Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ".park"

Nazm MATCHES FOR ".park"

Nazm

zawal ki had

park me.n kyaa vo aa.ii thii
aaj bhii kyaa sharmaa.ii thii
kaise kap.De pahne thii
kyaa andaaz thaa juu.De kaa
tum ne us se puuchhaa thaa
raat jo tum ne sochaa thaa
'faiz' kii taaza nazm pa.Dhii
aur 'bedii' kaa afsaana
luup se kyaa haasil hogaa
dariyaa kyaa saahil hogaa

Shahryar
Nazm

lucknow ki sair

chaar baaG station dekho
shahr me.n ek nayaa-pan dekho
sajii sajaa.ii dulhan dekho
qadam qadam par fashion dekho
aa.o tumhe.n lucknow dikhaa.e.n
aur yahaa.n kii sair karaa.e.n
kitnaa achchhaa chi.Diyaa ghar hai
sher hiran bhaaluu bandar hai
mor kabuutar aur tiitar hai
andar murda ajaa.ib ghar hai
aa.o tumhe.n lucknow dikhaa.e.n
aur yahaa.n kii sair karaa.e.n
hazrat ganj kii sair karaa.e.n
qaisar baaG kii laaT dikhaa.e.n
aur amiinaabaad ghumaa.e.n
shaam-e-avadh ra.ngiin banaa.e.n
aa.o tumhe.n lucknow dikhaa.e.n
aur yahaa.n kii sair karaa.e.n
ye puurii up kaa dil hai
is me.n ek chhatar-manzil hai
art school lab-e-saahil hai
nava dekhne ke qaabil hai
aa.o tumhe.n lucknow dikhaa.e.n
aur yahaa.n kii sair karaa.e.n
chauk naKHKHaas husain-aabaad
golaaganj naziiraabaad
pyaar mohabbat me.n aazaad
mard-o-zan shiirii.n farhaad
aa.o tumhe.n lucknow dikhaa.e.n
aur yahaa.n kii sair karaa.e.n
aa.o shahd ismaarak dikhaa.e.n
jhanDe vaale park me.n jaa.e.n
belly-gaurd ko samjhaa.e.n
medical collage dikhlaa.e.n
aa.o tumhe.n lucknow dikhaa.e.n
aur yahaa.n kii sair karaa.e.n
ye sab shahro.n me.n nyaaraa hai
naam is kaa kitnaa pyaaraa hai
sab kii aa.nkho.n kaa taaraa hai
amn-o-sukuu.n kaa gahvaaraa hai
aa.o tumhe.n lucknow dikhaa.e.n
aur yahaa.n kii sair karaa.e.n

Javed Iqbal
Nazm

bakira

....aur chaadar par shab-baashii kaa zinda lahuu thaa
us ne uTh ke a.ng.Daa.ii lii
aa.iine me.n chehra dekhaa
sarshaarii me.n itmiinaan kii ThanDii saa.ns lii
us kii thakii hu.ii aa.nkho.n me.n
diivaanii maGruur chamak thii
fat.h ke nashshe se palke.n bojhal thii.n
us ne sochaa hide-park me.n
jo la.Dkii ik jaasuusii novel me.n Duubii
use milii thii
vo to jaise faaKHta niklii
us ne apnii sex appeal kaa kampaa maar ke
raam kiyaa thaa
us kii lachchhe-daar anokhii baate.n sun kar
us ke saath chalii aa.ii thii
sub.h-savere
chaa.e banaa kar
bosa de kar
chalii ga.ii thii
vo to sach-much baakara niklii
(varna sola sattarah baras kii la.Dkii harrafa hotii hai)
us ne sochaa
us ne shab bhar
band kalii par
ik za.nbuurii raqs kiyaa thaa
aur chaadar par itnaa lahuu thaa
jaise ja.ng-e-aziim
isii bistar par la.Dii ga.ii thii
us ne apnii mo.nchho.n ke guchchhe me.n
apnii ha.nsii dabaa.ii
ek KHayaal se
aa.nkho.n me.n saaya lahraayaa
sar chakraayaa....
ye to us kii mahvaarii kaa murda lahuu thaa
jo chaadar par phail gayaa thaa

Saqi Faruqi
Nazm

bambai

sabz-o-shaadaab saahil
ret ke aur paanii ke giit
muskuraate samundar kaa sayyaal chehra
chaa.nd suuraj ke Tuk.De
laakho.n aa.iine maujo.n me.n bikhre hu.e
kashtiyaa.n baadbaano.n ke aa.nchal me.n apne saro.n ko chhupaa.e hu.e
jaal niile samundar me.n Duube hu.e
KHaak par suukhtii machhliyaa.n
ghaaTne.n pattharo.n kii vo tarshii hu.ii muurate.n
elephanta ke Gaaro.n se jo raqs kartii nikal aa.ii hai.n

Ali Sardar Jafri
Nazm

doston se kah do

hamaare ghar ke qariib
ko.ii nahr nahii.n bahtii
aur na hii
kisii park me.n
sa.ngii nashist
hamaare naam se mansuub hai
hamaarii taraf
aane vaale kisii raaste par
ko.ii daraKHt nahii.n lagaayaa gayaa
niilaa aasmaan
ham se bahut duur hai
aur sitaare
sirf hamaarii aa.nkho.n me.n chamakte hai.n
dosto.n se kah do
ham haalat-e-ja.ng me.n
aasmaan se giraa.e ga.e khilaune hai.n
ko.ii ham se mat khele

Mustafa Arbab
Nazm

lohe ke jabDe

tumhe.n yaad hogaa
tum ne mujhe pichhle baras KHat me.n april bhejaa
jo mujh tak pahu.nchte pahu.nchte august ho gayaa
lafz piile patto.n kii tarah
farsh par bikhar ga.e
december kii sard raato.n me.n
mai.n va.ado.n ke aatish-daan par
baiThii jaagtii rahii
merii rago.n me.n jamaa hu.aa december
aa.nkho.n se pighal kar
bahtaa rahtaa hai
is baras mujhe
KHat me.n kuchh nahii.n bhejnaa
kuchh bhii nahii.n
shaayad aziyyato.n se bharii
shaaKHo.n par
kisii va.ade kii ko.npal
phuuT pa.De
mausamo.n kaa kyaa hai kab badal jaa.e.n
be-e'tibaar lahjo.n kii tarah
vaqt sab kuchh ulaT palaT rahaa hai
shaayad tumhaare lauTne tak
bahut kuchh vaisaa na rahe
jaisaa tum chho.D ga.e the
lohe ke jab.De
miTTii ke malbuus
ko taar-taar karte jaa rahe hai.n
pul jahaa.n se tum park ke kinaare
kha.De dikhaa.ii dete the
vo manzar metro bas ne nigal liyaa hai
sumbul ke pe.Do.n kii jagah shopping mall le chukaa hai
aur haa.n
vo phuulo.n vaalii dukaan
jahaa.n se ham buke lete the
vahaa.n fast-food ban gayaa
dil kii jagah a.nta.Diyo.n ne le lii hai
kyaa kuchh aur kaise badal jaataa hai

Janan Malik
Nazm

ghas mein chhupe sanp

mai.n ghaas huu.n
harii-bharii ghaas
paanii mile to harii-bharii na mile to ghaas-phuus
tho.Dii nargisiyat kii ijaazat diijiye
are jab ugtii huu.n to kyaa joban hotaa hai mujh par
na.ii na.ii ghaas par suuraj kii kirne.n pa.Dtii hai.n to
andho.n kii aa.nkho.n me.n bhii taraavat utar aatii hai janaab
aur haa.e vo taaza taaza ghaas kii KHushbuu
par afsos jab der tak baarish na ho to piilii pa.D jaatii huu.n
magar dhuup pahle mujhe sonaa aur phir kundan banaa detii hai
zamiin par iistaada hazaaro.n pahaa.Diyo.n par meraa hii rang cha.Dhaa hotaa hai
aa.nkh rakhne vaale kahte hai.n
sabze se Dhakii pahaa.Diyaa.n kitnii bhii hasiin ho.n
sone se Dhakii pahaa.Diyo.n kii baat hii alag hai
lekin ye mai.n kyaa ba.D haa.nkne baiTh ga.ii
aamdan barsar-e-matlab mai.n saa.npo.n ke baare me.n kuchh kahnaa chaahtii huu.n
saa.np jo ghaas me.n chhup kirdaar karte hai.n
ghaas se Dhake lawn baaG aur park
karo.Do.n insaano.n ko taskiin dete hai.n
bachche ghaas par bhaagte dau.Dte uchhalte kuudte aur loT-poT hote hai.n
javaan mujh par chalte hu.e mohabbato.n kaa iz.haar aur iqraar karte hai.n
umr-rasiida log duur duur tak phaile sabze ko dekh kar
dil kii ghuTan aur ehsaas-e-ziyaa.n bhuul jaate hai.n
mai.n KHush hotii huu.n ki kisii ke kaam aa hii huu.n
lekin merii KHushii dukh aur sharmindagii me.n badal jaatii hai
jab mere andar chhupe hu.e saa.np insaano.n ko Das lete hai.n
sochtii huu.n in saa.npo.n kaa kyaa ilaaj karuu.n
sochtii huu.n in saa.npo.n kaa ko.ii ilaaj hai bhii yaa nahii.n
sochtii huu.n saa.np mujhii me.n to nahii.n chhupe
vo to zamiin ke kone kone me.n maujuud hai.n
us ke andar bhii us ke baahar bhii
sochtii huu.n jis tezii se saa.npo.n kii ta.adaad ba.Dh rahii hai
kal ye saarii zamiin par na chhaa jaa.e.n
sochtii huu.n ko.ii sailaab hii aa jaa.e jo unhe.n bahaa le jaa.e
phir KHayaal aataa hai ye bah kar jaa.e.nge kahaa.n
aaKHir ek na ek din paanii utregaa aur ye dobaara KHushkii par cha.Dh aa.e.nge
aur mere hii daaman me.n panaah le le.nge
sochtii huu.n KHudaa ne mujhe banaayaa thaa to unhe.n kyuu.n banaayaa
aur agar banaayaa hii thaa to un ke andar zahar kyuu.n bhar diyaa
kyuu.n ho ga.e ye insaan ke dushman
magar saare saa.np to zahriile nahii.n hote
aur kyaa insaano.n ke andar bhii zahr nahii.n bhartaa jaa rahaa hai ab
sochtii huu.n insaan saa.np se Dartaa hai to
saa.np bhii insaan se Dartaa hai
insaan ne saa.np me.n shaitaan kii shakl dekhii thii
jis ne use jannat se nikalvaa diyaa thaa
insaan ke andar shaitaan se baraabar utarne kii talab rakh dii ga.ii hai
jahaa.n kahii.n saa.np ko dekhtaa hai use maarne kii koshish kartaa hai
saa.np ko bhii insaan ke us azlii-o-abdii iraade kii KHabar hai
isii liye to insaan kii aahaT yaa buu paate hii bhaag kha.Daa hotaa hai
KHaraabii to merii vaj.h se hotii hai
ghaas me.n chhupaa saa.np insaan ko dekh kar bhaagtaa hai
lekin insaan use dekh nahii.n paataa aur naa-daanista us kaa paa.nv saa.np par pa.D jaataa hai
aur saa.np apnii jaan bachaane ke liye use Das letaa hai
yuu.n mai.n zariiya ban jaatii huu.n insaan kii maut kaa
mujhe apnaa ye kirdaar hargiz pasand nahii.n
sochtii huu.n insaano.n aur saa.npo.n ne aapas me.n la.Dnaa hii hai to
merii aa.D me.n na la.De.n
sa.Dko.n par la.De.n gharo.n ke andar la.De.n
chaTyal maidaano.n me.n la.De.n sahraa.o.n me.n la.De.n
phir KHayaal aataa hai in jag.ho.n par to pahle hii ghamsaan kii la.Daa.ii ho rahii hai
insaan insaan se la.D rahaa hai
aur us ne tarah tarah ke
mohlik kiimiyaa.ii jauharii aur nafsiyaatii hathiyaar iijaad kar liye hai.n
ek duusre ko dukh dene aur maarne ke liye

Mohammad Haneef Rame
Nazm

bachchon ka club

ik aisaa zamaana guzraa hai jab apnaa sahaaraa ko.ii na thaa
ma.njhdaar me.n apnii kashtii thii mahfuuz kinaaraa ko.ii na thaa
sad shukr ke vo din biit ga.e jab kuucha-gardii karte the
ab apne club ke kaamo.n me.n ham vaqt guzaaraa karte hai.n
tafriih ke saare kaamo.n me.n jab ro.De sab aTkaate the
jab khel kaa naam aa jaataa thaa bal tevrii par pa.D jaate the
ab apne saare buzurgo.n ko shiishe me.n utaaraa karte hai.n
sad shukr ke vo din biit ga.e jab kuucha-gardii karte the
ab apne club ke kaamo.n me.n ham vaqt guzaaraa karte hai.n
ye library apnii hai ye bank kaa kaam hamaaraa hai
ye reading room hamaaraa hai ye park hamaaraa apnaa hai
ham apne biga.Dte kaamo.n ko KHud aap sa.nvaaraa karte hai.n
sad shukr ke vo din biit ga.e jab kuucha-gardii karte the
ab apne club ke kaamo.n me.n ham vaqt guzaaraa karte hai.n
school me.n din bhar pa.Dh likh kar jab shaam ko ham ghar aate hai.n
phir apne club me.n jaate hai.n aur apnaa jii bahlaate hai.n
zehno.n ko jo shal kar detaa hai vo bojh utaaraa karte hai.n
sad shukr ke vo din biit ga.e jab kuucha-gardii karte the
ab apne club ke kaamo.n me.n ham vaqt guzaaraa karte hai.n

Syeda Farhat
Nazm

park ki aaKHiri adhuri bench

park kii aaKHirii adhuurii bench

Kamran Nafees
Nazm

chhuTTi

ab kii garmii kii chhuTTii me.n
ya.anii is guzrii garmii me.n
ga.e lakhna.uu ham KHaala ke ghar
dekhe tarah tarah ke manzar
bhuul-bhulayyaa.n ham ne dekhii
jaa ke na nikle jis me.n ko.ii
dekhaa husain-aabaad kaa phaaTak
dekhaa cinema dekhaa naaTak
laaT shahiido.n vaalii dekhii
park ga.e ham haathii vaalii
council chamber dekhaa ham ne
zoo bhii jaa kar bhaaluu dekhe
naach dikhaate kaaluu dekhe
belly-gaurd ham ne dekhii
jis me.n chale the gole golii
ga.e amiinaabaad bhii yaaro
aur hu.e ham shaad bhii yaaro
ganj kii ham ne sair bhii kar lii
har manzar se jholii bhar lii
guzre qaisar-baaG se ho kar
chaar-baaG kaa chaltaa manzar
dekh ke har manzar ko aa.e
lauT ke apne ghar ko aa.e

Jauhar Rahmani
Nazm

lowe aur gender

ik din park kii bench pe yuu.nhii
kyaa jaane kyaa soch ke tum ne
baiThe baiThe apnii bindiyaa
mere maathe par chipkaa dii
aur ha.nsii.n tum aa.e haa.e
us din bindiyaa lagaa ke jab mai.n
KHush thaa na ki sharminda thaa
tab hii mai.n ne jaan liyaa thaa
shaayad mujh ko ishq hu.aa hai

Vikram
Nazm

bachchon ka mela

udhar hai park bachcho.n kaa chalo aa.o zaraa ghuume.n
zaraa chakkar kaa jhuulaa jhuul kar haathii pe jaa baiThe.n

Syeda Farhat
Nazm

walkie talkie dadi poti

park kii pahlii dhuup se milne
u.nglii se u.nglii ko thaame
sab ko hello hello kartii
walkie talkie daadii potii
sahj sahj chaltii hai.n daadii
aage piichhe phirtii potii
ruktii chaltii chaltii ruktii
walkie talkie daadii potii
ghus aayaa shaayad ko.ii ka.nkar
potii kii chappal ke andar
daadii jhuk ke jhaa.D rahii hai.n
potii ko phaTkaar rahii hai.n
kitnaa kahaa thaa juutaa pahno
lekin tum kis kii suntii ho
sorry daadii daadii sorry
kal se juutaa hii pahnuu.ngii
potii aa.nkhe.n maTkaatii hai
daadii ko yuu.n bahlaatii hai
park me.n jaa kar baiTh ga.ii hai.n
dhuup se KHud ko se.nk rahii hai.n
lekin potii kyo.n baiThegii
park me.n aa.ii hai dau.Degii
jhuulaa sii sau aur slide
lekin daadii banii hai.n guide
ye na karo ye kyaa kartii ho
hai hai jo tum gir jaatii to
titlii ke par to.D rahii ho
tauba tauba kitnii burii ho
daaman me.n phir bhar liye patthar
phe.nko varna duu.ngii thappa.D
daadii ne jo dii ik jhi.Dkii
laal bhabhuukaa ho ga.ii potii
ab dono.n chup dono.n ruuThii
un kii tolo ho ga.ii kaTTii
aayaa tabhii Gubaare vaalaa
Tan Tan ghanTii KHuub bajaataa
niile piile kitne saare
baadal chhuune vaale Gubaare
lekin kaise paa.egii potii
daadii se to hu.ii hai kaTTii
soch soch ke dhiire dhiire
bolii Gubaare vaale se
mujh ko ek Gubaara de do
paise daadii jaan se le lo
un se merii hu.ii hai kaTTii
lekin hai.n to merii daadii
sun ke ha.ns dii.n bolii.n daadii
le jiitii tuu mai.n hii haarii
bhayyaa ek Gubaara de do
is aafat kii parkaala ko
fitna hai shaitaan kii naanii
phir bhii jaan se dil se pyaarii
le ke Gubaara ha.nstii ha.nstii
ghar ko chalii.n vo pak.De u.nglii
ruktii chaltii chaltii ruktii
walkie talkie daadii potii

Bilqis Zafirul Hasan
Nazm

jashn-e-naushin

gharo.n se bachcho nikal aa.o gir rahii hai barf
bajaa.o taaliyaa.n aur gaa.o gir rahii hai barf
falak se farsh-e-zamii.n par baras rahaa hai nuur
chhato.n pe kheto.n pe shaaKHo.n pe bas rahaa hai nuur
chaman hai nuur kii ik naav gir rahii hai barf
fazaa me.n chaaro.n taraf surma.ii ujaalaa hai
thii buu.nd paanii kii ab ru.ii kaa jo gaalaa hai
dilo.n ko shauq se garmaa.o gir rahii hai barf
hai narm aisii ki phuulo.n ko gudgudii aa.e
safed aisii ki bagule kaa par bhii sharmaa.e
milaa ke gu.D me.n ise khaa.o gir rahii hai barf
banaa.o qaus-e-quzah barf par giraa kar rang
ba.Dhaa.o barf ke khelo.n se apne dil kii umang
phisal ke barf pe dikhlaa.o gir rahii hai barf
taraasho barf ke putle manaa.o yaKH kii bahaar
uchhaalo barf kii ge.nde.n u.Daa.o yaKH kii phuvaar
chalo ki park me.n be-bhaav gir rahii hai barf
gharo.n se bachcho nikal aa.o gir rahii hai barf
bajaa.o taaliyaa.n aur gaa.o gir rahii hai barf

Wamiq Jaunpuri
Nazm

anokhi duniya

ik anokhii niraalii duniyaa me.n
yuu.n samajh lo KHayaalii duniyaa me.n
apnii duniyaa se bhii bahut pahle
lo kahaanii suno ki dil bahle
naachte the sitaare chham chham chham
aur bhai.nse.n thiraktii thii.n baaham
gaa.e.n burqe me.n mu.nh chhupaatii thii.n
bachh.Do.n ko o.Dhnii u.Dhaatii thii.n
barf ke jab pahaa.D galte the
uu.nT chesTer pahan ke chalte the
kyaa zamaana thaa kyaa kahuu.n saathii
paa.ejaama pahante the haathii
machhliyaa.n sa.Dko.n par Tahaltii thii.n
park kii ghaa.ns par machaltii thii.n
pahne rahtaa thaa har qulii kamKHaab
shaahzaade uThaate the asbaab
baaz GauGaa.iyo.n se Darte the
aur kabuutar shikaar karte the
billii chuuhe se KHauf khaatii thii
kutte ko us kii dum hilaatii thii
sher kaa dil dha.Daktaa thaa dhak dhak
saare jangal kaa raajaa thaa me.nDak
bakriyaa.n par lagaa ke u.Dtii thii.n
dum havaa me.n uThaa ke u.Dtii thii.n
bail ke sii.ng ho ga.e the gum
nazar aataa thaa har gadhaa be-dum
murGiyo.n ke the maKHmalii gadde
jin pe detii thii.n baiTh kar anDe
shahd kii sii kuuniin me.n thii miThaas
dukh ko kahte the sukh to aas ko yaas
chi.Diyaa.n rozaana duudh detii thii.n
kashtiyaa.n maa.njhiyo.n ko khetii thii.n
reshmii saafa baa.ndh kar gho.De
shaan se masnado.n pe baiThe the
bachche islaah karte copy par
dau.Daa karte the race me.n teacher

Shamim Karhani
Nazm

park mein

baa.e.n jaanib
koltaar kii
vo sa.Dak hai
jo sabz-o-siyaah daraKHto.n
kii qataar ke darmiyaan
duur tak
bal khaatii
chalii ga.ii hai
daa.e.n jaanib
navaab kii puraanii havelii
jis me.n
ab market hai
saamne
fence ke us paar
school kii imaarat
jis ke gate par
maaltii kii bel ke zer-e-saaya
ek giit hai
giit
jo milne aur bichha.Dne
rone aur gaane
jiine aur Gam uThaane
ke baare me.n hai
giit
jo faqat bichha.Dne ke liye milne
faqat rone ke liye gaane
aur faqat Gam uThaane ke liye jiine
ke baare me.n hai
giit
jo

Akhilesh Chandra Pandey
Nazm

aabnusi KHayal

nahii.n merii jaan fazaa KHaraab hai to gaa.Dii park kar do
baahar jaanaa munaasib nahii.n
udaas qahqaho.n me.n pale bachche ab javaan ho chale hai.n
aur headlighto.n kii raushnii me.n nit-na.e Gamo.n kii iijaad kar rahe hai.n

Ain Rashid
Nazm

dariya-e-gomti

teraa paanii yuu.n hamaare KHuun me.n shaamil hu.aa
jo rahaa tere kinaare par vahii kaamil hu.aa

Fatima wasia Jayasi
Nazm

ek nazm

ye log lams ke mele se be-KHabar chup-chaap
gharo.n kii samt ravaa.n hai.n
ye haspataal ye shor
ye park raato.n kii bastii hai.n ishtihaaro.n ke lafz
ye board kuchlii hu.ii jins kii 'alaamat hai.n
thake hu.e hai.n ye sab KHaake masKH hai.n chehre

Hasan Farrukh
Nazm

hamesha der kar deta hun

hamesha der kar detaa huu.n mai.n har kaam karne me.n
zaruurii baat kahnii ho ko.ii va.ada nibhaanaa ho
use aavaaz denii ho use vaapas bulaanaa ho
hamesha der kar detaa huu.n mai.n
madad karnii ho us kii yaar kii Dhaaras ba.ndhaanaa ho
bahut deriina rasto.n par kisii se milne jaanaa ho
hamesha der kar detaa huu.n mai.n
badalte mausamo.n kii sair me.n dil ko lagaanaa ho
kisii ko yaad rakhnaa ho kisii ko bhuul jaanaa ho
hamesha der kar detaa huu.n mai.n
kisii ko maut se pahle kisii Gam se bachaanaa ho
haqiiqat aur thii kuchh us ko jaa ke ye bataanaa ho
hamesha der kar detaa huu.n mai.n har kaam karne me.n.....

Muneer Niyazi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now