apnī taraf to maiñ bhī nahīñ huuñ abhī talak

aur us taraf tamām zamāna usī kā hai

apni taraf to main bhi nahin hun abhi talak

aur us taraf tamam zamana usi ka hai

ye kār-e-zindagī thā to karnā paḌā mujhe

ḳhud ko sameTne meñ bikharnā paḌā mujhe

ye kar-e-zindagi tha to karna paDa mujhe

KHud ko sameTne mein bikharna paDa mujhe

dhuup meñ kaun kise yaad kiyā kartā hai

par tire shahr meñ barsāt to hotī hogī

dhup mein kaun kise yaad kiya karta hai

par tere shahr mein barsat to hoti hogi

jo shaam hotī hai har roz haar jaatā huuñ

maiñ apne jism kī parchhā.iyoñ se laḌte hue

jo sham hoti hai har roz haar jata hun

main apne jism ki parchhaiyon se laDte hue

vo mārka ki aaj bhī sar ho nahīñ sakā

maiñ thak ke muskurā diyā jab ro nahīñ sakā

wo marka ki aaj bhi sar ho nahin saka

main thak ke muskura diya jab ro nahin saka

vo kaam rah ke karnā paḌā shahr meñ hameñ

majnūñ ko jis ke vāste vīrāna chāhiye

wo kaam rah ke karna paDa shahr mein hamein

majnun ko jis ke waste virana chahiye

ḳhāmoshī ke nāḳhun se chhil jaayā karte haiñ

koī phir in zaḳhmoñ par āvāzeñ maltā hai

KHamoshi ke naKHun se chhil jaya karte hain

koi phir in zaKHmon par aawazen malta hai

soch lo ye dil-lagī bhārī na paḌ jaa.e kahīñ

jaan jis ko kah rahe ho jaan hotī jā.egī

soch lo ye dil-lagi bhaari na paD jae kahin

jaan jis ko kah rahe ho jaan hoti jaegi

tū ne jis baat ko iz.hār-e-mohabbat samjhā

baat karne ko bas ik baat rakhī thī ham ne

tu ne jis baat ko izhaar-e-mohabbat samjha

baat karne ko bas ek baat rakhi thi hum ne

abhī to aur bhī chehre tumheñ pukāreñge

abhī vo aur bhī chehroñ meñ muntaqil hogā

abhi to aur bhi chehre tumhein pukarenge

abhi wo aur bhi chehron mein muntaqil hoga

tire badan kī ḳhalāoñ meñ aañkh khultī hai

havā ke jism se jab jab lipaT ke sotā huuñ

tere badan ki KHalaon mein aankh khulti hai

hawa ke jism se jab jab lipaT ke sota hun

is baar rāh-e-ishq kuchh itnī tavīl thī

us ke badan se ho ke guzarnā paḌā mujhe

is bar rah-e-ishq kuchh itni tawil thi

us ke badan se ho ke guzarna paDa mujhe

rakkhī huī hai donoñ kī buniyād ret par

sahrā-e-be-karāñ ko samundar likheñge ham

rakkhi hui hai donon ki buniyaad ret par

sahra-e-be-karan ko samundar likhenge hum

ik ashk qahqahoñ se guzartā chalā gayā

ik chīḳh ḳhāmushī meñ utartī chalī ga.ī

ek ashk qahqahon se guzarta chala gaya

ek chiKH KHamushi mein utarti chali gai

pahle sahrā se mujhe laayā samundar kī taraf

naav par kāġhaz kī phir mujh ko savār us ne kiyā

pahle sahra se mujhe laya samundar ki taraf

naw par kaghaz ki phir mujh ko sawar us ne kiya

kar hī kyā saktī hai duniyā aur tujh ko dekh kar

dekhtī jā.egī aur hairān hotī jā.egī

kar hi kya sakti hai duniya aur tujh ko dekh kar

dekhti jaegi aur hairan hoti jaegi

jab saath the to mil ke bhī milnā na ho sakā

jab se bichhaḌ ga.e ho to paiham mile hameñ

jab sath the to mil ke bhi milna na ho saka

jab se bichhaD gae ho to paiham mile hamein

abhī to aur bhī chehre tumheñ pukāreñge

abhī vo aur bhī chehroñ meñ muntaqil hogā

abhi to aur bhi chehre tumhein pukarenge

abhi wo aur bhi chehron mein muntaqil hoga

mahsūs kar rahā huuñ ḳhāroñ meñ qaid ḳhushbū

āñkhoñ ko terī jānib ik baar kar liyā hai

mahsus kar raha hun KHaron mein qaid KHushbu

aankhon ko teri jaanib ek bar kar liya hai

na ābshār na sahrā lagā sake qīmat

ham apnī pyaas ko le kar dahan meñ lauT aa.e

na aabshaar na sahra laga sake qimat

hum apni pyas ko le kar dahan mein lauT aae

suno maiñ 'mīr' kā dīvān samajhtā huuñ use

jo namāzī haiñ vo qur.ān samajhte hoñge

suno main 'mir' ka diwan samajhta hun use

jo namazi hain wo quran samajhte honge

shahr meñ saare charāġhoñ kī ziyā ḳhāmosh hai

tīrgī har samt phailā kar havā ḳhāmosh hai

shahr mein sare charaghon ki ziya KHamosh hai

tirgi har samt phaila kar hawa KHamosh hai

lagī vo tujh sī to aalam meñ munfarid Thahrī

vagarna aam sī lagtī agar judā lagtī

lagi wo tujh si to aalam mein munfarid Thahri

wagarna aam si lagti agar juda lagti

kar hī kyā saktī hai duniyā aur tujh ko dekh kar

dekhtī jā.egī aur hairān hotī jā.egī

kar hi kya sakti hai duniya aur tujh ko dekh kar

dekhti jaegi aur hairan hoti jaegi

'amīr' imaam batāo ye mājrā kyā hai

tumhāre sher usī bāñkpan meñ lauT aa.e

'amir' imam batao ye majra kya hai

tumhaare sher usi bankpan mein lauT aae