Search result for "ba-ra.ng-e-abr-e-naisaanii" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ba-ra.ng-e-abr-e-naisaanii"

Nazm MATCHES FOR "ba-ra.ng-e-abr-e-naisaanii"

Nazm

fusun-e-KHwab

ba-ra.ng-e-kaif-o-sarshaarii hadiis-e-dil kaho hamdam!
hama-tan gosh hai saa.at
sharaab-e-shab utartii hai bahut aahista aahista
sifaal-e-KHvaab me.n maddham
tumhe.n is pal ijaazat hai
kaho! yuu.n KHalvat-e-jaa.n me.n bilorii.n chuu.Diyaa.n chhan chhan chhanaktii shor kartii hai.n
miraa dil Dol jaataa hai
vufuur-e-husn me.n lipTii tumhaarii ambarii.n zulfe.n...
dh.Daknaa bhuul jaataa hai
kaho! kaajal siyah kaajal dhanak ra.ngo.n kaa mela hai
kaho! pore.n KHayaalo.n kii sunahrii jild me.n jalte diyo.n par raqs kartii hai.n
suraahii-daar gardan par damaktii nuqra.ii maalaa... tumhaare kaan kii baalii... ye jaaduugar!
ye ishva-gar
talab kii be-zabaanii ko ataa karte hai.n goyaa.ii
tumhe.n is pal ijaazat hai
kaho yuu.n bhed ke jaise saraktaa raat kaa aa.nchal havaa me.n sarsaraataa hai
sitaaraa shauq kaa merii nazar me.n jhilmilaataa hai
kaho! naa mausam-e-gul hai, gulaabo.n kii qataaro.n me.n damakte shabnamii lamhe
tumhaare lams ke pyaase
bahr mauj-e-nafas Thahraa sukuut-e-shauq kaa mausam tumhe.n aavaaz detaa hai
tamannaa giit kii suurat labo.n par gungunaatii hai
mohabbat be-muhaabaa ek lamhe ko tarastii hai
tamannaa be-KHabar! Gaafil...
fusuun-e-KHvaab kii muddat bahut tho.Dii bahut kam hai

Naina Adil

Nazm

rabta

ham ko jo mil gayaa tasalsul se
nazr-e-tuufaan-e-sa.ng to na kare.n
apne aslaaf se jo faiz milaa
us ko vahshat ba-ra.ng to na kare.n

Noor -e-Shama Noor

Nazm

waqt ki qadr

KHabar le jald ki umr-e-aziiz faanii hai
saraa-e-dahr kii har chiiz aanii-jaanii hai
ba-ra.ng-e-abr-e-ravaa.n fasl-e-naujavaanii hai
chhalakne vaalaa hai saaGar pilaa bhii jaa salmaa
bahaar biitne vaalii hai aa bhii jaa salmaa

Akhtar Shirani

Nazm

chand ke tamannai

aaj dil me.n viiraanii
abr ban ke ghir aa.ii
aaj dil ko kyaa kahiye
baa-vafaa na harjaa.ii
phir bhii log diivaane
aa ga.e hai.n samjhaane
apnii vahshat-e-dil ke
bun liye hai.n afsaane
KHush-KHayaal duniyaa ne
garmiyaa.n to jaatii hai.n
vo rute.n bhii aatii.n hai.n
jab maluul raato.n me.n
dosto.n kii baato.n me.n
jii na chain paa.egaa
aur uub jaa.egaa
aahaTo.n se guu.njegii
shahr-e-dil kii pahnaa.ii
aur chaa.nd raato.n me.n
chaa.ndnii ke shaidaa.ii
har bahaane nikle.nge
aazmaane nikle.nge
aarzuu kii gahraa.ii
Dhuu.nDne ko rusvaa.ii
sard sard raato.n ko
zard chaa.nd baKHshegaa
be-hisaab tanhaa.ii
be-hijaab tanhaa.ii
shahr-e-dil kii galiyo.n me.n

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
jaa.n-gudaaz tanhaa.ii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai
sad-hazaar baate.n thii.n
hiila-e-shakebaa.ii
suurato.n kii zebaa.ii
qaamato.n kii ra.anaa.ii
un siyaah raato.n me.n
ek bhii na yaad aa.ii
jaa-ba-jaa bhaTakte hai.n
kis kii raah takte hai.n
chaa.nd ke tamannaa.ii
ye nagar kabhii pahle
is qadar na viiraa.n thaa
kahne vaale kahte hai.n
qarya-e-nigaaraa.n thaa
KHair apne jiine kaa
ye bhii ek saamaa.n thaa
aaj dil me.n viiraanii
abr ban ke ghir aa.ii
aaj dil ko kyaa kahiye
baa-vafaa na harjaa.ii
phir bhii log diivaane
aa ga.e hai.n samjhaane
apnii vahshat-e-dil ke
bun liye hai.n afsaane
KHush-KHayaal duniyaa ne
garmiyaa.n to jaatii hai.n
vo rute.n bhii aatii hai.n
jab maluul raato.n me.n
dosto.n kii baato.n me.n
jii na chain paa.egaa
aur uub jaa.egaa
aahaTo.n se guu.njegii
shahr-e-dil kii pinhaa.ii
aur chaa.nd-raato.n me.n
chaa.ndnii ke shaidaa.ii
har bahaane nikle.nge
aarzuu kii giiraa.ii
Dhuu.nDne ko rusvaa.ii
sard sard raato.n ko
zard chaa.nd baKHshegaa
be-hisaab tanhaa.ii
be-hijaab tanhaa.ii
shahr-e-dil kii galiyo.n me.n

Ibn۔e۔Insha

Nazm

dar-o-rasan

ba-ra.ng-e-tiir-e-shahaab aag me.n jale laakho.n
sipurd daar-o-rasan ho ga.e gale laakho.n

Mohammad Ali Tishna

Nazm

baDhe chalo

ba.Dhe chalo ba.Dhe chalo
misaal-e-buu-e-bostaa.n
ba-rang-e-mauj-e-naGma-KHvaa.n
qadam qadam ravaa.n ravaa.n
qataar-dar-qataar haa.n
ba.Dhe chalo ba.Dhe chalo

Masoom Sharqi

Nazm

jahan rehana rahti thi

yahii.n aabaad thii ik din mire afkaar kii malka
mire jazbaat kii devii mire ash.aar kii malka
vo malka jo ba-ra.ng-e-azmat-e-shaahaana rahtii thii
yahii vaadii hai vo hamdam jahaa.n rehaana rahtii thii

Akhtar Shirani

Nazm

ye ek dohri aziyyat hai

bataur naasehaa.n miltaa hai ko.ii
ba-ra.ng-e-mehrbaa.n miltaa hai ko.ii
ba-sa.ii-e-raa.egaa.n miltaa hai ko.ii

Mohammad Anvar Khalid

Nazm

jannat se bhi aziz hai KHak-e-watan mujhe

soz-o-gudaaz-e-Gam kaa huu.n afsaana-e-KHamuush
samjho ba-rang-e-saaz saraapaa suKHan mujhe

Barq Dehlvi

Nazm

kashmir

vo taa.ir-e-kohsaar lab-e-chashma-e-kohsaar
vo sard havaa vo karam-e-abr-e-guhar-baar
vo meva-e-KHush-rang vo sarsabz chaman-zaar
ik aan me.n sehat ho jo barso.n kaa ho biimaar

Chakbast Braj Narayan

Nazm

husn-e-qudrat

husn hai maujuud har jaa chashm-e-biinaa chaahiye
diida-e-dil khol kar haa.n us ko dekhaa chaahiye
us kaa jalva hai ayaa.n gul-haa-e-rangaa-rang se
sabze me.n shaaKHo.n me.n ghar us ne kiyaa sau Dhang se
jaaguzii.n hai raat din ye bahr-o-bar ke des me.n
shahr me.n aataa hai ye la.al-o-gohar ke bhes me.n
husn-e-qudrat munhasir kuchh chhoTii chiizo.n par nahii.n
balki ye jalva-numaa hai har jahaa.n me.n har kahii.n
koh-o-raaG-o-abr-o-baad-o-mahr-o-mah jinn-o-bashar
nuur-e-husn-e-haq se hai.n ye sab munavvar sar-basar
hai jahaa.n saaraa munavvar aur mandar husn kaa
dekhiye jo ghar nazar aataa hai vo ghar husn kaa
aashnaa hai.n jo vajuud-e-husn-e-qudrat se vo sab
jaante hai.n aap ko mahsuur-e-nuur-e-husn-e-rab
dil agar daanaa buvad dar har-suKHan asraar hast
chashm gar biinaa buvad yuusuf ba-har-baazaar hast

Hamid Hasan Qadri

Nazm

phulon ki shahzadi

kalii se kah rahii thii ek din shabnam gulistaa.n me.n
rahii mai.n ek muddat Guncha-haa-e-baaG-e-rizvaa.n me.n
tumhaare gulistaa.n kii kaifiyat sarshaar hai aisii
nigah firdaus dar-e-daaman hai merii chashm-e-hairaa.n me.n
sunaa hai ko.ii shahzaadii hai haakim us gulistaa.n kii
ki jis ke naqsh-e-paa se phuul ho.n paidaa bayaabaa.n me.n
kabhii saath apne us ke aastaa.n tak mujh ko tuu le chal
chhupaa kar apne daaman me.n ba-ra.ng-e-mauj-e-buu le chal
kalii bolii sariir-aaraa hamaarii hai vo shahzaadii
daraKHshaa.n jis kii Thokar se ho.n patthar bhii nagii.n ban kar
magar fitrat tirii uftinda aur begam kii shaan uu.nchii
nahii.n mumkin ki tuu pahu.nche hamaarii ham-nashii.n ban kar
pahu.nch saktii hai tuu lekin hamaarii shaahzaadii tak
kisii dukh dard ke maare kaa ashk-e-aatishii.n ban kar
nazar us kii payaam-e-'iid hai ahl-e-moharram ko
banaa detii hai gauhar Gam-zado.n ke ashk-e-paiham ko

Allama Iqbal

Nazm

gandhi

vo ba-ra.ng-e-aa.iina saaf-dil vo faroG-e-fitrat-e-aab-o-gil
ki jihaad-e-nafs ne mustaqil use aur husn-e-jilaa diyaa

Iqbal Sohail

Nazm

nazr-e-watan

nazr-e-vatan phir ai dil diivaana chaahiye
phir har qadam pe sajda-e-shukraana chaahiye
phir sar-zamii.n vatan kii hai nazro.n ke saamne
phir lab pe ek naara-e-mastaana chaahiye
bachpan kii yaad letii hai phir dil me.n chuTkiyaa.n
phir be-KHudii ba-hujjat-e-tiflaana chaahiye
barso.n ke baa'd aa.e hai.n baaG-e-vatan me.n ham
phir har kalii ko sajda-e-mastaana chaahiye
kohsaar sabz-posh nazar aa.e duur se
phir lab pe chaar bait kaa afsaana chaahiye
jis kuuche me.n hu.ii.n kabhii rusvaa.iyaa.n nasiib
us kaa tavaaf baa-dil-e-diivaana chaahiye
baKHshaa thaa jis ne pahle-pahal dil ko dard-e-ishq
phir us ke dar pe sajda-e-shukraana chaahiye
phir dil ko ho yaqii.n na kisii ke visaal kaa
phir vaaqi.a ba-suurat-e-afsaana chaahiye
phir shauq se mile.nge kisii gul-ezaar se
phir lab pe shor-e-bulbul-e-mastaana chaahiye
jhuulaa jhuulaa.e.nge kisii mast-e-shabaab ko
raqsaa.n fazaa me.n phir mai-o-mai-KHaana chaahiye
paa.e talab ko vaadii-e-parvii.n hai niim-gaam
phir aarzuu ko manzil-e-jaanaana chaahiye
phir KHirman sukuu.n ko hai.n darkaar bijliyaa.n
phir be-hijaab jalva-e-jaanaana chaahiye
phir zauq-e-mai-kashii ko hai me.araaj kii talab
kausar kaa baada chaa.nd kaa paimaana chaahiye
phir shauq ban ke dil me.n dha.Daktii hai zindagii
phir jumbish-e-tabassum-e-jaanaana chaahiye
phir siina-e-umiid me.n raqsaa.n hai barq-e-tuur
phir pursish mazaaq kaliimaana chaahiye
baalaa-e-koh saaya-e-abr-e-bahaar me.n
parviin-o-maahtaab kaa kaashaana chaahiye
phir us hariim-e-nuur ke aaGosh-e-naaz me.n
ik gul-kada ba-ra.ng-e-parii-KHaana chaahiye
phir abr-o-baaG-o-nik.hat-o-gul ke hujuum me.n
sham.a o sarv o baada-o-paimaana chaahiye
phir us kii chashm-e-mast pe gesuu ho.n pur-fishaa.n
phir abr-e-shaam-guu.n sar-e-mai-KHaana chaahiye
phir chaa.ndnii me.n daaman-e-dariyaa ye ai nadiim
raqs-e-sharaab-o-gardish-e-paimaana chaahiye
josh-e-tarab ne hashr saa dil me.n kiyaa bapaa
phir be-KHudii ko girya-e-mastaana chaahiye
'aKHtar' vatan me.n aa ke khulaa hai ye husn-e-raaz
is muKHtasar sii umr me.n kyaa kyaa na chaahiye

Akhtar Shirani

Nazm

be-KHabari

KHauf abhii ju.Daa na thaa silsila-e-kalaam se
harf abhii bujhe na the dahshat-e-kam-KHiraam se
sa.ng-e-malaal ke liye dil aastaa.n hu.aa na thaa
iqliim-e-KHvaab me.n kahii.n ko.ii ziyaa.n hu.aa na thaa
nik.hat-e-abr-o-baad kii mastii me.n Dolte the ghar
saaf dikhaa.ii dete the
us kii galii ke sab shajar
gard misaal-e-dastke.n dar pe abhii jamii na thii.n
ra.ng-e-firaaq-o-vasl kii parte.n abhii khulii na thii.n
aise me.n thii kise KHabar
jab saa.at-e-maahtaab ho
yuu.n bhii to hai ki aur hii naqsha-e-KHaak-o-aab ho

Jameel ur Rahman

Nazm

gum-shuda KHayal ka tazkira

musaafirat ke samundar me.n sab ko tanhaa karuu.n
vo mujh se chhuptaa phire aur mai.n us ko dekhaa karuu.n
numaa.ish-e-Gam-e-sahraa me.n us pe saayaa karuu.n
ba-rang-e-KHvaab ruke paaniyo.n ko chakkhaa karuu.n

Sibt Ahmad

Nazm

jamuna

ab kahaa.n jamunaa tirii maujo.n kii mastaana vo chaal
ab kahaa.n paanii ke jharne aur vo lutf-e-barshgaal
ab kahaa.n chhoTaa saa vo raadhaa kaa kunj-e-KHush-gavaar
ab kahaa.n vo aah mathuraa tere phuulo.n kii bahaar
ab kahaa.n vo bansii vaale kii adaa-e-jaa.n-navaaz
ab kahaa.n vo aah murlii kii sadaa-e-jaa.n-navaaz
ab kahaa.n vo KHalvat-e-raaz-o-niyaaz-e-husn-o-ishq
be-sadaa zer-e-zamii.n hai.n aah saaz-e-husn-o-ishq
o talavvun-kesh o kaafir-adaa aur duu.n-shi.aar
tuu ne badle rang laakho.n aah vaz-e-rozgaar
KHaak uTh kar aah sar par daaman-e-saahil u.Daa
Tuk.De Tuk.De kar jigar ko paara-haa-e-dil u.Daa
sozish-e-Gam se pighal jaa aah ai reg-e-ravaa.n
zarre zarre me.n tere tasviir-e-ibrat hai nihaa.n
ab kahaa.n vo kunj-e-dil-kash ab kahaa.n raadhaa kaa aish
hai ba-ra.ng-e-KHanda-e-gul be-baqaa duniyaa kaa aish

Suroor Jahanabadi

Nazm

holi

har ek phuul hu.aa ra.ng-baar holii me.n
har ek shaaKH hai suurat-nigaar holii me.n
gulo.n se mauj-e-shafaq rang khelne aa.ii
ajab hai arz-o-samaa par bahaar holii me.n
vo surKH-posh gulistaa.n me.n rang khelaa hai
gul-o-saman pe hai turfa nikhaar holii me.n
har ek chiiz se ra.ng-e-vafaa Tapaktaa hai
shahiid-e-ishq kii hai yaadgaar holii me.n
kuchh is tarah se hu.ii gul pe shabnam-afshaanii
qabaa-e-gul hai javaahar-nigaar holii me.n
jidhar nigaah uThii surKHiyaa.n nazar aa.ii.n
har ek shai hai fasaana-nigaar holii me.n
hai kaa.enaat me.n josh-e-numuu kii jumbish se
har ek zarre kaa dil be-qaraar holii me.n
qadam ke niiche hai farsh-e-zamurradii.n 'ra.anaa'
hai sar pe saaya-e-abr-e-bahaar holii me.n

Birj Lal Raana

Nazm

tamiri taKHrib

paikar-e-sharm-o-hayaa sharm-o-hayaa se duur hai
siina-e-aKHlaaq me.n ristaa hu.aa naasuur hai
hai zamii.n par is tarah qaamat ke saaye kaa nishaa.n
aasmaa.n par jis tarah ho paara-e-abr-e-ravaa.n
saaye me.n yuu.n dast-o-paa ke muztarib thii raushnii
aa.ina-baazii me.n ho masruuf jaise tiirgii
jamparo.n kii aisii hai kuchh niim uryaa.n sii taraash
naaKHun-e-taKHriib kii hai qalb-e-fitrat par KHaraash
chal rahii hai.n shoKHiyo.n kii rau me.n iThlaatii hu.ii
har qadam par be-zarii kii laash Thukraatii hu.ii
saadgii ruKH par kahaa.n zauq-e-nazar kii bhuul hai
ye vo tevar hai ki har andaaz me.n maqbuul hai
zaahirii suurat dilii-jazbaat kii tasviir hai
bahkii bahkii sii nazar bebaak sii taqriir hai
ye muraqqaa hai agar 'naKHshab' na.ii tahziib kaa
rang aataa hai nazar ta.amiir me.n taKHriib kaa

Nakhshab Jaarchawi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now