Sher on Beqarari

hameñ bhī niiñd aa jā.egī ham bhī so hī jā.eñge

abhī kuchh be-qarārī hai sitāro tum to so jaao

hamein bhi nind aa jaegi hum bhi so hi jaenge

abhi kuchh be-qarari hai sitaro tum to so jao

aa ki tujh bin is tarah ai dost ghabrātā huuñ maiñ

jaise har shai meñ kisī shai kī kamī paatā huuñ maiñ

aa ki tujh bin is tarah ai dost ghabraata hun main

jaise har shai mein kisi shai ki kami pata hun main

ham ko na mil sakā to faqat ik sukūn-e-dil

ai zindagī vagarna zamāne meñ kyā na thā

hum ko na mil saka to faqat ek sukun-e-dil

ai zindagi wagarna zamane mein kya na tha

na kar 'saudā' tū shikva ham se dil kī be-qarārī kā

mohabbat kis ko detī hai miyāñ ārām duniyā meñ

na kar 'sauda' tu shikwa hum se dil ki be-qarari ka

mohabbat kis ko deti hai miyan aaram duniya mein

tujh ko pā kar bhī na kam ho sakī be-tābī-e-dil

itnā āsān tire ishq kā ġham thā hī nahīñ

tujh ko pa kar bhi na kam ho saki be-tabi-e-dil

itna aasan tere ishq ka gham tha hi nahin

ik chubhan hai ki jo bechain kiye rahtī hai

aisā lagtā hai ki kuchh TuuT gayā hai mujh meñ

ek chubhan hai ki jo bechain kiye rahti hai

aisa lagta hai ki kuchh TuT gaya hai mujh mein

samjhā liyā fareb se mujh ko to aap ne

dil se to pūchh lījiye kyuuñ be-qarār hai

samjha liya fareb se mujh ko to aap ne

dil se to puchh lijiye kyun be-qarar hai

jo charāġh saare bujhā chuke unheñ intizār kahāñ rahā

ye sukūñ kā daur-e-shadīd hai koī be-qarār kahāñ rahā

jo charagh sare bujha chuke unhen intizar kahan raha

ye sukun ka daur-e-shadid hai koi be-qarar kahan raha

sunā hai terī mahfil meñ sukūn-e-dil bhī miltā hai

magar ham jab tirī mahfil se aa.e be-qarār aa.e

suna hai teri mahfil mein sukun-e-dil bhi milta hai

magar hum jab teri mahfil se aae be-qarar aae

dil ko ḳhudā kī yaad tale bhī dabā chukā

kam-baḳht phir bhī chain na paa.e to kyā karūñ

dil ko KHuda ki yaad tale bhi daba chuka

kam-baKHt phir bhi chain na pae to kya karun

dard ulfat kā na ho to zindagī kā kyā mazā

āh-o-zārī zindagī hai be-qarārī zindagī

dard ulfat ka na ho to zindagi ka kya maza

aah-o-zari zindagi hai be-qarari zindagi

betāb sā phirtā hai ka.ī roz se 'āsī'

bechāre ne phir tum ko kahīñ dekh liyā hai

betab sa phirta hai kai roz se 'asi'

bechaare ne phir tum ko kahin dekh liya hai

nahīñ ilāj-e-ġham-e-hijr-e-yār kyā kiije

taḌap rahā hai dil-e-be-qarār kiyā kiije

nahin ilaj-e-gham-e-hijr-e-yar kya kije

taDap raha hai dil-e-be-qarar kiya kije

dil pyaar kī nazar ke liye be-qarār hai

ik tiir is taraf bhī ye taaza shikār hai

dil pyar ki nazar ke liye be-qarar hai

ek tir is taraf bhi ye taza shikar hai

har ek saañs mujhe khīñchtī hai us kī taraf

ye kaun mere liye be-qarār rahtā hai

har ek sans mujhe khinchti hai us ki taraf

ye kaun mere liye be-qarar rahta hai

qaul 'ābrū' kā thā ki na jā.ūñgā us galī

ho kar ke be-qarār dekho aaj phir gayā

qaul 'abru' ka tha ki na jaunga us gali

ho kar ke be-qarar dekho aaj phir gaya

kisī tarah to ghaTe dil kī be-qarārī bhī

chalo vo chashm nahīñ kam se kam sharāb to ho

kisi tarah to ghaTe dil ki be-qarari bhi

chalo wo chashm nahin kam se kam sharab to ho

taḌap taḌap ke tamannā meñ karvaTeñ badlīñ

na paayā dil ne hamāre qarār saarī raat

taDap taDap ke tamanna mein karwaTen badlin

na paya dil ne hamare qarar sari raat

tumhāre āshiqoñ meñ be-qarārī kyā hī phailī hai

jidhar dekho jigar thāme hue do-chār baiThe haiñ

tumhaare aashiqon mein be-qarari kya hi phaili hai

jidhar dekho jigar thame hue do-chaar baiThe hain

dil ko is tarh dekhne vaale

dil agar be-qarār ho jaa.e

dil ko is tarh dekhne wale

dil agar be-qarar ho jae

jaane de sabr o qarār o hosh ko

tū kahāñ ai be-qarārī jā.egī

jaane de sabr o qarar o hosh ko

tu kahan ai be-qarari jaegi

shab-e-firāq kuchh aisā ḳhayāl-e-yār rahā

ki raat bhar dil-e-ġham-dīda be-qarār rahā

shab-e-firaq kuchh aisa KHayal-e-yar raha

ki raat bhar dil-e-gham-dida be-qarar raha

raat jaatī hai maan lo kahnā

der se dil hai be-qarār apnā

raat jati hai man lo kahna

der se dil hai be-qarar apna

be-qarārī thī sab ummīd-e-mulāqāt ke saath

ab vo aglī sī darāzī shab-e-hijrāñ meñ nahīñ

be-qarari thi sab ummid-e-mulaqat ke sath

ab wo agli si daraazi shab-e-hijran mein nahin

jo bhī hai dil meñ aap ke khul kar batā.iye hameñ

kahte haiñ aap Thiik haiñ rahte haiñ be-qarār se

jo bhi hai dil mein aap ke khul kar bataiye hamein

kahte hain aap Thik hain rahte hain be-qarar se