kachre se uThā.ī jo kisī tifl ne roTī

phir halq se mere koī luqma nahīñ utrā

kachre se uThai jo kisi tifl ne roTi

phir halq se mere koi luqma nahin utra

jab vasl kā aa.egā tire saath sanam din

us din ko haqīqat meñ kahūñgā maiñ janam-din

jab wasl ka aaega tere sath sanam din

us din ko haqiqat mein kahunga main janam-din

is se baḌh kar aur kyā ham par sitam hogā 'munīr'

mashvara māñgā hai is ne faisla karne ke ba.ad

is se baDh kar aur kya hum par sitam hoga 'munir'

mashwara manga hai is ne faisla karne ke baad

kunj-e-hairat se chale dasht-e-ziyāñ tak laa.e

kaun lā saktā hai ham dil ko jahāñ tak laa.e

kunj-e-hairat se chale dasht-e-ziyan tak lae

kaun la sakta hai hum dil ko jahan tak lae

koī bhī sur meñ nahīñ hai 'munīr' kyā kiije

ye zindagī kā tarāna riyāz māñgtā hai

koi bhi sur mein nahin hai 'munir' kya kije

ye zindagi ka tarana riyaz mangta hai

charāġh andar kī sāzishoñ se bujhe hue haiñ

aur is kā ilzām bhī havā par chalā gayā hai

charagh andar ki sazishon se bujhe hue hain

aur is ka ilzam bhi hawa par chala gaya hai

paḌ jaate haiñ kitne chhāle hāthoñ meñ

aate haiñ phir chand nivāle hāthoñ meñ

paD jate hain kitne chhaale hathon mein

aate hain phir chand niwale hathon mein

būḌhe kamzor vāldain ke saath

jī rahā huuñ maiñ kitne chain ke saath

buDhe kamzor waldain ke sath

ji raha hun main kitne chain ke sath

maiñ aaj tujh se mulāqāt karne aaya huuñ

na.ī ġhazal kī shurū'āt karne aaya huuñ

main aaj tujh se mulaqat karne aaya hun

nai ghazal ki shuru'at karne aaya hun

kyā ḳhabar kaun sā rasta tirī jānib nikle

be-irāda bhī ka.ī baar safar karte haiñ

kya KHabar kaun sa rasta teri jaanib nikle

be-irada bhi kai bar safar karte hain

sipah-sālār ke jab haath kāñpeñ to sipāhī bhī

ziyāda der phir maidān meñ Thahrā nahīñ karte

sipah-salar ke jab hath kanpen to sipahi bhi

ziyaada der phir maidan mein Thahra nahin karte

muskurā kar agar vo dekhe to

aa.ine par nishān paḌ jaa.e

muskura kar agar wo dekhe to

aaine par nishan paD jae

zamīñ pe sirf utārā nahīñ 'munīr' us ne

phir us ke baa'd hamārā ḳhayāl bhī rakkhā

zamin pe sirf utara nahin 'munir' us ne

phir us ke ba'd hamara KHayal bhi rakkha

jo ahl-e-‘ishq haiñ dete haiñ zor burger par

jo ahl-e-husn haiñ sapne dinner ke dekhte haiñ

jo ahl-e-‘ishq hain dete hain zor burger par

jo ahl-e-husn hain sapne dinner ke dekhte hain

ek ummīd ke sahāre par

kitnī tāḳhīr dekh lete haiñ

ek ummid ke sahaare par

kitni taKHir dekh lete hain

karnī paḌ jaa.e vazāhat pe vazāhat lekin

ham tirī baat kī tardīd nahīñ kar sakte

karni paD jae wazahat pe wazahat lekin

hum teri baat ki tardid nahin kar sakte

agar hai niiñd na aane kā āriza tujh ko

to bed pe leT ke fauran koī kitāb uThā

agar hai nind na aane ka aariza tujh ko

to bed pe leT ke fauran koi kitab uTha

phir apnī is prem-kahānī par aayā decline

ab vo mujh ko jin kahtī hai aur maiñ us ko Daa.in

phir apni is prem-kahani par aaya decline

ab wo mujh ko jin kahti hai aur main us ko Dain

kiyā huā hai use deiting ne itnā slim

so us kī pics ko ham zoom kar ke dekhte haiñ

kiya hua hai use deiting ne itna slim

so us ki pics ko hum zoom kar ke dekhte hain

sunā thā ganje qismat vaale hote haiñ

aur sunte hī sunte 'arsa biit gayā

suna tha ganje qismat wale hote hain

aur sunte hi sunte 'arsa bit gaya

ā.īna dekheñ to ġhussa aatā hai

sar se Topī utre 'arsa biit gayā

aaina dekhen to ghussa aata hai

sar se Topi utre 'arsa bit gaya

hamārī zulf-e-siyah kā bharam na khul jaa.e

bachā huā hai jo piyālī meñ vo ḳhizāb uThā

hamari zulf-e-siyah ka bharam na khul jae

bacha hua hai jo piyali mein wo KHizab uTha

tai ho chukī hai us se judā.ī magar 'munīr'

tū us ke saath lamha-e-inkār tak to chal

tai ho chuki hai us se judai magar 'munir'

tu us ke sath lamha-e-inkar tak to chal

jis manzar kā hissa terī zaat nahīñ

merī nazar meñ us kī koī auqāt nahīñ

jis manzar ka hissa teri zat nahin

meri nazar mein us ki koi auqat nahin

jīvan hai saḌak aur kināre pe khaḌe haiñ

lagtā hai ki muddat se ishāre pe khaḌe haiñ

jiwan hai saDak aur kinare pe khaDe hain

lagta hai ki muddat se ishaare pe khaDe hain

kuchh vaqt jo us shaḳhs kī sohbat meñ guzāre

ā.eñgī nazar sirf use dahr meñ ġhazleñ

kuchh waqt jo us shaKHs ki sohbat mein guzare

aaengi nazar sirf use dahr mein ghazlen

be-chehra insānoñ kī is bastī meñ

achchhā hai ā.īne toḌ diye jaa.eñ

be-chehra insanon ki is basti mein

achchha hai aaine toD diye jaen

chaa.e kā to zikr hī mat kījiye

ab to bas kaalā hai sab kuchh daal meñ

chae ka to zikr hi mat kijiye

ab to bas kala hai sab kuchh dal mein

aap kī to jild baajī ho rahī hai ab ḳharāb

maiñ karūñgī facial ban jā.egī taaza gulāb

aap ki to jild baji ho rahi hai ab KHarab

main karungi facial ban jaegi taza gulab

niklī ho parlour se fresh face le ke tum

lagtā huuñ maiñ jo kālī-charan tum ko is se kyā

nikli ho parlour se fresh face le ke tum

lagta hun main jo kali-charan tum ko is se kya

laḌ rahā huuñ maiñ akelā kār-zār-e-hast meñ

kar farāham tū bhī zālim apne hone kā javāz

laD raha hun main akela kar-zar-e-hast mein

kar faraham tu bhi zalim apne hone ka jawaz

samajh meñ aatā nahīñ ye kaisī numū hai mujh meñ

vo merī miTTī meñ kuchh milā kar chalā gayā hai

samajh mein aata nahin ye kaisi numu hai mujh mein

wo meri miTTi mein kuchh mila kar chala gaya hai

go harf-o-ashk donoñ the sāmān-e-guftugū

phir bhī hamārī baat meñ ib.hām rah gayā

go harf-o-ashk donon the saman-e-guftugu

phir bhi hamari baat mein ibham rah gaya

tum ne to das hazār kā joḌā pahan liyā

TuuTe hue haiñ mere button tum ko is se kyā

tum ne to das hazar ka joDa pahan liya

TuTe hue hain mere button tum ko is se kya

kahāñ se ham apnī gardishoñ kā javāz DhūñDeñ

hamārā mehvar zamīñ ke mehvar se muḳhtalif hai

kahan se hum apni gardishon ka jawaz DhunDen

hamara mehwar zamin ke mehwar se muKHtalif hai

aur kyā mafhūm hogā ḳhud-farebī ke sivā

tishnagī jalte hue sūraj pe gar zāhir kareñ

aur kya mafhum hoga KHud-farebi ke siwa

tishnagi jalte hue suraj pe gar zahir karen

tirī sūrat meñ rihā.ī mil ga.ī

aañkh kitne manzaroñ meñ qaid thī

teri surat mein rihai mil gai

aankh kitne manzaron mein qaid thi

tujh ko ḳhud se minhā karte

nā-mumkin thā aisā karte

tujh ko KHud se minha karte

na-mumkin tha aisa karte

kab se pahuñch gayā huuñ maiñ us shaḳhs ke qarīb

kahtī hai phir bhī us kī nazar rāste meñ huuñ

kab se pahunch gaya hun main us shaKHs ke qarib

kahti hai phir bhi us ki nazar raste mein hun

ban ga.e insān apnī zaat meñ jangal 'munīr'

bastiyoñ se uḌ ga.ī hai bū-e-ādam-zād tak

ban gae insan apni zat mein jangal 'munir'

bastiyon se uD gai hai bu-e-adam-zad tak

ye ā.īnoñ ke haiñ yā naqs mere

bigaḌte jā rahe haiñ 'aks mere

ye aainon ke hain ya naqs mere

bigaDte ja rahe hain 'aks mere

ye to ahl-e-junūñ kā maskan hai

aap kaise janāb sahrā meñ

ye to ahl-e-junun ka maskan hai

aap kaise janab sahra mein

terī sūrat meñ rihā.ī mil ga.ī

aañkh kitne manzaroñ meñ qaid thī

teri surat mein rihai mil gai

aankh kitne manzaron mein qaid thi

us vaqt se bachā mujhe ai rabb-e-kā.ināt

hubb-e-vatan ho dil meñ vatan kāTne lage

us waqt se bacha mujhe ai rabb-e-kainat

hubb-e-watan ho dil mein watan kaTne lage

ye kis tarah kī zamīñ pe ham ne binā-e-shahr-e-murād rakkhī

yahāñ pe koī gulāb-mausam utar bhī saktā hai aur nahīñ bhī

ye kis tarah ki zamin pe hum ne bina-e-shahr-e-murad rakkhi

yahan pe koi gulab-mausam utar bhi sakta hai aur nahin bhi