Sher on Qaid

kah rahe haiñ vo banā kar zulf ko

mujrimān-e-ishq kī zanjīr dekh

kah rahe hain wo bana kar zulf ko

mujriman-e-ishq ki zanjir dekh

shajar kī yaad rulātī hī thī magar ab to

jo āshiyāñ ke barābar thā vo qafas bhī gayā

shajar ki yaad rulati hi thi magar ab to

jo aashiyan ke barabar tha wo qafas bhi gaya

qafas meñ rah ke na rote agar ye jānte ham

chaman meñ rah ke bhī ronā hai bāl-o-par ke liye

qafas mein rah ke na rote agar ye jaante hum

chaman mein rah ke bhi rona hai baal-o-par ke liye

mujh se qafas kā darvāza kyā TūTegā

paañv paḌī zanjīr meñ khoī rahtī huuñ

mujh se qafas ka darwaza kya TuTega

panw paDi zanjir mein khoi rahti hun

qaid-e-āvārgī-e-jāñ hī bahut hai mujh ko

ek dīvār mirī ruuh ke andar na banā

qaid-e-awargi-e-jaan hi bahut hai mujh ko

ek diwar meri ruh ke andar na bana

zindagānī asiir karne ko

gesuoñ kā ye jaal achchhā hai

zindagani asir karne ko

gesuon ka ye jal achchha hai

gaah ho jaatā huuñ maiñ apnī anā kā qaidī

maiñ na aa.uuñ to phir aa kar mujhe chhuḌvā.egā

gah ho jata hun main apni ana ka qaidi

main na aaun to phir aa kar mujhe chhuDwaega

ḳhat-o-kākul-o-zulf-o-andāz-o-nāz

huiiñ dām-e-rah sad-giraftāriyāñ

KHat-o-kakul-o-zulf-o-andaz-o-naz

huin dam-e-rah sad-giraftariyan

khīñchte ho har jānib kis liye lakīreñ sī

maiñ na koī rāvan huuñ maiñ na koī siitā huuñ

khinchte ho har jaanib kis liye lakiren si

main na koi rawan hun main na koi sita hun