davām pā.egā ik roz haq zamāne meñ

ye intizār nahīñ intizār-e-vahshat hai

dawam paega ek roz haq zamane mein

ye intizar nahin intizar-e-wahshat hai

kahīñ surāġh nahīñ hai kisī bhī qātil kā

lahūluhān magar shahr kā nazāra hai

kahin suragh nahin hai kisi bhi qatil ka

lahuluhan magar shahr ka nazara hai

usī pe sabr hai mujh ko har ek daur yahāñ

bahār aane se pahle ḳhizāñ se guzrā hai

usi pe sabr hai mujh ko har ek daur yahan

bahaar aane se pahle KHizan se guzra hai

miltī hai ḳhushī sab ko jaise hī kahīñ se bhī

bhūlī hui bachpan kī tasvīr nikaltī hai

milti hai KHushi sab ko jaise hi kahin se bhi

bhuli hui bachpan ki taswir nikalti hai

sajde kā sabab jaan ke shīrīñ hai pareshāñ

farhād ne kah Daalā ke rab DhūñD rahā huuñ

sajde ka sabab jaan ke shirin hai pareshan

farhad ne kah Dala ke rab DhunD raha hun

bas rañj kī hai dāstāñ unvān hazāroñ

jiine ke liye mar ga.e insān hazāroñ

bas ranj ki hai dastan unwan hazaron

jine ke liye mar gae insan hazaron

koī hayāt zamāne ko hai aziiz bahut

koī hayāt hai ki roz roz martī hai

koi hayat zamane ko hai aziz bahut

koi hayat hai ki roz roz marti hai

mire vajūd kā mehvar chamaktā rahtā hai

isī sanad se muqaddar chamaktā rahtā hai

mere wajud ka mehwar chamakta rahta hai

isi sanad se muqaddar chamakta rahta hai

dekhā nahīñ jis ne mire tūfāñ ko sukūñ meñ

vo shaḳhs mirī ruuh ke andar nahīñ utrā

dekha nahin jis ne mere tufan ko sukun mein

wo shaKHs meri ruh ke andar nahin utra

jis ḳhaak se kahte ho vafā ham nahīñ karte

so.e haiñ usī ḳhaak meñ sultān hazāroñ

jis KHak se kahte ho wafa hum nahin karte

soe hain usi KHak mein sultan hazaron

ye tamannā hai ḳhudā ālam-e-hastī meñ tire

maiñ ayaañ dekhnā chāhūñ to nihāñ tak dekhūñ

ye tamanna hai KHuda aalam-e-hasti mein tere

main ayan dekhna chahun to nihan tak dekhun

itnī na intishār kī hiddat ho rū-ba-rū

insāñ ġham-e-hayāt meñ jaltā dikhā.ī de

itni na intishaar ki hiddat ho ru-ba-ru

insan gham-e-hayat mein jalta dikhai de

ḳhudā kī razā hai na hāsil kisī ko

ḳhudā ke liye par laḌā.ī bahut hai

KHuda ki raza hai na hasil kisi ko

KHuda ke liye par laDai bahut hai

gumān kahtā hai ke maiñ yaqīñ kā shā.ir huuñ

yaqīn kahtā hai ke maiñ gumāñ kā shā.ir huuñ

guman kahta hai ke main yaqin ka shair hun

yaqin kahta hai ke main guman ka shair hun

ye jo behāl sā manzar ye jo bīmār se ham tum

siyāsat kī navāzish hai kisī se kuchh nahīñ boleñ

ye jo behaal sa manzar ye jo bimar se hum tum

siyasat ki nawazish hai kisi se kuchh nahin bolen