kashish-e-lucknow are tauba

phir vahī ham vahī amīnābād

kashish-e-lucknow are tauba

phir wahi hum wahi aminabaad

mujhe ai nāḳhudā āḳhir kisī ko muñh dikhānā hai

bahāna kar ke tanhā paar utar jaanā nahīñ aatā

mujhe ai naKHuda aaKHir kisi ko munh dikhana hai

bahana kar ke tanha par utar jaana nahin aata

umīd-o-bīm ne maarā mujhe dorāhe par

kahāñ ke dair-o-haram ghar kā rāsta na milā

umid-o-bim ne mara mujhe dorahe par

kahan ke dair-o-haram ghar ka rasta na mila

ġhālib aur mīrzā 'yagānā' kā

aaj kyā faisla kare koī

ghaalib aur mirza 'yagana' ka

aaj kya faisla kare koi

pahuñchī yahāñ bhī shaiḳh o barhaman kī kashmakash

ab mai-kada bhī sair ke qābil nahīñ rahā

pahunchi yahan bhi shaiKH o barhaman ki kashmakash

ab mai-kada bhi sair ke qabil nahin raha

saaqī maiñ dekhtā huuñ zamīñ āsmāñ kā farq

arsh-e-barīñ meñ aur tire āstāne meñ

saqi main dekhta hun zamin aasman ka farq

arsh-e-barin mein aur tere aastane mein

mujhe dil kī ḳhatā par 'yās' sharmānā nahīñ aatā

parāyā jurm apne naam likhvānā nahīñ aatā

mujhe dil ki KHata par 'yas' sharmana nahin aata

paraya jurm apne nam likhwana nahin aata

zamāna laakh gum ho jaa.e aap apne añdhere meñ

koī sāhib-nazar apnī taraf se bad-gumāñ kyoñ ho

zamana lakh gum ho jae aap apne andhere mein

koi sahib-nazar apni taraf se bad-guman kyon ho

gunāh gin ke maiñ kyuuñ apne dil ko chhoTā karūñ

sunā hai tere karam kā koī hisāb nahīñ

gunah gin ke main kyun apne dil ko chhoTa karun

suna hai tere karam ka koi hisab nahin

marte dam tak tirī talvār kā dam bharte rahe

haq adā ho na sakā phir bhī vafādāroñ se

marte dam tak teri talwar ka dam bharte rahe

haq ada ho na saka phir bhi wafadaron se

haath uljhā hai garebāñ meñ to ghabrāo na 'yās'

beḌiyāñ kyūñkar kaTīñ zindāñ kā dar kyūñkar khulā

hath uljha hai gareban mein to ghabrao na 'yas'

beDiyan kyunkar kaTin zindan ka dar kyunkar khula

sharbat kā ghūñT jaan ke piitā huuñ ḳhūn-e-dil

ġham khāte khāte muñh kā maza tak bigaḌ gayā

sharbat ka ghunT jaan ke pita hun KHun-e-dil

gham khate khate munh ka maza tak bigaD gaya

baaz aa sāhil pe ġhote khāne vaale baaz aa

Duub marne kā maza dariyā-e-be-sāhil meñ hai

baz aa sahil pe ghote khane wale baz aa

Dub marne ka maza dariya-e-be-sahil mein hai

parda-e-hijr vahī hasti-e-mauhūm thī 'yās'

sach hai pahle nahīñ mālūm thā ye raaz mujhe

parda-e-hijr wahi hasti-e-mauhum thi 'yas'

sach hai pahle nahin malum tha ye raaz mujhe

rahegī chār-dīvār-e-anāsir darmiyāñ kab tak

uThegā zalzala ik din isī baiThe hue dil se

rahegi chaar-diwar-e-anasir darmiyan kab tak

uThega zalzala ek din isi baiThe hue dil se

zamāna ḳhudā ko ḳhudā jāntā hai

yahī jāntā hai to kyā jāntā hai

zamana KHuda ko KHuda jaanta hai

yahi jaanta hai to kya jaanta hai

kār-gāh-e-duniyā kī nestī bhī hastī hai

ik taraf ujaḌtī hai ek samt bastī hai

kar-gah-e-duniya ki nesti bhi hasti hai

ek taraf ujaDti hai ek samt basti hai

ka.aba nahīñ ki saarī ḳhudā.ī ko daḳhl ho

dil meñ sivā.e yaar kisī kā guzar nahīñ

kaba nahin ki sari KHudai ko daKHl ho

dil mein siwae yar kisi ka guzar nahin

ḳhudā ma.alūm is āġhāz kā anjām kyā hogā

chhiḌā hai sāz-e-hastī mubtadā-e-be-ḳhabar ho kar

KHuda malum is aaghaz ka anjam kya hoga

chhiDa hai saz-e-hasti mubtada-e-be-KHabar ho kar

vahī saaqī vahī sāġhar vahī shīsha vahī baada

magar lāzim nahīñ har ek par yaksāñ asar honā

wahi saqi wahi saghar wahi shisha wahi baada

magar lazim nahin har ek par yaksan asar hona

ḳhudā hī jaane 'yagānā' maiñ kaun huuñ kyā huuñ

ḳhud apnī zaat pe shak dil meñ aa.e haiñ kyā kyā

KHuda hi jaane 'yagana' main kaun hun kya hun

KHud apni zat pe shak dil mein aae hain kya kya

'yās' is charḳh-e-zamāna-sāz kā kyā e'tibār

mehrbāñ hai aaj kal nā-mehrbāñ ho jā.egā

'yas' is charKH-e-zamana-saz ka kya e'tibar

mehrban hai aaj kal na-mehrban ho jaega

vaa.iz kī āñkheñ khul ga.iiñ piite hī sāqiyā

ye jām-e-mai thā yā koī dariyā-e-nūr thā

waiz ki aankhen khul gain pite hi saqiya

ye jam-e-mai tha ya koi dariya-e-nur tha

butoñ ko dekh ke sab ne ḳhudā ko pahchānā

ḳhudā ke ghar to koī banda-e-ḳhudā na gayā

buton ko dekh ke sab ne KHuda ko pahchana

KHuda ke ghar to koi banda-e-KHuda na gaya

sabr karnā saḳht mushkil hai taḌapnā sahl hai

apne bas kā kaam kar letā huuñ āsāñ dekh kar

sabr karna saKHt mushkil hai taDapna sahl hai

apne bas ka kaam kar leta hun aasan dekh kar

jaras ne muzhda-e-manzil sunā ke chauñkāyā

nikal chalā thā dabe paañv kārvāñ apnā

jaras ne muzhda-e-manzil suna ke chaunkaya

nikal chala tha dabe panw karwan apna

musībat kā pahāḌ āḳhir kisī din kaT hī jā.egā

mujhe sar maar kar teshe se mar jaanā nahīñ aatā

musibat ka pahaD aaKHir kisi din kaT hi jaega

mujhe sar mar kar teshe se mar jaana nahin aata

pahāḌ kāTne vaale zamīñ se haar ga.e

isī zamīn meñ dariyā samā.e haiñ kyā kyā

pahaD kaTne wale zamin se haar gae

isi zamin mein dariya samae hain kya kya

jhāñkne tākne kā vaqt gayā

ab vo ham haiñ na vo zamāna hai

jhankne takne ka waqt gaya

ab wo hum hain na wo zamana hai

dair o haram bhī Dhah ga.e jab dil nahīñ rahā

sab dekhte hī dekhte vīrāna ho gayā

dair o haram bhi Dhah gae jab dil nahin raha

sab dekhte hi dekhte virana ho gaya

husn-e-zātī bhī chhupā.e se kahīñ chhuptā hai

saat pardoñ se ayaañ shāhid-e-ma.anī hogā

husn-e-zati bhi chhupae se kahin chhupta hai

sat pardon se ayan shahid-e-mani hoga

sab tire sivā kāfir āḳhir is kā matlab kyā

sar phirā de insāñ kā aisā ḳhabt-e-maz.hab kyā

sab tere siwa kafir aaKHir is ka matlab kya

sar phira de insan ka aisa KHabt-e-mazhab kya

rañg badlā phir havā kā mai-kashoñ ke din phire

phir chalī bād-e-sabā phir mai-kade kā dar khulā

rang badla phir hawa ka mai-kashon ke din phire

phir chali baad-e-saba phir mai-kade ka dar khula

kisī ke ho raho achchhī nahīñ ye āzādī

kisī kī zulf se lāzim hai silsila dil kā

kisi ke ho raho achchhi nahin ye aazadi

kisi ki zulf se lazim hai silsila dil ka

imtiyāz-e-sūrat-o-ma.anī se begāna huā

aa.ine ko aa.ina hairāñ ko hairāñ dekh kar

imtiyaz-e-surat-o-mani se begana hua

aaine ko aaina hairan ko hairan dekh kar

maut māñgī thī ḳhudā.ī to nahīñ māñgī thī

le duā kar chuke ab tark-e-duā karte haiñ

maut mangi thi KHudai to nahin mangi thi

le dua kar chuke ab tark-e-dua karte hain

dard ho to davā bhī mumkin hai

vahm kī kyā davā kare koī

dard ho to dawa bhi mumkin hai

wahm ki kya dawa kare koi

duur se dekhne kā 'yās' gunahgār huuñ maiñ

āshnā tak na hue lab kabhī paimāne se

dur se dekhne ka 'yas' gunahgar hun main

aashna tak na hue lab kabhi paimane se

duniyā ke saath diin kī begār al-amāñ

insān aadmī na huā jānvar huā

duniya ke sath din ki begar al-aman

insan aadmi na hua jaanwar hua

fardā ko duur hī se hamārā salām hai

dil apnā shaam hī se charāġh-e-sahar huā

farda ko dur hi se hamara salam hai

dil apna sham hi se charagh-e-sahar hua

yaksāñ kabhī kisī kī na guzrī zamāne meñ

yādash-ba-ḳhair baiThe the kal āshiyāne meñ

yaksan kabhi kisi ki na guzri zamane mein

yaadash-ba-KHair baiThe the kal aashiyane mein

fareb-e-abr-e-karam bhī baḌā sahārā hai

balā se naḳhl-e-tamannā ḳhizāñ-rasīda nahīñ

fareb-e-abr-e-karam bhi baDa sahaara hai

bala se naKHl-e-tamanna KHizan-rasida nahin

vatan se kyā ki havā-e-vatan se haiñ bezār

lipaT rahe jo bagūloñ se dasht-e-ġhurbat ke

watan se kya ki hawa-e-watan se hain bezar

lipaT rahe jo bagulon se dasht-e-ghurbat ke

be-dhaḌak pichhle pahar nāla-o-shevan na kareñ

kah de itnā to koī tāza-giraftāroñ se

be-dhaDak pichhle pahar nala-o-shewan na karen

kah de itna to koi taza-giraftaron se

kyuuñ kisī se vafā kare koī

dil na maane to kyā kare koī

kyun kisi se wafa kare koi

dil na mane to kya kare koi

pukārtā rahā kis kis ko Dūbne vaalā

ḳhudā the itne magar koī aaḌe aa na gayā

pukarta raha kis kis ko Dubne wala

KHuda the itne magar koi aaDe aa na gaya

ajab kyā hai ham aise garm-raftāroñ kī Thokar se

zamāne ke buland-o-past kā hamvār ho jaanā

ajab kya hai hum aise garm-raftaron ki Thokar se

zamane ke buland-o-past ka hamwar ho jaana

'yagānā' vahī fāteh-e-lakhknau haiñ

dil-e-sañg-o-āhan meñ ghar karne vaale

'yagana' wahi fateh-e-lakhknau hain

dil-e-sang-o-ahan mein ghar karne wale

jaise dozaḳh kī havā khā ke abhī aayā ho

kis qadar vā.iz-e-makkār Darātā hai mujhe

jaise dozaKH ki hawa kha ke abhi aaya ho

kis qadar waiz-e-makkar Daraata hai mujhe

aa rahī hai ye sadā kaan meñ vīrānoñ se

kal kī hai baat ki ābād the dīvānoñ se

aa rahi hai ye sada kan mein viranon se

kal ki hai baat ki aabaad the diwanon se