Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "naslii"

Nazm MATCHES FOR "naslii"

Nazm

safir-e-laila-4

hariim-e-mahmil me.n aa gayaa huu.n salaam le lo
salaam le lo ki mai.n tumhaaraa amiin-e-qaasid KHajil musaafir azaa kii vaadii se lauT aayaa
mai.n lauT aayaa magar saraasiima is tarah se
ki pichhle qadmo.n palaT ke dekhaa na guzre rasto.n ke faaslo.n ko
jahaa.n pe mere nishaan-e-paa ab thake thake se gire pa.De the
hariim-e-mahmil me.n vo safiir-e-naved-parvar
jise zamaane ke past o baalaa ne itne qisse pa.Dhaa diye the
jo pahle qarno.n kii tiirgii ko ujaal dete
tumhe.n KHabar hai
ye meraa siina qadiim ahraam me.n akelaa vo ik haram thaa
aziim raazo.n ke kohna taabuut jis kii ka.Diyo.n me.n bas rahe the
unhii.n havaa.o.n kaa Dar nahii.n thaa
na sahraa-zaado.n ke naslii kaa hii un kii gird-e-KHabar ko pahu.nche
hariim-e-mahmil me.n vo amaanat kaa paasbaa.n huu.n
jo charm-e-aahuu ke narm kaaGaz pe likkhe naame ko le ke niklaa
vahii ki jis ke savaar hone ko tum ne baKHshaa jahaaz-e-sahraa
taviil raaho.n me.n KHaalii mashko.n kaa baar le kar hazaar sadiyaa.n safar me.n gardaa.n
kahii.n saraabo.n kii bahtii chaa.ndii kahii.n chaTaano.n kii saKHt qaashe.n
mayaan-e-raah-e-safar kha.De the jaka.Dne vaale nazar ke lobhii
magar na bhaTkaa bhaTakne vaalaa
jo dam liyaa to azaa me.n jaa kar
hariim-e-mahmil suno fasaane jo sun sako to
mai.n chalte chalte safar ke aaKHir pe aisii vaadii me.n jaa ke Thahraa
aur us pe guzre hariis lamho.n ke un nishaano.n ko dekh aayaa
jahaa.n ke naqshe biga.D ga.e hai.n
jahaa.n ke tabqe ulaT ga.e hai.n
vahaa.n kii fasle.n zaqquum kii hai.n
havaa.e.n kaalii hai.n raakh u.D kar kha.nDar me.n aise phunkaartii hai
ki jaise azhdar chahaar jaanib se jab.De khole Gadar machaate
zamii.n pe kiina nikaalte ho.n
kasiif zahro.n kii thailiyo.n ko Gazab se baahar uchhaalte ho.n
muhiib saa.e me.n devtaa.o.n kaa raqs jaarii thaa
TuuTe haatho.n kii haDDiyo.n se vo dohl-e-baatil ko piiTte the
za.iif kavvo.n ne ahl-e-qarya kii qabre.n khodii.n
tuu un ke naaKHun nahiif panjo.n se jha.D ke aise bikhar rahe the
chako.ndaro.n ne chabaa ke phe.nke ho.n jaise haDDii ke KHushk reze
hariim-e-mahmil vahii vo manzil thii jis ke siine pe mai.n tumhaarii nazar se pahu.nchaa uThaa.e mehr o vafaa ke naame
vahii.n pe baiThaa thaa sar-ba-zaanuu tumhaaraa mahram
kha.nDar ke bosiida pattharo.n par haziin o Gamgii.n
vahii.n pe baiThaa thaa
qatl-naamo.n ke mahzaro.n ko vo pa.Dh rahaa thaa
jo pastiyo.n ke kotaah haatho.n ne us kii qismat me.n likh diye the
hariim-e-mahmil mai.n apne naaqa se niiche utraa to mai.n ne dekhaa ki us kii aa.nkhe.n KHamosh o viiraa.n
Gubaar-e-sahraa mizha pe larzaa.n thaa ret diido.n me.n u.D rahii thii
magar sharaafat kii ek lau thii ki us ke chehre pe narm haala kiye hu.e thii
vo mere lahje ko jaantaa thaa
hazaar manzil kii duuriyo.n ke sataa.e qaasid ke ukh.De qadmo.n kii chaap sunte hii uTh kha.Daa thaa
dayaar-e-vahshat me.n bas rahaa thaa
pe terii saa.nso.n ke zer-o-bam se uThii haraarat se aashnaa thaa
vo kah rahaa thaa yahaa.n se jaa.o ki yaa.n KHaraabo.n ke kaar-KHaane hai.n
roz o shab ke jo silsile hai.n khule KHasaaro.n kii manDiyaa.n hai.n
vo Dar rahaa thaa tumhaaraa qaasid kahii.n KHasaaro.n me.n baT na jaa.e
hariim-e-mahmil mai.n kyaa bataa.uu.n vahii.n pe khoyaa thaa meraa naaqa
faqat KHaraabe ke chand lamhe hii us ke guude ko khaa ga.e the
usii maqaam-e-tilism-gar me.n vo ustaKHvaano.n me.n Dhal gayaa thaa
jahaa.n pe bikhraa pa.Daa thaa pahle tumhaare mahram kaa asp-e-taazii
aur ab vo naaqa ke ustuKHvaa.n bhii
tumhaare mahram ke asp-e-taazii ke ustaKHvaano.n me.n mil ga.e hai.n
hariim-e-mahmil vahii vo patthar the jin pe rakkhe the mai.n ne mehr o vafaa ke naame
jahaa.n pe zinda ruto.n me.n baa.ndhe the tum ne paimaan o ahd apne
magar vo patthar ki ab ajaa.ib kii kaargah hai.n
tumhaare naame kii us ibaarat ko khaa ga.e hai.n
shifaa ke haatho.n se jis ko tum ne raqam kiyaa thaa
so ab na naaqa na ko.ii naama na le ke aayaa javaab-e-naama
mai.n naa-muraad o KHajil musaafir
magar tumhaaraa amiin qaasid azaa kii vaadii se lauT aayaa
aur us najiib o kariim mahram-e-vafaa ke paikar ko dekh aayaa
jo aane vaale dino.n kii gha.Diyaa.n abad kii saa.nso.n se gin rahaa hai

Ali Akbar Natiq
Nazm

hindostan

har chand aa rahaa hai zamaane me.n inqalaab
lekin zabaan-e-haal se kahtaa hai aaftaab
naslii Gulaam dekh rahe hai.n hanuuz KHvaab
aazaad agar nahii.n hai to hindostaa.n nahii.n

Shatir Hakeemi
Nazm

ek ishq ki nasli tariKH

mai.n us kii saa.nse.n suu.nghtaa hu.aa
dariyaa.o.n aur maidaano.n me.n daaKHil hu.aa thaa
aur vo mujhe zarKHez zamiin kii tarah milii thii
mai.n taariik raat me.n janmaa hu.aa mahtaab thaa
aur vo shiryaano.n se KHuun uchhaal dene vaalii tamaazat thii
mai.n ret kii kushaada-daamanii thaa
aur us kii pusht sarmaa ke suuraj kii tarah thii
mai.n e.D lagaa.e hu.e gho.De kii na.ngii piiTh par kuudne vaale kaa beTaa thaa
aur us kii aa.nkho.n me.n
jaaTo.n kii KHuu.n-rez sadiyaa.n chunautii detii thii.n
vo gunaah kii tarah namkiin thii
aur vo zaa.iqa thii jo chakkhe baGair zabaan par phir jaataa thaa
aur mai.n us kii guddiii me.n daa.nt gaa.D dene kii hasrat me.n thaa
vo dhartii par phailaa hu.aa sarso.n kaa khet thii
aur us ke haath gandum kaaTne vaalii maa.n ne banaa.e the
aur us kii naaf ke gird bharaa-puraa shikam thaa
aur us kii ghunDii me.n aisii jaan thii
ki us kaa baap maurya ahd me.n patthar chamkaane kaa kaarii-gar ma.aluum hotaa thaa
aur us ke jism me.n tave par surKH kii hu.ii roTii kii KHushbuu thii
aur mai.n aa.nto.n se ugii hu.ii aarzuu thaa
aur mai.n talvaaro.n kii mausiiqii par pa.Dhaa hu.aa rajaz thaa
aur mai.n tiir khaa.e hu.e gho.De se girii haar thaa
aur vo ta.ane se dahkii hu.ii va.ngaar thii
aur vo aisii jiit thii
jis kii yaad me.n
zamiin par ko.ii laaTh gaa.Dii jaa saktii thii

Syed Kashif Raza
Nazm

KHwab talashi

ye kaise aa.nsuu hai.n
un ke hone kaa raaz
dukh yaa KHushii hai ko.ii
KHushii kaa aaKHir ko naam kyaa hai
dukho.n kii naslii shanaaKHt kyaa hai

Saleem Hasani
Nazm

main pal do pal ka shair hun

mai.n pal do pal kaa shaa'ir huu.n pal do pal mirii kahaanii hai
pal do pal merii hastii hai pal do pal mirii javaanii hai
mujh se pahle kitne shaa'ir aa.e aur aa kar chale ga.e
kuchh aahe.n bhar kar lauT ga.e kuchh naGme gaa kar chale ga.e
vo bhii ik pal kaa qissa the mai.n bhii ik pal kaa qissa huu.n
kal tum se judaa ho jaa.uu.ngaa go aaj tumhaaraa hissa huu.n
pal do pal me.n kuchh kah paayaa itnii hii sa'aadat kaafii hai
pal do pal tum ne mujh ko sunaa itnii hii ‘inaayat kaafii hai
kal aur aa.e.nge naGmo.n kii khiltii kaliyaa.n chun.ne vaale
mujh se behtar kahne vaale tum se behtar sun.ne vaale
har nasl ik fasl hai dhartii kii aaj ugtii hai kal kaTtii hai
jiivan vo mah.ngii madiraa hai jo qatra qatra baTtii hai
saagar se ubhrii lahar huu.n mai.n saagar me.n phir kho jaa.uu.ngaa
miTTii kii ruuh kaa sapnaa huu.n miTTii me.n phir so jaa.uu.ngaa
kal ko.ii mujh ko yaad kare kyuu.n ko.ii mujh ko yaad kare
masruuf zamaana mere liye kyuu.n vaqt apnaa barbaad kare

Sahir Ludhianvi
Nazm

daraKHt-e-zard

hamaaraa faKHr thaa faqr aur daanish apnii puu.njii thii
nasab-naamo.n ke ham ne kitne hii parcham lapeTe hai.n
mire ham-shahr 'zaryuun' ik fusuu.n hai nasl ham, dono.n
faqat aadam ke beTe hai.n faqat aadam ke beTe hai.n
mai.n jab ausaan apne khone lagtaa huu.n to ha.nstaa huu.n
mai.n tum ko yaad kar ke rone lagtaa huu.n to ha.nstaa huu.n
hamesha mai.n KHudaa haafiz hamesha mai.n KHudaa haafiz
KHudaa haafiz
KHudaa haafiz

Jaun Eliya
Nazm

ai sharif insano

KHuun apnaa ho yaa paraayaa ho
nasl-e-aadam kaa KHuun hai aaKHir
jang mashriq me.n ho ki maGrib me.n
amn-e-aalam kaa KHuun hai aaKHir

Sahir Ludhianvi
Nazm

log aurat ko faqat jism samajh lete hain

jabr se nasl ba.Dhe zulm se tan mel kare.n
ye amal ham me.n hai be-ilm parindo.n me.n nahii.n

Sahir Ludhianvi
Nazm

parchhaiyan

tum aaj hazaaro.n miil yahaa.n se duur kahii.n tanhaa.ii me.n
yaa bazm-e-tarab-aaraa.ii me.n
mere sapne buntii ho.ngii baiThii aaGosh paraa.ii me.n
aur mai.n siine me.n Gam le kar din-raat mashaqqat kartaa huu.n
jiine kii KHaatir martaa huu.n
apne fan ko rusvaa kar ke aGyaar kaa daaman bhartaa huu.n
majbuur huu.n mai.n majbuur ho tum majbuur ye duniyaa saarii hai
tan kaa dukh man par bhaarii hai
is daur me.n jiine kii qiimat yaa daar-o-rasan yaa KHvaarii hai
mai.n daar-o-rasan tak jaa na sakaa tum jehd kii had tak aa na sakii.n
chaahaa to magar apnaa na sakii.n
ham to do aisii ruuhe.n hai.n jo manzil-e-taskii.n paa na sake.n
jiine ko jiye jaate hai.n magar saa.nso.n me.n chitaae.n jaltii hai.n
KHaamosh vafaa.e.n jaltii hai.n
sangiin haqaa.iq-zaaro.n me.n KHvaabo.n kii ridaa.e.n jaltii hai.n
aur aaj jab in pe.Do.n ke tale phir do saa.e lahraa.e hai.n
phir do dil milne aa.e hai.n
phir maut kii aa.ndhii uTThii hai phir ja.ng ke baadal chhaa.e hai.n
mai.n soch rahaa huu.n in kaa bhii apnii hii tarah anjaam na ho
in kaa bhii junuu.n naakaam na ho
in ke bhii muqaddar me.n likhii ik KHuun me.n lith.Dii shaam na ho
suuraj ke lahuu me.n lith.Dii hu.ii vo shaam hai ab tak yaad mujhe
chaahat ke sunahre KHvaabo.n kaa anjaam hai ab tak yaad mujhe
hamaaraa pyaar havaadis kii taab laa na sakaa
magar unhe.n to muraado.n kii raat mil jaa.e
hame.n to kashmakash-e-marg-e-be-amaa.n hii milii
unhe.n to jhuumtii gaatii hayaat mil jaa.e
bahut dino.n se hai ye mashGala siyaasat kaa
ki jab javaan ho.n bachche to qatl ho jaa.e.n
bahut dino.n se ye hai KHabt hukmaraano.n kaa
ki duur duur ke mulko.n me.n qaht bo jaa.e.n
bahut dino.n se javaanii ke KHvaab viiraa.n hai.n
bahut dino.n se sitam-diida shaah-raaho.n me.n
nigaar-e-ziist kii ismat panaah Dhuu.nDhtii hai
chalo ki aaj sabhii paa.emaal ruuho.n se
kahe.n ki apne har ik zaKHm ko zabaa.n kar le.n
hamaaraa raaz hamaaraa nahii.n sabhii kaa hai
chalo ki saare zamaane ko raaz-daa.n kar le.n
chalo ki chal ke siyaasii muqaamiro.n se kahe.n
ki ham ko jang-o-jadal ke chalan se nafrat hai
jise lahuu ke sivaa ko.ii rang raas na aa.e
hame.n hayaat ke us pairahan se nafrat hai
kaho ki ab ko.ii qaatil agar idhar aayaa
to har qadam pe zamii.n tang hotii jaa.egii
har ek mauj-e-havaa ruKH badal ke jhapTegii
har ek shaaKH rag-e-sa.ng hotii jaa.egii
uTho ki aaj har ik jang-juu se ye kah de.n
ki ham ko kaam kii KHaatir kalo.n kii haajat hai
hame.n kisii kii zamii.n chhiin.ne kaa shauq nahii.n
hame.n to apnii zamii.n par halo.n kii haajat hai
kaho ki ab ko.ii taajir idhar kaa ruKH na kare
ab is jagah ko.ii ku.nvaarii na bechii jaa.egii
ye khet jaag pa.De uTh kha.Dii hu.ii.n fasle.n
ab is jagah ko.ii kyaarii na bechii jaa.egii
ye sar-zamiin hai gautam kii aur naanak kii
is arz-e-paak pe vahshii na chal sake.nge kabhii
hamaaraa KHuun amaanat hai nasl-e-nau ke liye
hamaare KHuun pe lashkar na pal sake.nge kabhii
kaho ki aaj bhii ham sab agar KHamosh rahe
to is damakte hu.e KHaak-daa.n kii KHair nahii.n
junuu.n kii Dhaalii hu.ii atomii balaa.o.n se
zamii.n kii KHair nahii.n aasmaa.n kii KHair nahii.n
guzishta jang me.n ghar hii jale magar is baar
ajab nahii.n ki ye tanhaa.iyaa.n bhii jal jaa.e.n
guzishta ja.ng me.n paikar jale magar is baar
ajab nahii.n ki ye parchhaa.iyaa.n bhii jal jaa.e.n
tasavvuraat kii parchhaa.iyaa.n ubhartii hai.n

Sahir Ludhianvi
Nazm

KHizr-e-rah

banda-e-mazduur ko jaa kar miraa paiGaam de
KHizr kaa paiGaam kyaa hai ye payaam-e-kaa.enaat
ai ki tujh ko khaa gayaa sarmaaya-daar-e-hiila-gar
shaaKH-e-aahuu par rahii sadiyo.n talak terii baraat
dast-e-daulat-aafrii.n ko muzd yuu.n miltii rahii
ahl-e-sarvat jaise dete hai.n Gariibo.n ko zakaat
saahir-al-muut ne tujh ko diyaa barg-e-hashiish
aur tuu ai be-KHabar samjhaa use shaaKH-e-nabaat
nasl qaumiyat kaliisaa saltanat tahziib rang
KHvaajgii ne KHuub chun chun ke banaa.e muskiraat
kaT maraa naadaa.n KHayaalii devtaa.o.n ke liye
sukr kii lazzat me.n tuu luTvaa gayaa naqd-e-hayaat
makr kii chaalo.n se baazii le gayaa sarmaaya-daar
intihaa-e-saadgii se khaa gayaa mazduur maat
uTh ki ab bazm-e-jahaa.n kaa aur hii andaaz hai
mashriq-o-maGrib me.n tere daur kaa aaGaaz hai
himmat-e-aalii to dariyaa bhii nahii.n kartii qubuul
Guncha saa.n Gaafil tire daaman me.n shabnam kab talak
naGma-e-bedaarii-e-jamhuur hai saamaan-e-'aish
qissa-e-KHvaab-aavar askandar-o-jam kab talak
aaftaab-e-taaza paidaa batn-e-giitii se hu.aa
aasmaan Duube hu.e taaro.n kaa maatam kab talak
to.D Daalii.n fitrat-e-insaa.n ne zanjiire.n tamaam
duurii-e-jannat se rotii chashm-e-aadam kab talak
baaGbaan-e-chaara-farmaa se ye kahtii hai bahaar
zaKHm-e-gul ke vaaste tadbiir-e-marham kab talak
kirmak-e-naadaa.n tavaaf-e-sham.a se aazaad ho
apnii fitrat ke tajallii-zaar me.n aabaad ho
duniyaa-e-islaam

Allama Iqbal
Nazm

ai mere sare logo

ab mire duusre baazuu pe vo shamshiir hai jo
is se pahle bhii miraa nisf badan kaaT chukii
usii banduuq kii naalii hai mirii samt ki jo
is se pahle mirii shah-rag kaa lahuu chaaT chukii

Ahmad Faraz
Nazm

Diary

magar ye satre.n ba.Dii ajab hai.n
kahii.n tavaazun biga.D gayaa hai
yaa ko.ii siivan udha.D ga.ii hai:
''faraar huu.n mai.n ka.ii dino.n se
jo ghup-a.ndhere kii tiir jaisii sura.ng ik kaan se
shuruu.a ho ke duusre kaan tak ga.ii hai,
mai.n us nalii me.n chhupaa hu.aa huu.n,
tum aa ke tinke se mujh ko baahar nikaal lenaa

Gulzar
Nazm

andha kabaadi

''KHvaab le lo KHvaab....''
sub.h hote chauk me.n jaa kar lagaataa huu.n sadaa
KHvaab aslii hai.n ki naqlii?''
yuu.n parakhte hai.n ki jaise un se ba.Dh kar
KHvaab-daa.n ko.ii na ho!

Noon Meem Rashid
Nazm

aaKHiri lamha

magar mai.n aaj bahut duur jaane vaalaa huu.n
bas aur chand nafas ko tumhaare paas huu.n mai.n
tumhe.n jo paa ke KHushii hai tum us KHushii pe na jaa.o
tumhe.n ye ilm nahii.n kis qadar udaas huu.n mai.n
kyaa tum ko KHabar is duniyaa kii kyaa tum ko pata is duniyaa kaa
ma.asuum dilo.n ko dukh denaa sheva hai is duniyaa kaa
Gam apnaa nahii.n Gam is kaa hai kal jaane tumhaaraa kyaa hogaa
parvaan cha.Dhogii tum kaise jiine kaa sahaaraa kyaa hogaa
aa.o ki tarastii baa.nho.n me.n ik baar to tum ko bhar luu.n mai.n
kal tum jo ba.Dii ho jaa.ogii jab tum ko shu.uur aa jaa.egaa
kitne hii savaalo.n kaa dhaaraa ehsaas se Takraa jaa.egaa
sochogii ki duniyaa tabqo.n me.n taqsiim hai kyuu.n ye pher hai kyaa
insaan kaa insaa.n bairii hai ye zulm hai kyaa andher hai kyaa
ye nasl hai kyaa ye zaat hai kyaa ye nafrat kii ta.aliim hai kyuu.n
daulat to bahut hai mulko.n me.n daulat kii magar taqsiim hai kyuu.n
taariiKH bataa.egii tum ko insaa.n se kahaa.n par bhuul hu.ii
sarmaa.e ke haatho.n logo.n kii kis tarah mohabbat dhuul hu.ii
sadiyo.n se baraabar mehnat-kash haalaat se la.Dte aa.e hai.n
chhaa.ii hai jo ab tak dhartii par us raat se la.Dte aa.e hai.n
duniyaa se abhii tak miT na sakaa par raaj ijaara-daarii kaa
Gurbat hai vahii aflaas vahii ronaa hai vahii bekaarii kaa
mehnat kii abhii tak qadr nahii.n mehnat kaa abhii tak mol nahii.n
Dhuu.nDe nahii.n miltii.n vo aa.nkhe.n jo aa.nkhe.n ho kashkol nahii.n
sochaa thaa ki kal is dhartii par ik rang nayaa chhaa jaa.egaa
insaan hazaar barso.n kii mehnat kaa samar paa jaa.egaa
jiine kaa baraabar haq sab ko jab miltaa vo pal aa na sakaa
jis kal kii KHaatir jiite-jii marte rahe vo kal aa na sakaa
lekin ye la.Daa.ii KHatm nahii.n ye ja.ng na hogii band kabhii
sau zaKHm bhii khaa kar maidaa.n se haTte nahii.n jur.at-ma.nd kabhii

Jan Nisar Akhtar
Nazm

apne andar zara jhank mere watan

apne andar zaraa jhaa.nk mere vatan
tuu daraavi.D hai yaa aariya nasl hai

Sahir Ludhianvi
Nazm

aurat aur namak

izzat kii bahut sii qisme.n hai.n
ghuu.nghaT thappa.D gandum
izzat ke taabuut me.n qaid kii meKHe.n Tho.nkii ga.ii hai.n
ghar se le kar footpath tak hamaaraa nahii.n
izzat hamaare guzaare kii baat hai
izzat ke neze se hame.n daaGaa jaataa hai
izzat kii kanii hamaarii zabaan se shuruu.a hotii hai
ko.ii raat hamaaraa namak chakh le
to ek zindagii hame.n be-zaa.iqa roTii kahaa jaataa hai
ye kaisaa baazaar hai
ki ra.ng-saaz hii phiikaa pa.Daa hai
KHalaa kii hathelii pe pata.nge.n mar rahii hai.n
mai.n qaid me.n bachche jantii huu.n
jaa.ez aulaad ke liye zamiin khilanDarii honii chaahiye
tum Dar me.n bachche jantii ho isii liye aaj tumhaarii ko.ii nasl nahii.n
tum jism ke ek band se pukaarii jaatii ho
tumhaarii haisiyat me.n to chaal rakh dii ga.ii hai
ek KHuubsuurat chaal
chhoTii muskuraahaT tumhaare labo.n pe taraash dii ga.ii hai
tum sadiyo.n se nahii.n ro.ii.n
kyaa maa.n aisii hotii hai
tumhaare bachche phiike kyo.n pa.De hai.n

Sara Shagufta
Nazm

wirsa

ye vatan terii mirii nasl kii jaagiir nahii.n
sai.nka.Do.n naslo.n kii mehnat ne sa.nvaaraa hai ise

Sahir Ludhianvi
Nazm

diwar-e-girya

vo kaisaa shobada-gar thaa
jo masnuu.ii sitaaro.n
aur naqlii suurajo.n kii
ik jhalak dikhlaa ke
mere saada dil logo.n
kii aa.nkho.n ke diye
ho.nTo.n ke jugnuu
le gayaa
aur ab ye aalam hai
ki mere shahr kaa
har ik makaa.n
ik Gaar kii maanind
mahruum-e-navaa hai
aur ha.nstaa boltaa har shaKHs
ik diivaar-e-girya hai

Ahmad Faraz
Nazm

bangal

zamii.n ne kyaa isii kaaran anaaj uglaa thaa
ki nasl-e-aadam-o-havvaa bilak bilak ke mare

Sahir Ludhianvi
Nazm

wo bichhDa hai to yaad aaya

vo bichh.Daa hai to yaad aayaa
vo aksar mujh se kahtaa thaa
mohabbat vo nahii.n hai jo ye nasl-e-nau samajhtii hai
ye pahro.n phone par baate.n
ye aa.e din mulaaqaate.n
agar ye sab mohabbat hai
to tuf aisii mohabbat par
mohabbat to mohabbat hai
visaal o vasl kii KHvaahish se baalaa-tar
kahaa kartaa
mohabbat qurb kii KHvaahish pe aa.e to samajh lenaa
havas ne sar uThaayaa hai
havas kyaa hai
faqat jismo.n kii paamaalii faqat tazliil ruuho.n kii
kahaa kartaa mohabbat aur hotii hai
havas kuchh aur hotii hai
sau jab bhii qurb kii KHvaahish pe aa jaa.e mohabbat to
suno phir der mat karnaa vahii.n rasta badal lenaa
vo bachh.Daa hai to yaad aayaa

Misam Ali Aagha
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now