Search result for "gauhar-e-naayaab" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gauhar-e-naayaab"

Nazm MATCHES FOR "gauhar-e-naayaab"

Nazm

tawaif

terii bedaarii nahii.n hai ik musalsal KHvaab hai
kyaa tuu vaaqif hai ki ismat gauhar-e-naayaab hai

Mahirul Qadri

Nazm

mir-e-karwan

qaum kaa ik gauhar-e-naayaab thaa jo kho gayaa
qaum kaa ik jazba-e-betaab thaa jo so gayaa

Takmiil Rizvi Lakhnavi

Nazm

ghaalib ki ghazal

shabnam-e-nok-e-mizha ne bhii ye mahsuus kiyaa
har Gazal gauhar-e-naayaab hai 'Gaalib' kii Gazal

Mohammad Abdul Qadir Adeeb

Nazm

bhopal tal ke nam

kaise kaise gauhar-e-naayaab tere 'ishq me.n
ho ke be-qiimat tirii aaGosh me.n gum ho ga.e
aaj un kaa naam-levaa bhii yahaa.n ko.ii nahii.n

Zia Faooqui

Nazm

shikwa

log dete hai.n tujhe gauhar-e-naayaab to kyaa
mai.n to detii huu.n tujhe qalb-o-nazar kii sauGaat
tujh ko maaluum hai tuu KHuub mujhe jaantaa hai
terii hii zaat me.n gum rahtii hai har dam mirii zaat

Sadiqa Fatimi

Nazm

etiraf

sa.ng ko gauhar-e-naayaab-o-giraa.n jaanaa thaa
dasht-e-pur-KHaar ko firdaus-e-javaa.n jaanaa thaa
reg ko silsila-e-aab-e-ravaa.n jaanaa thaa
aah ye raaz abhii mai.n ne kahaa.n jaanaa thaa

Asrarul Haq Majaz

Nazm

har sham

har shaam
tum aate ho guzar jaate ho
merii aa.nkhe.n
sub.h se shaam aur shaam ke malgajii ujaale me.n tumhaarii aamad kii muntazir
tumhe.n dekhte hii raushan ho uThtii hai.n
aur jab tum nahii.n aate
shaam udaasii kii chaadar o.Dh letii hai
dil Duubne lagtaa hai
mai.n sochtaa huu.n aisaa kyo.n hotaa hai
Gota-KHor
samundar me.n Gote lagaa kar gauhar talaash karte hai.n
har Gota
gauhar-e-naayaab kii justujuu hai
tum samundar ho
na mai.n Gota-KHor
lekin
mujhe bataa.o
vo kaun saa gauhar-e-naayaab hai
jis kii talaash
jis kii mujhe talaash hai
mujhe hai

Javed Nadeem

Nazm

qila-e-akbarabad

us ahd kaa baaqii ko.ii saamaa.n hai na asbaab
favvaare shikasta hai.n to sab hauz hai.n be-aab
vo jaam-e-bilorii.n hai.n na vo gauhar-e-naayaab
vo chilmane.n zar-taar na vo bistar-e-kam-KHvaab
hangaama jo guzraa hai so afsaana thaa yaa KHvaab
ye maaraz-e-KHuddaam thaa vo mauqif-e-hajjaab

Ismail Merathi

Nazm

aansu

dekhe hai.n jo mizhgaa.n pe larazte hu.e aa.nsuu
billor kii suurat me.n damakte hu.e aa.nsuu
dete hai.n pata gauhar-e-naayaab kii suurat
furqat kii siyah raat me.n bahte hu.e aa.nsuu
hotaa hai gumaa.n laala ke sho.alo.n pe hai shabnam
girte hai.n jo aariz pe damakte hu.e aa.nsuu
daaman me.n simaT aa.e hai.n aflaak se taare
ehsaas kii aa.nkho.n se nikalte hu.e aa.nsuu
ai 'aish' rahe.n dil me.n to sarmaaya-e-jaa.n hai.n
ashraar me.n palko.n pe larazte hu.e aa.nsuu

Ain Shujabadi

Nazm

pyas ki aag

mai.n ki huu.n pyaas ke dariyaa kii ta.Daptii hu.ii mauj
pii chukaa huu.n mai.n samundar kaa samundar phir bhii
ek ik qatra-e-shabnam ko taras jaataa huu.n
qatra-e-shabnam-e-ashk
qatra-e-shabnam-e-dil KHuun-e-jigar
qatra-e-niim-nazar
yaa mulaaqaat ke lamho.n ke sunahrii qatre
jo nigaaho.n kii haraarat se Tapak pa.Dte hai.n
aur phir lams ke nuur
aur phir baat kii KHushbuu me.n badal jaate hai.n
mujh ko ye qatra-e-shaadaab bhii chakh lene do
dil me.n ye gauhar-e-naayaab bhii rakh lene do
KHushk hai.n ho.nT mire KHushk zabaa.n hai merii
KHushk hai dard kaa, naGme kaa guluu
mai.n agar pii na sakaa vaqt kaa ye aab-e-hayaat
pyaas kii aag me.n Dartaa huu.n ki jal jaa.u.ngaa

Ali Sardar Jafri

Nazm

main daryuza-gar

tum ne kabhii sochaa hai
tumhaarii ye gahre sannaaTo.n me.n Duubii KHaamushii is daryuuza-gar par kitnii bhaarii pa.Dtii hai
vo baate.n jo
tumhaare mizaaj-e-muallaa kii nafaasato.n pe giraa.n guzartii hai.n mere liye kyaa ma.anii rakhtii hai.n
kyaa
kabhii tum ne pur-sukuut samundar ke andar biphrii un lahro.n kii aavaaz sunii hai jo kisii tuufaan kaa pesh-KHema hotii hai.n
mai.n ne sunii hai
mujh se puuchho
tumhaarii KHaamushii me.n lipTe kisii tuufaan kaa siren kyaa jaante ho tum
mai.n ne sunaa hai
tumhaare ho.nTo.n se gauhar-e-naayaab kii tarah niklaa ek ek lafz tumhaarii ye ThanDe miiThe chashme jaisii baate.n aur shiirii.n andaaz-e-suKHan sahraa me.n
chalte musaafir kii tarah mere vajuud ko sairaab kartaa hai
mai.n jo tumhaare dar ke aage apnaa daaman phailaa.e un naayaab motiyo.n ko chun.ne kii chaahat me.n baiThii rahtii huu.n
jise kabhii to tum naa-muraad lauTaa dete ho kabhii bahut mehrbaa.n ho kar kuchh KHairaat
us ke daaman me.n Daal jaate ho
jis ko mai.n tumhaarii galiyo.n kii daryuuza-gar kisii qiimtii asaase kii tarah
chun ke apnii poTlii me.n rakh letii huu.n

Janan Malik

Nazm

b amman se KHitab

ai ki terii zaat thii sarmaaya-e-ilm-o-amal
ai ki teraa har iraada thaa nihaayat hii aTal
ai ki tuu ik jauhar-e-teG-e-dil-e-islaam thii
terii hastii yaadgaar-e-raunaq-e-ayyaam thii
tere siine me.n bharaa thaa bahr-e-islaamii kaa josh
tere a.azaa me.n ravaa.n thaa ek dariyaa-e-KHarosh
terii rag rag me.n vafuur-e-joshish-e-sailaab thaa
teraa har jazba ziyaa-e-gauhar-e-naayaab thaa
terii hastii sham.a-e-himmat ke liye aa.iina thii
zindagii terii charaaG-e-millat-e-deriina thii
tuu ne murda zindagii me.n ruuh taaza phuu.nk dii
himmat-e-majbuur ko baKHshii hai tuu ne zindagii
ek shu.aa-e-nayyar-e-aasuuda-e-rif.at thii tuu
is KHizaan-e-ziist me.n ik maadar-e-millat thii tuu
tuu ne ramz-e-qalb-e-maKHfii aashkaaraa kar diye
ma.anii-e-ilm-o-amal parda se be-parda kiye
mudda.aa-e-dil tiraa ik gauhar-e-ummiid hai
jo fazaa-e-taar me.n ik sho.ala-e-KHurshiid hai
teraa har lamha munavvar har gha.Dii nayyar-ba-dosh
zindagii terii rahe misl-e-charaaG-e-zau-farosh
zulmat-e-millat me.n chamkaa.e munavvar aaftaab
gulshan-e-ummiid me.n mahkaa diye rangii.n gulaab
imtihaan-e-ziist me.n tuu kis qadar hii kaamyaab
har varaq terii kitaab-e-umr kaa hai KHud kitaab
aa sukuut-e-yaas me.n mujh ko banaa le raaz-daar
aa rah-e-ummiid me.n mujh ko banaa le kaamgaar
aa mire kaano.n me.n bhii vo ruuh-e-pinhaa.n phuu.nk de
zindagii merii bhii ik maazii kaa aa.iina bane
aa 'jamaal'-e-zaar ko bhii raazdaar-e-dil banaa
zindagii is kii bhii ik barq-e-dil-e-bismil banaa

Bilqees Jamal Barelwi

Nazm

nishan-e-zindagi

kis ne khii.nchii hai.n lakiire.n mire darvaaze par
kaun hai jo ki dabe paa.nv chalaa aayaa hai
mere be-ra.ng hayuule kaa ta.aaqub kartaa
mai.n to mohtaat thaa aisaa kahii.n aate jaate
apne saa.e ko bhii paataal me.n chho.D aataa thaa
apnaa saamaan uThaataa to shab-e-nisf-pahar
dast-e-hushyaar miTaataa mire qadmo.n kaa suraaG
jism har saa.ns kii aavaaz muqaffal rakhtaa
KHaak hii KHaak kii KHushbuu kaa tadaaruk kartii
jaantaa thaa nahii.n mahfuuz Thikaana meraa
log maujuud hai.n jo mujh pe nazar rakhte hai.n
duur nazdiik nihaa.n-KHaano.n ke andar baiThe
ek harakat ho to sau aks banaa lete hai.n
un kii aa.nkho.n me.n khaTaktaa hai zar-o-maal miraa
tarz-e-taamiir mirii mimbar-o-mehraab mire
un ke ahdaaf hai.n diivaar-o-dar-o-baab mire
aur ik gauhar-e-naayaab ki tah-KHaane me.n
havas-e-dil ko hai asbaab pareshaanii kaa
merii diivaangii o vahshat o hairaanii par
mujh pe maamuur kuhan-saal sagaan-e-KHufta
kal kisii saa.at-e-kamzor kii taariikii me.n
is kamii.n-gaah me.n suuraaKH se dar aa.e the
duur daalaan ke kone me.n kha.De ha.nste hai.n

Ejaz Gul

Nazm

mir-e-karwan

sub.h-e-saadiq kii tarah raushan hai baapuu terii zaat
zau-fishaa.n hai hind kii taariiKH me.n teraa sabaat
paak baatin paak tiinat azm ke koh-e-giraa.n
KHaadim-e-qaum-o-vatan ai naazish-e-hindostaa.n
KHuubiyo.n se dast-e-qudrat ne sa.nvaaraa hai tujhe
irtiqaa.ii manzilo.n ne jab pukaaraa hai tujhe
tere aKHlaaq-o-mohabbat kaa ajab andaaz hai
jis ko dekho aaj vo teraa hii ham-aavaaz hai
terii paa-mardii ne zanjiir-e-Gulaamii to.D dii
mil gayaa svaaraaj jab baapuu to duniyaa chho.D dii
tere istiqlaal par saaraa zamaana dang thaa
jang-e-aazaadii ke la.Dne kaa niraalaa Dhang thaa
terii koshish se banaa hindostaa.n jannat-nishaa.n
raasta tuu ne dikhaayaa ban ke miir-e-kaarvaa.n
aaj sar par hind ke fat.h-o-zafar kaa taaj hai
tuu dilo.n me.n jalva-gar teraa dilo.n par raaj hai
is badalte daur me.n ye shaan-o-azmat hai tirii
mulk-o-millat ko bahut ab bhii zaruurat hai tirii
qaum kaa ik gauhar-e-naayaab thaa jo kho gayaa
qaum kaa ik jazba-e-betaab thaa jo so gayaa
raasta batlaa ke ai 'takmiil' vo rahbar gayaa
aane vaalo.n ke liye hamvaar raahe.n kar gayaa

Takmiil Rizvi Lakhnavi

Nazm

chehra tera

qaul har niklaa zabaa.n se jo tirii shahdaab hai
aur labo.n kaa til kitaab-e-ishq kaa ik baab hai
hai musavvir kii tire a.ng a.ng me.n gul-kaariyaa.n
mo.ajiza lagtii hai tere husn kii ra.ngiiniyaa.n
gauhar-e-naayaab hai zartaab hai chehra tiraa
kyaa kahuu.n bas manzar-e-naayaab hai chehra tiraa

Jai Raj Singh Jhala

Nazm

surod-e-zindagi

ai dil-e-Gam-gii.n na kah ye zindagii ik KHvaab hai
zindagii hai ik haqiiqat gauhar-e-naayaab hai
zindagii ik valvala hai zindagii ik josh hai
daaman-e-tuufaa.n me.n ik hangaama-e-KHaamosh hai
go ba-zaahir zindagii ik naGma-e-be-saaz hai
gosh-e-haazir ke liye ye Gaib kii aavaaz hai
zindagii dasht-o-bayaabaa.n be-KHabar ke vaaste
rashk-e-sad-baaG-e-iram ahl-e-nazar ke vaaste
zindagii aish-o-tarab me.n KHush kabhii rahtii nahii.n
ye kalii khiltii nahii.n jab tak alam sahtii nahii.n
gor is kii manzil-e-maqsuud ai Gaafil nahii.n
bahr-e-be-paayaa.n hai ye is kaa ko.ii saahil nahii.n
ho asar-andaaz is par maut me.n ye dam nahii.n
zindagii miT jaa.e to bhii baa.is-e-maatam nahii.n
silsila hai irtiqaa kaa zindagii insaan kii
taaza-dam hotii hai jaam-e-marg pii kar zindagii
zindagii hai nafs ko zer-e-nagii.n laane kaa naam
zindagii hai maut kii had se guzar jaane kaa naam
ahd-e-maazii laakh raushan ho magar be-suud hai
sub.h-e-fardaa kii ziyaa.o.n par nazar be-suud hai
haal ke lamhe hai.n zarrii.n un kaa daaman thaam le
musta.id ho kar amal kar jazb-e-dil se kaam le
KHuugar-e-taqliid ho to zindagii bekaar hai
duusro.n kii pairvii ik rog hai aazaar hai
kashtii-e-nau-e-bashar kaa naaKHudaa ban kar dikhaa
KHizr bhii sajda kare vo rahnumaa ban kar dikhaa
zindagii terii misaal-e-mard-e-maidaa.n ho aziim
tuur ho ye jism-e-KHaakii ruuh maanind-e-kaliim
rahguzar terii basaan-e-kahkashaa.n taabaa.n rahe
terii hastii par zamaana taa-abad naazaa.n rahe

Sabir Abuhari

Nazm

dukhon ki apni ek tafsir hoti hai

numuud-e-gauhar-e-kamyaab kii saa.at me.n
KHaalii siipiyo.n kaa Dher be-ma.anii nahii.n hotaa

Yasmeen Hameed

Nazm

ahl-e-hind

aashnaa-e-raaz-e-vahdat falsafii-e-be-misaal
gauhar-e-dariyaa-e-daanish nukta-daan-e-baa-kamaal

Barq Dehlvi

Nazm

ittifaqat

aaj, is saa.at-e-duzdiida-o-naayaab me.n bhii,
jism hai KHvaab se lazzat-kash-e-KHamyaaza tiraa
tere mizhgaa.n ke tale nii.nd kii shabnam kaa nuzuul
jis se Dhal jaane ko hai Gaaza tiraa
zindagii tere liye ras bhare KHvaabo.n kaa hujuum
zindagii mere liye kaavish-e-bedaarii hai:
ittifaaqaat ko dekh
is hasii.n raat ko dekh
to.D de vahm ke jaal
chho.D de apne shabistaano.n ko jaane kaa KHayaal,
KHauf-e-mauhuum tirii ruuh pe kyaa taarii hai!
itnaa be-sarfa nahii.n teraa jamaal
is junuu.n-KHez hasii.n raat ko dekh
aaj, is saa.at-e-duzdiida-o-naayaab me.n bhii,
tishnagii ruuh kii aasuuda na ho
jab tiraa jism javaanii me.n hai niisaan-e-bahaar
ra.ng-o-nik.hat kaa fishaar!

Noon Meem Rashid

Nazm

ek kahani

aa.nsu.o.n se jiitaa thaa gauhar-e-mohabbat ko
terii kaamraanii bhii kaisii kaamraanii thii

Masud Husain Khan

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now