zulmatoñ meñ raushnī kī justujū karte raho

zindagī bhar zindagī kī justujū karte raho

zulmaton mein raushni ki justuju karte raho

zindagi bhar zindagi ki justuju karte raho

maiñ jo royā un kī āñkhoñ meñ bhī aañsū aa ga.e

husn kī fitrat meñ shāmil hai mohabbat kā mizāj

main jo roya un ki aankhon mein bhi aansu aa gae

husn ki fitrat mein shamil hai mohabbat ka mizaj

tamām umr qafas meñ guzār dī ham ne

ḳhabar nahīñ ki nasheman kī zindagī kyā hai

tamam umr qafas mein guzar di hum ne

KHabar nahin ki nasheman ki zindagi kya hai

jiine vaale tire baġhair ai dost

mar na jaate to aur kyā karte

jine wale tere baghair ai dost

mar na jate to aur kya karte

uf vo māsūm o hayā-rez nigāheñ jin par

qatl ke baad bhī ilzām nahīñ aatā hai

uf wo masum o haya-rez nigahen jin par

qatl ke baad bhi ilzam nahin aata hai

aap karte jo ehtirām-e-butāñ

but-kade ḳhud ḳhudā ḳhudā karte

aap karte jo ehtiram-e-butan

but-kade KHud KHuda KHuda karte

vaqt jab karvaTeñ badaltā hai

fitna-e-hashr saath chaltā hai

waqt jab karwaTen badalta hai

fitna-e-hashr sath chalta hai

lab pe kāñToñ ke hai fariyād-o-bukā mere baad

koī aayā hī nahīñ ābla-pā mere baad

lab pe kanTon ke hai fariyaad-o-buka mere baad

koi aaya hi nahin aabla-pa mere baad

roz aapas meñ laḌā karte haiñ arbāb-e-ḳhirad

koī dīvāna ulajhtā nahīñ dīvāne se

roz aapas mein laDa karte hain arbab-e-KHirad

koi diwana ulajhta nahin diwane se

mumkin hai mire baad bhulā deñ mujhe lekin

tā umr unheñ merī vafā yaad rahegī

mumkin hai mere baad bhula den mujhe lekin

ta umr unhen meri wafa yaad rahegi

jab zamāne kā ġham uThā na sake

ham hī ḳhud uTh ga.e zamāne se

jab zamane ka gham uTha na sake

hum hi KHud uTh gae zamane se

hāsil-e-ġham yahī samajhte haiñ

maut ko zindagī samajhte haiñ

hasil-e-gham yahi samajhte hain

maut ko zindagi samajhte hain

ishq kī aag ai ma.āz-allāh

na kabhī dab sakī dabāne se

ishq ki aag ai maaz-allah

na kabhi dab saki dabane se

ādmiyat ke sivā jis kā koī maqsad na ho

umr bhar us aadmī kī justujū karte raho

aadmiyat ke siwa jis ka koi maqsad na ho

umr bhar us aadmi ki justuju karte raho

shab-e-firāq kī zulmat hai nā-gavār mujhe

naqāb uThā ki sahar kā hai intizār mujhe

shab-e-firaq ki zulmat hai na-gawar mujhe

naqab uTha ki sahar ka hai intizar mujhe

jis ko tere alam se nisbat hai

ham usī ko ḳhushī samajhte haiñ

jis ko tere alam se nisbat hai

hum usi ko KHushi samajhte hain

uf vo āñkheñ marte dam tak jo rahī haiñ ashk-bār

haa.e vo lab umr bhar jin par hañsī dekhī nahīñ

uf wo aankhen marte dam tak jo rahi hain ashk-bar

hae wo lab umr bhar jin par hansi dekhi nahin

tasavvur ke sahāre yuuñ shab-e-ġham ḳhatm kī maiñ ne

jahāñ dil kī ḳhalish ubhrī tumheñ āvāz dī maiñ ne

tasawwur ke sahaare yun shab-e-gham KHatm ki main ne

jahan dil ki KHalish ubhri tumhein aawaz di main ne

atā-e-ġham pe bhī ḳhush huuñ mirī ḳhushī kyā hai

razā talab jo nahīñ hai vo bandagī kyā hai

ata-e-gham pe bhi KHush hun meri KHushi kya hai

raza talab jo nahin hai wo bandagi kya hai

allāh allāh ye fazā-e-dushman-e-mehr-o-vafā

āshnā ke naam se hotā hai barham āshnā

allah allah ye faza-e-dushman-e-mehr-o-wafa

aashna ke nam se hota hai barham aashna

mumkin hai mil hī jaa.e maqām-e-sukūñ kahīñ

tā marg ham-rikāb raho zindagī ke saath

mumkin hai mil hi jae maqam-e-sukun kahin

ta marg ham-rikab raho zindagi ke sath

mujhe taslīm hai qaid-e-qafas se maut behtar hai

nasheman par hujūm-e-barq-o-bārāñ kaun dekhegā

mujhe taslim hai qaid-e-qafas se maut behtar hai

nasheman par hujum-e-barq-o-baran kaun dekhega

nigāh-o-dil se guzrī dāstāñ tak baat jā pahuñchī

mire hoñToñ se niklī aur kahāñ tak baat jā pahuñchī

nigah-o-dil se guzri dastan tak baat ja pahunchi

mere honTon se nikli aur kahan tak baat ja pahunchi

shāmil ho gar na ġham kī ḳhalish zindagī ke saath

rakkhe na koī rabt-e-mohabbat kisī ke saath

shamil ho gar na gham ki KHalish zindagi ke sath

rakkhe na koi rabt-e-mohabbat kisi ke sath

jafā o jaur-e-musalsal vafā o zabt-e-alam

vo iḳhtiyār tumheñ hai ye iḳhtiyār mujhe

jafa o jaur-e-musalsal wafa o zabt-e-alam

wo iKHtiyar tumhein hai ye iKHtiyar mujhe

māyūs na ho be-ruḳhī-e-chashm-e-jahāñ se

shā.ista-e-ehsās koī kaam kiye jā

mayus na ho be-ruKHi-e-chashm-e-jahan se

shaista-e-ehsas koi kaam kiye ja

mohabbat hai azal ke din se shāmil merī fitrat meñ

bilā tafrīq shaiḳh o barhaman se ishq hai mujh ko

mohabbat hai azal ke din se shamil meri fitrat mein

bila tafriq shaiKH o barhaman se ishq hai mujh ko

aayā hai koī pursish-e-ahvāl ke liye

pesh āñsuoñ kī aap bhī sauġhāt kījiye

aaya hai koi pursish-e-ahwal ke liye

pesh aansuon ki aap bhi saughat kijiye

merī nigāh-e-fikr meñ 'anvar'

ishq fasāna husn hai uryāñ

meri nigah-e-fikr mein 'anwar'

ishq fasana husn hai uryan

de kar naved-e-naġhma-e-ġham sāz-e-ishq ko

TuuTe hue diloñ kī sadā ho ga.e ho tum

de kar nawed-e-naghma-e-gham saz-e-ishq ko

TuTe hue dilon ki sada ho gae ho tum

lapkā hai bagūla sā abhī un kī taraf ko

shāyad kisī majbūr kī aahoñ kā dhuāñ thā

lapka hai bagula sa abhi un ki taraf ko

shayad kisi majbur ki aahon ka dhuan tha