Ayaadat Shayari

A woman is half the world. She is also a paragon of beauty as well as a symbol humility. She also stands out as a figure of strength and forbearance. In fact, the richness of her being cannot be ever exhausted in words. Some examples are here for you to appreciate the various facets of woman.


info iconClick on any word for its meaning

aaj us ne hañs ke yuuñ pūchhā mizāj


umr bhar ke ranj-o-ġham yaad aa ga.e

aan ke is bīmār ko dekhe tujh ko bhī taufīq huī


lab par us ke naam thā terā jab bhī dard shadīd huā

aane lage haiñ vo bhī ayādat ke vāste


ai chārāgar marīz ko achchhā kiyā na jaa.e

aate haiñ ayādat ko to karte haiñ nasīhat


ahbāb se ġham-ḳhvār huā bhī nahīñ jaatā

aayā na ek baar ayādat ko masīh


sau baar maiñ fareb se bīmār ho chukā

apnī zabāñ se kuchh na kaheñge chup raheñge āshiq log


tum se to itnā ho saktā hai pūchho haal bechāroñ

ayādat ko mirī aa kar vo ye tākīd karte haiñ


tujhe ham maar Dāleñge nahīñ to jald achchhā ho

ayādat ko mirī aa kar vo ye tākīd karte haiñ


tujhe ham maar Dāleñge nahīñ to jald achchhā ho

bahr-e-ayādat aa.e vo lekin qazā ke saath


dam nikal gayā mirā āvāz-e-pā ke saath

dekhne aa.e the vo apnī mohabbat asar


kahne ko ye hai ki aa.e haiñ ayādat kar ke

ek din pūchhā na 'hātim' ko kabhū us ne ki dost


kab se bīmār hai aur kyā tujhe āzār hai

ik baar aur merī ayādat ko aa.iye


achchhī tarah se maiñ abhī achchhā huā nahīñ

jaañ-ba-lab thā to ayādat ko bhī aa jaate the


maiñ to lo aur burā ho gayā achchhā ho kar

jab na thā zabt to kyuuñ aa.e ayādat ke liye


tum ne kaahe ko mirā haal-e-pareshāñ dekhā

kabhū bīmār sun kar vo ayādat ko to aatā thā


hameñ apne bhale hone se vo āzār behtar thā

kaun aatā hai ayādat ke liye dekheñ 'farāġh'


apne ko zarā nā-saaz kiye dete haiñ

le merī ḳhabar chashm mire yaar kyuuñ-kar


bīmār ayādat kare bīmār kyuuñ-kar

pūchh lete vo bas mizāj mirā


kitnā āsān thā ilaaj mirā

tandurustī se to behtar thī mirī bīmārī


vo kabhī pūchh to lete the ki haal achchhā hai

vo ayādat ke liye aa.e haiñ lo aur sahī


aaj ḳhūbī-e-taqdīr se haal achchhā hai

vo ayādat ko na aayā kareñ maiñ dar guzrā


haal-e-dil pūchh ke aur aag lagā jaate haiñ

vo ayādat ko to aayā thā magar jaate hue


apnī tasvīreñ bhī kamre se uThā kar le gayā

Tag