duniyā merī zindagī ke din kam kartī jaatī hai kyuuñ

ḳhuun pasīna ek kiyā hai ye merī mazdūrī hai

duniya meri zindagi ke din kam karti jati hai kyun

KHun pasina ek kiya hai ye meri mazduri hai

bār-hā ḳhud pe maiñ hairān bahut hotā huuñ

koī hai mujh meñ jo bilkul hī judā hai mujh se

bar-ha KHud pe main hairan bahut hota hun

koi hai mujh mein jo bilkul hi juda hai mujh se

maiñ ḳhud meñ gūñjtā huuñ ban ke terā sannāTā

mujhe na dekh mirī tarah be-zabāñ ban kar

main KHud mein gunjta hun ban ke tera sannaTa

mujhe na dekh meri tarah be-zaban ban kar

ye 'talḳh' kiyā kyā hai ḳhud se bhī ga.e tum to

marnā hī kisī par thā tum ḳhud pe mare hote

ye 'talKH' kiya kya hai KHud se bhi gae tum to

marna hi kisi par tha tum KHud pe mare hote

ye ab gharoñ meñ na paanī na dhuup hai na jagah

zamīñ ne 'talḳh' ye shahroñ ko bad-duā dī hai

ye ab gharon mein na pani na dhup hai na jagah

zamin ne 'talKH' ye shahron ko bad-dua di hai

sābit ye maiñ karūñgā ki huuñ yā nahīñ huuñ maiñ

vahm o yaqīñ kā koī do-rāhā nahīñ huuñ maiñ

sabit ye main karunga ki hun ya nahin hun main

wahm o yaqin ka koi do-raha nahin hun main

shikāyat aur to kuchh bhī nahīñ in āñkhoñ se

zarā sī baat pe paanī bahut barastā hai

shikayat aur to kuchh bhi nahin in aankhon se

zara si baat pe pani bahut barasta hai

sab ke so jaane pe aflāk se kyā kahtā hai

raat ko ek parinde kī sadā suntā huuñ

sab ke so jaane pe aflak se kya kahta hai

raat ko ek parinde ki sada sunta hun

har shakl rafta rafta anjān ho ga.ī hai

mushkil thī jo bhī jis kī āsān ho ga.ī hai

har shakl rafta rafta anjaan ho gai hai

mushkil thi jo bhi jis ki aasan ho gai hai

ham ka.ī roz se be-vaj.h bahut ḳhush haiñ chalo

zindagī kī ye adā.eñ bhī to dekhī jaa.eñ

hum kai roz se be-wajh bahut KHush hain chalo

zindagi ki ye adaen bhi to dekhi jaen

az-roz-e-azal hai ki nahīñ hai kā hai mahshar

aur is kā javāb aaj bhī haañ bhī hai nahīñ bhī

az-roz-e-azal hai ki nahin hai ka hai mahshar

aur is ka jawab aaj bhi han bhi hai nahin bhi

ye dil ab mujh se thoḌī der sustāne ko kahtā hai

aur āñhkeñ muuñd kar har baat dohrāne ko kahtā hai

ye dil ab mujh se thoDi der sustane ko kahta hai

aur aanhken mund kar har baat dohrane ko kahta hai

koī jis baat se ḳhush hai to ḳhafā dūsrā hai

kuchh bhī kahne meñ kisī se yahī dushvārī hai

koi jis baat se KHush hai to KHafa dusra hai

kuchh bhi kahne mein kisi se yahi dushwari hai

kisī ke saath na hone ke dukh bhī jhele haiñ

kisī ke saath magar aur bhī akele haiñ

kisi ke sath na hone ke dukh bhi jhele hain

kisi ke sath magar aur bhi akele hain