میری ہر شب اسی امید میں کٹ جاتی ہے

وہ ابھی آیا ابھی میرا مقدر جاگا

تڑپ رہا ہے جو بیتاب ہو کے زخموں سے

یہ راستے میں مرے دل کے ہو بہو کیا ہے

شاخ پر ہوں کہ ان کے جوڑے میں

عمر ہے ایک رات پھولوں کی

جو نہیں ہے وقت کا ہم سفر اسے صبح و شام کی کیا خبر

ہو کسی کا وقت پہ کیا اثر بھلا وقت کس کا غلام ہے

تجھے بھلا کے بھی صدیاں بھلا نہیں سکتیں

مگر یہ شرط ہے خود میں کمال پیدا کر

عزیزو زندگی کی تلخیوں سے میں تو باز آیا

رفیقو اور جینے کی دعا سے چوٹ لگتی ہے

جن کے آنگن میں نہیں کوئی بھی رونے والا

ان گھروں سے بھی گزرتا ہے کھلونے والا

ہم اپنی حاجتوں کی غلامی میں آ گئے

زنداں کی بندشوں سے نکلنا نہ آ سکا