Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Izhaar

How do we express ourselves?

There are indeed many ways to do that. These may be verbal or even gestural. Lovers express themselves in mysterious ways than others and poets express them more creatively than we may imagine. Expressions may be hesitant or instant but all expressions have their own significance. Here are some examples.

mujhe ab tum se Dar lagne lagā hai

tumheñ mujh se mohabbat ho ga.ī kyā

mujhe ab tum se Dar lagne laga hai

tumhein mujh se mohabbat ho gai kya

Jaun Eliya

ye kahnā thā un se mohabbat hai mujh ko

ye kahne meñ mujh ko zamāne lage haiñ

ye kahna tha un se mohabbat hai mujh ko

ye kahne mein mujh ko zamane lage hain

Khumar Barabankavi

ishq ke iz.hār meñ har-chand rusvā.ī to hai

par karūñ kyā ab tabī.at aap par aa.ī to hai

ishq ke izhaar mein har-chand ruswai to hai

par karun kya ab tabiat aap par aai to hai

Akbar Allahabadi

ek din kah lījiye jo kuchh hai dil meñ aap ke

ek din sun lījiye jo kuchh hamāre dil meñ hai

ek din kah lijiye jo kuchh hai dil mein aap ke

ek din sun lijiye jo kuchh hamare dil mein hai

Josh Malihabadi

hāl-e-dil kyuuñ kar kareñ apnā bayāñ achchhī tarah

rū-ba-rū un ke nahīñ chaltī zabāñ achchhī tarah

haal-e-dil kyun kar karen apna bayan achchhi tarah

ru-ba-ru un ke nahin chalti zaban achchhi tarah

Bahadur Shah Zafar

sab kuchh ham un se kah ga.e lekin ye ittifāq

kahne thī jo baat vahī dil meñ rah ga.ī

sab kuchh hum un se kah gae lekin ye ittifaq

kahne ki thi jo baat wahi dil mein rah gai

Jaleel Manikpuri

tujh se kis tarah maiñ iz.hār-e-tamannā kartā

lafz sūjhā to ma.ānī ne baġhāvat kar

tujh se kis tarah main izhaar-e-tamanna karta

lafz sujha to maani ne baghawat kar di

Ahmad Nadeem Qasmi

zabāñ ḳhāmosh magar nazroñ meñ ujālā dekhā

us iz.hār-e-mohabbat bhī nirālā dekhā

zaban KHamosh magar nazron mein ujala dekha

us ka izhaar-e-mohabbat bhi nirala dekha

Tauqeer Ahmad

aur is se pahle ki sābit ho jurm-e-ḳhāmoshī

ham apnī raa.e iz.hār karnā chāhte haiñ

aur is se pahle ki sabit ho jurm-e-KHamoshi

hum apni rae ka izhaar karna chahte hain

Saleem Kausar

mujh se nafrat hai agar us ko to iz.hār kare

kab maiñ kahtā huuñ mujhe pyaar kartā jaa.e

mujh se nafrat hai agar us ko to izhaar kare

kab main kahta hun mujhe pyar hi karta jae

Iftikhar Naseem

dil pe kuchh aur guzartī hai magar kyā kiije

lafz kuchh aur iz.hār kiye jaate haiñ

dil pe kuchh aur guzarti hai magar kya kije

lafz kuchh aur hi izhaar kiye jate hain

Jaleel 'Aali'

iz.hār-e-ishq us se na karnā thā 'sheftā'

ye kyā kiyā ki dost ko dushman banā diyā

izhaar-e-ishq us se na karna tha 'shefta'

ye kya kiya ki dost ko dushman bana diya

Shefta Mustafa Khan

zabān dil haqīqat ko kyā bayāñ kartī

kisī haal kisī se kahā nahīñ jaatā

zaban dil ki haqiqat ko kya bayan karti

kisi ka haal kisi se kaha nahin jata

Mirza Mohammad Hadi Aziz Lakhnavi

kiije iz.hār-e-mohabbat chāhe jo anjām ho

zindagī meñ zindagī jaisā koī to kaam ho

kije izhaar-e-mohabbat chahe jo anjam ho

zindagi mein zindagi jaisa koi to kaam ho

Priyamvada Ilhan

koī milā nahīñ jis se hāl-e-dil kahte

milā to rah ga.e lafzoñ ke intiḳhāb meñ ham

koi mila hi nahin jis se haal-e-dil kahte

mila to rah gae lafzon ke intiKHab mein hum

Aleena Itrat

hāl-e-dil sunte nahīñ ye kah ke ḳhush kar dete haiñ

phir kabhī fursat meñ sun leñge kahānī aap

haal-e-dil sunte nahin ye kah ke KHush kar dete hain

phir kabhi fursat mein sun lenge kahani aap ki

Lala Madhav Ram Jauhar

ishq hai to ishq iz.hār honā chāhiye

aap ko chehre se bhī bīmār honā chāhiye

ishq hai to ishq ka izhaar hona chahiye

aap ko chehre se bhi bimar hona chahiye

Munawwar Rana

hāl-e-dil yaar ko mahfil meñ sunā.eñ kyūñ-kar

mudda.ī kaan idhar aur udhar rakhte haiñ

haal-e-dil yar ko mahfil mein sunaen kyun-kar

muddai kan idhar aur udhar rakhte hain

Lala Madhav Ram Jauhar

dil sabhī kuchh zabān par laayā

ik faqat arz-e-mudda.ā ke sivā

dil sabhi kuchh zaban par laya

ek faqat arz-e-muddaa ke siwa

Hafeez Jalandhari

iz.hār-e-hāl bhī zarīya nahīñ rahā

dil itnā jal gayā hai ki āñkhoñ meñ nam nahīñ

izhaar-e-haal ka bhi zariya nahin raha

dil itna jal gaya hai ki aankhon mein nam nahin

Ismail Merathi

kis se iz.hār-e-mudda.ā kiije

aap milte nahīñ haiñ kyā kiije

kis se izhaar-e-muddaa kije

aap milte nahin hain kya kije

Jaun Eliya

iz.hār pe bhārī hai ḳhamoshī takallum

harfoñ zabāñ aur hai āñkhoñ zabāñ aur

izhaar pe bhaari hai KHamoshi ka takallum

harfon ki zaban aur hai aankhon ki zaban aur

Haneef akhgar

muskurā.e vo hāl-e-dil sun kar

aur goyā javāb thā nahīñ

muskurae wo haal-e-dil sun kar

aur goya jawab tha hi nahin

Fani Badayuni

apnī saarī kāvishoñ ko rā.egāñ maiñ ne kiyā

mere andar jo na thā us ko bayāñ maiñ ne kiyā

apni sari kawishon ko raegan main ne kiya

mere andar jo na tha us ko bayan main ne kiya

Azad Gulati

kyā milā arz-e-mudda.ā se 'figār'

baat kahne se aur baat ga.ī

kya mila arz-e-muddaa se 'figar'

baat kahne se aur baat gai

Figar Unnavi

kyā balā thī adā-e-pursish-e-yār

mujh se iz.hār-e-mudda.ā na huā

kya bala thi ada-e-pursish-e-yar

mujh se izhaar-e-muddaa na hua

Hasrat Mohani

achchhī-ḳhāsī dostī thī yaar ham donoñ ke biich

ek din phir us ne iz.hār-e-mohabbat kar diyā

achchhi-KHasi dosti thi yar hum donon ke bich

ek din phir us ne izhaar-e-mohabbat kar diya

Ahmad Fazal Khan

maiñ ne pūchhā thā ki iz.hār nahīñ ho saktā

dil pukārā ki ḳhabar-dār nahīñ ho saktā

main ne puchha tha ki izhaar nahin ho sakta

dil pukara ki KHabar-dar nahin ho sakta

Abbas Tabish

ne jis baat ko iz.hār-e-mohabbat samjhā

baat karne ko bas ik baat rakhī thī ham ne

tu ne jis baat ko izhaar-e-mohabbat samjha

baat karne ko bas ek baat rakhi thi hum ne

Ameer Imam

mudda.ā iz.hār se khultā nahīñ hai

ye zabān-e-be-zabānī aur hai

muddaa izhaar se khulta nahin hai

ye zaban-e-be-zabani aur hai

Fasih Akmal

haa.e iz.hār kar ke pachhtā.e

us ko ik dost zarūrat thī

hae izhaar kar ke pachhtae

us ko ek dost ki zarurat thi

Kumar Vikas

siine se dil nikāl ke hāthoñ pe rakh diyā

maiñ ne to bas kahā thā ki dhaḌkan shor hai

sine se dil nikal ke hathon pe rakh diya

main ne to bas kaha tha ki dhaDkan ka shor hai

Neel Ahmed

kyuuñ na 'tanvīr' phir iz.hār jur.at kiije

ḳhāmushī bhī to yahāñ bā.is-e-rusvā.ī hai

kyun na 'tanwir' phir izhaar ki jurat kije

KHamushi bhi to yahan bais-e-ruswai hai

Tanveer Samani

shā.irī ko mirā iz.hār samajhtā hai magar

parda-e-sher uThānā bhī nahīñ chāhtā hai

shairi ko mera izhaar samajhta hai magar

parda-e-sher uThana bhi nahin chahta hai

Farhat Ehsas

pursish-e-hāl bhī itnī ki maiñ kuchh kah na sakūñ

is takalluf se karam ho to sitam hotā hai

pursish-e-haal bhi itni ki main kuchh kah na sakun

is takalluf se karam ho to sitam hota hai

Kamal Ahmad Siddiqi

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now