Sher of Shariq Kaifi
vo bastī nā-ḳhudāoñ kī thī lekin
mile kuchh Dūbne vaale vahāñ bhī
wo basti na-KHudaon ki thi lekin
mile kuchh Dubne wale wahan bhi
guftugū kar ke pareshāñ huuñ ki lahje meñ tire
vo khulā-pan hai ki dīvār huā jaatā hai
guftugu kar ke pareshan hun ki lahje mein tere
wo khula-pan hai ki diwar hua jata hai
tirī tarah nahīñ āsān vāpsī merī
maiñ rāstoñ ko samajhtā huā nahīñ aaya
teri tarah nahin aasan wapsi meri
main raston ko samajhta hua nahin aaya
shāyad use zarūrat ho ab parde kī
raushniyāñ ghar kī maddham kar jā.ūñ maiñ
shayad use zarurat ho ab parde ki
raushniyan ghar ki maddham kar jaun main
ab mujhe kaun jiit saktā hai
tū mire dil kā āḳhirī Dar thā
ab mujhe kaun jit sakta hai
tu mere dil ka aaKHiri Dar tha
bahut bhaTke to ham samjhe haiñ ye baat
burā aisā nahīñ apnā makāñ bhī
bahut bhaTke to hum samjhe hain ye baat
bura aisa nahin apna makan bhi
raat thī jab tumhārā shahr aayā
phir bhī khiḌkī to maiñ ne khol hī lī
raat thi jab tumhaara shahr aaya
phir bhi khiDki to main ne khol hi li
vahāñ iid kyā vahāñ diid kyā
jahāñ chāñd raat na aa.ī ho
wahan id kya wahan did kya
jahan chand raat na aai ho
pata thā mujh ko mulāqāt ġhair-mumkin hai
so terā dhyān kiyā aur gulāb chuum liyā
pata tha mujh ko mulaqat ghair-mumkin hai
so tera dhyan kiya aur gulab chum liya
nayā yuuñ hai ki an-dekhā hai sab kuchh
yahāñ tak raushnī aatī kahāñ thī
naya yun hai ki an-dekha hai sab kuchh
yahan tak raushni aati kahan thi
kabhī ḳhud ko chhū kar nahīñ dekhtā huuñ
ḳhudā jaane kis vahm meñ mubtalā huuñ
kabhi KHud ko chhu kar nahin dekhta hun
KHuda jaane kis wahm mein mubtala hun
bhiiḌ meñ jab tak rahte haiñ joshīle haiñ
alag alag ham log bahut sharmīle haiñ
bhiD mein jab tak rahte hain joshile hain
alag alag hum log bahut sharmile hain
-
Share this
- See Ghazal
- Critique
- Comments
- Download
bīnā.ī bhī kyā kyā dhoke detī hai
duur se dekho saare dariyā niile haiñ
binai bhi kya kya dhoke deti hai
dur se dekho sare dariya nile hain
-
Tag : Beenai
-
Share this
- See Ghazal
- Critique
- Comments
- Download
larazte kāñpte hāthoñ se būḌhā
chilam meñ phir koī dukh bhar rahā thā
larazte kanpte hathon se buDha
chilam mein phir koi dukh bhar raha tha
-
Share this
- See Ghazal
- Critique
- Comments
- Download
nahīñ maiñ hausla to kar rahā thā
zarā tere sukūñ se Dar rahā thā
nahin main hausla to kar raha tha
zara tere sukun se Dar raha tha
-
Share this
- See Ghazal
- Critique
- Comments
- Download
maut ne saarī raat hamārī nabz TaTolī
aisā marne kā māhaul banāyā ham ne
maut ne sari raat hamari nabz TaToli
aisa marne ka mahaul banaya hum ne
-
Share this
- See Ghazal
- Critique
- Comments
- Download
kahāñ sochā thā maiñ ne bazm-ārā.ī se pahle
ye merī āḳhirī mahfil hai tanhā.ī se pahle
kahan socha tha main ne bazm-arai se pahle
ye meri aaKHiri mahfil hai tanhai se pahle
-
Share this
- See Ghazal
- Critique
- Comments
- Download
rakheñ kyūñkar hisāb ek ek pal kā
balā se roz kam hote hue ham
rakhen kyunkar hisab ek ek pal ka
bala se roz kam hote hue hum
-
Share this
- See Ghazal
- Critique
- Comments
- Download
bahut himmat kā hai ye kaam 'shāriq'
ki sharmāte nahīñ Darte hue ham
bahut himmat ka hai ye kaam 'shaariq'
ki sharmate nahin Darte hue hum
-
Share this
- See Ghazal
- Critique
- Comments
- Download
haiñ ab is fikr meñ Duube hue ham
use kaise lage rote hue ham
hain ab is fikr mein Dube hue hum
use kaise lage rote hue hum
-
Share this
- See Ghazal
- Critique
- Comments
- Download
abhī to achchhī lagegī kuchh din judā.ī kī rut
abhī hamāre liye ye sab kuchh nayā nayā hai
abhi to achchhi lagegi kuchh din judai ki rut
abhi hamare liye ye sab kuchh naya naya hai
-
Share this
- See Ghazal
- Critique
- Comments
- Download
faisle auroñ ke kartā huuñ
apnī sazā kaTtī rahtī hai
faisle auron ke karta hun
apni saza kaTti rahti hai
-
Share this
- See Ghazal
- Critique
- Comments
- Download
aao gale mil kar ye dekheñ
ab ham meñ kitnī duurī hai
aao gale mil kar ye dekhen
ab hum mein kitni duri hai
-
Share this
- See Ghazal
- Critique
- Comments
- Download
duniyā shāyad bhuul rahī hai
chāhat kuchh ūñchā suntī hai
duniya shayad bhul rahi hai
chahat kuchh uncha sunti hai
-
Share this
- See Ghazal
- Critique
- Comments
- Download
patā nahīñ ye tamannā-e-qurb kab jaagī
mujhe to sirf use sochne kī aadat thī
pata nahin ye tamanna-e-qurb kab jagi
mujhe to sirf use sochne ki aadat thi
-
Share this
- See Ghazal
- Critique
- Comments
- Download
ga.e bhī jaan se aur koī mutma.in na huā
ki phir difā.a na karne kī ham pe tohmat thī
gae bhi jaan se aur koi mutmain na hua
ki phir difaa na karne ki hum pe tohmat thi
-
Share this
- See Ghazal
- Critique
- Comments
- Download
vo baat soch ke maiñ jis ko muddatoñ jiitā
bichhaḌte vaqt batāne kī kyā zarūrat thī
wo baat soch ke main jis ko muddaton jita
bichhaDte waqt batane ki kya zarurat thi
-
Share this
- See Ghazal
- Critique
- Comments
- Download
kaise TukḌoñ meñ use kar luuñ qubūl
jo mirā saare kā saarā thā kabhī
kaise TukDon mein use kar lun qubul
jo mera sare ka sara tha kabhi
-
Share this
- See Ghazal
- Critique
- Comments
- Download
pahlī baar vo ḳhat likkhā thā
jis kā javāb bhī aa saktā thā
pahli bar wo KHat likkha tha
jis ka jawab bhi aa sakta tha
-
Tag : Khat
-
Share this
- See Ghazal
- Critique
- Comments
- Download
kam se kam duniyā se itnā mirā rishta ho jaa.e
koī merā bhī burā chāhne vaalā ho jaa.e
kam se kam duniya se itna mera rishta ho jae
koi mera bhi bura chahne wala ho jae
-
Share this
- See Ghazal
- Critique
- Comments
- Download
ye sach hai duniyā bahut hasīñ hai
magar mirī umr kī nahīñ hai
ye sach hai duniya bahut hasin hai
magar meri umr ki nahin hai
-
Share this
- See Ghazal
- Critique
- Comments
- Download
kaun kahe ma.asūm hamārā bachpan thā
khel meñ bhī to aadhā aadhā āñgan thā
kaun kahe masum hamara bachpan tha
khel mein bhi to aadha aadha aangan tha
jhuuT par us ke bharosā kar liyā
dhuup itnī thī ki saayā kar liyā
jhuT par us ke bharosa kar liya
dhup itni thi ki saya kar liya
-
Tag : Bharosa
-
Share this
- See Ghazal
- Critique
- Comments
- Download
qurb kā us ke uThā kar fā.eda
hijr kā sāmāñ ikaTThā kar liyā
qurb ka us ke uTha kar faeda
hijr ka saman ikaTTha kar liya
-
Share this
- See Ghazal
- Critique
- Comments
- Download
saarī duniyā se laḌe jis ke liye
ek din us se bhī jhagḌā kar liyā
sari duniya se laDe jis ke liye
ek din us se bhi jhagDa kar liya
-
Share this
- See Ghazal
- Critique
- Comments
- Download
manziloñ par ham mileñ ye tai huā
vāpsī meñ saath pakkā kar liyā
manzilon par hum milen ye tai hua
wapsi mein sath pakka kar liya
-
Share this
- See Ghazal
- Critique
- Comments
- Download
intihā tak baat le jaatā huuñ maiñ
ab use aise hī samjhātā huuñ maiñ
intiha tak baat le jata hun main
ab use aise hi samjhata hun main
-
Share this
- See Ghazal
- Critique
- Comments
- Download
fāsla rakh ke bhī kyā hāsil huā
aaj bhī us kā hī kahlātā huuñ maiñ
fasla rakh ke bhi kya hasil hua
aaj bhi us ka hi kahlata hun main
-
Share this
- See Ghazal
- Critique
- Comments
- Download
ghar meñ ḳhud ko qaid to maiñ ne aaj kiyā hai
tab bhī tanhā thā jab mahfil mahfil thā maiñ
ghar mein KHud ko qaid to main ne aaj kiya hai
tab bhi tanha tha jab mahfil mahfil tha main
-
Share this
- See Ghazal
- Critique
- Comments
- Download
kahīñ na thā vo dariyā jis kā sāhil thā maiñ
aañkh khulī to ik sahrā ke muqābil thā maiñ
kahin na tha wo dariya jis ka sahil tha main
aankh khuli to ek sahra ke muqabil tha main
-
Share this
- See Ghazal
- Critique
- Comments
- Download
kaun thā vo jis ne ye haal kiyā hai merā
kis ko itnī āsānī se hāsil thā maiñ
kaun tha wo jis ne ye haal kiya hai mera
kis ko itni aasani se hasil tha main
-
Share this
- See Ghazal
- Critique
- Comments
- Download
kis ehsās-e-jurm kī sab karte haiñ tavaqqo
ik kirdār kiyā thā jis meñ qātil thā maiñ
kis ehsas-e-jurm ki sab karte hain tawaqqo
ek kirdar kiya tha jis mein qatil tha main
-
Share this
- See Ghazal
- Critique
- Comments
- Download
jin par maiñ thoḌā sā bhī āsān huā huuñ
vahī batā sakte haiñ kitnā mushkil thā maiñ
jin par main thoDa sa bhi aasan hua hun
wahi bata sakte hain kitna mushkil tha main
-
Share this
- See Ghazal
- Critique
- Comments
- Download
ho sabab kuchh bhī mire aañkh bachāne kā magar
saaf kar duuñ ki nazar kam nahīñ aatā hai mujhe
ho sabab kuchh bhi mere aankh bachane ka magar
saf kar dun ki nazar kam nahin aata hai mujhe
-
Share this
- See Ghazal
- Critique
- Comments
- Download
maiñ kisī dūsre pahlū se use kyuuñ sochūñ
yuuñ bhī achchhā hai vo jaisā nazar aatā hai mujhe
main kisi dusre pahlu se use kyun sochun
yun bhi achchha hai wo jaisa nazar aata hai mujhe
-
Share this
- See Ghazal
- Critique
- Comments
- Download
log sah lete the hañs kar kabhī be-zārī bhī
ab to mashkūk huī apnī milan-sārī bhī
log sah lete the hans kar kabhi be-zari bhi
ab to mashkuk hui apni milan-sari bhi
-
Share this
- See Ghazal
- Critique
- Comments
- Download
kis tarah aa.e haiñ is pahlī mulāqāt talak
aur mukammal hai judā hone kī tayyārī bhī
kis tarah aae hain is pahli mulaqat talak
aur mukammal hai juda hone ki tayyari bhi
-
Share this
- See Ghazal
- Critique
- Comments
- Download
umr bhar kis ne bhalā ġhaur se dekhā thā mujhe
vaqt kam ho to sajā detī hai bīmārī bhī
umr bhar kis ne bhala ghaur se dekha tha mujhe
waqt kam ho to saja deti hai bimari bhi
-
Share this
- See Ghazal
- Critique
- Comments
- Download
niiñd ke vāste vaise bhī zarūrī hai thakan
pyaas bhaḌkā.eñ kisī saa.e kā pīchhā kar aa.eñ
nind ke waste waise bhi zaruri hai thakan
pyas bhaDkaen kisi sae ka pichha kar aaen
-
Share this
- See Ghazal
- Critique
- Comments
- Download
ek muddat huī ghar se nikle hue
apne māhaul meñ ḳhud ko dekhe hue
ek muddat hui ghar se nikle hue
apne mahaul mein KHud ko dekhe hue
-
Share this
- See Ghazal
- Critique
- Comments
- Download