Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "'bilqiis'"

Nazm MATCHES FOR "'bilqiis'"

Nazm

billu ka basta

chhoTii sii billuu
chhoTaa saa basta
Thuu.nsaa hai jis me.n
kaaGaz kaa dasta
lak.Dii kaa gho.Daa
ru.ii kaa bhaaluu
chuuran kii shiishii
aaluu kachaaluu
billuu kaa basta
jin kii piTaarii
jab is ko dekho
pahle se bhaarii
laTTuu bhii is me.n
rassii bhii is me.n
Da.nDaa bhii is me.n
gillii bhii is me.n
ai pyaarii billuu
ye to bataa.o
kyaa kaam karne
school jaa.o
urdu na jaano
english na jaano
kahtii ho KHud ko
bilqiis baano
umr kii itnii
kachchii nahii.n ho
chhe saal kii ho
bachchii nahii.n ho
baahar nikaalo
lak.Dii kaa gho.Daa
ye laTTuu rassii
ye gillii Da.nDaa
gu.Diyaa ke juute
jampar juraabe.n
baste me.n rakkho
apnii kitaabe.n
mu.nh na banaa.o
school jaa.o
ai pyaarii billuu
ai pyaarii billuu

Ibn۔e۔Insha
Nazm

ek akela bachcha

ghar kaa ek akelaa bachcha
nanhaa-munnaa taasii raaja

Bilqis Zafirul Hasan
Nazm

ek din ki baadshahi

nannhii sii ek gu.Diyaa rippo daman hamaarii
jaisaa hai naam un kaa vaisii adaa.e.n saarii

Bilqis Zafirul Hasan
Nazm

nai aurat ka tarana

haa.n darvaaze par cha.Dhii kunDii utaar lii ga.ii hai
magar darvaazo.n ko kholne ke liye
KHud hii chal kar jaanaa hogaa
aa.nkho.n kii paTTii khol diye jaane par bhii
biinaa.ii ko nigaah kii aadat dhiire dhiire hii pa.Dtii hai
ho.nTo.n par lagii mohre.n haT jaane par bhii
bolne ke liye zabaan ko alfaaz kii mashq karaanii hotii hai
aazaad to dimaaG ko honaa hai
sirf jism kii aazaadii ko.ii ma.anii nahii.n rakhtii
sar kii chaadar se apnii barahnagii apne haatho.n Dhaknii hogii
sar par taaj hai aur pairo.n me.n be.Diyaa.n
kyaa ajiib nahii.n lagtaa
zinaa se le kar aadhii gavaahii tak
be-shak ye charge-sheet bahut lambii hai
lekin mujhe is ke baare me.n sochne kii
na fursat hai na zaruurat
vaise bhii ye charge-sheet merii adam-maujuudgii me.n tayyaar kii ga.ii thii
dushnaam mile yaa in.aam mujhe is se ko.ii farq nahii.n pa.Dtaa
mujhe to apne aazaad haatho.n se apne pairo.n kii be.Diyaa.n haTaa kar
is malgaje a.ndhere ko apnii palko.n se baTor kar
kinaare lagaanaa hai
darvaaze tak jaanaa hai
ki in band paTTo.n se baahar ek khulii fazaa
meraa intizaar kar rahii hai
jahaa.n mai.n kam-az-kam aazaadii se saa.ns to le sakuu.ngii
haa.n mai.n shahr me.n daaKHil hone vaalii pahlii aurat huu.n
kahii.n bhii pahu.nchne ke liye uThaayaa hu.aa
pahlaa qadam

Bilqis Zafirul Hasan
Nazm

biTTu baatuni

boltii hai kyaa Tar-Tar baatuunii biTTuu
chup nahii.n rahtii lahza bhar baatuunii biTTuu
ruk nahii.n saktii ek hii saa.ns me.n boltii jaa.e
ulTaa siidhaa be-matlab jo mu.nh me.n aa.e
bhaa.ii kahe.n mai.n pa.Dhtaa huu.n mat dhyaan baTaa.o
baajii bolii.n bhaago mere kaan na khaa.o
bole ko.ii kisii se to ye biich me.n Tapke
baat kare to uchke maTke aa.nkhe.n jhapke
jab dekho tab laaraa laaraa rii rii rii rii
jab dekho tab haahaa haahaa hii hii hii hii
ammii ammii vo jo hai.n naa.n aunty server
aaj pahan kar aa.ii.n thii ik niilaa jampar
haa.n niilaa saa kuchh uudaa kuchh niilaa niilaa
lagtaa thaa kuchh un ke uupar Dhiilaa Dhiilaa
la.Dne lagii phir mujh se vo bilqiis kii bachchii
is Dibiyaa kaa Dhaknaa to hai bilkul pachchii
mahr ne lii bilqiis kii chuTkii huu huu huu huu
ainii kii gul se nahii.n bantii huu huu huu huu
iffat aur mai.n jhuulaa jhuulte baarii baarii
KHaala bii kii choTii hai kyaa lambii sii
baano ke ghar aa.ii hai boltii miinaa baajii
hotaa hai ik Taa.ng kaa murGaa hai naa baajii
kartii hai.n kyo.n shaam ko chi.Diyaa.n che.n che.n che.n che.n
abbuu aap zaraa fazluu ke kaan to khii.nche.n
vo dekho phir aan ke baiThaa chhat par kavvaa
baavaa aadam kii thii.n biivii maamaa havvaa
duur se aataa dekhe.n to ghabraa.ii.n pa.Dosan
log kahe.n lo vo aa dhamkii.n bii-bakvaasan
biTTuu bii bii sun to lo sab ha.nste hai.n tum par
dekho tho.Dii der zaraa KHaamosh bhii rah kar

Shaanul Haq Haqqi
Nazm

lakhon mein ek monTu

mammy KHafaa hai.n un kii suntaa nahii.n hai monTuu
paapaa ko hai shikaayat pa.Dhtaa nahii.n hai monTuu

Bilqis Zafirul Hasan
Nazm

kashif miyan bahadur

bhuuto.n kii ik havelii me.n kaashif miyaa.n ga.e
aisaa la.De ki bhuuto.n ke chhakke chhu.Daa diye

Bilqis Zafirul Hasan
Nazm

ek nazm beTe ke liye

tumhe.n yaad hai
merii aa.nkho.n par kas kar baa.ndhaa gayaa
vo apnaa ruumaal
phuulo.n me.n daraKHto.n ke jhunD ke darmiyaa.n
store room me.n khambo.n ke piichhe
kabhii palang ke niiche
chhupte phirte the tum
mai.n kahaa.n huu.n mujhe Dhuu.nDo
mere aage piichhe dau.Dtii bhaagtii tumhaarii aavaaze.n
mujhe chhuu chhuu kar duur ho jaatii thii.n
mai.n apnaa haath phailaa.e Dhuu.nD Dhuu.nD kar
tumhe.n paa hii letii thii
ye hamaaraa man pasand khel thaa
na jaane kab kaise aur kahaa.n khel hii khel me.n
yaa tumhaare dau.Dte bhaagte qadmo.n ke Gubaar me.n
tum kahii.n kho ga.e
aur mere gale me.n aTkii rah ga.ii
bas ek dhuul
khaa.ns khaa.ns kar saaf kartii huu.n
nikaltii hii nahii.n
aTaa pa.Daa hai meraa chehra gard se
aa.ina dekhuu.n to samajh me.n nahii.n aataa kise dekh rahii huu.n
apnii aa.nkho.n par ba.ndhaa ruumaal
mai.n ne apne hii haatho.n kholaa thaa
aur ehtiyaat se box me.n rakh diyaa thaa
mai.n kahaa.n huu.n mujhe Dhuu.nD lo vaalaa khel
khelne vaalaa ko.ii thaa hii nahii.n
magar aaj merii god me.n tumhaaraa bachcha
mujh se maa.ng rahaa hai vahii ruumaal
aaj nikaaluu.ngii use dho saaf kar ke
apne siine kii KHushbuu se basaa.uu.ngii
ki phir shuruu.a karnaa hai mujhe vahii man pasand khel
aur is baar mai.n kho jaa.uu.ngii

Bilqis Zafirul Hasan
Nazm

nazar

nazar nazar kaa fareb har suu
uThe to sahraa pe phail jaa.e
jhuke to ik gahrii jhiil
baadal-sifat ye barkhaa kii ek rim-jhim
jo pyaar ho to ye chaa.ndnii hai
nazar nazar kaa fareb
lekin nazar haqiiqat
nazar jhapakne me.n taKHt-e-bilqiis saamne ho
nazar ke jaaduu se jism patthar
nazar ke pur-taab nuur se koh-e-tuur-e-siinaa bhii reza reza
nazar nazar kaa fareb
lekin nazar haqiiqat
mire hii taar-e-nazar se
dhartii pe surma.ii chhat tanii hu.ii hai

Ejaz Farooqi
Nazm

walkie talkie dadi poti

park kii pahlii dhuup se milne
u.nglii se u.nglii ko thaame
sab ko hello hello kartii
walkie talkie daadii potii
sahj sahj chaltii hai.n daadii
aage piichhe phirtii potii
ruktii chaltii chaltii ruktii
walkie talkie daadii potii
ghus aayaa shaayad ko.ii ka.nkar
potii kii chappal ke andar
daadii jhuk ke jhaa.D rahii hai.n
potii ko phaTkaar rahii hai.n
kitnaa kahaa thaa juutaa pahno
lekin tum kis kii suntii ho
sorry daadii daadii sorry
kal se juutaa hii pahnuu.ngii
potii aa.nkhe.n maTkaatii hai
daadii ko yuu.n bahlaatii hai
park me.n jaa kar baiTh ga.ii hai.n
dhuup se KHud ko se.nk rahii hai.n
lekin potii kyo.n baiThegii
park me.n aa.ii hai dau.Degii
jhuulaa sii sau aur slide
lekin daadii banii hai.n guide
ye na karo ye kyaa kartii ho
hai hai jo tum gir jaatii to
titlii ke par to.D rahii ho
tauba tauba kitnii burii ho
daaman me.n phir bhar liye patthar
phe.nko varna duu.ngii thappa.D
daadii ne jo dii ik jhi.Dkii
laal bhabhuukaa ho ga.ii potii
ab dono.n chup dono.n ruuThii
un kii tolo ho ga.ii kaTTii
aayaa tabhii Gubaare vaalaa
Tan Tan ghanTii KHuub bajaataa
niile piile kitne saare
baadal chhuune vaale Gubaare
lekin kaise paa.egii potii
daadii se to hu.ii hai kaTTii
soch soch ke dhiire dhiire
bolii Gubaare vaale se
mujh ko ek Gubaara de do
paise daadii jaan se le lo
un se merii hu.ii hai kaTTii
lekin hai.n to merii daadii
sun ke ha.ns dii.n bolii.n daadii
le jiitii tuu mai.n hii haarii
bhayyaa ek Gubaara de do
is aafat kii parkaala ko
fitna hai shaitaan kii naanii
phir bhii jaan se dil se pyaarii
le ke Gubaara ha.nstii ha.nstii
ghar ko chalii.n vo pak.De u.nglii
ruktii chaltii chaltii ruktii
walkie talkie daadii potii

Bilqis Zafirul Hasan
Nazm

faza-e-hairat

sahar kii kaliyaa.n luTii hu.ii hai.n
gulo.n kii shaaKHe.n jhukii hu.ii hai.n
hasiin taalaab ke kinaare
hasiin pariyaa.n kha.Dii hu.ii hai.n
ba-zer-e-shaaKH-e-gul-e-shagufta mai.n suurat-e-sham.a chup kha.Dii huu.n
fazaa me.n koyal kii ik sadaa hai
tamaam jangal laraz rahaa hai
hasiin duniyaa kii rahne vaalii
hasii.n fazaa.o.n me.n naGma-zaa hai
mai.n misl ik Guncha-e-fasurda navaa-e-tasviir ban rahii huu.n
ye kaun manzar hai pesh-e-duniyaa
ye kaisii duniyaa hai husn-aaraa
ye kyaa tamaashaa saa ho rahaa hai
ye kaise manzar hai.n jalva-aaraa
mai.n dil me.n tasviir khii.nchtii huu.n nigaah-e-hairat se dekhtii huu.n
ye kyaa hai ai merii chashm-e-hairaa.n
hai kyaa tamaashaa ruKH-e-gulistaa.n
mai.n kyaa karuu.n is musavvirii ko
mujhe hai uljhan mujhe hai KHaljaan
idhar udhar ko jo dekhtii huu.n hasiin taa.ir hai.n zamzama-zaa
vo un kaa gaanaa ba-sad-masarrat
ye kyo.n navaa hai navaa-e-ishrat
ye un ke naGme rabaab-e-jannat
hai.n suurat-e-sham.a mahv-e-hairat
ilaahii is musht-e-par me.n chhup kar adaa se ye kaun gaa rahaa hai
ki dil pe choTe.n lagaa rahaa hai
jigar me.n Tiise.n uThaa rahaa hai
fazaa me.n naGme luTaa rahaa hai
mujhe pareshaa.n banaa rahaa hai
yeh misl-e-diivaar chup kha.Dii ho.n ye kaun gaataa hai is adaa se
fazaa me.n naGmo.n kii ye nazaakat
ye phuul chun kar huu.n mahv-e-hairat
mai.n kyaa karuu.n zamzamo.n kaa yaa-rab
ye hai ta.ajjub ye hii hai hairat
'jamaal' hairaan-o-pur-tahayyur hai husn-e-duniyaa fazaa-e-hairat

Bilqees Jamal Barelwi
Nazm

ganga ke kinare

jab Gam kaa a.ndheraa chhaataa hai
jab duniyaa se ghabraatii huu.n
dil meraa jab bhar aataa hai
jab yaas-zada ho jaatii huu.n
KHud paa.nv miraa uTh jaataa hai
gangaa ke kinaare aatii huu.n

Bilqees Jamal Barelwi
Nazm

dariya ke kinare

paanii bahtaa chaltaa hai
kuchh dukh sahtaa chaltaa hai
sannaaTaa saa kuchh chhaayaa hai
paanii kuchh murjhaayaa hai
lahre.n hai.n kuchh mailii mailii
mauje.n hai.n kuchh phailii phailii
taare jhuk jhuk pa.Dte hai.n
patte chup chup jha.Dte hai.n
abr ke Tuk.De u.Dte hai.n
kaTte hai.n phir ju.Dte hai.n
taare jham jham hote hai.n
taa.ir chupke sote hai.n
shaaKHe.n sar-ba-garebaa.n hai.n
bilkul chup aur hairaa.n hai.n
chaa.nd bhii hai kuchh khoyaa khoyaa
kuchh jaagaa kuchh soyaa soyaa
abr me.n chhup chhup jaataa hai
har taare ko chamkaataa hai
kuchh bahkaa bahkaa chaltaa hai
paanii me.n bhaTaktaa chaltaa hai
shabnam paT paT rotii hai
jo aa.nsuu hai vo motii hai
jangal chupkaa sotaa hai
manzar par sannaaTaa hai
har patte me.n KHaamoshii hai
har ko.npal me.n be-hoshii hai
har zarra chup hai qatra chup hai
aflaak kaa ik ik taaraa chup hai
sab gul-haa-e-raihaa.n chup hai.n
champaa kii sab kaliyaa.n chup hai.n
dariyaa kii sab mauje.n chup hai.n
bal khaane vaalii lahre.n chup hai.n
sotii hai gulo.n me.n chup KHushbuu
jhilmil hote hai.n jugnuu
chaltii hai havaa kuchh dhiime dhiime
phuulo.n kii fazaa me.n chupke chupke
halke halke giit sunaatii
ruk ruk kar ik taan lagaatii
bhiige bhiige phuul rasiile
chupke chupke hai.n kuchh ha.nste
ye KHaamoshii aur sannaaTaa
aur ye saakit mauj-e-dariyaa
in aa.nkho.n se kyaa kyaa dekhuu.n
is duniyaa kaa har zarra dekhuu.n
yaa-rab ye sab manzar kyaa hai.n
sahraa kyaa hai.n ghar dar kyaa hai.n
KHaamushii kyaa sannaaTaa kyaa hai
aadhii raat kaa dariyaa kyaa hai
ye sab kyo.n hai ye sab kyaa hai
KHud mai.n kyaa huu.n 'jamaal' kyaa hai

Bilqees Jamal Barelwi
Nazm

chand buDhi nazmen

1
potii se daadii ban.ne ke lambe safar me.n
aisaa ko.ii pa.Daav nahii.n aaya thaa jis par
ruk ke taaza dam hone kii
suukhii so.ndhii payaal pe pa.D ke
miiThe miiThe sapno.n me.n so jaane kii mohlat miltii
ab manzil par aa ke thak ke chuur pa.Dii vo
miiThe sapno.n me.n so jaane kii koshish
karte karte kyaa behaal hu.ii jaatii hai
khaa.ns khaa.ns ke saarii raat guzar jaatii hai
2
bhare-pure mahlo.n jaise is ghar kaa
ik ik kamra
apne apne naam se ab reserve karaa rakkhaa hai sabho.n ne
vo jo barsaatii me.n biitii yaade.n o.Dh ke leTaa
apne din gintaa hai
name plate pe ghar ke usii buu.Dhe kaa naam
likhaa hu.aa hai ba.De ba.De harfo.n me.n
3
rasta bilkul saaf hai
puKHta siidhii sa.Dak hai
niile vaale baaG ke phuulo.n se milne rozaana
jaayaa jaa saktaa hai lekin kaise
soch ke hii pairo.n me.n ai.nThan hone lagtii hai
aur dam be-dam hone lagtaa hai
4
betaabi se Dhuu.nD rahaa hai kaise paa.egaa ab
vo sab kuchh jo chho.D gayaa thaa
na.e na.e saamaano.n se ghar chhat tak aTaa pa.Daa hai
pahle jo rakkhaa thaa yahaa.n vo un me.n dab kar
TuuT ke chaknaa-chuur hu.aa yaa ko.ii kabaa.Dii
saste daamo.n le ke gayaa ye kaun bataa.e
taal pe us ke laa.e hu.e stereo music system ke
sab thirak rahe hai.n
aise shor-sharaabe me.n ab us kii kaun sunegaa
pahle ghar vaalo.n se i s D par
minto.n kaa hii raabta ik qaa.em to ho jaataa thaa

Bilqis Zafirul Hasan
Nazm

bablu

paapaa ne cycle to bilkul na.ii dilaa.ii
ab kyaa hai is kaa huliya kaise hu.aa ye bhaa.ii

Bilqis Zafirul Hasan
Nazm

school se ghar

ghanTii bajii school chhuTaa hai
hangaama saa ek bapaa hai
gate par aa kar Thahrii lorry
ham sab baiThe.n baarii baarii
farraaTe vo bhartii niklii
har ik ke vo ghar tak pahu.nchii
jab vo hamaare ghar par Thahrii
bilqiis utrii mai.n bhii utrii
ham ne qadam jab ghar me.n rakkhaa
Tahal rahe the baaG me.n abbaa
maamaa jii ne ham ko dekhaa
duur hii se ammii ko pukaaraa
liijiye begam saahib aa.ii.n
bachchiyaa.n dono.n ab ghar pahu.nchii.n
ammii hamaarii pyaarii ammii
raah thii.n taktii chaa.e pe baiThii
chaa.e abhii ham pii hii rahe the
amjad maamuu.n car le aa.e
chalo chalo ab sair ko nikle.n
siidhe baaG-e-aam ko jaa.e.n
raat kaa jab chhaa jaa.e a.ndheraa
us vaqt aa kar pa.Dh likh lenaa

Barq Aashiyanvi
Nazm

b amman se KHitab

ai ki terii zaat thii sarmaaya-e-ilm-o-amal
ai ki teraa har iraada thaa nihaayat hii aTal
ai ki tuu ik jauhar-e-teG-e-dil-e-islaam thii
terii hastii yaadgaar-e-raunaq-e-ayyaam thii
tere siine me.n bharaa thaa bahr-e-islaamii kaa josh
tere a.azaa me.n ravaa.n thaa ek dariyaa-e-KHarosh
terii rag rag me.n vafuur-e-joshish-e-sailaab thaa
teraa har jazba ziyaa-e-gauhar-e-naayaab thaa
terii hastii sham.a-e-himmat ke liye aa.iina thii
zindagii terii charaaG-e-millat-e-deriina thii
tuu ne murda zindagii me.n ruuh taaza phuu.nk dii
himmat-e-majbuur ko baKHshii hai tuu ne zindagii
ek shu.aa-e-nayyar-e-aasuuda-e-rif.at thii tuu
is KHizaan-e-ziist me.n ik maadar-e-millat thii tuu
tuu ne ramz-e-qalb-e-maKHfii aashkaaraa kar diye
ma.anii-e-ilm-o-amal parda se be-parda kiye
mudda.aa-e-dil tiraa ik gauhar-e-ummiid hai
jo fazaa-e-taar me.n ik sho.ala-e-KHurshiid hai
teraa har lamha munavvar har gha.Dii nayyar-ba-dosh
zindagii terii rahe misl-e-charaaG-e-zau-farosh
zulmat-e-millat me.n chamkaa.e munavvar aaftaab
gulshan-e-ummiid me.n mahkaa diye rangii.n gulaab
imtihaan-e-ziist me.n tuu kis qadar hii kaamyaab
har varaq terii kitaab-e-umr kaa hai KHud kitaab
aa sukuut-e-yaas me.n mujh ko banaa le raaz-daar
aa rah-e-ummiid me.n mujh ko banaa le kaamgaar
aa mire kaano.n me.n bhii vo ruuh-e-pinhaa.n phuu.nk de
zindagii merii bhii ik maazii kaa aa.iina bane
aa 'jamaal'-e-zaar ko bhii raazdaar-e-dil banaa
zindagii is kii bhii ik barq-e-dil-e-bismil banaa

Bilqees Jamal Barelwi
Nazm

ye hamara ghar hai

durust phir ham pe yuurishe.n hai.n
sinaane.n nezo.n kii sho'la-zan hai.n
khi.nchii hai talvaar phir saro.n par
laTak rahe hai.n nukiile KHanjar
kamiin-gaaho.n se tiir par tiir chal rahe hai.n
qadam qadam par hai.n muush-KHaane
lahuu se bhiigaa pasiina majruuh e.Diyo.n se
Tapak rahaa hai
hai saamne aag piichhe dariyaa
na jaa.e-raftan nigaah me.n hai na paa.e-maa.ndan
magar hamaaraa yaqii.n salaamat rahaa thaa pahle bhii
ab bhii saabit-qadam rahegaa
nizaam-e-zulm-o-sitam ke aage ye sar jhukaa thaa
na ab jhukegaa
palaT ke jaane kii baat soche.n kahii.n chhupe.n
ham se ye na hogaa
faraar ho kar dayaar-e-aGyaar me.n base.n
ham se ye na hogaa
ki ye zamii.n to hamaare ajdaad kaa hai madfan
hamaare bachcho.n kaa baKHt raushan hamaaraa ghar hai
hamaarii peshaaniyo.n pe sajdo.n kaa naqsh ban kar
yahaa.n kii miTTii chamak rahii hai
yahaa.n ke shaffaaf paaniyo.n me.n vuzuu hamaaraa chhalak rahaa hai
yahii.n kii miTTii kii zau liye jagmagaa rahe hai.n hamaare maa'bad
khile.n ‘araq-reziyaa.n hamaarii hamaare kheto.n me.n fasl ban kar
hamaarii mehnat kaa sho'la raushan hai kaar-KHaano.n kii bhaTTiyo.n me.n
hamaaraa haq is zamii.n par hai
jo apnaa haq chho.D kar ga.e ghar se apne mu.nh mo.D kar ga.e to
kahii.n na basnaa nasiib hogaa
zalaalat-o-nakbat-o-hiqaarat nasiib-e-har-bad-nasiib hogaa
liyaa hai jo janm is zamii.n par yahii.n rahe.nge yahii.n base.nge
ahaaliyaan-e-sitam ke aage hamesha siina-sipar rahe.nge
kaho ke qatre Tapak-Tapak kar zamii.n pe harf-e-vafaa likhe.nge
hamaarii maa'suumiyat kii raushan daliil ban kar
hame.n pataa hai
ki zulm kitnaa bhii ho qavii sar-niguu.n hu.aa hai
bahaa kahii.n bhii jo KHuun-e-naahaq to qaatilo.n ko Dubo gayaa hai
hamaare bahte lahuu kii dhaaro.n se mausam-e-gul tuluu' hogaa
mohabbato.n kii sadaaqato.n kaa zuhuur hogaa zaruur hogaa
jaziira-e-Gair kii taraf jaane vaalii har naav ko jalaa do
hame.n to marnaa bhii hai agar to yahii.n kahii.n par
isii zamii.n par
ki is zamii.n par hamaaraa ghar hai

Bilqis Zafirul Hasan
Nazm

nazm

biibiyo
jannatii hai vo biivii jo shauhar ke aane se pahle
saje aur sa.nvre
muu-ba-muu motiyo.n ko piro.e
ishtihaa-KHez KHushbuu bhare qaab khaano.n ke tayyaar rakkhe
roTiyaa.n garm aur narm bistar kaa ho ehtimaam
aaftaabe
sard aur garm paanii ke maujuud ho.n
vahaa.n na jaane use sard paanii kii KHvaahish ho yaa garm kii
us kii KHvaahish kaa ko.ii bharosaa nahii.n
taaki us kaa majaazii KHudaa us kaa maalik jo aa.e
zaruurat kii har chiiz bin maa.nge paa.e
aur haa.n biibiyo
ik chha.Dii bed kii KHuub mazbuut sii
vo bhii rakhnaa na bhuule
kaun jaane sa'uubat ke maidaa.n kaa haaraa thakaa vo sipaahii
shomii-e-baKHt se
naa-muraadii ke zaKHmo.n se lith.Daa hu.aa aa rahaa ho
jo aa.e Dhuu.nDne kii na zahmat uThaa.e
nek biibii ke bechaara shaano.n se resham kaa rangii.n labaada
us chha.Dii se haTaa kar
apnii naakaamiyo.n kaa lahuu us ke shaffaaf naazuk badan par chhi.Dak de
taaki phir chain kii nii.nd vo so sake
haa.n majaazii KHudaa hai hotaa sajda KHudaa ke sivaa gar kisii ko ravaa to
usii ko ravaa hai usii ne to tum ko bachaa ke zamaane kii
dhuupo.n se ghar ke hisaaro.n me.n mahfuuz rakkhaa us kii mehnat
ke paa.e hu.e rizq se hii to daaman tumhaaraa bharaa
so mirii biibiyo jannatii hai vo biivii
jo shauhar kii KHvaahish pe jiitii rahii
din ko us ne kahaa raat to us ne bhii raat samjhaa
us kii KHaatir vo mar-mar ke zinda rahii
us kii KHaatir marii
siidhii jannat sidhaaregii pursish na hogii gunaaho.n kii
sab mu'aaf ho.nge
vaa'z me.n
kahne vaalii ne itnaa kahaa aur chup ho ga.ii
nek biibii kii baKHshish kaa muzhda sunaayaa
magar aisaa shauhar kahaa.n jaa.egaa us kii baabat kisii ko na kuchh bhii bataayaa
KHudaayaa KHudaayaa
saf-ba-saf nasl-dar-nasl be-mol kii ye kaniize.n
inhe.n un ke hone kaa ehsaas
tuu hii 'ataa kar

Bilqis Zafirul Hasan
Nazm

ye baat samajh mein aai nahin

gar billii sher kii KHaala hai
to ham ne use kyuu.n paalaa hai
kyaa sher bahut naalaa.eq hai
KHaala ko maar nikaalaa hai
yaa jangal ke raajaa ke yahaa.n
kyaa miltii duudh malaa.ii nahii.n

Ahmad Hatib Siddiqi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now