Tauba Shayari

We take vows many times and many times we break our vows. There are several things that are simply irresistible like sin—be it small or big. Sin is sweet which makes us commit it again and again and abstain from the same yet again. Here is a selection that visits the idea and practice of abstinence and vows-breaking from various angles. You may like to read and enjoy this selection.

barsāt ke aate tauba na rahī baaqī

bādal jo nazar aa.e badlī merī nīyat bhī

barsat ke aate hi tauba na rahi baqi

baadal jo nazar aae badli meri niyat bhi

Hasrat Mohani

un ke ruḳhsār pe Dhalke hue aañsū tauba

maiñ ne shabnam ko bhī sho.aloñ pe machalte dekhā

un ke ruKHsar pe Dhalke hue aansu tauba

main ne shabnam ko bhi shoalon pe machalte dekha

Sahir Ludhianvi

tark-e-mai samajh ise nāseh

itnī hai ki nahīñ jaatī

tark-e-mai hi samajh ise naseh

itni pi hai ki pi nahin jati

Shakeel Badayuni

shab ko mai ḳhuub sub.h ko tauba kar

riñd ke riñd rahe haath se jannat na ga.ī

shab ko mai KHub si pi subh ko tauba kar li

rind ke rind rahe hath se jannat na gai

Jaleel Manikpuri

baat saaqī na Taalī jā.egī

kar ke tauba toḌ Daalī jā.egī

the wishes of my saaqii I will not ignore

the vow of abstinence I take, will forthwith abjure

baat saqi ki na Tali jaegi

kar ke tauba toD Dali jaegi

the wishes of my saaqii I will not ignore

the vow of abstinence I take, will forthwith abjure

Jaleel Manikpuri

vo kaun haiñ jinheñ tauba mil ga.ī fursat

hameñ gunāh bhī karne ko zindagī kam hai

who are those that seem to find the time for to repent

for us this life is too short to sin to heart's content

wo kaun hain jinhen tauba ki mil gai fursat

hamein gunah bhi karne ko zindagi kam hai

who are those that seem to find the time for to repent

for us this life is too short to sin to heart's content

Anand Narayan Mulla

guzre haiñ mai-kade se jo tauba ke ba.ad ham

kuchh duur ādatan bhī qadam Dagmagā.e haiñ

guzre hain mai-kade se jo tauba ke baad hum

kuchh dur aadatan bhi qadam Dagmagae hain

Khumar Barabankavi

piine se kar chukā thā maiñ tauba magar 'jalīl'

bādal rañg dekh ke nīyat badal ga.ī

pine se kar chuka tha main tauba magar 'jalil'

baadal ka rang dekh ke niyat badal gai

Jaleel Manikpuri

haa.e 'sīmāb' us majbūrī

jis ne ho shabāb meñ tauba

hae 'simab' us ki majburi

jis ne ki ho shabab mein tauba

Seemab Akbarabadi

itnī hai ki ba.ad-e-tauba bhī

be-piye be-ḳhudī rahtī hai

itni pi hai ki baad-e-tauba bhi

be-piye be-KHudi si rahti hai

Riyaz Khairabadi

shirkat gunāh meñ bhī rahe kuchh savāb

tauba ke saath toḌiye botal sharāb

shirkat gunah mein bhi rahe kuchh sawab ki

tauba ke sath toDiye botal sharab ki

Zaheer Dehlvi

mirī sharāb tauba pe na ai vaa.iz

nashe baat nahīñ e'tibār ke qābil

meri sharab ki tauba pe ja na ai waiz

nashe ki baat nahin e'tibar ke qabil

Hafeez Jaunpuri

mujhe tauba puurā ajr miltā hai usī saa.at

koī zohra-jabīñ piine pe jab majbūr kartā hai

mujhe tauba ka pura ajr milta hai usi saat

koi zohra-jabin pine pe jab majbur karta hai

Abdul Hamid Adam

ham se mai-kash jo tauba kar baiTheñ

phir ye kār-e-savāb kaun kare

hum se mai-kash jo tauba kar baiThen

phir ye kar-e-sawab kaun kare

Shakeel Badayuni

maiñ to jab mānūñ mirī tauba ke ba.ad

kar ke majbūr pilā de saaqī

main to jab manun meri tauba ke baad

kar ke majbur pila de saqi

Jigar Moradabadi

tauba khaḌī hai dar pe jo fariyād ke liye

ye mai-kada bhī kyā kisī qaazī ghar huā

tauba khaDi hai dar pe jo fariyaad ke liye

ye mai-kada bhi kya kisi qazi ka ghar hua

Ahmad Husain Mail

shikast-e-tauba tamhīd hai tirī tauba

zabāñ pe tauba 'mubārak' nigāh sāġhar par

shikast-e-tauba ki tamhid hai teri tauba

zaban pe tauba 'mubarak' nigah saghar par

Mubarak Azimabadi

hamārī kashtī-e-tauba ye huā anjām

bahār aate ġharq-e-sharāb ho ke rahī

hamari kashti-e-tauba ka ye hua anjam

bahaar aate hi gharq-e-sharab ho ke rahi

Jaleel Manikpuri

ai shaiḳh marte marte bache haiñ piye baġhair

aasī hoñ ab jo tauba kareñ mai-kashī se ham

ai shaiKH marte marte bache hain piye baghair

aasi hon ab jo tauba karen mai-kashi se hum

Jaleel Manikpuri

aap ke hote kisī aur ko chāhūñ tauba

kis taraf dhyān hai kyā aap ye farmāte haiñ

aap ke hote kisi aur ko chahun tauba

kis taraf dhyan hai kya aap ye farmate hain

Lala Madhav Ram Jauhar

sāqiyā dil meñ jo tauba ḳhayāl aatā hai

duur se aañkh dikhātā hai tirā jaam mujhe

saqiya dil mein jo tauba ka KHayal aata hai

dur se aankh dikhata hai tera jam mujhe

Jaleel Manikpuri

ham ne barsāt ke mausam meñ jo chāhī tauba

abr is zor se garjā ki ilāhī tauba

hum ne barsat ke mausam mein jo chahi tauba

abr is zor se garja ki ilahi tauba

Unknown

jaam hai tauba-shikan tauba mirī jām-shikan

sāmne Dher haiñ TuuTe hue paimānoñ ke

jam hai tauba-shikan tauba meri jam-shikan

samne Dher hain TuTe hue paimanon ke

Riyaz Khairabadi

khanak jaate haiñ jab sāġhar to pahroñ kaan bajte haiñ

are tauba baḌī tauba-shikan āvāz hotī hai

khanak jate hain jab saghar to pahron kan bajte hain

are tauba baDi tauba-shikan aawaz hoti hai

Unknown

tauba rindoñ meñ gunjā.ish kahāñ

jab ye aa.egī nikālī jā.egī

tauba ki rindon mein gunjaish kahan

jab ye aaegi nikali jaegi

Mubarak Azimabadi

fatvā diyā hai muftī-e-abr-e-bahār ne

tauba ḳhuun bāda-kashoñ ko halāl hai

fatwa diya hai mufti-e-abr-e-bahaar ne

tauba ka KHun baada-kashon ko halal hai

Jaleel Manikpuri

duḳhtar-e-raz ne diye chhīñTe kuchh aise sāqiyā

paanī paanī ho ga.ī tauba har ik mai-ḳhvār

duKHtar-e-raz ne diye chhinTe kuchh aise saqiya

pani pani ho gai tauba har ek mai-KHwar ki

Jaleel Manikpuri