suntā huuñ ki tujh ko bhī zamāne se gila hai

mujh ko bhī ye duniyā nahīñ raas aa.ī idhar aa

sunta hun ki tujh ko bhi zamane se gila hai

mujh ko bhi ye duniya nahin ras aai idhar aa

rotī huī ek bhiiḌ mire gird khaḌī thī

shāyad ye tamāsha mire hañsne ke liye thā

roti hui ek bhiD mere gird khaDi thi

shayad ye tamasha mere hansne ke liye tha

mujh se mat bolo maiñ aaj bharā baiThā huuñ

cigarette ke donoñ paikeT bilkul ḳhālī haiñ

mujh se mat bolo main aaj bhara baiTha hun

cigarette ke donon paikeT bilkul KHali hain

shukriya reshmī dilāse kā

tiir to aap ne bhī maarā thā

shukriya reshmi dilase ka

tir to aap ne bhi mara tha

khilte haiñ dil meñ phuul tirī yaad ke tufail

ātish-kada to der huī sard ho gayā

khilte hain dil mein phul teri yaad ke tufail

aatish-kada to der hui sard ho gaya

kāñTe bone vaale sach-much tū bhī kitnā bholā hai

jaise raahī ruk jā.eñge tere kāñTe bone se

kanTe bone wale sach-much tu bhi kitna bhola hai

jaise rahi ruk jaenge tere kanTe bone se

sunā.iye vo latīfa har ek jaam ke saath

ki ek buuñd se īmān TuuT jaatā hai

sunaiye wo latifa har ek jam ke sath

ki ek bund se iman TuT jata hai

bachpan meñ ākāsh ko chhūtā sā lagtā thā

is pīpal kī shāḳheñ ab kitnī nīchī haiñ

bachpan mein aakash ko chhuta sa lagta tha

is pipal ki shaKHen ab kitni nichi hain

jab sarāboñ pe qanā.at kā salīqa aayā

ret ko haath lagāyā to vahīñ paanī thī

jab sarabon pe qanaat ka saliqa aaya

ret ko hath lagaya to wahin pani thi

batā.eñ kyā ki bechainī baḌhāte haiñ vahī aa kar

bahut bechain ham jin ke liye ma.alūm hote haiñ

bataen kya ki bechaini baDhate hain wahi aa kar

bahut bechain hum jin ke liye malum hote hain

ab tak to ḳhud-kushī kā irāda nahīñ kiyā

miltā hai kyuuñ nadī ke kināre mujhe koī

ab tak to KHud-kushi ka irada nahin kiya

milta hai kyun nadi ke kinare mujhe koi

farq nahīñ paḌtā ham dīvānoñ ke ghar meñ hone se

vīrānī umDī paḌtī hai ghar ke kone kone se

farq nahin paDta hum diwanon ke ghar mein hone se

virani umDi paDti hai ghar ke kone kone se

mere tīkhe sher kī qīmat dukhtī rag par kaarī choT

chiknī chupḌī ġhazleñ be-shak aap ḳharīdeñ sone se

mere tikhe sher ki qimat dukhti rag par kari choT

chikni chupDi ghazlen be-shak aap KHariden sone se

us ne mujh ko yaad farmāyā yaqīnan

jism meñ aayā huā hai zalzala sā

us ne mujh ko yaad farmaya yaqinan

jism mein aaya hua hai zalzala sa

kuchh bhī hoñ dillī ke kūche

tujh bin mujh ko ghar kāTegā

kuchh bhi hon dilli ke kuche

tujh bin mujh ko ghar kaTega

kāñToñ meñ rakh ke phuul havā meñ uḌā ke ḳhaak

kartā hai sau tarah se ishāre mujhe koī

kanTon mein rakh ke phul hawa mein uDa ke KHak

karta hai sau tarah se ishaare mujhe koi

ai muzaffar kis liye bhopal yaad aane lagā

kyā samajhte the ki dillī meñ na hogā āsmāñ

ai muzaffar kis liye bhopal yaad aane laga

kya samajhte the ki dilli mein na hoga aasman

yuuñ palak par jagmagānā do ghaḌī kā aish hai

raushnī ban kar mire andar hī andar phail jā

yun palak par jagmagana do ghaDi ka aish hai

raushni ban kar mere andar hi andar phail ja

ġhamoñ par muskurā lete haiñ lekin muskurā kar ham

ḳhud apnī hī nazar meñ chor se ma.alūm hote haiñ

ghamon par muskura lete hain lekin muskura kar hum

KHud apni hi nazar mein chor se malum hote hain

ab tak to ḳhud-kushī kā irāda nahīñ kiyā

miltā hai kyuuñ nadī ke kināre mujhe koī

ab tak to KHud-kushi ka irada nahin kiya

milta hai kyun nadi ke kinare mujhe koi

ġhamoñ par muskurā lete haiñ lekin muskurā kar ham

ḳhud apnī hī nazar meñ chor se ma.alūm hote haiñ

ghamon par muskura lete hain lekin muskura kar hum

KHud apni hi nazar mein chor se malum hote hain

shāḳhoñ par ib.hām ke paikar laTak rahe haiñ

lafzoñ ke jañgal meñ ma.anī bhaTak rahe haiñ

shaKHon par ibham ke paikar laTak rahe hain

lafzon ke jangal mein mani bhaTak rahe hain

bheḌiye aur ishtirāk-shudā

biich meñ ik hiran halāk-shudā

bheDiye aur ishtirak-shuda

bich mein ek hiran halak-shuda

āñgan meñ ye raat kī raanī sāñpoñ kā ghar kaaT ise

kamra albatta suunā hai kone meñ guldān lagā

aangan mein ye raat ki rani sanpon ka ghar kaT ise

kamra albatta suna hai kone mein guldan laga

dekhnā kaise humakne lage saare patthar

merī vahshat ko tumhārī galī pahchāntī hai

dekhna kaise humakne lage sare patthar

meri wahshat ko tumhaari gali pahchanti hai

hazāroñ mushkileñ haiñ dostoñ se duur rahne meñ

magar ik fā.eda hai piiTh par ḳhanjar nahīñ lagtā

hazaron mushkilen hain doston se dur rahne mein

magar ek faeda hai piTh par KHanjar nahin lagta

shikast khā chuke haiñ ham magar aziiz fāteho

hamāre qad se kam na ho farāz-e-dār dekhnā

shikast kha chuke hain hum magar aziz fateho

hamare qad se kam na ho faraaz-e-dar dekhna

is khurdurī ġhazal ko na yuuñ muñh banā ke dekh

kis haal meñ likhī hai mire paas aa ke dekh

is khurduri ghazal ko na yun munh bana ke dekh

kis haal mein likhi hai mere pas aa ke dekh

yuuñ bhī dillī meñ log rahte haiñ

jaise dīvān-e-mīr chaak shuda

yun bhi dilli mein log rahte hain

jaise diwan-e-mir chaak shuda

ugal dete haiñ jo kuchh peT meñ ho ghar meñ aate hī

parinde apne bachchoñ se adākārī nahīñ karte

ugal dete hain jo kuchh peT mein ho ghar mein aate hi

parinde apne bachchon se adakari nahin karte

sunā ai dosto tum ne ki shā.er haiñ 'muzaffar' bhī

ba-zāhir aadmī kitne bhale ma.alūm hote haiñ

suna ai dosto tum ne ki shaer hain 'muzaffar' bhi

ba-zahir aadmi kitne bhale malum hote hain

sivā.e mere kisī ko jalne kā hosh kab thā

charāġh kī lau buland thī aur raat kam thī

siwae mere kisi ko jalne ka hosh kab tha

charagh ki lau buland thi aur raat kam thi

Thappa lagā huā hai 'muzaffar' ke naam kā

us kā koī bhī sher kahīñ se uThā ke dekh

Thappa laga hua hai 'muzaffar' ke nam ka

us ka koi bhi sher kahin se uTha ke dekh

mausam ne khet-khet ugaa.ī hai fasl-e-zard

sarsoñ ke khet haiñ ke jo piile nahīñ rahe

mausam ne khet-khet ugai hai fasl-e-zard

sarson ke khet hain ke jo pile nahin rahe

sunā ai dosto tum ne ki shā.er haiñ 'muzaffar' bhī

ba-zāhir aadmī kitne bhale ma.alūm hote haiñ

suna ai dosto tum ne ki shaer hain 'muzaffar' bhi

ba-zahir aadmi kitne bhale malum hote hain

ḳhud hī na Duub jā.ūñ ki fursat mile mujhe

nekī ladī hai pusht pe dariyā hai sāmne

KHud hi na Dub jaun ki fursat mile mujhe

neki ladi hai pusht pe dariya hai samne

ab 'umr kā ehsās dilāne lage jugnū

dāman se mirī aañkh meñ aane lage jugnū

ab 'umr ka ehsas dilane lage jugnu

daman se meri aankh mein aane lage jugnu

yahāñ 'adū ke sivā kaun pūchhtā hai hameñ

lahūluhān sahī kuchh nahīñ huā hai hameñ

yahan 'adu ke siwa kaun puchhta hai hamein

lahuluhan sahi kuchh nahin hua hai hamein

us vaqt jab tilism-e-falak TūTne ko thā

aisā huā ki mujh ko bulāne lagī zamīñ

us waqt jab tilism-e-falak TuTne ko tha

aisa hua ki mujh ko bulane lagi zamin

abhī to maiñ do qadam chalā huuñ zamīn kyoñ tang ho rahī hai

mujhī pe kyoñ āsmān TuuTe abhī to maiñ par nikāltā thā

abhi to main do qadam chala hun zamin kyon tang ho rahi hai

mujhi pe kyon aasman TuTe abhi to main par nikalta tha

darvāze pe tahrīr yahāñ koī nahīñ hai

andar koī zanjīr hilātā hai ki maiñ huuñ

darwaze pe tahrir yahan koi nahin hai

andar koi zanjir hilata hai ki main hun

sūraj ko toḌ-moḌ ke jab din kiyā tamām

tāroñ ke TūTne se shab-e-tār hil ga.ī

suraj ko toD-moD ke jab din kiya tamam

taron ke TuTne se shab-e-tar hil gai

fāḳhta kahtī rahī fasleñ jalā dī jā.eñgī

jhuum kar aage baḌhe bādal ki ham to jā.eñge

faKHta kahti rahi faslen jala di jaengi

jhum kar aage baDhe baadal ki hum to jaenge

ḳhafīf rahte haiñ aksar zamīr ke aage

ye tū ne kaise tarāzū pe rakh diyā hai hameñ

KHafif rahte hain aksar zamir ke aage

ye tu ne kaise taraazu pe rakh diya hai hamein

vahāñ bhī 'aql hī masnad-nashīñ milī ki jahāñ

matā'-e-fikr-o-nazar kā koī savāl na thā

wahan bhi 'aql hi masnad-nashin mili ki jahan

mata'-e-fikr-o-nazar ka koi sawal na tha

DyoDhī meñ aa gayā thā ki bārish zarā thame

zanjīr-e-dar to yuuñ hī mire yaar hil ga.ī

DyoDhi mein aa gaya tha ki barish zara thame

zanjir-e-dar to yun hi mere yar hil gai

bahut muhtāt rahiye us kī bātoñ aur ghātoñ se

agar vo aap kī tā'rīf sub.h-o-shām kartā hai

bahut muhtat rahiye us ki baaton aur ghaton se

agar wo aap ki ta'rif subh-o-sham karta hai

maiñ apnā she'r kaise nazr kar duuñ ahl-e-daulat ko

ujāle meñ to ye raushan sitāra Duub jā.egā

main apna she'r kaise nazr kar dun ahl-e-daulat ko

ujale mein to ye raushan sitara Dub jaega

'muzaffar' vo mire fan kī bulandī dekhtī kaise

udhar to dekh kar tanqīd kī dastār girtī hai

'muzaffar' wo mere fan ki bulandi dekhti kaise

udhar to dekh kar tanqid ki dastar girti hai