Sher of Abbas Tabish
de ise bhī faroġh-e-husn kī bhiik
dil bhī lag kar qatār meñ aayā
de ise bhi farogh-e-husn ki bhik
dil bhi lag kar qatar mein aaya
ishq kar ke bhī khul nahīñ paayā
terā merā muāmla kyā hai
ishq kar ke bhi khul nahin paya
tera mera muamla kya hai
muddat ke baad ḳhvāb meñ aayā thā merā baap
aur us ne mujh se itnā kahā ḳhush rahā karo
muddat ke baad KHwab mein aaya tha mera bap
aur us ne mujh se itna kaha KHush raha karo
raat ko jab yaad aa.e terī ḳhushbu-e-qabā
tere qisse chheḌte haiñ raat kī raanī se ham
raat ko jab yaad aae teri KHushbu-e-qaba
tere qisse chheDte hain raat ki rani se hum
is kā matlab hai yahāñ ab koī aa.egā zarūr
dam nikalnā chāhtā hai ḳhair-maqdam ke liye
is ka matlab hai yahan ab koi aaega zarur
dam nikalna chahta hai KHair-maqdam ke liye
hamāre ghar ke qarīb ek jhiil hotī thī
aur us meñ shaam ko sūraj nahāyā kartā thā
hamare ghar ke qarib ek jhil hoti thi
aur us mein sham ko suraj nahaya karta tha
merā rañj-e-mustaqil bhī jaise kam sā ho gayā
maiñ kisī ko yaad kar ke tāza-dam sā ho gayā
mera ranj-e-mustaqil bhi jaise kam sa ho gaya
main kisi ko yaad kar ke taza-dam sa ho gaya
agar yūñhī mujhe rakkhā gayā akele meñ
barāmad aur koī is makān se hogā
agar yunhi mujhe rakkha gaya akele mein
baramad aur koi is makan se hoga
shab kī shab koī na sharminda-e-ruḳhsat Thahre
jaane vāloñ ke liye sham.eñ bujhā dī jaa.eñ
shab ki shab koi na sharminda-e-ruKHsat Thahre
jaane walon ke liye shamen bujha di jaen
pahle to ham chhān aa.e ḳhaak saare shahr kī
tab kahīñ jā kar khulā us kā makāñ hai sāmne
pahle to hum chhan aae KHak sare shahr ki
tab kahin ja kar khula us ka makan hai samne
ye zindagī kuchh bhī ho magar apne liye to
kuchh bhī nahīñ bachchoñ kī sharārat ke alāva
ye zindagi kuchh bhi ho magar apne liye to
kuchh bhi nahin bachchon ki shararat ke alawa
baiThe rahne se to lau dete nahīñ ye jism o jaañ
jugnuoñ kī chaal chaliye raushnī ban jā.iye
baiThe rahne se to lau dete nahin ye jism o jaan
jugnuon ki chaal chaliye raushni ban jaiye
chāñd-chehre mujhe achchhe to bahut lagte haiñ
ishq maiñ us se karūñgā jise urdu aa.e
chand-chehre mujhe achchhe to bahut lagte hain
ishq main us se karunga jise urdu aae
na ḳhvāb hī se jagāyā na intizār kiyā
ham is daf.a bhī chale aa.e chuum kar us ko
na KHwab hi se jagaya na intizar kiya
hum is dafa bhi chale aae chum kar us ko
nihāl-e-dard ye din tujh pe kyuuñ utartā nahīñ
ye nīl-kanTh kahīñ tujh se bad-gumāñ hī na ho
nihaal-e-dard ye din tujh pe kyun utarta nahin
ye nil-kanTh kahin tujh se bad-guman hi na ho
raat kamre meñ na thā mere alāva koī
maiñ ne is ḳhauf se ḳhanjar na sirhāne rakkhā
raat kamre mein na tha mere alawa koi
main ne is KHauf se KHanjar na sirhane rakkha
mausam tumhāre saath kā jaane kidhar gayā
tum aa.e aur baur na aayā daraḳht par
mausam tumhaare sath ka jaane kidhar gaya
tum aae aur baur na aaya daraKHt par
ham juḌe rahte the ābād makānoñ kī tarah
ab ye bāteñ hameñ lagtī haiñ fasānoñ kī tarah
hum juDe rahte the aabaad makanon ki tarah
ab ye baaten hamein lagti hain fasanon ki tarah
mohabbat ek dam dukh kā mudāvā kar nahīñ detī
ye titlī baiThtī hai zaḳhm par āhista āhista
mohabbat ek dam dukh ka mudawa kar nahin deti
ye titli baiThti hai zaKHm par aahista aahista
maiñ ne pūchhā thā ki iz.hār nahīñ ho saktā
dil pukārā ki ḳhabar-dār nahīñ ho saktā
main ne puchha tha ki izhaar nahin ho sakta
dil pukara ki KHabar-dar nahin ho sakta
jhoñke ke saath chhat ga.ī dastak ke saath dar gayā
taaza havā ke shauq meñ merā to saarā ghar gayā
jhonke ke sath chhat gai dastak ke sath dar gaya
taza hawa ke shauq mein mera to sara ghar gaya
ye mauj mauj banī kis kī shakl sī 'tābish'
ye kaun Duub ke bhī lahr lahr phail gayā
ye mauj mauj bani kis ki shakl si 'tabish'
ye kaun Dub ke bhi lahr lahr phail gaya
-
Share this
- See Ghazal
- Critique
- Comments
- Download
pas-e-ġhubār bhī uḌtā ġhubār apnā thā
tire bahāne hameñ intizār apnā thā
pas-e-ghubar bhi uDta ghubar apna tha
tere bahane hamein intizar apna tha
-
Tag : Bahana
-
Share this
- See Ghazal
- Critique
- Comments
- Download
jis se pūchheñ tire baare meñ yahī kahtā hai
ḳhūbsūrat hai vafādār nahīñ ho saktā
jis se puchhen tere bare mein yahi kahta hai
KHubsurat hai wafadar nahin ho sakta
-
Share this
- See Ghazal
- Critique
- Comments
- Download
masrūf haiñ kuchh itne ki ham kār-e-mohabbat
āġhāz to kar lete haiñ jaarī nahīñ rakhte
masruf hain kuchh itne ki hum kar-e-mohabbat
aaghaz to kar lete hain jari nahin rakhte
-
Share this
- See Ghazal
- Critique
- Comments
- Download
maiñ jis sukūn se baiThā huuñ is kināre par
sukūñ se lagtā hai merā qayām āḳhirī hai
main jis sukun se baiTha hun is kinare par
sukun se lagta hai mera qayam aaKHiri hai
-
Share this
- See Ghazal
- Critique
- Comments
- Download
hamāre jaise vahāñ kis shumār meñ hoñge
ki jis qatār meñ majnūñ kā naam āḳhirī hai
hamare jaise wahan kis shumar mein honge
ki jis qatar mein majnun ka nam aaKHiri hai
-
Share this
- See Ghazal
- Critique
- Comments
- Download
phir is ke ba.ad ye bāzār-e-dil nahīñ lagnā
ḳharīd lījiye sāhib ġhulām āḳhirī hai
phir is ke baad ye bazar-e-dil nahin lagna
KHarid lijiye sahib ghulam aaKHiri hai
-
Share this
- See Ghazal
- Critique
- Comments
- Download
mere siine se zarā kaan lagā kar dekho
saañs chaltī hai ki zanjīr-zanī hotī hai
mere sine se zara kan laga kar dekho
sans chalti hai ki zanjir-zani hoti hai
-
Tag : Karbala
-
Share this
- See Ghazal
- Critique
- Comments
- Download
hijr ko hausla aur vasl ko fursat darkār
ik mohabbat ke liye ek javānī kam hai
hijr ko hausla aur wasl ko fursat darkar
ek mohabbat ke liye ek jawani kam hai
sun rahā huuñ abhī tak maiñ apnī hī āvāz kī bāzgasht
ya.anī is dasht meñ zor se bolnā bhī akārat gayā
sun raha hun abhi tak main apni hi aawaz ki bazgasht
yani is dasht mein zor se bolna bhi akarat gaya
-
Share this
- See Ghazal
- Critique
- Comments
- Download
kuchh to apnī gardaneñ kaj haiñ havā ke zor se
aur kuchh apnī tabī.at meñ asar miTTī kā hai
kuchh to apni gardanen kaj hain hawa ke zor se
aur kuchh apni tabiat mein asar miTTi ka hai
-
Share this
- See Ghazal
- Critique
- Comments
- Download
āñkhoñ tak aa sakī na kabhī āñsuoñ kī lahr
ye qāfila bhī naql-e-makānī meñ kho gayā
aankhon tak aa saki na kabhi aansuon ki lahr
ye qafila bhi naql-e-makani mein kho gaya
terī ruuh meñ sannāTā hai aur mirī āvāz meñ chup
tū apne andāz meñ chup hai maiñ apne andāz meñ chup
teri ruh mein sannaTa hai aur meri aawaz mein chup
tu apne andaz mein chup hai main apne andaz mein chup
-
Share this
- See Ghazal
- Critique
- Comments
- Download
iltijā.eñ kar ke māñgī thī mohabbat kī kasak
be-dilī ne yuuñ ġham-e-nāyāb vāpas kar diyā
iltijaen kar ke mangi thi mohabbat ki kasak
be-dili ne yun gham-e-nayab wapas kar diya
-
Share this
- See Ghazal
- Critique
- Comments
- Download
tum maañg rahe ho mire dil se mirī ḳhvāhish
bachcha to kabhī apne khilaune nahīñ detā
tum mang rahe ho mere dil se meri KHwahish
bachcha to kabhi apne khilaune nahin deta
-
Share this
- See Ghazal
- Critique
- Comments
- Download
kyuuñ na ai shaḳhs tujhe haath lagā kar dekhūñ
tū mire vahm se baḌh kar bhī to ho saktā hai
kyun na ai shaKHs tujhe hath laga kar dekhun
tu mere wahm se baDh kar bhi to ho sakta hai
-
Share this
- See Ghazal
- Critique
- Comments
- Download
tū bhī ai shaḳhs kahāñ tak mujhe bardāsht kare
baar baar ek hī chehra nahīñ dekhā jaatā
tu bhi ai shaKHs kahan tak mujhe bardasht kare
bar bar ek hi chehra nahin dekha jata
-
Share this
- See Ghazal
- Critique
- Comments
- Download
un āñkhoñ meñ kūdne vaalo tum ko itnā dhyān rahe
vo jhīleñ pāyāb haiñ lekin un kī tah pathrīlī hai
un aankhon mein kudne walo tum ko itna dhyan rahe
wo jhilen payab hain lekin un ki tah pathrili hai
-
Share this
- See Ghazal
- Critique
- Comments
- Download
tilism-e-ḳhvāb se merā badan patthar nahīñ hotā
mirī jab aañkh khultī hai maiñ bistar par nahīñ hotā
tilism-e-KHwab se mera badan patthar nahin hota
meri jab aankh khulti hai main bistar par nahin hota
-
Share this
- See Ghazal
- Critique
- Comments
- Download
faqat māl-o-zar-e-dīvār-o-dar achchhā nahīñ lagtā
jahāñ bachche nahīñ hote vo ghar achchhā nahīñ lagtā
faqat mal-o-zar-e-diwar-o-dar achchha nahin lagta
jahan bachche nahin hote wo ghar achchha nahin lagta
-
Tag : Bachpan
-
Share this
- See Ghazal
- Critique
- Comments
- Download
makīñ jab niiñd ke saa.e meñ sustāne lageñ 'tābish'
safar karte haiñ bastī ke makāñ āhista āhista
makin jab nind ke sae mein sustane lagen 'tabish'
safar karte hain basti ke makan aahista aahista
-
Share this
- See Ghazal
- Critique
- Comments
- Download
ye zamīñ to hai kisī kāġhzī kashtī jaisī
baiTh jaatā huuñ agar baar na samjhā jaa.e
ye zamin to hai kisi kaghzi kashti jaisi
baiTh jata hun agar bar na samjha jae
-
Share this
- See Ghazal
- Critique
- Comments
- Download
maiñ huuñ is shahr meñ tāḳhīr se aayā huā shaḳhs
mujh ko ik aur zamāne meñ baḌī der lagī
main hun is shahr mein taKHir se aaya hua shaKHs
mujh ko ek aur zamane mein baDi der lagi
-
Share this
- See Ghazal
- Critique
- Comments
- Download
boltā huuñ to mire hoñT jhulas jaate haiñ
us ko ye baat batāne meñ baḌī der lagī
bolta hun to mere honT jhulas jate hain
us ko ye baat batane mein baDi der lagi
-
Share this
- See Ghazal
- Critique
- Comments
- Download
tirī mohabbat meñ gumrahī kā ajab nasha thā
ki tujh tak aate hue ḳhudā tak pahuñch ga.e haiñ
teri mohabbat mein gumrahi ka ajab nasha tha
ki tujh tak aate hue KHuda tak pahunch gae hain
-
Share this
- See Ghazal
- Critique
- Comments
- Download
varna koī kab gāliyāñ detā hai kisī ko
ye us kā karam hai ki tujhe yaad rahā maiñ
warna koi kab galiyan deta hai kisi ko
ye us ka karam hai ki tujhe yaad raha main
-
Share this
- See Ghazal
- Critique
- Comments
- Download
vaqt lafzoñ se banā.ī huī chādar jaisā
oḌh letā huuñ to sab ḳhvāb hunar lagtā hai
waqt lafzon se banai hui chadar jaisa
oDh leta hun to sab KHwab hunar lagta hai
-
Share this
- See Ghazal
- Critique
- Comments
- Download
ek muddat se mirī maañ nahīñ soī 'tābish'
maiñ ne ik baar kahā thā mujhe Dar lagtā hai
ek muddat se meri man nahin soi 'tabish'
main ne ek bar kaha tha mujhe Dar lagta hai
mujh se to dil bhī mohabbat meñ nahīñ ḳharch huā
tum to kahte the ki is kaam meñ ghar lagtā hai
mujh se to dil bhi mohabbat mein nahin KHarch hua
tum to kahte the ki is kaam mein ghar lagta hai