Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "kachehrii"

Nazm MATCHES FOR "kachehrii"

Nazm

takiya

maveshii ho ga.e niilaam kyuu.n ye ko.ii kyaa jaane
kachehrii jaane saahuukaar jaane yaa KHudaa jaane

Hafeez Jalandhari
Nazm

nazm

mile kachehrii me.n ik roz shaiKH KHairaatii
hai ik zamaane se un kii mirii alaik salaik
nahii.n hai jhuuTii gavaahii se ijtinaab unhe.n
kiyaa na aaj tak is par magar kisii ne attack
alaava is ke amiiro.n ke hai.n ye supplier
ki maal karte hai.n ye un kii hasb-e-manshaa paik
ho jis me.n faa.eda vo kaam kar guzarte hai.n
kabhii front me.n jaa kar nahii.n hai.n hote back
hijaaz jaate hai.n har saal sonaa laane ko
ye business aaj tak in kii kabhii hu.ii na salaik
ye haj ke din bhii hai.n labbaik ke evaz kahte
KHudaa ke ghar me.n faqat rabbanaa black black

Nazish Rizvi
Nazm

zooming

dekhuu.n jo aasmaa.n se to itnii ba.Dii zamii.n
itnii ba.Dii zamiin pe chhoTaa saa ek shahr
chhoTe se ek shahr me.n sa.Dko.n kaa ek jaal
sa.Dko.n ke jaal me.n chhupii viiraan sii galii
viiraa.n galii ke mo.D pe tanhaa saa ik shajar
tanhaa shajar ke saa.e me.n chhoTaa saa ik makaan
chhoTe se ik makaan me.n kachchii zamii.n kaa sahn
kachchii zamii.n ke sahn me.n khiltaa hu.aa gulaab
khilte hu.e gulaab me.n mahkaa hu.aa badan
mahke hu.e badan me.n samundar saa ek dil
us dil kii vus.ato.n me.n kahii.n kho gayaa huu.n mai.n
yuu.n hai ki is zamii.n se ba.Daa ho gayaa huu.n mai.n

Ashfaq Husain
Nazm

chalo chhoDo

chalo chho.Do
mohabbat jhuuT hai
ahd-e-vafaa ik shaGl hai be-kaar logo.n kaa
talab suukhe hu.e patto.n kaa be-raunaq jaziira hai
KHalish diimak-zada auraaq par bosiida satro.n kaa zaKHiira hai
KHummaar-e-vasl taptii dhuup ke siine pe u.Dte baadalo.n kii raa.egaa.n baKHshish!
Gubaar-e-hijr-e-sahraa me.n saraabo.n se aTe mausam kaa KHamyaaza
chalo chho.Do
ki ab tak mai.n a.ndhero.n kii dhamak me.n saa.ns kii zarbo.n pe
chaahat kii binaa rakh kar safar kartaa rahaa huu.ngaa
mujhe ehsaas hii kab thaa
ki tum bhii mausamo.n ke saath apne pairahan ke rang badlogii
chalo chho.Do
vo saare KHvaab kachchii bharbharii miTTii ke be-qiimat gharau.nde the
vo saare zaa.iqe merii zabaa.n par zaKHm ban kar jam ga.e ho.nge
tumhaarii u.ngliyo.n kii naram pore.n pattharo.n par naam likhtii thii.n miraa lekin
tumhaarii u.ngliyaa.n to aadatan ye jurm kartii thii.n
chalo chho.Do
safar me.n ajnabii logo.n se aise haadse sarzad hu.aa karte hai.n sadiyo.n se
chalo chho.Do
miraa honaa na honaa ik baraabar hai
tum apne KHaal-o-KHad ko aa.iine me.n phir nikharne do
tum apnii aa.nkh kii bastii me.n phir se ik nayaa mausam utarne do
mire KHvaabo.n ko marne do
na.ii tasviir dekho
phir nayaa maktuub likho
phir na.e mausam na.e lafzo.n se apnaa silsila jo.Do
mire maazii kii chaahat raa.egaa.n samjho
mirii yaado.n se kachche raabte to.Do
chalo chho.Do
mohabbat jhuuT hai
ahd-e-vafaa ik shaGl hai be-kaar logo.n kaa

Mohsin Naqvi
Nazm

ek pahaD aur gilahri

ko.ii pahaa.D ye kahtaa thaa ik gilahrii se
tujhe ho sharm to paanii me.n jaa ke Duub mare
zaraa sii chiiz hai is par Guruur! kyaa kahnaa!
ye aql aur ye samajh ye shu.uur! kyaa kahnaa!
KHudaa kii shaan hai naa-chiiz! chiiz ban baiThe.n!
jo be-shu.uur ho.n yuu.n baa-tamiiz ban baiThe.n!
tirii bisaat hai kyaa merii shaan ke aage
zamii.n hai past mirii aan-baan ke aage
jo baat mujh me.n hai tujh ko vo hai nasiib kahaa.n
bhalaa pahaa.D kahaa.n jaanvar Gariib kahaa.n!
kahaa ye sun ke gilahrii ne mu.nh sambhaal zaraa
ye kachchii baate.n hai.n dil se inhe.n nikaal zaraa!
jo mai.n ba.Dii nahii.n terii tarah to kyaa parvaa!
nahii.n hai tuu bhii to aaKHir mirii tarah chhoTaa
har ek chiiz se paidaa KHudaa kii qudarat hai
ko.ii ba.Daa ko.ii chhoTaa ye us kii hikmat hai
ba.Daa jahaan me.n tujh ko banaa diyaa us ne
mujhe daraKHt pe cha.Dhnaa sikhaa diyaa us ne
qadam uThaane kii taaqat nahii.n zaraa tujh me.n
nirii ba.Daa.ii hai! KHuubii hai aur kyaa tujh me.n
jo tuu ba.Daa hai to mujh saa hunar dikhaa mujh ko
ye chhaaliyaa hii zaraa to.D kar dikhaa mujh ko
nahii.n hai chiiz nikammii ko.ii zamaane me.n
ko.ii buraa nahii.n qudarat ke kaar-KHaane me.n

Allama Iqbal
Nazm

KHwab

khule paaniyo.n me.n ghirii la.Dkiyaa.n
narm lahro.n ke chhii.nTe u.Daatii hu.ii
baat-be-baat ha.nstii hu.ii
apne KHvaabo.n ke shahzaado.n kaa tazkira kar rahii thii.n
jo KHaamosh thii.n
un kii aa.nkho.n me.n bhii muskuraahaT kii tahriir thii
un ke ho.nTo.n ko bhii an-kahe KHvaab kaa zaa.iqa chuumtaa thaa!
aane vaale na.e mausamo.n ke sabhii pairahan niilmii.n ho chuke the!
duur saahil pe baiThii hu.ii ek nannhii sii bachchii
hamaarii ha.nsii aur maujo.n ke aaha.ng se be-KHabar
ret se ek nanhaa gharau.ndaa banaane me.n masruuf thii
aur mai.n sochtii thii
KHudaa-yaa! ye ham la.Dkiyaa.n
kachchii umro.n se hii KHvaab kyuu.n dekhnaa chaahtii hai.n
KHvaab kii hukmaraanii me.n kitnaa tasalsul rahaa hai!

Parveen Shakir
Nazm

aKHbar

saaraa din mai.n KHuun me.n lat-pat rahtaa huu.n
saare din me.n suukh suukh ke kaalaa pa.D jaataa hai KHuun
pap.Dii sii jam jaatii hai
khurach khurach ke naaKHuuno.n se
cham.Dii chhilne lagtii hai
naak me.n KHuun kii kachchii buu
aur kap.Do.n par kuchh kaale kaale chakte se rah jaate hai.n

Gulzar
Nazm

billu ka basta

chhoTii sii billuu
chhoTaa saa basta
Thuu.nsaa hai jis me.n
kaaGaz kaa dasta
lak.Dii kaa gho.Daa
ru.ii kaa bhaaluu
chuuran kii shiishii
aaluu kachaaluu
billuu kaa basta
jin kii piTaarii
jab is ko dekho
pahle se bhaarii
laTTuu bhii is me.n
rassii bhii is me.n
Da.nDaa bhii is me.n
gillii bhii is me.n
ai pyaarii billuu
ye to bataa.o
kyaa kaam karne
school jaa.o
urdu na jaano
english na jaano
kahtii ho KHud ko
bilqiis baano
umr kii itnii
kachchii nahii.n ho
chhe saal kii ho
bachchii nahii.n ho
baahar nikaalo
lak.Dii kaa gho.Daa
ye laTTuu rassii
ye gillii Da.nDaa
gu.Diyaa ke juute
jampar juraabe.n
baste me.n rakkho
apnii kitaabe.n
mu.nh na banaa.o
school jaa.o
ai pyaarii billuu
ai pyaarii billuu

Ibn۔e۔Insha
Nazm

yaaden

duur kahii.n vo koyal kuukii raat ke sannaaTe me.n duur
kachchii zamii.n par bikhraa hogaa mahkaa mahkaa aam kaa bor
baar-e-mashaqqat kam karne ko khaliyaano.n me.n kaam se chuur
kam-sin la.Dke gaate ho.nge lo dekho vo sub.h kaa nuur
chaah-e-shab se phuuT ke niklaa mai.n maGmuum kabhii masruur
soch rahaa huu.n idhar udhar kii is aabaad KHaraabe me.n
dekho ham ne kaise basar kii is aabaad KHaraabe me.n

Akhtarul Iman
Nazm

irani talaba ke nam

ai puuchhne vaale pardesii
ye tifl o javaa.n
us nuur ke nau-ras motii hai.n
us aag kii kachchii kaliyaa.n hai.n
jis miiThe nuur aur ka.Dvii aag
se zulm kii andhii raat me.n phuuTaa
sub.h-e-baGaavat kaa gulshan
aur sub.h hu.ii man-man, tan-tan,
un jismo.n kaa chaa.ndii sonaa
un chehro.n ke niilam, marjaa.n,
jag-mag jag-mag ruKHshaa.n ruKHshaa.n
jo dekhnaa chaahe pardesii
paas aa.e dekhe jii bhar kar
ye ziist kii raanii kaa jhuumar
ye amn kii devii kaa ka.ngan!

Faiz Ahmad Faiz
Nazm

jahannami

mai.n aksar sochtaa huu.n
zehn kii taariik galiyo.n me.n
dahaktaa aur pighaltaa
dhiire dhiire aage ba.Dhtaa
Gam kaa ye laavaa
agar chaahuu.n
to ruk saktaa hai
mere dil kii kachchii khaal par rakkhaa ye a.ngaaraa
agar chaahuu.n
to bujh saktaa hai
lekin
phir KHayaal aataa hai
mere saare rishto.n me.n
pa.Dii saarii daraa.Do.n se
guzar ke aane vaalii barf se ThanDii havaa
aur merii har pahchaan par sardii kaa ye mausam
kahii.n aisaa na ho
is jism ko is ruuh ko hii munjamid kar de
mai.n aksar sochtaa huu.n
zehn kii taariik galiyo.n me.n
dahaktaa aur pighaltaa
dhiire dhiire aage ba.Dhtaa
Gam kaa ye laavaa
aziyyat hai
magar phir bhii Ganiimat hai
isii se ruuh me.n garmii
badan me.n ye haraarat hai
ye Gam merii zaruurat hai
mai.n apne Gam se zinda huu.n

Javed Akhtar
Nazm

kachchi basti

din Dhaltaa hai
is bastii me.n rahne vaale
auro.n kii jannat ko apnii mehnat de kar
apne jahannam kii jaanib
ab thake hu.e
jhunjhlaa.e hu.e se
lauT rahe hai.n
ek galii me.n
za.ng lage piipe rakkhe hai.n
kachchii daaruu mahak rahii hai

Javed Akhtar
Nazm

main teacher kyon hun

kabhii kabhii ye sochtii huu.n
aaKHir mai.n teacher kyo.n huu.n
kuchh aur na kar sakii
kyaa is liye mai.n teacher huu.n
javaab yahii bas aataa hai
sab kuchh kar saktii huu.n
shaayad isii liye mai.n teacher huu.n
nanhe-munne bachcho.n me.n
mai.n apnaa bachpan dekhtii huu.n
kisii me.n 'sir-sayyad'
kisii me.n 'kalaam' dekhtii huu.n
kabhii kabhii ye sochtii huu.n
ki mujhe sirf kitaabo.n ke
nisaab hii pa.Dhaane hai.n
yaa ki un ke zehn kii korii taKHtii par
kuchh aur likhnaa hai
bachche to kachchii miTTii ke londe hai.n
unhe.n mujhe hii sa.nvaarnaa sajaanaa hai
aur insaaniyat ke saa.nche me.n Dhaal kar
ek behtar insaan banaanaa hai
agar mai.n ye sab kuchh kar sakii to
kaamyaab hai meraa maqsad
meraa kaam se mohabbat
KHudaa kii KHaas rahmat
kabhii kabhii sochtii huu.n
mujhe hii to banaanii hai
in naunihaalo.n kii shaKHsiyat
jo aaj kamzor paude hai.n
kal saaya-daar daraKHt ho.nge
yahii qaum-o-millat ke baKHt ho.nge
shaayad isii liye mai.n teacher huu.n

Gul Gulshan
Nazm

barish hogi

baarish aatii hai to naale bhar detii hai
khelne ke maidaan me.n kiicha.D kar detii hai
is baar kachahrii me.n is baat kii naalish hogii
baarish baarish baarish hogii

Gulzar
Nazm

ujala

merii taKH.iil kii jhankaar ko saakit paa kar!
chuu.Diyaa.n terii kalaa.ii me.n khanak uThtii thii.n
uf mirii tishna-labii tishna-labii tishna-labii!
kachchii kaliyaa.n tire ho.nTo.n kii mahak uThtii thii.n

Mustafa Zaidi
Nazm

ek mahina nazmon ka

alfaazo.n kaa ek KHazaana mere paas
aur KHvaabo.n kii ek piTaarii tere paas
mai.n tere KHvaabo.n kaa ko.ii naam dharuu.n
tum mere lafzo.n me.n
KHvaab piro denaa
taaki ham is len-den me.n
bhuul sake.n
tanhaa.ii me.n chupke chupke ro denaa
mai.n ne tere ek KHvaab ko bachpan likhaa
jis me.n tum ne KHud ko
ba.Dhiyaa paayaa thaa
aur ko.ii tum se bhii ik do
saal ba.Daa
chand bataashe terii KHaatir laayaa thaa
mai.n ne ek KHvaab ko likhaa javaanii
jis me.n tum ik tiin saal kii bachchii thii
jism zehn se kachchii thii
sachchii thii
TheTh jhuuT kii jeTh jhuuT kii
sikhar do-pahrii
jism zehn ko duniyaa puKHta kartii hai
pataa hai mujh ko nii.nd me.n terii
ab tak miilo.n
nannhii bachchii Thumak Thumak kar chaltii hai
phir aataa hai ek mahiina nazmo.n kaa
naak kaan ko bedhne vaalii
rasmo.n kaa
aur bu.Dhaapaa yahaa.n se shuruu.a
nahii.n hotaa

Irshad Kamil
Nazm

amanat

ye maazii jo mirii tanhaa.iyo.n ke saath rahtaa hai
ye ik naadaan bachche kii tarah tanhaa.ii ko
ishaara kartaa hai Tho.Dii paka.D kar aur kahtaa hai
vo dekho gaa.nv ke siine pe sar rakkhe hu.e sarso.n
tumhaarii kam-sinii khelii hai jis kii god me.n barso.n
nuquush-e-paa se ab tak har galii kii maa.ng raushan hai
abhii tak god phailaa.e hu.e Dere kaa aa.ngan hai
rasiilii jaamuno.n ke pe.D kii kamzor shaaKHo.n ne
tumhaarii u.ngliyo.n kaa har nishaa.n mahfuuz rakkhaa hai
labo.n par jhiil kii gahraa.iyo.n ke hai bas ik shikva
ki jab se tum ga.e ho ko.ii bhii ham tak nahii.n pahu.nchaa
kinaare jhiil ke vo pe.D ab tak muntazir saa hai
kab aa.oge yahaa.n kap.De utroge nahaa.o.ge
ye maazii jo mirii tanhaa.iyo.n ke saath rahtaa hai
ye ik naadaan bachche kii tarah tanhaa.ii ko
ishaara kartaa hai Tho.Dii paka.D kar aur kahtaa hai
vo dekho gaa.nv ke khaliyaano.n me.n soyaa hu.aa jaaduu
nashiilii raat kii raanii vo lau detii hu.ii KHushbuu
diyo.n kaa dhiimii dhiimii raushnii denaa dhu.aa.n denaa
shikasta jho.npa.Do.n kaa zindagii ko loriyaa.n denaa
khanaktii hai.n raso.ii ghar me.n alha.D chuu.Diyaa.n ab tak
bharaa kii poliyaa.n laatii hai.n sar par buu.Dhiyaa.n ab tak
ke kinaare kachchii ii.nTo.n se banaa mandir
sulagte kanDo.n se uThtii dhu.e.n kii malgajii chaadar
hare kheto.n kii me.nDo.n par sulagte jism ke saa.e
larazte ho.nTh ghabraa.ii hu.ii saa.nso.n ke afsaane
lachaktii aam kii shaaKHo.n pe bal khaa.e hu.e jhuule
kisii kaa bhaagnaa ye kah ke ko.ii hai hame.n chhuu le
ye dekho zindagii kitnii hasii.n hai kitnii bholii hai
usii aaGosh me.n aa jaa.o jis me.n aa.nkh kholii hai
ye maazii jo mirii tanhaa.iyo.n ke saath rahtaa hai
ye kahtaa hai ki mai.n guzrii hu.ii baato.n me.n kho jaa.uu.n
tumhaarii zulf se mahkii hu.ii raato.n me.n kho jaa.uu.n
ise mai.n kaise samjhaa.uu.n ki ab ye saa.ns kaa Doraa
ik aisii dhaar kii talvaar hai jis par guzarnaa hai
mujhe aur zindagii ke zaKHm ko Taa.nke lagaanaa hai.n
ise mai.n kaise samjhaa.uu.n ki ye maazii kii tasviire.n
ab ik aisii amaanat hai.n jise mai.n rakh nahii.n sakta
agar rakkhuu.n to naakaara nikammaa kah ke ye duniyaa
mujhe Thokar lagaa de aur KHud aage ko ba.Dh jaa.e
mirii pasmaandgii par har nazar uTThe taras khaa.e
mujhe murda ajaa.ib-ghar kii aisii muurtii samjhe
jo sab ko is liye pyaarii hai ki kaafii puraanii hai
ye maazii jo mirii tanhaa.iyo.n ke saath rahtaa hai
ise mai.n kaise samjhaa.uu.n ki ye maazii kii tasviire.n
ab ik aisii amaanat hai.n jise mai.n rakh nahii.n sakta

Waseem Barelvi
Nazm

wo mar chuka hai

vo jis ke raste pe baal khole
nagar kii sab la.Dkiyaa.n kha.Dii hai.n
vo mar chukaa hai
vo mar chukaa hai
ki jis kii KHaatir nagar kii nau umr la.Dkiyo.n ne
badan kii KHush-ra.ng ziinato.n ko
chhupaa ke rakkhaa
jinho.n ne betaab hiddato.n ko
badan kii phaT pa.Dtii shiddato.n ko
sambhaale rakkhaa
jinho.n ne aa.nkho.n ke nam ko sharm-o-hayaa ke aa.nchal kii oT Dhaa.npaa
vo mar chukaa hai
vo jis ke raste pe baal khole
nagar kii sab la.Dkiyaa.n kha.Dii hai.n
nagar kii sab la.Dkiyaa.n pukaare.n
badal ke vo bhes baadalo.n kaa
hamaare taaza ku.nvaare jismo.n kii so.ndhii miTTii se aa ke lipTe
hamaaraa KHuun buu.nd buu.nd
guu.ndhe
ham is ke saa.e se haamila huu.n
nagar kii sab la.Dkiyaa.n pukaare.n
kabhii vo guu.nje gajar kii suurat
hamaare sunsaan gumbado.n me.n
kabhii vo bha.Dke alaav ban kar
hamaare taa yak taaqcho.n me.n
kabhii vo jismo.n kii ba.nsiyo.n me.n
shigaaf Daale
laziiz dardiilaa giit ban kar
labo.n se nikle
kabhii vo chamke sitaara ban kar
hamaarii kokho.n me.n phuul mahke.n
hamaarii kokho.n me.n phal janam le
nagar kii sab la.Dkiyaa.n pukaare.n
nagar kii sab la.Dkiyaa.n pukaare.n
hamaarii KHvaahish vo duudh ban kar
hamaarii zarKHez chhaatiyo.n kii namii me.n utre
hamaarii KHvaahish hamaare bachche
usii ke haatho.n me.n aa.nkh kholii.n
ham us ke saa.e se haamila ho.n
nagar kii sab la.Dkiyaa.n pukaare.n
kabhii vo pichhle pahar dariicho.n pe khulte mahtaab se ye kahtii.n
kahaa.n hai vo shahsavaar jis ko
ba-vaqt ruKHsat gale me.n ham ne
safed phuulo.n ke haar Daale
vo phuul kab surKH phuul ban kar
hamaarii viiraan KHvaab-gaaho.n kii sej ho.nge
sinduur kab kab mai.n mai.n gaa
ye phuul kab surKH phuul ho.nge
kabhii vo tanhaa baraamde ke sutuun se lipTii
lachaktii belo.n ke zard patto.n se puuchhtii.n ye
bahaar kii rut kahaa.n kha.Dii hai
ye phuul ab kis se khile.nge
bahaar kii rut abhii kahaa.n hai
har ik musaafir ko roktii.n vo
bataa.o vo shahsavaar ab kab
nagar ko lauTegaa puuchhtii.n vo
ku.nvaare lamho.n kaa bhed ku.nvaara
ku.nvaare giito.n kii lai ku.nvaarii
ku.nvaare jismo.n kii kachchii kaliyo.n kaa nam ku.nvaara
nagar kii tamaam nau-umr la.Dkiyo.n ne
kalii kalii ko sambhaale rakkhaa
ki vo agar aa.e os ban kar
to qatra qatra kalii me.n utre
kalii ko khole
magar vo lafzo.n ke daa.ero.n ke safar se guzraa
puraanii sunsaan sii.Dhiyo.n ke bha.nvar se niklaa
jo ghar se baahar hazaar anjaane raasto.n par bikhar gayaa thaa
ki bujhte suuraj kaa khoj paa.e
har ek saa.e kaa bhed khole
jo apnii aa.nkho.n me.n KHvaahisho.n kaa alaav le kar
a.ndhere jangal me.n chal rahaa thaa
jo puuchhtaa thaa
gyaan kiyaa hai
jo puuchhtaa thaa najaat kis me.n hai
asl kyaa hai
vo mar chukaa hai
vo jis ke raste pe baal khole
nagar kii sab la.Dkiyaa.n kha.Dii hai.n

Sarmad Sahbai
Nazm

ye basti meri basti hai

ba-zaahir to hamaare darmiyaa.n
maahaul ne ik be-zaruurat hadd-e-faasil khii.nch rakkhii thii
magar phir bhii na jaane kyaa kashish thii
khi.Dkiyo.n ke us taraf se jhilmilaatii
maarvii kii kaalii aa.nkho.n me.n
na jaane kaun saa jaaduu thaa un zaalim dopahro.n me.n
jo kachchii nii.nd sotaa chho.D kar maa.n ko dabe qadmo.n
me.n aa chhuptii thii pe.Do.n me.n

Ishrat Afreen
Nazm

ye kaun uTha hai sharmata

ruKHsaar pe mauj-e-ra.ngiinii
kachchii chaa.ndii sachchii chiinii
aa.nkho.n me.n nuquush-e-KHud-biinii
mukh.De pe sahar kii shiiriinii
ye kaun uThaa hai sharmaataa

Josh Malihabadi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now