عذاب پر اشعار

یاد ماضی عذاب ہے یارب

چھین لے مجھ سے حافظہ میرا

آئے کچھ ابر کچھ شراب آئے

اس کے بعد آئے جو عذاب آئے

عذاب ہوتی ہیں اکثر شباب کی گھڑیاں

گلاب اپنی ہی خوشبو سے ڈرنے لگتے ہیں

بتوں کی چاہ میں ہم تو عذاب ہی میں رہے

شب فراق کٹی روز انتظار آیا

انہی پہ ہو کبھی نازل عذاب آگ اجل

وہی نگر کبھی ٹھہریں پیمبروں والے

رہ حیات میں کانٹوں نے مہرباں ہو کر

بچا لیا ہے عذاب شگفتگی سے مجھے

چھپی تھی جس کی غزل میں زمانے بھر کی خوشی

خود اس کی زیست کا نغمہ عذاب سا ابھرا