Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "darshan"

Nazm MATCHES FOR "darshan"

Nazm

dil ek kuTiya dasht kinare

aahuu maa.nge ban kaa ramnaa
bha.nvraa chaahe phuul kii Daalii
suukhe khet kii ko.npal maa.nge
ik ghanghor badriyaa kaalii
dhuup jale kahii.n saaya chaahe.n
andhii raate.n diip divaalii
ham kyaa maa.nge.n ham kyaa chaahe.n
ho.nT sile aur jholii KHaalii
dil bha.nvraa na phuul na ko.npal
bagiyaa naa bagiyaa kaa maalii
dil aahuu na dhuup na saayaa
dil kii apnii baat niraalii
dil to kisii darshan kaa bhuukaa
dil to kisii darshan kaa savaalii
naam liye bin pa.Daa pukaare
kise pukaare dasht kinaare

Ibn۔e۔Insha
Nazm

pyara hindostan

ek isii kashmiir kaa darshan
kitno.n ke dukh dard kaa darpan
aas nahaa.e barse jiivan
meraa nivaas asthaan yahii hai
pyaaraa hindostaan yahii hai

Nazeer Banarasi
Nazm

guru-nanak dev ji

tire jamaal se ai aaftaab-e-nankaana
nikhar nikhar gayaa husn-e-shu.uur-e-rindaana
kuchh aise rang se chhe.Daa rabaab-e-mastaana
ki jhuumne lagaa ruuhaaniyat kaa mai-KHaana
tirii sharaab se mad.hosh ho ga.e mai-KHvaar
du.ii miTaa ke ham aaGosh ho ga.e mai-KHvaar
tiraa payaam thaa Duubaa hu.aa tabassum me.n
bharii thii ruuh-e-lataafat tire takallum me.n
navaa-e-haq kii kashish thii tire tarannum me.n
yaqii.n kii sham.a jalaa.ii shab-e-tavahhum me.n
dilo.n ko haq se ham-aaha.ng kar diyaa tuu ne
gulo.n ko guu.ndh ke yak-ra.ng kar diyaa tuu ne
tirii navaa ne diyaa nuur aadamiyat ko
miTaa ke rakh diyaa hirs-o-havaa kii zulmat ko
dilo.n se duur kiyaa siim-o-zar kii raGbat ko
ki paa liyaa thaa tire dil ne haq kii daulat ko
hujuum-e-zulmat-e-baatil me.n haq-panaahii kii
faqiir ho ke bhii duniyaa me.n baadshaahii kii
tirii nigaah me.n qur.aan-o-diid kaa aalam
tiraa KHayaal thaa raaz-e-hayaat kaa mahram
har ek gul pe Tapaktii thii pyaar kii shabnam
ki bas gayaa thaa nazar me.n bahisht kaa mausam
nafas nafas me.n kalii ra.ng-o-buu kii Dhaltii thii
nasiim thii ki farishto.n kii saa.ns chaltii thii
tirii sharaab se baabaa fariid the sarshaar
tire KHuluus se be-KHud the suufiiyaan-e-kibaar
kahaa.n kahaa.n nahii.n pahu.nchii tire qadam kii bahaar
tire amal ne sa.nvaare jahaan ke kirdaar
tirii nigaah ne sahbaa-e-aagahii de dii
bashar ke haath me.n qindiil-e-zindagii de dii
tire payaam se aisii kii thii masiihaa.ii
tire suKHan me.n habiib-e-KHudaa kii raanaa.ii
tire kalaam me.n gautam kaa nuur-e-daanaa.ii
tire taraane me.n murlii kaa lahn-e-yaktaa.ii
har ek nuur nazar aayaa tere paikar me.n
tamaam nik.hate.n simTii hai.n ik gul-e-tar me.n
jahaa.n jahaa.n bhii gayaa tuu ne aagahii baa.nTii
a.ndherii raat me.n chaahat kii raushnii baa.nTii
ataa kiyaa dil-e-bedaar zindagii baa.nTii
fasaad-o-ja.ng kii duniyaa me.n shaa.ntii baa.nTii
bahaar aa.ii khilii pyaar kii kalii har suu
tire nafas se nasiim-e-sahar chalii har suu
razaa-e-haq ko najaat-e-bashar kahaa tuu ne
ta.a.iinaat-e-KHudii ko zarar kahaa tuu ne
vafaa-nigar ko haqiiqat-nigar kahaa tuu ne
zuhuur-e-ishq ko sachchii sahar kahaa tuu ne
jahaan-e-ishq me.n kuchh besh-o-kam kaa farq na thaa
tirii nigaah me.n dair-o-haram kaa farq na thaa
bataayaa tuu ne ki irfaa.n se aashnaa honaa
kabhii na aashiq-e-duniyaa-e-be-vafaa honaa
badii se shaam-o-sahar jang-aazmaa honaa
KHudaa se duur na ai banda-e-KHudaa honaa
nashe me.n daulat-o-zar ke na chuur ho jaanaa
qariib aa.e jo duniyaa to duur ho jaanaa
jo ruuh ban ke samaa jaa.e har rag-o-pai me.n
to phir na shahd me.n lazzat na saaGar-e-mai me.n
vahii hai saaz ke parde me.n lahn me.n lai me.n
usii kii zaat kii parchhaa.iyaa.n har ik shai me.n
na mauj hai na sitaaro.n kii aab hai ko.ii
tajalliyo.n ke idhar aaftaab hai ko.ii
abad kaa nuur faraaham kiyaa sahar ke liye
diyaa payaam bahaaro.n kaa dasht-o-dar ke liye
diye jalaa diye taariik rahguzar ke liye
jiyaa bashar ke liye jaan dii bashar ke liye
du.aa ye hai ki rahe ishq hashr tak teraa
zamii.n pe aam ho ye dard-e-mushtarak teraa
KHudaa kare ki zamaana sune tirii aavaaz
har ik jabii.n ko mayassar ho teraa aks-e-niyaaz
jahaa.n me.n aam ho tere hii pyaar kaa andaaz
KHuluus-e-dil se ho puujaa KHuluus-e-dil se namaaz
tire payaam kii barakat se nek ho jaa.e.n
ye imtiyaaz miTe.n log ek ho jaa.e.n

Darshan Singh
Nazm

chaaragar

rah-e-ishq kii intihaa chaahtaa huu.n
junuu.n saa ko.ii rahnumaa chaahtaa huu.n
jo irfaan kii zindagii ko ba.Dhaa de
mai.n vo baada-e-jaa.n-fazaa chaahtaa huu.n
miTaa kar mujhe aa.ii mai.n jazb kar le
baqaa ke liye mai.n fanaa chaahtaa huu.n
bayaa.n haal-e-dil mai.n karuu.n kyuu.n zabaa.n se
ko.ii jaantaa hai mai.n kyaa chaahtaa huu.n
mujhe kyaa zaruurat hai kyaa tum se maa.nguu.n
magar mai.n tumhaaraa bhalaa chaahtaa huu.n
mire chaaragar mai.n huu.n biimaar teraa
tire haath hii shifaa chaahtaa huu.n

Darshan Singh
Nazm

ganga

aa.ii nazar tajallii jab shaahid azal kii
zarro.n me.n jaa ke chamkii phuulo.n me.n jaa ke jhalkii
hindostaan hai ik dariyaa-e-husn-e-qudrat
aur us me.n pa.nkhu.Dii hai tuu KHushnumaa ka.nval kii
niklii himaliya se mahv-e-KHarosh ho kar
tuu aah tishna-lab thii vo jalva-e-azal kii
kartii hu.ii zamii.n par motii nisaar aa.ii
darshan ko aah har ke tuu haridvaar aa.ii

Suroor Jahanabadi
Nazm

dehli ki sair

aa.o bachcho sair karaa.e.n
bhaarat kaa dil tum ko dikhaa.e.n
bhaarat kaa dil kyaa hai bolo
duniyaa dekho aa.nkhe.n kholo
har lab par hai jis kaa fasaana
dehlii hai vo shahr puraanaa
shahar ki jis me.n 'miir' ne gaa.e
ra.nj-o-KHushii ke dilkash naGme
shahr ki jis me.n 'Gaalib' ne bhii
chhe.Dii.n shiirii.n Gazle.n apnii
shahr ki jis me.n shaah 'zafar' ne
Gazle.n likkhii.n likkhe nauhe
dehlii jo hai shahr puraanaa
bachcho vo hai dil bhaarat kaa
vo sambhlaa to ham bhii sambhle
vo big.Daa to ham bhii big.De
shahr nahii.n tahziib hai dehlii
shaan-e-vatan hai is se baaqii
aa.o is kaa ruup dikhaa.e.n
bachcho tum ko sair karaa.e.n
laal qil.a hai saamne dekho
muGalo.n kii taariiKH ko samjho
maazii kii tasviir hai is me.n
KHvaabo.n kii ta.abiir hai is me.n
vaqt kaa ik aa.iina samjho
shaam-o-sahar kaa ruup bhii dekho
akbar kii talvaar yahaa.n hai
nuur-jahaa.n kaa haar yahaa.n hai
aalamgiir kii masjid dekho
fan kaa namuuna us ko jaano
duniyaa me.n ik jannat hai ye
apne vatan kii daulat hai ye
laal qil.e se baahar aa.o
masjid hai ik saamne dekho
hai ye nishaanii shaah-jahaa.n kii
dil kaa sukuu.n daulat hai yahaa.n kii
aa.o chale.n ab birlaa mandir
bastii dekhe.n prem kii jaa kar
ye hai dekho jantar-mantar
dekh ke is ko aql hai shashdar
chaaho tum to vaqt bataa.e
grahan kaa bhii ruup dikhaa.e
sadr kaa aivaa.n hai ye dekho
ek gulistaa.n hai ye dekho
baaG-e-muGal hai is ke andar
apnaa guzar hai is se baahar
ye hai samaadhii gaa.ndhii jii kii
duur nahii.n hai shaa.ntii-van bhii
ruuh-e-chaman KHaamosh yahaa.n hai
KHaak-e-vatan gul-posh yahaa.n hai
bachcho chale.n ab mehraulii bhii
dekh aa.e.n ham laaT qutub kii
us ke chaaro.n aur kha.nDar hai.n
pahle vaqto.n ke ye nagar hai.n
ambar is se apnii zamii.n hai
ham ko bhii kam faKHr nahii.n hai
maanaa dehlii dekh lii tum ne
sair bhii kar lii kaafii tum ne
mil lo khilaune se bhii chal kar
saamne hai vo us kaa daftar
bhaa.ii jo ilyaas hai.n apne
kar lo tum sab darshan un ke
yuu.n to chiize.n aur hai.n lekin
dekhnaa un kaa kab hai mumkin
bachcho tum to thak bhii ga.e ho
vaqt bhii kam hai ab ghar lauTo

Alqama Shibli
Nazm

darshan

anokhaa laaDlaa khelan ko maa.nge chaa.nd
kaisii anokhii baat re
tan ke ghaav to bhar ga.e daataa
man kaa ghaav nahii.n bhar paataa
jii kaa haal samajh nahii.n aataa
kaisii anokhii baat re
anokhaa laaDlaa khelan ko maa.nge chaa.nd
pyaas bujhe kab ik darshan me.n
tan sulge bas ek lagan me.n
man bole rakh luu.n nainan me.n
kaisii anokhii baat re
anokhaa laaDlaa khelan ko maa.nge chaa.nd

Asad Mohammad Khan
Nazm

na di angrez ne ghaalib ko pension

ma.ngaa.o magnet dekho detention
attention ai dil-e-naadaa.n attention
chalo ab period meh.ndii kaa aayaa
kahii.n darshan kahii.n ruupak kii chhaayaa
guruu ne sorThaa jam kar pa.Dhaayaa
hamaarii to samajh me.n kuchh na aayaa
'kabiir' aur 'suur' me.n rahtaa hai tension
attention ai dil-e-naadaa.n attention

Mohammad Yusuf Papa
Nazm

chand

chupke chupke raat ko tashriif jab laataa hai chaa.nd
har taraf dhartii pe kaisaa nuur barsaataa hai chaa.nd
pahle din ke chaa.nd ko sab log kahte hai.n hilaal
chaudhvii.n taariiKH ho to badr kahlaataa hai chaa.nd
pur-sukuu.n maahaul taare kahkashaa.n ThanDii havaa
raat kii mahfil me.n aksar raqs farmaataa hai chaa.nd
jab ghaTaa ghanghor aatii hai kabhii barsaat me.n
o.Dh kar sapno.n kii chaadar shab me.n so jaataa hai chaa.nd
kahtii hai bachche ko meraa chaa.nd kahte pyaar se
isti.aara pyaar me.n ik maa.n ke ban jaataa hai chaa.nd
har gha.Dii betaab hai.n maamaa ke darshan ke liye
chhoTe bachcho.n ke dilo.n ko KHuub bahlaataa hai chaa.nd
tum ko bhii bachpan me.n ai 'abraar' kitnaa pyaar thaa
jis tarah 'daanish' miyaa.n ko aaj-kal bhaataa thaa chaa.nd

Abrar Kiratpuri
Nazm

qila-e-akbarabad

darshan ke jharoke kii pa.Dii thii yahii.n buniyaad
hotii thii tulaa-daan me.n kyaa kyaa dahish-o-daad
vo adl kii zanjiir hu.ii thii yahii.n iijaad
jo sam-e-shahanshaah me.n pahu.nchaatii thii fariyaad
vo nuur-jahaa.n aur jahaa.ngiir kii uftaad
us kaaKH-e-humaayuu.n ko ba-tafsiil hai sab yaad

Ismail Merathi
Nazm

subh-e-sadiq

rah gayaa raah me.n jab kuchh bhii na kaa.nTo.n ke sivaa
tiirgii jhuuT kii jab chhaa ga.ii sachchaa.ii par
ufuq-e-zinda-o-paa.inda-e-nankaana se
ha.ns pa.Dii ek kiran vaqt kii tanhaa.ii par

Darshan Singh
Nazm

riwayati mohabbat

jhukii jhukii nazro.n se pustako.n
ko siine se lagaa.e
dhak dhak karte dil ko sambhaale
kahii.n aa.nkhe.n chaar na ho jaa.e.n
lab me.n chor-nazar se ghuste
ki aaj to darshan ho jaa.e.n
par mad-hoshii kaa aalam to dekhe.n ki
nazre.n milii.n to shaayad behosh ho jaa.e.n
email par khule aam KHat kii baat nahii.n ye
vo kachre me.n phe.nkaa kaaGaz bhii ka.ii taho.n
me.n lagaa kar siine me.n chhupaa.e.n
ko.ii jaan na le hamaarii is KHaamosh mohabbat ko
soch is KHayaal se hii laal ho jaa.e
chhup-chhup kar raashii-phal pa.Dhte
ki shaayad aaj mulaaqaat ho jaa.e
ho.nTo.n ko siye chup-chaap ghuumte
ki bhuul se teraa naam bhii labo.n par na aa jaa.e
aisii thii.n vo mohabbate.n jahaa.n banaa dekhe
ka.ii sadiyaa.n guzar jaa.e.n

Mamta Tiwari
Nazm

safir-e-amn

kitne hii log aa.e hai.n darshan ke vaaste
taa.ir jo mar gayaa hai nasheman ke vaaste
bartaaniya se ruus se jaapaan o misr se
har ik safiir phuul cha.Dhaane ko aa gayaa
lo chuu.Diyaa.n utaar laliitaa bhii aa ga.ii
beTaa chitaa ko aag lagaane ko aa gayaa

Sulaiman Khateeb
Nazm

talash-e-nur

fikr-o-aalaam ke baadal me.n hai.n anvaar-e-hayaat
raushnii kyaa kisii tanviir kaa partav bhii nahii.n
nau-e-insaa.n kii fazaa.o.n pe hai zulmat kaa jamaav
sham-e-mahtaab kaa kyaa zikr ko.ii lau bhii nahii.n

Darshan Singh
Nazm

man ka mit

man kaa miit milaa de
sajnii man kaa miit milaa de
jis bin chain na mohe aa.e
pal chhan jis kii yaad sataa.e
kahaa.n hai vo batlaa de
sajnii man kaa miit milaa de
dil ko mere khone vaalii
pyaarii man ko mohne vaalii
sundar chhab dikhlaa de
sajnii man kaa miit milaa de
us bin suunaa hai jag saaraa
meraa man har priitam pyaaraa
ruuTh gayaa hai manaa de
sajnii man kaa miit milaa de
meraa hirdai jis kaa mandar
yaad hai jis kii dil ke andar
us kaa darshan karaa de
sajnii man kaa miit milaa de
naino.n se nij nain milaa kar
naino.n me.n bas jaa.e aakar
so.e bhaag jagaa de
sajnii man kaa miit milaa de
jis se khi.nch kar aa.e baalam
aa mujh ko apnaa.e baalam
aisaa mantr sikhaa de
sajnii man kaa miit milaa de
huu.n mai.n aas lagaa.e baiThii
nainan diip jalaa.e baiThii
shubh sandesh sunaa de
sajnii man kaa miit milaa de

Shree Amar Amritsari
Nazm

darshan

viiraane gulshan kab ho.nge
ab aap ke darshan kab ho.nge

Salam Sandelvi
Nazm

yaad ke dariche

zamaana hu.aa tere darshan kiye
bahut chaak siine ke mai.n ne siiye

Rasheed Hasrat
Nazm

devi aur devta

darshan karne ik devii ke ek pujaarii aayaa
siis navaa.e diyaa jalaayaa aur charno.n me.n baiTh gayaa
biptaa apnii kahii na us ne ko.ii bhii fariyaad na kii
takte takte phir devii ko kitne hii yug biit ga.e
darshan karne us devii ke
jo bhii aataa sar ko jhukaataa puujaa kartaa
aur duniyaa kii lobh me.n lobhii
duniyaa maa.ngtaa rah jaataa
saadhuu sant faqiir sabhii ye us se kahte
ai diivaane kuchh to maa.ngo tum devii se
vo ha.nstaa aur kahtaa un se
paap aur pun ke chakkar me.n mat Daalo mujh ko
jaal hai.n ye sab duniyaa ke
duniyaa bas ik chhaayaa hai
ik asthaan pe rahnaa use gavaaraa kab hai
giitaa apne paas hii rakh lo
amrit pyaala tum hii chakkho
mai.n diivaana huu.n devii kaa devii merii diivaanii hai

Sulaiman Jazib
Nazm

jhil Dal

desii aur bidesii aa kar
khele.n kuude.n gaa.e.n Dal par
jal me.n is ke naav chalaa.e.n
phuul ka.nval ke to.D ke laa.e.n
lahre.n is kii sundar sundar
phuul khile hai.n is ke taT par
paanii is kaa ujjal nirmal
nikhraa suthraa miiThaa shiital
chaaro.n or ik phulvaarii hai
hariyaalii hii hariyaalii hai
buu.Dhe bachche aur nar-naarii
sab ko lagtii hai ye pyaarii
darshan karne duniyaa aa.e
sab ke man ko ye bahlaa.e

Bazmi Bharti
Nazm

bhikaran ki laDki

mai.n jho.npa.Diyo.n me.n rahtaa huu.n teraa pul ke niiche maskan
dono.n me.n taaq na mehraabe.n kaisii baiThak kaisaa aa.ngan
pul ke niiche taariikii se khelii na kabhii suuraj kii kiran
aur chaa.nd dariicho.n se mujh ko dene aaya na kabhii darshan

Salam Sandelvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now