Paan shayari

Chewing betel leaves is a part of the Indian subcontinent’s culture. It is also offered to others in an act of courtesy and to make friends. The redness that betel leaves bring to lips has attracted men and women to each other. Poetry too has taken note of this. We share some of them with you here.

lagāvaT adā se un kahnā paan hāzir hai

qayāmat hai sitam hai dil fidā hai jaan hāzir hai

lagawaT ki ada se un ka kahna pan hazir hai

qayamat hai sitam hai dil fida hai jaan hazir hai

Akbar Allahabadi

uThāyā us ne biiḌā qatl kuchh dil meñ Thānā hai

chabānā paan bhī ḳhuuñ bahāne bahāna hai

uThaya us ne biDa qatl ka kuchh dil mein Thana hai

chabana pan ka bhi KHun bahane ka bahana hai

Mardan Ali Khan Rana

gilaurī raqīboñ ne bhejī hai sāhab

kisī aur ko bhī khilā lījiyegā

gilauri raqibon ne bheji hai sahab

kisi aur ko bhi khila lijiyega

Wajid Ali Shah Akhtar

bāloñ meñ bal hai aañkh meñ surma hai muñh meñ paan

ghar se nikal ke paañv nikāle nikal chale

baalon mein bal hai aankh mein surma hai munh mein pan

ghar se nikal ke panw nikale nikal chale

Imdad Ali Bahr

paan ke Thele hotel logoñ jamghaT

apne tanhā hone ehsās bhī kyā

pan ke Thele hotel logon ka jamghaT

apne tanha hone ka ehsas bhi kya

Abdur Rahim Nashtar

thā bahut un ko gilaurī uThānā mushkil

dast-e-nāzuk se diyā paan baḌī mushkil se

tha bahut un ko gilauri ka uThana mushkil

dast-e-nazuk se diya pan baDi mushkil se

Riyaz Khairabadi

hoñThoñ meñ daab kar jo gilaurī yaar ne

kyā daañt piise ġhairoñ ne kyā kyā chabā.e hoñTh

honThon mein dab kar jo gilauri di yar ne

kya dant pise ghairon ne kya kya chabae honTh

Arshad Ali Khan Qalaq

ham na uThte haiñ na vo dete haiñ

haath meñ paan hai kyā mushkil hai

hum na uThte hain na wo dete hain

hath mein pan hai kya mushkil hai

Hafeez Jaunpuri

aate haiñ vo kahīñ se to ai 'mehr' qarz daam

chiknī Dalī ilā.ichī mañgā paan chhāliyā

aate hain wo kahin se to ai 'mehr' qarz dam

chikni Dali ilaichi manga pan chhaaliya

Hatim Ali Mehr

jabhī paan khā kar muskurāyā

tabhī dil khil gayā gul kalī

jabhi tu pan kha kar muskuraya

tabhi dil khil gaya gul ki kali ka

Abdul Wahab yakro

aa.e bhī to khaa.e na gilaurī na malā itr

rokī mirī dāvat mujhe mehmāñ se gilā hai

aae bhi to khae na gilauri na mala itr

roki meri dawat mujhe mehman se gila hai

Imdad Ali Bahr

mire qatl par tum ne biiḌā uThāyā

mire haath paan khāyā to hotā

mere qatl par tum ne biDa uThaya

mere hath ka pan khaya to hota

Imdad Ali Bahr

bahut se ḳhūn-ḳharābe macheñge ḳhāna-ḳharāb

yahī hai rañg agar tere paan khāne

bahut se KHun-KHarabe machenge KHana-KHarab

yahi hai rang agar tere pan khane ka

Abdul Rahman Ehsan Dehlvi

kyā hai mujhe dete ho gilaurī

chūne meñ kahīñ na sañkhiyā ho

kya hai mujhe dete ho gilauri

chune mein kahin na sankhiya ho

Imdad Ali Bahr

ḳhūn-e-ushshāq hai ma.ānī meñ

shauq se paan khā.iye sāhab

KHun-e-ushshaq hai maani mein

shauq se pan khaiye sahab

Sakhi Lakhnvi

haath meñ le kar gilaurī mujh ko dikhlā kar kahā

muñh to banvā.e koī is paan khāne ke liye

hath mein le kar gilauri mujh ko dikhla kar kaha

munh to banwae koi is pan khane ke liye

Lala Madhav Ram Jauhar

kab paan raqīboñ ko ināyat nahīñ hote

kis roz mire qatl biiḌā nahīñ uThtā

kab pan raqibon ko inayat nahin hote

kis roz mere qatl ka biDa nahin uThta

Muneer Shikohabadi

paan khāne adā ye hai to ik aalam ko

ḳhuuñ rulā.egā mirī jaañ dahan-e-surkh tirā

pan khane ki ada ye hai to ek aalam ko

KHun rulaega meri jaan dahan-e-surkh tera

Mushafi Ghulam Hamdani

tumhāre lab surḳhī la.al mānind aslī hai

agar tum paan ai pyāre na khāoge to kyā hogā

tumhaare lab ki surKHi lal ki manind asli hai

agar tum pan ai pyare na khaoge to kya hoga

Abroo Shah Mubarak

paan khā kar jo ugaal aap ne thūkā sāhab

jauharī mahv hue la.al-e-yaman yaad aayā

pan kha kar jo ugal aap ne thuka sahab

jauhari mahw hue lal-e-yaman yaad aaya

Aagha Akbarabadi

sadā paan khā khā ke nikle hai bāhar

zamāne meñ ḳhūñ-ḳhvār paidā huā hai

sada pan kha kha ke nikle hai bahar

zamane mein KHun-KHwar paida hua hai

Mushafi Ghulam Hamdani

ḳhūn-e-ushshāq uThā biiḌā

be-sabab kab vo paan khātā hai

KHun-e-ushshaq ka uTha biDa

be-sabab kab wo pan khata hai

Meer Kallu Arsh

Related Tags

Added to your favorites

Removed from your favorites