do.n hai.n ki tire naam se be-zaar bhii hai.n
rahmate.n hai.n tirii aGyaar ke kaashaano.n par
barq girtii hai to bechaare musalmaano.n par
but sanam-KHaano.n me.n kahte hai.n musalmaan ga.e
hai KHushii un ko ki ka.abe ke nigahbaan ga.e
manzil-e-dahr se uu.nTo.n ke hudii-KHvaan ga.e
apnii baGlo.n me.n dabaa.e hu.e qur.aan ga.e
KHanda-zan kufr hai ehsaas tujhe hai ki nahii.n
apnii tauhiid kaa kuchh paas tujhe hai ki nahii.n
ye shikaayat nahii.n hai.n un ke KHazaane maamuur
nahii.n mahfil me.n jinhe.n baat bhii karne kaa shu.uur
qahr to ye hai ki kaafir ko mile.n huur o qusuur
aur bechaare musalmaa.n ko faqat vaada-e-huur
ab vo altaaf nahii.n ham pe inaayaat nahii.n
baat ye kyaa hai ki pahlii sii mudaaraat nahii.n
kyuu.n musalmaano.n me.n hai daulat-e-duniyaa naayaab
terii qudrat to hai vo jis kii na had hai na hisaab
tuu jo chaahe to uThe siina-e-sahraa se habaab
rah-rav-e-dasht ho sailii-zada-e-mauj-e-saraab
taan-e-aGyaar hai rusvaa.ii hai naadaarii hai
kyaa tire naam pe marne kaa evaz KHvaarii hai
banii aGyaar kii ab chaahne vaalii duniyaa
rah ga.ii apne liye ek KHayaalii duniyaa
ham to ruKHsat hu.e auro.n ne sa.nbhaalii duniyaa
phir na kahnaa hu.ii tauhiid se KHaalii duniyaa
ham to jiite hai.n ki duniyaa me.n tiraa naam rahe
kahii.n mumkin hai ki saaqii na rahe jaam rahe
terii mahfil bhii ga.ii chaahne vaale bhii ga.e
shab kii aahe.n bhii ga.ii.n sub.h ke naale bhii ga.e
dil tujhe de bhii ga.e apnaa sila le bhii ga.e
aa ke baiThe bhii na the aur nikaale bhii ga.e
aa.e ushshaaq ga.e vaada-e-fardaa le kar
ab unhe.n Dhuu.nD charaaG-e-ruKH-e-zebaa le kar
dard-e-lailaa bhii vahii qais kaa pahluu bhii vahii
najd ke dasht o jabal me.n ram-e-aahuu bhii vahii
ishq kaa dil bhii vahii husn kaa jaaduu bhii vahii
ummat-e-ahmad-e-mursil bhii vahii tuu bhii vahii
phir ye aazurdagi-e-Gair sabab kyaa ma.anii
apne shaidaa.o.n pe ye chashm-e-Gazab kyaa ma.anii
tujh ko chho.Daa ki rasuul-e-arabii ko chho.Daa
but-garii pesha kiyaa but-shikanii ko chho.Daa
ishq ko ishq kii aashufta-sarii ko chho.Daa
rasm-e-salmaan o uvais-e-qaranii ko chho.Daa
aag takbiir kii siino.n me.n dabii rakhte hai.n
zindagii misl-e-bilaal-e-habashii rakhte hai.n
ishq kii KHair vo pahlii sii adaa bhii na sahii
jaada-paimaali-e-tasliim-o-razaa bhii na sahii
muztarib dil sifat-e-qibla-numaa bhii na sahii
aur paabandi-e-aa.iin-e-vafaa bhii na sahii
kabhii ham se kabhii Gairo.n se shanaasaa.ii hai
baat kahne kii nahii.n tuu bhii to harjaa.ii hai
sar-e-faaraa.n pe kiyaa diin ko kaamil tuu ne
ik ishaare me.n hazaaro.n ke liye dil tuu ne
aatish-andoz kiyaa ishq kaa haasil tuu ne
phuu.nk dii garmi-e-ruKHsaar se mahfil tuu ne
aaj kyuu.n siine hamaare sharer-aabaad nahii.n
ham vahii soKHta-saamaa.n hai.n tujhe yaad nahii.n
vaadii-e-najd me.n vo shor-e-salaasil na rahaa
qais diivaana-e-nazzaara-e-mahmil na rahaa
hausle vo na rahe ham na rahe dil na rahaa
ghar ye uj.Daa hai ki tuu raunaq-e-mahfil na rahaa
ai KHushaa aa.n roz ki aa.ii o ba-sad naaz aa.ii
be-hijaabaana suu-e-mahfil-e-maa baaz aa.ii
baada-kash Gair hai.n gulshan me.n lab-e-juu baiThe
sunte hai.n jaam-ba-kaf naGma-e-kuu-kuu baiThe
daur ha.ngaama-e-gulzaar se yaksuu baiThe
tere diivaane bhii hai.n muntazir-e-huu baiThe
apne parvaano.n ko phir zauq-e-KHud-afrozii de
barq-e-deriina ko farmaan-e-jigar-sozii de
qaum-e-aavaara inaa.n-taab hai phir suu-e-hijaaz
le u.Daa bulbul-e-be-par ko mazaaq-e-parvaaz
muztarib-e-baaG ke har Gunche me.n hai buu-e-niyaaz
tuu zaraa chhe.D to de tishna-e-mizraab hai saaz
naGme betaab hai.n taaro.n se nikalne ke liye
tuur muztar hai usii aag me.n jalne ke liye
mushkile.n ummat-e-marhuum kii aasaa.n kar de
mor-e-be-maaya ko ham-dosh-e-sulaimaa.n kar de
jins-e-naayaab-e-mohabbat ko phir arzaa.n kar de
hind ke dair-nashiino.n ko musalmaa.n kar de
juu-e-KHuu.n mii chakad az hasrat-e-dairiina-e-maa
mii tapad naala ba-nishtar kada-e-siina-e-maa
buu-e-gul le ga.ii bairuun-e-chaman raaz-e-chaman
kyaa qayaamat hai ki KHud phuul hai.n Gammaaz-e-chaman
ahd-e-gul KHatm hu.aa TuuT gayaa saaz-e-chaman
u.D ga.e Daaliyo.n se zamzama-pardaaz-e-chaman
ek bulbul hai ki mahv-e-tarannum ab tak
us ke siine me.n hai naGmo.n kaa talaatum ab tak
qumriyaa.n shaaKH-e-sanobar se gurezaa.n bhii hu.ii.n
pattiyaa.n phuul kii jha.D jha.D ke pareshaa.n bhii hu.ii.n
vo puraanii raushe.n baaG kii viiraa.n bhii hu.ii.n
Daaliyaa.n pairahan-e-barg se uryaa.n bhii hu.ii.n
qaid-e-mausam se tabii.at rahii aazaad us kii
kaash gulshan me.n samajhtaa ko.ii fariyaad us kii
lutf marne me.n hai baaqii na maza jiine me.n
kuchh maza hai to yahii KHuun-e-jigar piine me.n
kitne betaab hai.n jauhar mire aa.iine me.n
kis qadar jalve ta.Dapte hai.n mire siine me.n
is gulistaa.n me.n magar dekhne vaale hii nahii.n
daaG jo siine me.n rakhte ho.n vo laale hii nahii.n
chaak is bulbul-e-tanhaa kii navaa se dil ho.n
jaagne vaale isii baa.ng-e-daraa se dil ho.n
ya.anii phir zinda na.e ahd-e-vafaa se dil ho.n
phir isii baada-e-dairiina ke pyaase dil ho.n
ajamii KHum hai to kyaa mai to hijaazii hai mirii
naGma hindii hai to kyaa lai to hijaazii hai mirii

Allama Iqbal
Nazm

jawab-e-shikwa

dil se jo baat nikaltii hai asar rakhtii hai
par nahii.n taaqat-e-parvaaz magar rakhtii hai
qudsi-ul-asl hai rif.at pe nazar rakhtii hai
KHaak se uThtii hai garduu.n pe guzar rakhtii hai
ishq thaa fitnagar o sarkash o chaalaak miraa
aasmaa.n chiir gayaa naala-e-bebaak miraa
piir-e-garduu.n ne kahaa sun ke kahii.n hai ko.ii
bole sayyaare sar-e-arsh-e-barii.n hai ko.ii
chaa.nd kahtaa thaa nahii.n ahl-e-zamii.n hai ko.ii
kahkashaa.n kahtii thii poshiida yahii.n hai ko.ii
kuchh jo samjhaa mire shikve ko to rizvaa.n samjhaa
mujh ko jannat se nikaalaa hu.aa insaa.n samjhaa
thii farishto.n ko bhii hairat ki ye aavaaz hai kyaa
arsh vaalo.n pe bhii khultaa nahii.n ye raaz hai kyaa
taa-sar-e-arsh bhii insaa.n kii tag-o-taaz hai kyaa
aa ga.ii KHaak kii chuTkii ko bhii parvaaz hai kyaa
Gaafil aadaab se sukkaan-e-zamii.n kaise hai.n
shoKH o gustaaKH ye pastii ke makii.n kaise hai.n
is qadar shoKH ki allaah se bhii barham hai
thaa jo masjuud-e-malaa.ik ye vahii aadam hai
aalim-e-kaif hai daanaa-e-rumuuz-e-kam hai
haa.n magar ijz ke asraar se naa-mahram hai
naaz hai taaqat-e-guftaar pe insaano.n ko
baat karne kaa saliiqa nahii.n naa-daano.n ko
aa.ii aavaaz Gam-a.ngez hai afsaana tiraa
ashk-e-betaab se labrez hai paimaana tiraa
aasmaa.n-giir hu.aa naara-e-mastaana tiraa
kis qadar shoKH-zabaa.n hai dil-e-diivaana tiraa
shukr shikve ko kiyaa husn-e-adaa se tuu ne
ham-suKHan kar diyaa bando.n ko KHudaa se tuu ne
ham to maa.il-ba-karam hai.n ko.ii saa.il hii nahii.n
raah dikhlaa.e.n kise rah-rav-e-manzil hii nahii.n
tarbiyat aam to hai jauhar-e-qaabil hii nahii.n
jis se ta.amiir ho aadam kii ye vo gil hii nahii.n
ko.ii qaabil ho to ham shaan-e-ka.ii dete hai.n
Dhuu.nDne vaalo.n ko duniyaa bhii na.ii dete hai.n
haath be-zor hai.n ilhaad se dil KHuugar hai.n
ummatii baa.is-e-rusvaa.i-e-paiGambar hai.n
but-shikan uTh ga.e baaqii jo rahe but-gar hai.n
thaa braahiim pidar aur pisar aazar hai.n
baada-aashaam na.e baada nayaa KHum bhii na.e
haram-e-kaaba nayaa but bhii na.e tum bhii na.e
vo bhii din the ki yahii maaya-e-raanaa.ii thaa
naazish-e-mausam-e-gul laala-e-sahraa.ii thaa
jo musalmaan thaa allaah kaa saudaa.ii thaa
kabhii mahbuub tumhaaraa yahii harjaa.ii thaa
kisii yakjaa.ii se ab ahd-e-Gulaamii kar lo
millat-e-ahmad-e-mursil ko maqaamii kar lo
kis qadar tum pe giraa.n sub.h kii bedaarii hai
ham se kab pyaar hai haa.n nii.nd tumhe.n pyaarii hai
tab-e-aazaad pe qaid-e-ramazaa.n bhaarii hai
tumhii.n kah do yahii aa.iin-e-vafaadaarii hai
qaum maz.hab se hai maz.hab jo nahii.n tum bhii nahii.n
jazb-e-baaham jo nahii.n mahfil-e-anjum bhii nahii.n
jin ko aataa nahii.n duniyaa me.n ko.ii fan tum ho
nahii.n jis qaum ko parvaa-e-nasheman tum ho
bijliyaa.n jis me.n ho.n aasuuda vo KHirman tum ho
bech khaate hai.n jo aslaaf ke madfan tum ho
ho niko naam jo qabro.n kii tijaarat kar ke
kyaa na bechoge jo mil jaa.e.n sanam patthar ke
safha-e-dahr se baatil ko miTaayaa kis ne
nau-e-insaa.n ko Gulaamii se chhu.Daayaa kis ne
mere ka.abe ko jabiino.n se basaayaa kis ne
mere qur.aan ko siino.n se lagaayaa kis ne
the to aabaa vo tumhaare hii magar tum kyaa ho
haath par haath dhare muntazir-e-fardaa ho
kyaa kahaa bahr-e-musalmaa.n hai faqat vaada-e-huur
shikva bejaa bhii kare ko.ii to laazim hai shu.uur
adl hai faatir-e-hastii kaa azal se dastuur
muslim aa.ii.n hu.aa kaafir to mile huur o qusuur
tum me.n huuro.n kaa ko.ii chaahne vaalaa hii nahii.n
jalva-e-tuur to maujuud hai muusaa hii nahii.n
manfa.at ek hai is qaum kaa nuqsaan bhii ek
ek hii sab kaa nabii diin bhii iimaan bhii ek
haram-e-paak bhii allaah bhii qur.aan bhii ek
kuchh ba.Dii baat thii hote jo musalmaan bhii ek
firqa-bandii hai kahii.n aur kahii.n zaate.n hai.n
kyaa zamaane me.n panapne kii yahii baate.n hai.n
kaun hai taarik-e-aa.iin-e-rasuul-e-muKHtaar
maslahat vaqt kii hai kis ke amal kaa me.aar
kis kii aa.nkho.n me.n samaayaa hai shi.aar-e-aGyaar
ho ga.ii kis kii nigah tarz-e-salaf se be-zaar
qalb me.n soz nahii.n ruuh me.n ehsaas nahii.n
kuchh bhii paiGaam-e-mohammad kaa tumhe.n paas nahii.n
jaa ke hote hai.n masaajid me.n saf-aaraa to Gariib
zahmat-e-roza jo karte hai.n gavaaraa to Gariib
naam letaa hai agar ko.ii hamaaraa to Gariib
parda rakhtaa hai agar ko.ii tumhaaraa to Gariib
umaraa nashsha-e-daulat me.n hai.n Gaafil ham se
zinda hai millat-e-baizaa Gorabaa ke dam se
vaa.iz-e-qaum kii vo puKHta-KHayaalii na rahii
barq-e-tab.ii na rahii shola-maqaalii na rahii
rah ga.ii rasm-e-azaa.n ruuh-e-bilaalii na rahii
falsafa rah gayaa talqiin-e-Gazaalii na rahii
masjide.n marsiyaa.n-KHvaa.n hai.n ki namaazii na rahe
yaanii vo sahib-e-ausaaf-e-hijaazii na rahe
shor hai ho ga.e duniyaa se musalmaa.n naabuud
ham ye kahte hai.n ki the bhii kahii.n muslim maujuud
vaz.a me.n tum ho nasaaraa to tamaddun me.n hunuud
ye musalmaa.n hai.n jinhe.n dekh ke sharmaa.e.n yahuud
yuu.n to sayyad bhii ho mirzaa bhii ho afGaan bhii ho
tum sabhii kuchh ho bataa.o to musalmaan bhii ho
dam-e-taqriir thii muslim kii sadaaqat bebaak
adl us kaa thaa qavii laus-e-maraa.aat se paak
shajar-e-fitrat-e-muslim thaa hayaa se namnaak
thaa shujaa.at me.n vo ik hasti-e-fauq-ul-idraak
KHud-gudaazii nam-e-kaifiyat-e-sahbaa-yash buud
KHaalii-az-KHesh shudan suurat-e-miinaa-yash buud
har musalmaa.n rag-e-baatil ke liye nashtar thaa
us ke aa.iina-e-hastii me.n amal jauhar thaa
jo bharosaa thaa use quvvat-e-baazuu par thaa
hai tumhe.n maut kaa Dar us ko KHudaa kaa Dar thaa
baap kaa ilm na beTe ko agar azbar ho
phir pisar qaabil-e-miiraas-e-pidar kyuu.nkar ho
har ko.ii mast-e-mai-e-zauq-e-tan-aasaanii hai
tum musalmaa.n ho ye andaaz-e-musalmaanii hai
haidarii faqr hai ne daulat-e-usmaanii hai
tum ko aslaaf se kyaa nisbat-e-ruuhaanii hai
vo zamaane me.n mu.azziz the musalmaa.n ho kar
aur tum KHvaar hu.e taarik-e-qur.aa.n ho kar
tum ho aapas me.n Gazabnaak vo aapas me.n rahiim
tum KHataa-kaar o KHataa-bii.n vo KHataa-posh o kariim
chaahte sab hai.n ki ho.n auj-e-surayyaa pe muqiim
pahle vaisaa ko.ii paidaa to kare qalb-e-saliim
taKHt-e-faGfuur bhii un kaa thaa sariir-e-ka.e bhii
yuu.n hii baate.n hai.n ki tum me.n vo hamiyat hai bhii
KHud-kushii sheva tumhaaraa vo Gayuur o KHuddaar
tum uKHuvvat se gurezaa.n vo uKHuvvat pe nisaar
tum ho guftaar saraapaa vo saraapaa kirdaar
tum taraste ho kalii ko vo gulistaa.n ba-kanaar
ab talak yaad hai qaumo.n ko hikaayat un kii
naqsh hai safha-e-hastii pe sadaaqat un kii
misl-e-anjum ufuq-e-qaum pe raushan bhii hu.e
but-e-hindii kii mohabbat me.n birhman bhii hu.e
shauq-e-parvaaz me.n mahjuur-e-nasheman bhii hu.e
be-amal the hii javaa.n diin se bad-zan bhii hu.e
in ko tahziib ne har band se aazaad kiyaa
laa ke ka.abe se sanam-KHaane me.n aabaad kiyaa
qais zahmat-kash-e-tanhaa.i-e-sahraa na rahe
shahr kii khaa.e havaa baadiya-paimaa na rahe
vo to diivaana hai bastii me.n rahe yaa na rahe
ye zaruurii hai hijaab-e-ruKH-e-lailaa na rahe
gila-e-zaur na ho shikva-e-bedaad na ho
ishq aazaad hai kyuu.n husn bhii aazaad na ho
ahd-e-nau barq hai aatish-zan-e-har-KHirman hai
aiman is se ko.ii sahraa na ko.ii gulshan hai
is na.ii aag kaa aqvaam-e-kuhan ii.ndhan hai
millat-e-KHatm-e-rusul shola-ba-pairaahan hai
aaj bhii ho jo braahiim kaa iimaa.n paidaa
aag kar saktii hai andaaz-e-gulistaa.n paidaa
dekh kar ra.ng-e-chaman ho na pareshaa.n maalii
Kaukab-e-Guncha se shaaKHe.n hai.n chamakne vaalii
KHas o KHaashaak se hotaa hai gulistaa.n KHaalii
Gul-bar-andaaz hai KHuun-e-shohdaa kii laalii
ra.ng garduu.n kaa zaraa dekh to unnaabii hai
ye nikalte hu.e suuraj kii ufuq-taabii hai
ummate.n gulshan-e-hastii me.n samar-chiida bhii hai.n
aur mahruum-e-samar bhii hai.n KHizaa.n-diida bhii hai.n
saik.Do.n naKHl hai.n kaahiida bhii baaliida bhii hai.n
saik.Do.n batn-e-chaman me.n abhii poshiida bhii hai.n
naKHl-e-islaam namuuna hai birau-mandii kaa
phal hai ye saik.Do.n sadiyo.n kii chaman-bandii kaa
paak hai gard-e-vatan se sar-e-daamaa.n teraa
tuu vo yuusuf hai ki har misr hai kan.aa.n teraa
qaafila ho na sakegaa kabhii viiraa.n teraa
Gair yak-baa.ng-e-daraa kuchh nahii.n saamaa.n teraa
naKHl-e-shama astii o dar shola do-resha-e-tuu
aaqibat-soz bavad saaya-e-andesha-e-tuu
tuu na miT jaa.egaa iiraan ke miT jaane se
nashsha-e-mai ko ta'alluq nahii.n paimaane se
hai ayaa.n yurish-e-taataar ke afsaane se
paasbaa.n mil ga.e ka.abe ko sanam-KHaane se
kashti-e-haq kaa zamaane me.n sahaaraa tuu hai
asr-e-nau-raat hai dhundlaa saa sitaaraa tuu hai
hai jo ha.ngaama bapaa yurish-e-bulGaarii kaa
Gaafilo.n ke liye paiGaam hai bedaarii kaa
tuu samajhtaa hai ye saamaa.n hai dil-aazaarii kaa
imtihaa.n hai tire iisaar kaa KHuddaarii kaa
kyuu.n hiraasaa.n hai sahiil-e-faras-e-aadaa se
nuur-e-haq bujh na sakegaa nafas-e-aadaa se
chashm-e-aqvaam se maKHfii hai haqiiqat terii
hai abhii mahfil-e-hastii ko zaruurat terii
zinda rakhtii hai zamaane ko haraarat terii
kaukab-e-qismat-e-imkaa.n hai KHilaafat terii
vaqt-e-fursat hai kahaa.n kaam abhii baaqii hai
nuur-e-tauhiid kaa itmaam abhii baaqii hai
misl-e-buu qaid hai Gunche me.n pareshaa.n ho jaa
raKHt-bar-dosh havaa-e-chamanistaa.n ho jaa
hai tunak-maaya tuu zarre se bayaabaa.n ho jaa
naGma-e-mauj hai ha.ngaama-e-tuufaa.n ho jaa
quvvat-e-ishq se har past ko baalaa kar de
dahr me.n ism-e-mohammad se ujaalaa kar de
ho na ye phuul to bulbul kaa tarannum bhii na ho
chaman-e-dahr me.n kaliyo.n kaa tabassum bhii na ho
ye na saaqii ho to phir mai bhii na ho KHum bhii na ho
bazm-e-tauhiid bhii duniyaa me.n na ho tum bhii na ho
KHema-e-aflaak kaa istaada isii naam se hai
nabz-e-hastii tapish-aamaada isii naam se hai
dasht me.n daaman-e-kohsaar me.n maidaan me.n hai
bahr me.n mauj kii aaGosh me.n tuufaan me.n hai
chiin ke shahr maraaqash ke bayaabaan me.n hai
aur poshiida musalmaan ke iimaan me.n hai
chashm-e-aqvaam ye nazzaara abad tak dekhe
rif.at-e-shaan-e-rafaanaa-lakaa-zikrak dekhe
mardum-e-chashm-e-zamii.n yaanii vo kaalii duniyaa
vo tumhaare shohdaa paalne vaalii duniyaa
garmii-e-mehr kii parvarda hilaalii duniyaa
ishq vaale jise kahte hai.n bilaalii duniyaa
tapish-andoz hai is naam se paare kii tarah
Gota-zan nuur me.n hai aa.nkh ke taare kii tarah
aql hai terii sipar ishq hai shamshiir tirii
mire darvesh KHilaafat hai jahaa.ngiir tirii
maa-sivaa-allaah ke liye aag hai takbiir tirii
tuu musalmaa.n ho to taqdiir hai tadbiir tirii
kii mohammad se vafaa tuu ne to ham tere hai.n
ye jahaa.n chiiz hai kyaa lauh-o-qalam tere hai.n

Allama Iqbal
Nazm

dastur

diip jis kaa mahallaat hii me.n jale
chand logo.n kii KHushiyo.n ko le kar chale
vo jo saa.e me.n har maslahat ke pale
aise dastuur ko sub.h-e-be-nuur ko
mai.n nahii.n maantaa mai.n nahii.n jaantaa

Habib Jalib
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now