Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "badhiyaa"

Nazm MATCHES FOR "badhiyaa"

Nazm

banjara-nama

Tuk hirs-o-havaa ko chho.D miyaa.n mat des bides phire maaraa
qazzaaq ajal kaa luuTe hai din raat bajaa kar naqqaaraa
kyaa badhiyaa bhai.nsaa bail shutur kyaa gaune.n pallaa sar-bhaaraa
kyaa gehuu.n chaa.nval moTh maTar kyaa aag dhu.aa.n aur a.ngaaraa
sab ThaaTh pa.Daa rah jaavegaa jab laad chalegaa banjaaraa

Nazeer Akbarabadi
Nazm

raja rani ki kahani

itne me.n ik ba.Dhiyaa-maa.ii
dau.Dii dau.Dii andar aa.ii

Sufi Ghulam Mustafa Tabassum
Nazm

ek mahina nazmon ka

alfaazo.n kaa ek KHazaana mere paas
aur KHvaabo.n kii ek piTaarii tere paas
mai.n tere KHvaabo.n kaa ko.ii naam dharuu.n
tum mere lafzo.n me.n
KHvaab piro denaa
taaki ham is len-den me.n
bhuul sake.n
tanhaa.ii me.n chupke chupke ro denaa
mai.n ne tere ek KHvaab ko bachpan likhaa
jis me.n tum ne KHud ko
ba.Dhiyaa paayaa thaa
aur ko.ii tum se bhii ik do
saal ba.Daa
chand bataashe terii KHaatir laayaa thaa
mai.n ne ek KHvaab ko likhaa javaanii
jis me.n tum ik tiin saal kii bachchii thii
jism zehn se kachchii thii
sachchii thii
TheTh jhuuT kii jeTh jhuuT kii
sikhar do-pahrii
jism zehn ko duniyaa puKHta kartii hai
pataa hai mujh ko nii.nd me.n terii
ab tak miilo.n
nannhii bachchii Thumak Thumak kar chaltii hai
phir aataa hai ek mahiina nazmo.n kaa
naak kaan ko bedhne vaalii
rasmo.n kaa
aur bu.Dhaapaa yahaa.n se shuruu.a
nahii.n hotaa

Irshad Kamil
Nazm

holi

ham se nazar milaa.iye holii kaa roz hai
tiir-e-nazar chalaa.iye holii kaa roz hai
ba.Dhiyaa sharaab laa.iye holii kaa roz hai
KHud piiji.e pilaa.iye holii kaa roz hai
parda zaraa uThaa.iye holii kaa roz hai
be-KHud hame.n banaa.iye holii kaa roz hai
sanjiida kyuu.n hu.e mirii suurat ko dekh kar
sau baar muskuraa.iye holii kaa roz hai
yuu.n to tamaam umr sataayaa hai aap ne
lillaah na ab sataa.iye holii kaa roz hai
bachche galii me.n baiThe hai.n pichkaariyaa.n liye
bach bach ke aap jaa.iye holii kaa roz hai
duniyaa ye jaantii hai Gazal-go 'nahiif' hai.n
un kii Gazal sunaa.iye holii kaa roz hai

Julius Naheef Dehlvi
Nazm

chand ki buDhiya

sunaa hai chaa.nd hai sone kaa anDaa
sunaa hai chaa.nd kaa mausam hai ThanDaa
sunaa hai chaa.nd me.n hai.n KHaak patthar
sunaa hai chaa.nd me.n hai.n la.al-o-gauhar
magar vo chaa.nd kii bu.Dhiyaa kahaa.n hai
sunaa hai chaa.nd ke lab surKH sunahre
sunaa hai chaa.nd me.n hai.n Gaar gahre
sunaa hai chaa.nd me.n chaa.ndii ke dariyaa
bahut sundar bahut anmol ba.Dhiyaa
magar vo chaa.nd kii bu.Dhiyaa kahaa.n hai
sunaa hai chaa.nd hai maamuu.n hamaaraa
hamesha chandaa maamuu.n hii pukaaraa
KHalaa me.n past hai baalaa hu.aa hai
zamii.n kii god kaa paalaa hu.aa hai
magar vo chaa.nd kii bu.Dhiyaa kahaa.n hai
vo din vo raat vo suuraj vo taare
vo Tiile vaadiyaa.n dariyaa kinaare
nadii vo nuur kii kirno.n kii nayyaa
sunaa hai chaa.nd me.n sab kuchh hai bhayyaa
magar vo chaa.nd kii bu.Dhiyaa kahaa.n hai

Rais Amrohvi
Nazm

aao chalen hum chand par

taaro.n bharii ik raat ho
qisso.n me.n ko.ii baat ho
ik ba.Dhiyaa ruu.ii kaat.tii
aur ghii ke laDDuu baa.nTtii
piital kii ghanTii boltii
kaano.n me.n ras hai gholtii
ghu.nghruu khanak kar rah ga.e
taare chhiTak kar rah ga.e
jab nii.nd aa.e duur se
ham ko manaa.e duur se
aa.o chale.n ham chaa.nd par
taaro.n bharii ik raat me.n

Sitvat Rasool
Nazm

guDDe guDiya ka byah

jamiila shakiila kii thii ik sahelii
sahelii bhii ik umr kii saath khelii
bahut hii thaa iKHlaas aur pyaar un me.n
hu.ii thii na jhuuTo.n bhii takraar un me.n
thii yuu.n to har ik khel se un ko raGbat
magar sab se ba.Dh kar thii gu.Diyo.n kii chaahat
jamiila kii gu.Diyaa thii chiinii kii muurat
shakiila kaa guDDaa bhii thaa KHuubsuurat
shakiila ne sochaa ki shaadii rachaae.n
jamiila sahelii ko samdhan banaa.e.n
shakiila ba.De chaav se chal ke aa.ii
vo guDDe kii ma.ngnii kaa paiGaam laa.ii
ka.ii la.Dkiyaa.n aur bhii saath aa.ii.n
jamiila ke ghar aa ke baate.n banaa.ii.n
idhar kii udhar kii hu.ii.n KHuub baate.n
ye ma.ngnii kii baate.n rahii.n chand raate.n
ye baat aur vo baat aur kabhii haa.n kabhii naa.n
ka.ii din rahii.n b shakiila pareshaa.n
par aaKHir vo aa hii ga.ii nek saa.at
na baaqii rahii ko.ii jhag.De kii suurat
jamiila ne manzuur kar lii ye shaadii
KHabar saare bachcho.n ko is kii sunaa dii
ijaazat unho.n ne ba.Do.n se bhii le lii
phir achchhii sii taariiKH shaadii kii tai kii
qariib aa.e shaadii kii taqriib ke din
to kaaTe ye din saare bachcho.n ne gin gin
vo shaadii kii taariiKH jis roz aa.ii
masarrat ne duniyaa me.n naubat bajaa.ii
shakiila ne guDDe ko duulhaa banaayaa
use ek ba.Dhiyaa saa jo.Daa pahnaayaa
vo kurtaa vo achkan vo pag.Dii vo paTkaa
vo resham kii shalvaar vaslii kaa juutaa
vo munnaa saa ruumaal moze Tasar ke
jhamaktii kalaa us ke salme sitaare
ja.Daav a.nguuThii vo motii kii maalaa
vo ra.ngiin jaama vo phuulo.n kaa sahraa
biThaa us ko gho.De pe vo saath laa.ii
baraat us ne guDDe kii apnii sajaa.ii
chale saath ban ban ke bachche baraatii
chalii paarTii ek gaatii bajaatii
ta.Daata.D vo taasho.n kii baajo.n kii Te.n-Te.n
majiire kii Tan Tan nafiirii kii pe.n-pe.n
vo logo.n kaa chalnaa paTaaKHo.n kaa chhuTnaa
havaa me.n anaaro.n ke phuulo.n kaa luTnaa
isii ThaaTh se chal ke baaraat aa.ii
dulhan kii taraf se hu.ii peshvaa.ii
jamiila ne sab kaa kyaa KHair muqaddam
mile ho ke baaham vo sab shaad-o-KHurram
jahaa.n farsh ik chaa.ndnii kaa bichhaa thaa
thii masnad na.ii gaav takiya nayaa thaa
vahaa.n mehmaano.n ko locker biThaayaa
diye paan aur sab ko sharbat pilaayaa
bulaa.e ga.e shahr se ek qaazii
dulhan aur duulhaa hu.e dono.n raazii
zaraa der me.n ho ga.ii un kii shaadii
sabhii ahl-e-mahfil ne dil se du.aa dii
chuvaare luTe phir baTii kuchh miThaa.ii
miThaa.ii ye sab ne maze le ke khaa.ii
hu.e shaad mehmaan chhoTe ba.De kul
mubaarak salaamat kaa pas mach gayaa Gul
hu.aa vaqt gu.Diyaa kii ruKHsat kaa jis dam
jamiila ke chehre pe thaa Gam kaa aalam
shakiila ne jhaT paalkii ik ma.ngaa.ii
biThaa us me.n gu.Diyaa ko ghar apne laa.ii
hu.ii KHuub shohrat hu.aa KHuub KHarcha
rahaa shahr me.n muddato.n is kaa charchaa
Garaz byaah guDDe kaa gu.Diyaa kaa jaisaa
hu.aa ye hu.aa hogaa 'nayyar' na aisaa

Mohammad Shafiuddin Nayyar
Nazm

bus ka safar

un hii se puuchhtaa huu.n mai.n safar karte hai.n jo bus me.n
ki de dete ho apnii zindagii kyuu.n Gair ke bas me.n
ye bus vo hai ki bas ho jaa.e jab motor to bantii hai
sa.Dak par ruuTh jaa.e to ba.Dii mushkil se mantii hai
ye akasr baiThne vaalo.n ke dhakko.n se khisaktii hai
kabhii kashtii me.n dariyaa hai kabhii dariyaa me.n kashtii hai
safar karte hai.n is me.n jab baraatii aur dulhan duulhaa
to ban jaatii hai motor jaa.idaad-e-Gair-manquula
aur is ke baa'd agar taariik hai shab duur manzil hai
to karte hai.n tavaaf is kaa vo majnuu.n jin kii mahmil hai
cleaner se yahii kahtaa hai shofer ho ke bechaaraa
''ki kas nakashuud-o-nakashaayad ba-hikmat ii.n mu.amma raa''
agar us vaqt me.n sardii bhii lag jaa.e to kyaa Gam hai
''ye fitna aadmii kii KHaana-viiraanii ko kyaa kam hai''
jo ruk jaa.e ravaa.n kyuu.n ho jo ba.Dhiyaa hai javaa.n kyuu.n ho
''hu.ii ye dost jin kii dushman un kaa aasmaa.n kyuu.n ho''
baraatii khii.nchte ye jaa.idaad aate hai.n shahro.n me.n
jo rasta chand gha.Diyo.n kaa hai vo kaTtaa hai pahro.n me.n
zaraa se ek pa.nkchar se biga.Dtaa hai si.nghaar is kaa
havaa par jis kii hastii ho bhalaa kyaa e'tibaar us kaa
Gubaar aur gard kaa aur tel kii buu kaa KHaziina hai
ye motor-car aur ''gaDDe'' kii aulaad-e-nariina hai
milii gaDDe se ra.anaa.ii o zebaa.ii viraasat me.n
KHar-e-dajjaal se miltii hai suurat me.n malaahat me.n
samaate hai.n phir us me.n Thas ke yuu.n be-lutf-o-aasaa.ish
nahii.n rahtii hai naalo.n ke nikalne kii bhii gunjaa.ish
baso.n kii chhat pe lad kar duudh ke bartan jo aate hai.n
saro.n par shiir kaa baaraan-e-rahmat vo giraate hai.n
vo naadaa.n hai.n jo is baarish pe naak aur bhau.n cha.Dhaate hai.n
sile me.n saKHt-jaanii ke ye juu-e-shiir paate hai.n
pa.Daa hogaa baso.n me.n aap ko aiso.n se bhii paalaa
uThii khujlii to apne saath saathii ko khujaa Daalaa

Syed Mohammad Jafri
Nazm

inkar

paanii jam kar hu.aa rupahlaa
barf hai lekin sard nahii.n hai
suukhii maaTii par dhundhalkaa
kohraa hogaa gard nahii.n hai
sukh ma.asuum hai chhupaa nahii.n hai
Gam ko.ii bhii fard nahii.n hai
ye sab jo kahtii rahtii huu.n
ye meraa diivaana-pan hai
dard nahii.n hai dard nahii.n hai
dard nahii.n hai dard nahii.n hai
paTTii baa.ndh rakhii unglii par
gahre bhed gayaa thaa nashtar
kahtii rahtii thii vo sab se
haath paka.D par dekh sa.nbhal kar
zaKHm achhuutaa rakh kar chhuu le
hai ko.ii hamdard nahii.n hai
Dar bas zaKHm ke risne kaa hai
dard nahii.n hai dard nahii.n hai
is ko ko.ii chho.D gayaa hai
is ko ko.ii to.D gayaa hai
rishto.n kii diivaar surKH hai
sar ko.ii phir pho.D gayaa hai
to.D gayaa jo chho.D gayaa jo
dil us kaa be-dard nahii.n hai
TuuTe chhuuTe dil ha.nste hai.n
dard nahii.n hai dard nahii.n hai
sab ne sach kaa svaad chakhaa hai
kaun sakhii hai kaun sakhaa hai
silvaT bhar muskaan kaa pardaa
ruKH se ruKH tak o.Dh rakhaa hai
kaaGaz kaa naqlii guldasta
suukhaa hai par zard nahii.n hai
dekho sab hai.n shaad yahaa.n par
kin dhaago.n ne baa.ndhaa ham ko
kin dhaago.n ko baa.ndhaa ham ne
phuul gaa.nTh se baa.ndhii KHushiyaa.n
gaa.nTh se gaa.nTh ko baa.ndhaa Gam ne
gaa.nTh gaThiilaa jiivan saaraa
in gaa.nTho.n kaa mel nahii.n hai
kyo.n suljhaa.e.n kaaT na de.n kyo.n
jaal hai aaKHir jail nahii.n hai
kuchh majbuur hai.n kuchh hai.n aadii
kuchh itne be-dard nahii.n hai.n
haal jo puuchho sab ba.Dhiyaa hai
dard nahii.n hai dard nahii.n hai
dard nahii.n hai dard nahii.n hai

Aarsi
Nazm

rang-manch ek manzar

har suu raam dha.Daake se
taak dhinnaa-dhin
taake se
ba.Dhiyaa mar ga.ii
faaqe se
kaal kaloTii
baigan luuTii
chhin jaa.egii
suukhii roTii
gagrii chhuu-chhii
bail pyaasaa
kaale meghaa
paanii de
paane de o paanii de
paane de o paanii de
ham dhartii ke saare bachche
is sansaar ke a.ng
bhagvan
haahaa-kaar kii ja.ng
bachcho
ek bhaya.nkar kaal
ro.e ha.nsiyaa aur kudaal

Sitvat Rasool
Nazm

zeyabetis ke mariz

ye namak-KHvaaraan-e-millat jab kahii.n piite hai.n chaa.e
''aagahii daam-e-shuniidan jis qadar chaahe bichhaa.e''
Daalte hai.n ye ''sweetics'' is me.n chiinii kii bajaa.e
jis ko apnii jaan piyaarii ho shakar kas tarah khaa.e
ye hai.n vo farhaad jo shiirii.n se apnii duur hai.n
hai zeyabetis vo ba.Dhiyaa jis se ye majbuur hai.n

Syed Mohammad Jafri
Nazm

jangal ke raja ki shadi

jangal me.n mangal karvaayaa ik baaraat sajaa.ii
jangal ke raaja ne apnii shaadii KHuub rachaa.ii
me.nDak-jii ne band bajaayaa bhaaluu jii ne Dhol
giida.D saahab ne bhii gaa.e miiThe miiThe bol
bharii sabhaa me.n bandar jii ne bandrii ko nachvaayaa
ban kar shaahii bhaaT gad.he ne Dhe.nchuu.n raag sunaayaa
bane mahaashay bagule panDit kavve saahab naa.ii
jhii.ngar-jii ne biin sa.nbhaalii machchhar ne shahnaa.ii
jangal ke rahne vaalo.n ne mil kar dhuum machaa.ii
jangal ke raaja ne apnii shaadii KHuub rachaa.ii
miss billii ye bolii.n english biscuit laa.o myaa.un
mister kutte chiiKHe bhau.n bhau.n ruusii khaanaa khaa.uu.n
loma.D bole moTe moTe do murGe pakvaa.o
chuuhaa bolaa kaabul ke ba.Dhiyaa chilGoze laa.o
pidde saahab ne ma.ngvaa.e amrikan pakvaan
piddii bolii.n barfii laa.o ho made in japan
duur desh me.n bhej parinde har ik chiiz ma.ngaa.ii
jangal ke raaja ne apnii shaadii KHuub rachaa.ii

Farhat Qamar
Nazm

angrezi babua

suit pahan kar aayaa hai
boot pahan kar aayaa hai
goggles us kii aa.nkho.n par
hat bhii sar par ba.Dhiyaa hai
ye a.ngrezii babu.aa hai
ye a.ngrezii babu.aa hai

Amanul Haque Balapuri
Nazm

jawab-e-shikwa

dil se jo baat nikaltii hai asar rakhtii hai
par nahii.n taaqat-e-parvaaz magar rakhtii hai
qudsi-ul-asl hai rif.at pe nazar rakhtii hai
KHaak se uThtii hai garduu.n pe guzar rakhtii hai
ishq thaa fitnagar o sarkash o chaalaak miraa
aasmaa.n chiir gayaa naala-e-bebaak miraa
piir-e-garduu.n ne kahaa sun ke kahii.n hai ko.ii
bole sayyaare sar-e-arsh-e-barii.n hai ko.ii
chaa.nd kahtaa thaa nahii.n ahl-e-zamii.n hai ko.ii
kahkashaa.n kahtii thii poshiida yahii.n hai ko.ii
kuchh jo samjhaa mire shikve ko to rizvaa.n samjhaa
mujh ko jannat se nikaalaa hu.aa insaa.n samjhaa
thii farishto.n ko bhii hairat ki ye aavaaz hai kyaa
arsh vaalo.n pe bhii khultaa nahii.n ye raaz hai kyaa
taa-sar-e-arsh bhii insaa.n kii tag-o-taaz hai kyaa
aa ga.ii KHaak kii chuTkii ko bhii parvaaz hai kyaa
Gaafil aadaab se sukkaan-e-zamii.n kaise hai.n
shoKH o gustaaKH ye pastii ke makii.n kaise hai.n
is qadar shoKH ki allaah se bhii barham hai
thaa jo masjuud-e-malaa.ik ye vahii aadam hai
aalim-e-kaif hai daanaa-e-rumuuz-e-kam hai
haa.n magar ijz ke asraar se naa-mahram hai
naaz hai taaqat-e-guftaar pe insaano.n ko
baat karne kaa saliiqa nahii.n naa-daano.n ko
aa.ii aavaaz Gam-a.ngez hai afsaana tiraa
ashk-e-betaab se labrez hai paimaana tiraa
aasmaa.n-giir hu.aa naara-e-mastaana tiraa
kis qadar shoKH-zabaa.n hai dil-e-diivaana tiraa
shukr shikve ko kiyaa husn-e-adaa se tuu ne
ham-suKHan kar diyaa bando.n ko KHudaa se tuu ne
ham to maa.il-ba-karam hai.n ko.ii saa.il hii nahii.n
raah dikhlaa.e.n kise rah-rav-e-manzil hii nahii.n
tarbiyat aam to hai jauhar-e-qaabil hii nahii.n
jis se ta.amiir ho aadam kii ye vo gil hii nahii.n
ko.ii qaabil ho to ham shaan-e-ka.ii dete hai.n
Dhuu.nDne vaalo.n ko duniyaa bhii na.ii dete hai.n
haath be-zor hai.n ilhaad se dil KHuugar hai.n
ummatii baa.is-e-rusvaa.i-e-paiGambar hai.n
but-shikan uTh ga.e baaqii jo rahe but-gar hai.n
thaa braahiim pidar aur pisar aazar hai.n
baada-aashaam na.e baada nayaa KHum bhii na.e
haram-e-kaaba nayaa but bhii na.e tum bhii na.e
vo bhii din the ki yahii maaya-e-raanaa.ii thaa
naazish-e-mausam-e-gul laala-e-sahraa.ii thaa
jo musalmaan thaa allaah kaa saudaa.ii thaa
kabhii mahbuub tumhaaraa yahii harjaa.ii thaa
kisii yakjaa.ii se ab ahd-e-Gulaamii kar lo
millat-e-ahmad-e-mursil ko maqaamii kar lo
kis qadar tum pe giraa.n sub.h kii bedaarii hai
ham se kab pyaar hai haa.n nii.nd tumhe.n pyaarii hai
tab-e-aazaad pe qaid-e-ramazaa.n bhaarii hai
tumhii.n kah do yahii aa.iin-e-vafaadaarii hai
qaum maz.hab se hai maz.hab jo nahii.n tum bhii nahii.n
jazb-e-baaham jo nahii.n mahfil-e-anjum bhii nahii.n
jin ko aataa nahii.n duniyaa me.n ko.ii fan tum ho
nahii.n jis qaum ko parvaa-e-nasheman tum ho
bijliyaa.n jis me.n ho.n aasuuda vo KHirman tum ho
bech khaate hai.n jo aslaaf ke madfan tum ho
ho niko naam jo qabro.n kii tijaarat kar ke
kyaa na bechoge jo mil jaa.e.n sanam patthar ke
safha-e-dahr se baatil ko miTaayaa kis ne
nau-e-insaa.n ko Gulaamii se chhu.Daayaa kis ne
mere ka.abe ko jabiino.n se basaayaa kis ne
mere qur.aan ko siino.n se lagaayaa kis ne
the to aabaa vo tumhaare hii magar tum kyaa ho
haath par haath dhare muntazir-e-fardaa ho
kyaa kahaa bahr-e-musalmaa.n hai faqat vaada-e-huur
shikva bejaa bhii kare ko.ii to laazim hai shu.uur
adl hai faatir-e-hastii kaa azal se dastuur
muslim aa.ii.n hu.aa kaafir to mile huur o qusuur
tum me.n huuro.n kaa ko.ii chaahne vaalaa hii nahii.n
jalva-e-tuur to maujuud hai muusaa hii nahii.n
manfa.at ek hai is qaum kaa nuqsaan bhii ek
ek hii sab kaa nabii diin bhii iimaan bhii ek
haram-e-paak bhii allaah bhii qur.aan bhii ek
kuchh ba.Dii baat thii hote jo musalmaan bhii ek
firqa-bandii hai kahii.n aur kahii.n zaate.n hai.n
kyaa zamaane me.n panapne kii yahii baate.n hai.n
kaun hai taarik-e-aa.iin-e-rasuul-e-muKHtaar
maslahat vaqt kii hai kis ke amal kaa me.aar
kis kii aa.nkho.n me.n samaayaa hai shi.aar-e-aGyaar
ho ga.ii kis kii nigah tarz-e-salaf se be-zaar
qalb me.n soz nahii.n ruuh me.n ehsaas nahii.n
kuchh bhii paiGaam-e-mohammad kaa tumhe.n paas nahii.n
jaa ke hote hai.n masaajid me.n saf-aaraa to Gariib
zahmat-e-roza jo karte hai.n gavaaraa to Gariib
naam letaa hai agar ko.ii hamaaraa to Gariib
parda rakhtaa hai agar ko.ii tumhaaraa to Gariib
umaraa nashsha-e-daulat me.n hai.n Gaafil ham se
zinda hai millat-e-baizaa Gorabaa ke dam se
vaa.iz-e-qaum kii vo puKHta-KHayaalii na rahii
barq-e-tab.ii na rahii shola-maqaalii na rahii
rah ga.ii rasm-e-azaa.n ruuh-e-bilaalii na rahii
falsafa rah gayaa talqiin-e-Gazaalii na rahii
masjide.n marsiyaa.n-KHvaa.n hai.n ki namaazii na rahe
yaanii vo sahib-e-ausaaf-e-hijaazii na rahe
shor hai ho ga.e duniyaa se musalmaa.n naabuud
ham ye kahte hai.n ki the bhii kahii.n muslim maujuud
vaz.a me.n tum ho nasaaraa to tamaddun me.n hunuud
ye musalmaa.n hai.n jinhe.n dekh ke sharmaa.e.n yahuud
yuu.n to sayyad bhii ho mirzaa bhii ho afGaan bhii ho
tum sabhii kuchh ho bataa.o to musalmaan bhii ho
dam-e-taqriir thii muslim kii sadaaqat bebaak
adl us kaa thaa qavii laus-e-maraa.aat se paak
shajar-e-fitrat-e-muslim thaa hayaa se namnaak
thaa shujaa.at me.n vo ik hasti-e-fauq-ul-idraak
KHud-gudaazii nam-e-kaifiyat-e-sahbaa-yash buud
KHaalii-az-KHesh shudan suurat-e-miinaa-yash buud
har musalmaa.n rag-e-baatil ke liye nashtar thaa
us ke aa.iina-e-hastii me.n amal jauhar thaa
jo bharosaa thaa use quvvat-e-baazuu par thaa
hai tumhe.n maut kaa Dar us ko KHudaa kaa Dar thaa
baap kaa ilm na beTe ko agar azbar ho
phir pisar qaabil-e-miiraas-e-pidar kyuu.nkar ho
har ko.ii mast-e-mai-e-zauq-e-tan-aasaanii hai
tum musalmaa.n ho ye andaaz-e-musalmaanii hai
haidarii faqr hai ne daulat-e-usmaanii hai
tum ko aslaaf se kyaa nisbat-e-ruuhaanii hai
vo zamaane me.n mu.azziz the musalmaa.n ho kar
aur tum KHvaar hu.e taarik-e-qur.aa.n ho kar
tum ho aapas me.n Gazabnaak vo aapas me.n rahiim
tum KHataa-kaar o KHataa-bii.n vo KHataa-posh o kariim
chaahte sab hai.n ki ho.n auj-e-surayyaa pe muqiim
pahle vaisaa ko.ii paidaa to kare qalb-e-saliim
taKHt-e-faGfuur bhii un kaa thaa sariir-e-ka.e bhii
yuu.n hii baate.n hai.n ki tum me.n vo hamiyat hai bhii
KHud-kushii sheva tumhaaraa vo Gayuur o KHuddaar
tum uKHuvvat se gurezaa.n vo uKHuvvat pe nisaar
tum ho guftaar saraapaa vo saraapaa kirdaar
tum taraste ho kalii ko vo gulistaa.n ba-kanaar
ab talak yaad hai qaumo.n ko hikaayat un kii
naqsh hai safha-e-hastii pe sadaaqat un kii
misl-e-anjum ufuq-e-qaum pe raushan bhii hu.e
but-e-hindii kii mohabbat me.n birhman bhii hu.e
shauq-e-parvaaz me.n mahjuur-e-nasheman bhii hu.e
be-amal the hii javaa.n diin se bad-zan bhii hu.e
in ko tahziib ne har band se aazaad kiyaa
laa ke ka.abe se sanam-KHaane me.n aabaad kiyaa
qais zahmat-kash-e-tanhaa.i-e-sahraa na rahe
shahr kii khaa.e havaa baadiya-paimaa na rahe
vo to diivaana hai bastii me.n rahe yaa na rahe
ye zaruurii hai hijaab-e-ruKH-e-lailaa na rahe
gila-e-zaur na ho shikva-e-bedaad na ho
ishq aazaad hai kyuu.n husn bhii aazaad na ho
ahd-e-nau barq hai aatish-zan-e-har-KHirman hai
aiman is se ko.ii sahraa na ko.ii gulshan hai
is na.ii aag kaa aqvaam-e-kuhan ii.ndhan hai
millat-e-KHatm-e-rusul shola-ba-pairaahan hai
aaj bhii ho jo braahiim kaa iimaa.n paidaa
aag kar saktii hai andaaz-e-gulistaa.n paidaa
dekh kar ra.ng-e-chaman ho na pareshaa.n maalii
Kaukab-e-Guncha se shaaKHe.n hai.n chamakne vaalii
KHas o KHaashaak se hotaa hai gulistaa.n KHaalii
Gul-bar-andaaz hai KHuun-e-shohdaa kii laalii
ra.ng garduu.n kaa zaraa dekh to unnaabii hai
ye nikalte hu.e suuraj kii ufuq-taabii hai
ummate.n gulshan-e-hastii me.n samar-chiida bhii hai.n
aur mahruum-e-samar bhii hai.n KHizaa.n-diida bhii hai.n
saik.Do.n naKHl hai.n kaahiida bhii baaliida bhii hai.n
saik.Do.n batn-e-chaman me.n abhii poshiida bhii hai.n
naKHl-e-islaam namuuna hai birau-mandii kaa
phal hai ye saik.Do.n sadiyo.n kii chaman-bandii kaa
paak hai gard-e-vatan se sar-e-daamaa.n teraa
tuu vo yuusuf hai ki har misr hai kan.aa.n teraa
qaafila ho na sakegaa kabhii viiraa.n teraa
Gair yak-baa.ng-e-daraa kuchh nahii.n saamaa.n teraa
naKHl-e-shama astii o dar shola do-resha-e-tuu
aaqibat-soz bavad saaya-e-andesha-e-tuu
tuu na miT jaa.egaa iiraan ke miT jaane se
nashsha-e-mai ko ta'alluq nahii.n paimaane se
hai ayaa.n yurish-e-taataar ke afsaane se
paasbaa.n mil ga.e ka.abe ko sanam-KHaane se
kashti-e-haq kaa zamaane me.n sahaaraa tuu hai
asr-e-nau-raat hai dhundlaa saa sitaaraa tuu hai
hai jo ha.ngaama bapaa yurish-e-bulGaarii kaa
Gaafilo.n ke liye paiGaam hai bedaarii kaa
tuu samajhtaa hai ye saamaa.n hai dil-aazaarii kaa
imtihaa.n hai tire iisaar kaa KHuddaarii kaa
kyuu.n hiraasaa.n hai sahiil-e-faras-e-aadaa se
nuur-e-haq bujh na sakegaa nafas-e-aadaa se
chashm-e-aqvaam se maKHfii hai haqiiqat terii
hai abhii mahfil-e-hastii ko zaruurat terii
zinda rakhtii hai zamaane ko haraarat terii
kaukab-e-qismat-e-imkaa.n hai KHilaafat terii
vaqt-e-fursat hai kahaa.n kaam abhii baaqii hai
nuur-e-tauhiid kaa itmaam abhii baaqii hai
misl-e-buu qaid hai Gunche me.n pareshaa.n ho jaa
raKHt-bar-dosh havaa-e-chamanistaa.n ho jaa
hai tunak-maaya tuu zarre se bayaabaa.n ho jaa
naGma-e-mauj hai ha.ngaama-e-tuufaa.n ho jaa
quvvat-e-ishq se har past ko baalaa kar de
dahr me.n ism-e-mohammad se ujaalaa kar de
ho na ye phuul to bulbul kaa tarannum bhii na ho
chaman-e-dahr me.n kaliyo.n kaa tabassum bhii na ho
ye na saaqii ho to phir mai bhii na ho KHum bhii na ho
bazm-e-tauhiid bhii duniyaa me.n na ho tum bhii na ho
KHema-e-aflaak kaa istaada isii naam se hai
nabz-e-hastii tapish-aamaada isii naam se hai
dasht me.n daaman-e-kohsaar me.n maidaan me.n hai
bahr me.n mauj kii aaGosh me.n tuufaan me.n hai
chiin ke shahr maraaqash ke bayaabaan me.n hai
aur poshiida musalmaan ke iimaan me.n hai
chashm-e-aqvaam ye nazzaara abad tak dekhe
rif.at-e-shaan-e-rafaanaa-lakaa-zikrak dekhe
mardum-e-chashm-e-zamii.n yaanii vo kaalii duniyaa
vo tumhaare shohdaa paalne vaalii duniyaa
garmii-e-mehr kii parvarda hilaalii duniyaa
ishq vaale jise kahte hai.n bilaalii duniyaa
tapish-andoz hai is naam se paare kii tarah
Gota-zan nuur me.n hai aa.nkh ke taare kii tarah
aql hai terii sipar ishq hai shamshiir tirii
mire darvesh KHilaafat hai jahaa.ngiir tirii
maa-sivaa-allaah ke liye aag hai takbiir tirii
tuu musalmaa.n ho to taqdiir hai tadbiir tirii
kii mohammad se vafaa tuu ne to ham tere hai.n
ye jahaa.n chiiz hai kyaa lauh-o-qalam tere hai.n

Allama Iqbal
Nazm

abhi to main jawan hun

havaa bhii KHush-gavaar hai
gulo.n pe bhii nikhaar hai
tarannum-e-hazaar hai
bahaar pur-bahaar hai
kahaa.n chalaa hai saaqiyaa
idhar to lauT idhar to aa
are ye dekhtaa hai kyaa
uThaa subuu subuu uThaa
subuu uThaa pyaala bhar
pyaala bhar ke de idhar
chaman kii samt kar nazar
samaa.n to dekh be-KHabar
vo kaalii kaalii badliyaa.n
ufuq pe ho ga.ii.n ayaa.n
vo ik hujuum-e-mai-kashaa.n
hai suu-e-mai-kada ravaa.n
ye kyaa gumaa.n hai bad-gumaa.n
samajh na mujh ko naa-tavaa.n
KHayaal-e-zohd abhii kahaa.n
abhii to mai.n javaan huu.n
ibaadato.n kaa zikr hai
najaat kii bhii fikr hai
junuun hai savaab kaa
KHayaal hai azaab kaa
magar suno to shaiKH jii
ajiib shai hai.n aap bhii
bhalaa shabaab o aashiqii
alag hu.e bhii hai.n kabhii
hasiin jalva-rez ho.n
adaa.e.n fitna-KHez ho.n
havaa.e.n itr-bez ho.n
to shauq kyuu.n na tez ho.n
nigaar-haa-e-fitnagar
ko.ii idhar ko.ii udhar
ubhaarte ho.n aish par
to kyaa kare ko.ii bashar
chalo jii qissa-muKHtasar
tumhaaraa nuqta-e-nazar
durust hai to ho magar
abhii to mai.n javaan huu.n
ye gasht kohsaar kii
ye sair juu-e-baar kii
ye bulbulo.n ke chahchahe
ye gul-ruKHo.n ke qahqahe
kisii se mel ho gayaa
to ranj o fikr kho gayaa
kabhii jo baKHt so gayaa
ye ha.ns gayaa vo ro gayaa
ye ishq kii kahaaniyaa.n
ye ras bharii javaaniyaa.n
udhar se mehrbaaniyaa.n
idhar se lan-taraaniyaa.n
ye aasmaan ye zamii.n
nazaara-haa-e-dil-nashii.n
inhe.n hayaat-aafrii.n
bhalaa mai.n chho.D duu.n yahii.n
hai maut is qadar qarii.n
mujhe na aa.egaa yaqii.n
nahii.n nahii.n abhii nahii.n
abhii to mai.n javaan huu.n
na Gam kushuud o bast kaa
buland kaa na past kaa
na buud kaa na hast kaa
na vaada-e-alast kaa
ummiid aur yaas gum
havaas gum qayaas gum
nazar se aas paas gum
hama-bajuz gilaas gum
na mai me.n kuchh kamii rahe
qadah se hamdamii rahe
nashist ye jamii rahe
yahii hamaa-hamii rahe
vo raag chhe.D mutribaa
tarab-fazaa, alam-rubaa
asar sadaa-e-saaz kaa
jigar me.n aag de lagaa
har ek lab pe ho sadaa
na haath rok saaqiyaa
pilaa.e jaa pilaa.e jaa
abhii to mai.n javaan huu.n

Hafeez Jalandhari
Nazm

dosti ka hath

tumhaare des me.n aayaa huu.n dosto ab ke
na saaz-o-naGma kii mahfil na shaa.irii ke liye
agar tumhaarii anaa hii kaa hai savaal to phir
chalo mai.n haath ba.Dhaataa huu.n dostii ke liye

Ahmad Faraz
Nazm

jibrail-o-iblis

jibra.iil
hamdam-e-dairiina kaisaa hai jahaan-e-ra.ng-o-buu
ibliis
soz-o-saaz o dard o daaG o justujuu o aarzuu
jibra.iil
har gha.Dii aflaak par rahtii hai terii guftuguu
kyaa nahii.n mumkin ki teraa chaak daaman ho rafuu
ibliis
aah ai jibriil tuu vaaqif nahii.n is raaz se
kar gayaa sarmast mujh ko TuuT kar meraa subuu
ab yahaa.n merii guzar mumkin nahii.n mumkin nahii.n
kis qadar KHaamosh hai ye aalam-e-be-KaaKH-o-kuu
jis kii naumiidii se ho soz-e-daruun-e-kaa.enaat
us ke haq me.n taqnatuu achchhaa hai yaa laa-taqnatuu
jibra.iil
kho diye inkaar se tuu ne maqaamaat-e-buland
chashm-e-yazdaa.n me.n farishto.n kii rahii kyaa aabruu
ibliis
hai mirii jur.at se musht-e-KHaak me.n zauq-e-numuu
mere fitne jaama-e-aql-o-KHirad kaa taar-o-puu
dekhtaa hai tuu faqat saahil se razm-e-KHair-o-shar
kaun tuufaa.n ke tamaa.nche khaa rahaa hai mai.n ki tuu
KHizr bhii be-dast-o-paa ilyaas bhii be-dast-o-paa
mere tuufaa.n yam-ba-yam dariyaa-ba-dariyaa juu-ba-juu
gar kabhii KHalvat mayassar ho to puuchh allaah se
qissa-e-aadam ko ra.ngii.n kar gayaa kis kaa lahuu
mai.n khaTaktaa huu.n dil-e-yazdaa.n me.n kaa.nTe kii tarah
tuu faqat allaah-huu allaah-huu allaah-huu

Allama Iqbal
Nazm

KHun phir KHun hai

zulm phir zulm hai ba.Dhtaa hai to miT jaataa hai
KHuun phir KHuun hai Tapkegaa to jam jaa.egaa

Sahir Ludhianvi
Nazm

urdu

dakkan ke 'valii' ne mujhe godii me.n khelaayaa
'saudaa' ke qasiido.n ne miraa husn ba.Dhaayaa
hai 'miir' kii azmat ki mujhe chalnaa sikhaayaa
mai.n daaG ke aa.ngan me.n khilii ban ke chamelii

Iqbal Ashhar
Nazm

ye daulat bhi le lo ye shohrat bhi le lo

bhale chhiin lo mujh se merii javaanii
magar mujh ko lauTaa do bachpan kaa saavan
vo kaaGaz kii kashtii vo baarish kaa paanii
mohalle kii sab se nishaanii puraanii
vo bu.Dhiyaa jise bachche kahte the naanii

Sudarshan Faakir
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now