phir tujhe aur mujhe aur kahīñ jaanā hai

ham-safar saath to chal jitnī saḌak baaqī hai

phir tujhe aur mujhe aur kahin jaana hai

ham-safar sath to chal jitni saDak baqi hai

mujh ko atā huā hai ye kaisā libās-e-zīst

baḌhte haiñ jis ke chaak barābar rafū ke saath

mujh ko ata hua hai ye kaisa libas-e-zist

baDhte hain jis ke chaak barabar rafu ke sath

us kī bhī mirī tarah thī ik apnī kahānī

us ko bhī nibhānā paḌā kirdār mujhe bhī

us ki bhi meri tarah thi ek apni kahani

us ko bhi nibhana paDa kirdar mujhe bhi

jo guftugū meñ sab se zarūrī thā vo suḳhan

un kī samā.atoñ ne izāfī samajh liyā

jo guftugu mein sab se zaruri tha wo suKHan

un ki samaaton ne izafi samajh liya

kyā kisī ummīd par phir se dar-e-dil vā karūñ

tujh se baḌh kar ḳhud batā merā shanāsā kaun thā

kya kisi ummid par phir se dar-e-dil wa karun

tujh se baDh kar KHud bata mera shanasa kaun tha

kyā karūñ ai tishnagī terā mudāvā bas vo lab

jin laboñ ko chhū ke paanī aag bantā jaa.e hai

kya karun ai tishnagi tera mudawa bas wo lab

jin labon ko chhu ke pani aag banta jae hai

taaza vārid huuñ miyāñ aur ye shahr-e-dil hai

kuchh kamāne ko yahāñ kār-e-ziyāñ DhūñDtā huuñ

taza warid hun miyan aur ye shahr-e-dil hai

kuchh kamane ko yahan kar-e-ziyan DhunDta hun

yaaro duā karo ye koī hādsa na ho

pahle yuuñ intizār meñ lazzat kabhī na thī

yaro dua karo ye koi hadsa na ho

pahle yun intizar mein lazzat kabhi na thi

kār-e-duniyā ko bhī kār-e-ishq meñ shāmil samajh

is liye ai zindagī terī pata rakhtā huuñ maiñ

kar-e-duniya ko bhi kar-e-ishq mein shamil samajh

is liye ai zindagi teri pata rakhta hun main

yahāñ pe kuchh bhī nahīñ hai baaqī tū aks apnā talāsh mat kar

mirī nigāhoñ ke aa.ine ab ġhubār-e-furqat se aT ga.e haiñ

yahan pe kuchh bhi nahin hai baqi tu aks apna talash mat kar

meri nigahon ke aaine ab ghubar-e-furqat se aT gae hain