Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Endless Night

A selection of couplets

reflecting the diverse emotions and moods associated with the silence of the night, solitude, melancholy, waiting, dreams, love, and memories. At times, the night symbolizes peace and dreams, while at others, it becomes a metaphor for sleeplessness, separation, and the restlessness of the heart. This tag explores the countless shades of night and the many facets of human emotions through poetry.

ik raat vo gayā thā jahāñ baat rok ke

ab tak rukā huā huuñ vahīñ raat rok ke

ek raat wo gaya tha jahan baat rok ke

ab tak ruka hua hun wahin raat rok ke

Farhat Ehsas

ġhazab kiyā tire va.ade pe e'tibār kiyā

tamām raat qayāmat kā intizār kiyā

Interpretation: Rekhta AI

The speaker rebukes himself for believing the beloved’s word, treating that trust as a shocking mistake. The “night-long wait” becomes so intense and crushing that it feels like waiting for the end of the world. “Qayamat” is a metaphor for unbearable anxiety and emotional devastation, showing how a broken promise turns time into torment.

ghazab kiya tere wade pe e'tibar kiya

tamam raat qayamat ka intizar kiya

Interpretation: Rekhta AI

The speaker rebukes himself for believing the beloved’s word, treating that trust as a shocking mistake. The “night-long wait” becomes so intense and crushing that it feels like waiting for the end of the world. “Qayamat” is a metaphor for unbearable anxiety and emotional devastation, showing how a broken promise turns time into torment.

Dagh Dehlvi

ik umr kaT ga.ī hai tire intizār meñ

aise bhī haiñ ki kaT na sakī jin se ek raat

Interpretation: Rekhta AI

The couplet contrasts two measures of time to show the intensity of emotion: a lifetime can feel “spent” in patient longing for the beloved, while with certain people even one night becomes unbearable. Waiting turns into proof of love and devotion, and the irony highlights how companionship can either soothe time or make it heavy. The emotional core is steadfast desire mixed with a sharp comparison.

ek umr kaT gai hai tere intizar mein

aise bhi hain ki kaT na saki jin se ek raat

Interpretation: Rekhta AI

The couplet contrasts two measures of time to show the intensity of emotion: a lifetime can feel “spent” in patient longing for the beloved, while with certain people even one night becomes unbearable. Waiting turns into proof of love and devotion, and the irony highlights how companionship can either soothe time or make it heavy. The emotional core is steadfast desire mixed with a sharp comparison.

Firaq Gorakhpuri

ai sham.a tujh pe raat ye bhārī hai jis tarah

maiñ ne tamām umr guzārī hai is tarah

ai shama tujh pe raat ye bhaari hai jis tarah

main ne tamam umr guzari hai is tarah

Natiq Lakhnavi

raat aa kar guzar bhī jaatī hai

ik hamārī sahar nahīñ hotī

raat aa kar guzar bhi jati hai

ek hamari sahar nahin hoti

Ibn-e-Insha

ham to raat kā matlab samjheñ ḳhvāb, sitāre, chāñd, charāġh

aage kā ahvāl vo jaane jis ne raat guzārī ho

hum to raat ka matlab samjhen KHwab, sitare, chand, charagh

aage ka ahwal wo jaane jis ne raat guzari ho

Irfan Siddiqi

din to ḳhair guzar jaatā hai

rāteñ pāgal kar detī haiñ

din to KHair guzar jata hai

raaten pagal kar deti hain

Noon Meem Danish

log kahte haiñ raat biit chukī

mujh ko samjhāo! maiñ sharābī huuñ

log kahte hain raat bit chuki

mujh ko samjhao! main sharabi hun

Saghar Siddiqui

jāgtā huuñ maiñ ek akelā duniyā sotī hai

kitnī vahshat hijr kī lambī raat meñ hotī hai

jagta hun main ek akela duniya soti hai

kitni wahshat hijr ki lambi raat mein hoti hai

Shahryar

zindagī kis tarah kaTegī 'saif'

raat kaTtī nazar nahīñ aatī

zindagi kis tarah kaTegi 'saif'

raat kaTti nazar nahin aati

Saifuddin Saif

din kaTā jis tarah kaTā lekin

raat kaTtī nazar nahīñ aatī

din kaTa jis tarah kaTa lekin

raat kaTti nazar nahin aati

Syed Mohammad Asar

baḌī hī karbnāk thī vo pahlī raat hijr kī

dobāra dil meñ aisā dard aaj tak nahīñ huā

baDi hi karbnak thi wo pahli raat hijr ki

dobara dil mein aisa dard aaj tak nahin hua

aqeel nomani

tū hī batā de kaise kāTūñ

raat aur aisī kaalī raat

tu hi bata de kaise kaTun

raat aur aisi kali raat

Zaki kakorvi

raat kaaTe nahīñ kaTtī hai kisī sūrat se

din to duniyā ke bakheḌoñ meñ guzar jaatā hai

raat kaTe nahin kaTti hai kisi surat se

din to duniya ke bakheDon mein guzar jata hai

Mumtaz Mirza

na paayā vaqt ai zāhid koī maiñ ne ibādat kā

shab-e-hijrāñ huī āḳhir to sub.h-e-intizār aa.ī

na paya waqt ai zahid koi main ne ibaadat ka

shab-e-hijran hui aaKHir to subh-e-intizar aai

Mirza Mohammad Taqi Hawas

pareshāñ raat saarī hai sitāro tum to so jaao

sukūt-e-marg taarī hai sitāro tum to so jaao

pareshan raat sari hai sitaro tum to so jao

sukut-e-marg tari hai sitaro tum to so jao

Qateel Shifai

aas hai saañs ke ukhaḌne tak

aaj kī raat ham pe bhārī hai

aas hai sans ke ukhaDne tak

aaj ki raat hum pe bhaari hai

Zakia Ghazal

mirī āñkhoñ se nīñdeñ le ke tum ne ratjage baḳhshe

mire takiye mire bistar se rāteñ baat kartī haiñ

meri aankhon se ninden le ke tum ne ratjage baKHshe

mere takiye mere bistar se raaten baat karti hain

Naseem Nikhat

ye vahī raat hai jis meñ koī rone vaalā

rone lagtā hai to rotā hī chalā jaatā hai

ye wahi raat hai jis mein koi rone wala

rone lagta hai to rota hi chala jata hai

Tarkash Pradeep

kahīñ sūraj mile to us se kahnā

hamārī raat lambī ho rahī hai

kahin suraj mile to us se kahna

hamari raat lambi ho rahi hai

Rahi Masoom Raza

ai 'zakī' hijr kī rāteñ nahīñ kaaTe kaTtīñ

koī achchhī sī ġhazal gaao ki kuchh raat kaTe

ai 'zaki' hijr ki raaten nahin kaTe kaTtin

koi achchhi si ghazal gao ki kuchh raat kaTe

Zaki kakorvi

sard raat apnī nahīñ kaTtī kabhī tere baġhair

aise mausam meñ to aur aag lagātī hai havā

sard raat apni nahin kaTti kabhi tere baghair

aise mausam mein to aur aag lagati hai hawa

Shehzad Anjum Burhani

ye lambī raat ye be-ḳhvābī ye karvaT karvaT betābī

mausam ke basantī chhīñToñ ne kyā aag jigar meñ lagā.ī hai

ye lambi raat ye be-KHwabi ye karwaT karwaT betabi

mausam ke basanti chhinTon ne kya aag jigar mein lagai hai

Yusuf Jamal

shām-e-ġham kī sahar nahīñ hotī

aah bhī kārgar nahīñ hotī

sham-e-gham ki sahar nahin hoti

aah bhi kargar nahin hoti

Sajid Siddiqi lakhnavi

tum qurb kī rāhat kyā samjho tum hijr kī vahshat kyā jaano

tum ne vo raat nahīñ kaaTī tum par vo azaab nahīñ aa.e

tum qurb ki rahat kya samjho tum hijr ki wahshat kya jaano

tum ne wo raat nahin kaTi tum par wo azab nahin aae

Hilal Fareed

shām-e-ġham kī sahar nahīñ hotī

yā hamīñ ko ḳhabar nahīñ hotī

sham-e-gham ki sahar nahin hoti

ya hamin ko KHabar nahin hoti

Ibn-e-Insha

hoñToñ pe hañsī paiham aate hue sharmātī

ab raat nahīñ kaTtī ab niiñd nahīñ aatī

honTon pe hansi paiham aate hue sharmati

ab raat nahin kaTti ab nind nahin aati

Asrarul Haq Majaz

shaam nahīñ Dhaltī kisī sūrat raat nahīñ kaTtī kisī taur

ab to bahut dil ghabrā.e hai ab to bahut yaad aao ho

sham nahin Dhalti kisi surat raat nahin kaTti kisi taur

ab to bahut dil ghabrae hai ab to bahut yaad aao ho

Shaukat Pardesi

Jashn-e-Rekhta 11th Edition | 29-30-31 Jan, 2027 Buy Tickets

Speak Now