Search result for "raftaarii" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "raftaarii"

Nazm MATCHES FOR "raftaarii"

Nazm

meri pahli nazm

kyaa bachche suljhe hote hai.n
jab ge.nd se uljhe hote hai.n
vo is liye mujh ko bhaate hai.n
din biite yaad dilaate hai.n
vo kitne hasiin basere the
jab duur Gamo.n se Dere the
jo khel me.n haa.il hotaa thaa
nafriin ke qaabil hotaa thaa
har ik se ulajh kar rah jaanaa
ruk ruk ke bahut kuchh kah jaanaa
ha.ns denaa baato.n baato.n par
barsaat kii kaalii raato.n par
baadal kii subuk-raftaarii par
bulbul kii aah-o-zaarii par
aur sham.a kii lau kii garmii par
parvaano.n kii haT-dharmii par
duniyaa ke dhande kyaa jaane.n
aazaad ye phande kyaa jaane.n
ma.asuum fazaa me.n rahte the
ham to ye samajh hii baiThe the
KHushiyo.n kaa alam anjaam nahii.n
duniyaa me.n KHizaa.n kaa naam nahii.n
maahaul ne khaayaa phir palTaa
naagaah taGayyur aa jhapTaa
aur us kii karam-farmaa.ii se
haalaat kii ik a.ng.Daa.ii se
aa pahu.nche aise be.Do.n me.n
jo le ga.e hame.n thape.Do.n me.n
bachpan ke suhaane saa.e the
saa.e me.n zaraa sustaa.e the
vo daur-e-muqaddas biit gayaa
ye vaqt hii baazii jiit gayaa
ab vaise mire haalaat nahii.n
vo chiiz nahii.n vo baat nahii.n
jiine kaa safar ab duubhar hai
har gaam pe sau sau Thokar hai
vo dil jo ruuh-e-qariina thaa
aashaa.o.n kaa ek KHaziina thaa
is dil me.n nihaa.n ab naale hai.n
taaro.n se ziyaada chhaale hai.n
jo ha.nsnaa ha.nsaanaa hotaa hai
rone ko chhupaanaa hotaa hai
ko.ii Guncha dil me.n khiltaa hai
tho.Daa saa sukuu.n jab miltaa hai
Gam tez qadam phir bhartaa hai
KHushiyo.n kaa ta.aaqub kartaa hai
mai.n sochtaa rahtaa huu.n yuu.nhii
aaKHir ye tafaavut kyaa ma.anii
ye soch ajab ta.Dpaatii hai
aa.ankho.n me.n namii bhar jaatii hai
phir mujh se dil ye kahtaa hai
maazii ko tuu rotaa rahtaa hai
kuchh aa.he.n dabii sii rahne de
kuchh aa.nsuu baaqii rahne de
ye haal bhii maazii honaa hai
is par bhii tujhe kuchh ronaa hai

Anwar Masood

Nazm

raat aur rail

phir chalii hai rail station se lahraatii hu.ii
niim-shab kii KHaamushii me.n zer-e-lab gaatii hu.ii
Dagmagaatii jhuumtii siiTii bajaatii kheltii
vaadii o kohsaar kii ThanDii havaa khaatii hu.ii
tez jho.nko.n me.n vo chham chham kaa suruud-e-dil-nashii.n
aa.ndhiyo.n me.n me.nh barasne kii sadaa aatii hu.ii
jaise maujo.n kaa tarannum jaise jal-pariyo.n ke giit
ek ik lai me.n hazaaro.n zamzame gaatii hu.ii
naunihaalo.n ko sunaatii miiThii miiThii loriyaa.n
naazniino.n ko sunahre KHvaab dikhlaatii hu.ii
Thokare.n khaa kar lachaktii gungunaatii jhuumtii
sarKHushii me.n ghu.ngru.o.n kii taal par gaatii hu.ii
naaz se har mo.D par khaatii hu.ii sau pech-o-KHam
ik dulhan apnii adaa se aap sharmaatii hu.ii
raat kii taariikiyo.n me.n jhilmilaatii kaa.nptii
pTriyo.n par duur tak siimaab jhalkaatii hu.ii
jaise aadhii raat ko niklii ho ik shaahii baraat
shaadyaano.n kii sadaa se vajd me.n aatii hu.ii
muntashir kar ke fazaa me.n jaa-ba-jaa chi.ngaariyaa.n
daaman-e-mauj-e-havaa me.n phuul barsaatii hu.ii
tez-tar hotii hu.ii manzil-ba-manzil dam-ba-dam
rafta rafta apnaa aslii ruup dikhlaatii hu.ii
siina-e-kohsaar par cha.Dhtii hu.ii be-iKHtiyaar
ek naagan jis tarah mastii me.n lahraatii hu.ii
ik sitaara TuuT kar jaise ravaa.n ho arsh se
rif.at-e-kohsaar se maidaan me.n aatii hu.ii
ik baguule kii tarah ba.Dhtii hu.ii maidaan me.n
ja.ngalo.n me.n aa.ndhiyo.n kaa zor dikhlaatii hu.ii
raasa-bar-andaam kartii anjum-e-shab-taab ko
aashiyaa.n me.n taa.ir-e-vahshii ko chau.nkaatii hu.ii
yaad aa jaa.e puraane devtaa.o.n kaa jalaal
un qayaamat-KHeziyo.n ke saath bal khaatii hu.ii
ek raKHsh-e-be-inaa.n kii barq-raftaarii ke saath
KHandaqo.n ko phaa.ndtii Tiilo.n se katraatii hu.ii
murG-zaaro.n me.n dikhaatii juu-e-shiirii.n kaa KHiraam
vaadiyo.n me.n abr ke maanind ma.nDlaatii hu.ii
ik pahaa.Dii par dikhaatii aabshaaro.n kii jhalak
ik bayaabaa.n me.n charaaG-e-tuur dikhlaatii hu.ii
justujuu me.n manzil-e-maqsuud kii diivaana-vaar
apnaa sar dhuntii fazaa me.n baal bikhraatii hu.ii
chhe.Dtii ik vajd ke aalam me.n saaz-e-sarmadii
Gaiz ke aalam me.n mu.nh se aag barsaatii hu.ii
re.ngtii mu.Dtii machaltii tilmilaatii haa.nptii
apne dil kii aatish pinhaa.n ko bha.Dkaatii hu.ii
KHud-ba-KHud ruuThii hu.ii biphrii hu.ii bikhrii hu.ii
shor-e-paiham se dil-e-giitii ko dha.Dkaatii hu.ii
pul pe dariyaa ke damaa-dam kau.ndtii lalkaartii
apnii is tuufan-a.ngezii pe itraatii hu.ii
pesh kartii biich naddii me.n charaaGaa.n kaa samaa.n
saahilo.n par ret ke zarro.n ko chamkaatii hu.ii
mu.nh me.n ghustii hai sura.ngo.n ke yakaayak dau.D kar
dandanaatii chiiKHtii chi.nghaa.Dtii gaatii hu.ii
aage aage justujuu-aamez nazre.n Daaltii
shab ke haibatnaak nazzaaro.n se ghabraatii hu.ii
ek mujrim kii tarah sahmii hu.ii simTii hu.ii
ek muflis kii tarah sardii me.n tharraatii hu.ii
Tez-e-raftaar ke sikke jamaatii jaa-ba-jaa
dasht o dar me.n zindagii kii lahar dau.Daatii hu.ii
Daal kar guzre manaazir par andhere kaa naqaab
ik nayaa manzar nazar ke saamne laatii hu.ii
safha-e-dil se miTaatii ahd-e-maazii ke nuquush
haal o mustaqbil ke dilkash KHvaab dikhlaatii hu.ii
Daaltii be-his chaTaano.n par haqaarat kii nazar
koh par ha.nstii falak ko aa.nkh dikhlaatii hu.ii
daaman-e-taariki-e-shab kii u.Daatii dhajjiyaa.n
qasr-e-zulmat par musalsal tiir barsaatii hu.ii
zad me.n ko.ii chiiz aa jaa.e to us ko piis kar
irtiqaa-e-zindagii ke raaz batlaatii hu.ii
zo.am me.n peshaani-e-sahraa pe Thokar maartii
phir subuk-raftaariyo.n ke naaz dikhlaatii hu.ii
ek sarkash fauj kii suurat alam khole hu.e
ek tuufaanii garaj ke saath Daraatii hu.ii
ek ik harkat se andaaz-e-baGaavat aashkaar
azmat-e-insaaiyat ke zamzame gaatii hu.ii
har qadam par top kii sii ghan-garaj ke saath saath
goliyo.n kii sansanaahaT kii sadaa aatii hu.ii
vo havaa me.n saika.Do.n ja.ngii duhal bajte hu.e
vo bigul kii jaa.n-fazaa.n aavaaz lahraatii hu.ii
al-Garaz u.Dtii chalii jaatii hai be-KHauf-o-KHatar
shaa.ir-e-aatish-nafas kaa KHuun khaulaatii hu.ii

Asrarul Haq Majaz

Nazm

lab-e-ju-e-bare

haa.n tasavvur ko mai.n ab apne banaa kar duulhaa
isii parde ke nihaa.n-KHaane me.n le jaa.uu.ngaa
kaise talvaar chalii kaise zamii.n kaa siina
dil-e-be-taab kii maanind ta.Dap uTThaa thaa
ek be-saaKHta andaaz me.n bijlii kii tarah
jal-parii gosha-e-KHalvat se nikal aa.ii thii!
zindagii garm thii har buu.nd me.n aabii paa.uu.n
KHushk patto.n pe phisalte hu.e jaa pahu.nche the!
mai.n bhii maujuud thaa ik kirmak-e-be-naam-o-nishaa.n
mai.n ne dekhaa ki ghaTaa shaq hu.ii dhaaraa niklii
barq-raftaarii se ik tiir kamaa.n ne chho.Daa
aur vo KHam khaa ke lachaktaa hu.aa tharraa ke giraa
qulla-e-koh se girte hu.e patthar kii tarah
ko.ii bhii rok na thii us ke liye us ke liye
KHushk patto.n kaa zamii.n par hii bichhaa thaa bistar
usii bistar pe vo anjaan parii leT ga.ii!

Meeraji

Nazm

andesha-e-visal ki ek nazm

havaa jaaruub-kash thii aasmaa.n-aasaar tinko.n kii
jise apnii suhulat ke liye duniyaa... ye tan-aasaan duniyaa... ik muravvat me.n
hujuum-e-KHalq kahtii hai
mirii aa.nkhe.n tahii gul-daan kii suurat mu.nDero.n par
galii se uThne vaalii gard ko titlii bataatii hai.n
ye manzar munjamid ho kar safar aaGaaz kartaa hai
lahuu kii barq-raftaarii tanaabe.n khe.nch letii hai
ye kaisii shaam-e-shahzaadii
shafaq ke phuul thaalii me.n sajaa.e ziina-e-shab se utar aa.ii
me.n samjhaa us se milne kii gha.Dii aa.ii
salaaKHo.n se lahuu phuuTaa lahuu me.n raushnii aa.ii

Abbas Tabish

Nazm

jashn-e-azadi

barq-raftaarii pe apnii rashk kartaa thaa jahaa.n
suu-e-aazaadii hamaaraa qaafila thaa tez-gaam
siikhnaa hai lekin ab mai-KHaana-e-ta.amiir me.n
jumbish-e-nabz-e-tamannaa o KHiraam-e-daur-e-jaam
manzil-e-maqsuud tak ye qaum jaa saktii nahii.n
jis ke qabze me.n nahii.n asp-e-siyaasat kii lagaam
ham ko bachnaa chaahiye har us bure iqdaam se
jis se ho matuun duniyaa me.n vatan kaa nek naam
ittihaad o aashtii har dam rahe.n pesh-e-nazar
jaa-guzii.n dil me.n rahe zauq-e-amal bil-iltizaam
daur-e-aazaadii kaa gauhar aish hai aish-e-halaal
dil ye kahtaa hai ki yuu.n paaband honaa hai haraam
dil kii talqiinaat par pahle amal farmaa.iye
shauq se phir jashn-e-aazaadii manaate jaa.iye
aish ke saamaa.n bhii ho.n aur farz kaa ehsaas bhii
jashn bhii ho Gam-zado.n kii naaz-bardaarii bhii ho
daaKHil-e-aadaab-e-mai-noshii ho saaqii kaa adab
mastiyaa.n ho.n mastiyo.n ke saath hushyaarii bhii ho
kuchh piye.n aur kuchh bachaa.e.n tishna-kaamo.n ke liye
saadgii kaa naaz bhii andaaz-e-purkaarii bhii ho
haal kii KHaatir KHirad-koshii hai mustahsan magar
bahr-e-mustaqbil junuun-e-zauq-e-bedaarii bhii ho
narm-raftaarii ho vaqt-e-sair-e-gulzaar-e-tarab
raah-e-pur-KHaar-e-amal me.n garm-raftaarii bhii ho
is KHushii ke vaqt kitne dil hai.n Gam se paa.emaal
lutf aa jaa.e agar in sab kii Gam-KHvaarii bhii ho
rone vaalo.n kii ha.nsii ko pahle vaapas laa.iye
shauq se phir jashn-e-aazaadii manaate jaa.iye

Arsh Malsiyani

Nazm

gomti

mere bachpan kii mirii pyaarii sahelii gomtii
tujh pe kyaa guzrii hai ki tuu yuu.n simaT kar rah ga.ii
vo tirii maddham suro.n me.n KHush-bayaanii kyaa hu.ii
vo tirii be-saaKHta tarz-e-ravaanii kyaa hu.ii
shoKHii-e-raftaar par terii fidaa thaa lucknow
har qadam par kah rahaa naam-e-KHudaa thaa lucknow
kab bhalaa apnii hado.n me.n is tarah bahtii thii tuu
be-KHudii me.n sab kinaare to.Dtii rahtii thii tuu
lucknow vaale tire andaaz ke diivaane the
sham.a ke maanind thii tuu sab tire parvaane the
tere alha.D-pan kii vo be-saaKHta mastaana chaal
jaise aa jaa.e qalandar ko kisii mahfil me.n haal
jab kabhii lahre.n sharaarat par tirii aa jaatii thii.n
darmiyaan-e-shahr bhii tab kashtiyaa.n chal jaatii thii.n
shahar se baahar thii terii tez-raftaarii fuzuu.n
ghuumtii aur mo.Dtii rahtii thii apnii chaal tuu
niimaa-e-shaabaan kii raato.n me.n aaraa.ish tirii
tairte bajro.n se raushan husn-o-zebaa.ish tirii
raushnii se maa.ng me.n afshaa.n bhare rahnaa tiraa
dono.n jaanib zulf kaa saaya kiye bahnaa tiraa
husn kaa tere ujaalaa thaa avadh kii shaam me.n
dilkashii terii thii saarii lucknow ke naam me.n
shahar kii saarii kasaafat yuu.n chhupaa letii thii tuu
zaKHm-e-dil par reshmii aa.nchal u.Dhaa detii thii tuu
o.Dhnii aab-e-ravaa.n kii phe.nktii rahtii thii tuu
raqs kartii girtii pa.Dtii bhaagtii chaltii thii tuu
tere fitrii raqs ko zanjiir-e-paa kis ne kiyaa
husn-e-be-parvaa ko paaband-e-hayaa kis ne kiyaa
kyo.n zamaane ke sitam is tarah tuu sahne lagii
aa.nsu.o.n kii nahar ke saath kyo.n bahne lagii

Shama Zafar Mehdi

Nazm

sada-kar

sun.ne vaalo.n ko dha.Daktii hu.ii tanhaa.ii me.n
kaun dar aataa hai chupke se tamannaa ban kar
kis kii aavaaz havaa.o.n kii subuk lahro.n par
raqs kartii nazar aatii hai tamaashaa ban kar
kaun lafzo.n ko ataa kartaa hai tasviir kaa husn
kaun dil me.n utar aataa hai masiihaa ban kar
kis kii dha.Dkan me.n hai kirdaaro.n ke dil kii dha.Dkan
kaun ubhar aataa hai mahtaab kaa haala ban kar
kitne zehno.n ke ufuq kitne dilo.n ke aflaak
tiirgii me.n bhii farozaa.n hai.n ujaalaa ban kar
kitne an-jaano.n kii taskiin-e-samaa.at ke liye
apnii aavaaz ke jaaduu se ye ras gholte hai.n
sarsaraate hu.e lamho.n kii subuk-raftaarii
kah rahii hai ki ye tuufaano.n me.n par taulte hai.n
ko.ii bhii ruup ho bahruup badal kar ye log
pech-dar-pech fasaano.n kii girah kholte hai.n
vo shanshah ho ki daryuuza-gar-e-raah-e-hayaat
apne kirdaar ke ausaaf liye

Mohsin Ehsan

Nazm

may yaum-ul-hisab

mujhe be-rahm hastii ke ziyaa.n-KHaane me.n kyuu.n bhejaa gayaa
kyuu.n halqa-e-zanjiir me.n rakh dii ga.ii.n be-taabiyaa.n merii
har ik manzar mirii nazro.n kaa juuyaa thaa
farozaa.n shaaKH-saaro.n par hujuum-e-ra.ng-o-buu
u.Dtaa hu.aa bar-ravaa.n
siimaab-paa mauje.n
sabaa kaa raqs-e-be-parvaa
shab-e-mahtaab kaa afsuu.n
mah-o-anjum ke raqsaa.n daa.ere
ruu-e-shafaq
taabaa.n ufuq
dariyaa.o.n kii raftaar
shab ke jaagte asraar
sahraa kaa munavvar siina-e-uryaa.n
tilism-e-be-karaa.n ke KHvaab-guu.n saa.e
mirii raato.n me.n misl-e-barq lahraa.e
sitaaro.n kii tajallii me.n thaa harf-e-kun kaa afsaana
ba.Daa faiyyaz thaa fitrat kaa kaashaana
ka.ii sahraa mire gaam-e-tamannaa ke shanaasaa the
vo harf-o-saut kii vaadii
vo zauq-e-sher kaa jaada
vo irfaa.n ke gurezaa.n aastaano.n par jabii.n-saa.ii
vo daanish kii paziiraa.ii
vo ma.anii kii ghanerii chhaa.nv me.n
zehn-e-rasaa kaa kashf vo
asraar ke parde ke piichhe
dil kii mahshar-KHez aavaaze.n
dil kii mahshar-KHez aavaaze.n
vo Gam-haa-e-nihaanii se farozaa.n zauq-e-biinaa.ii

Sajida Zaidi

Nazm

cricket-nama

tez bolar
ham ko to kuchh nazar nahii.n aataa
log kahte hai.n baal aataa hai
al-amaa.n us kii tez raftaarii
baal hai yaa KHayaal aataa hai
baal aataa hai yaa nahii.n aataa
kuchh magar laal laal aataa hai
hamaarii team
ham ne apnii team me.n dekhe
allha.D ballha.D ahle gahle
ko.ii pad lagaa kar ghuume
ko.ii baT uThaa kar Tahle
ge.nd uchhaalo dhiire-dhiire
khel rahe hai.n pahle pahle

Syed Zameer Jafri

Nazm

baba dur chale gae

rail kii aahanii pahiyo.n me.n
ik jumbish hu.ii
dhiire dhiire ba.Dhii raftaar us kii
pahle darje ke
ek Dabbe me.n
ek tanhaa musaafir
mu.D mu.D kar ye kis ko dekhtaa thaa
hilaa kar haath us se
kah rahaa thaa
alvidaa.a ruKHsat
aur vo nannhii sii
ik ma.asuum bachchii
apnii maa.n kaa haath mazbuutii se thaame
rail kii ba.Dhtii hu.ii raftaar ko
niichaa dikhaane
dau.Dne lagtii hai tezii se aur
ru.ndhii hu.ii aavaaz me.n
ye kahtii jaatii hai
KHudaa haafiz mire baabaa KHudaa haafiz
aadaab mire baabaa aadaab
tez raftaarii se gaa.Dii
ho ga.ii nazro.n se ojhal aur
maa.n ke pairo.n se lipaT kar
rote rote
kahaa bachchii ne
ammii jaise baabaa jaan
ham ko chho.D kar tanhaa ga.e hai.n
duur ham sab se
ye va.ada kiijiye ammii
ki mujh ko chho.D kar
bilkul akelii
kabhii mat jaa.iyegaa
kabhii mat jaa.iyegaa
merii ammii merii ammii

Rukhsana amrohvii

Nazm

mabaada

ba.Dii hairaan-kun hai
haqiiqat KHvaab hai yaa KHvaab se aage kii manzil
ye duniyaa KHvaab kii duniyaa pe sabqat le ga.ii hai
fasaano.n se fuzuu.n-tar zindagii hai
gumaa.n kii sarhade.n ho.n yaa taKHayyul kii u.Daane.n
KHirad kii jast se piichhe kahii.n piichhe dikhaa.ii de rahii hai.n
KHirad kii dastaras me.n kyaa nahii.n hai
nahii.n hai Gair-mumkin
kabhii imkaan se jo maavaraa thaa
faqat ik daastaa.n hai
ga.e vaqto.n me.n jo raa.ij asaatiirii KHudaa thaa
dar-e-iijaad kii chaukhaT pe hairat sura.ngo.n hai
ye sab idraak kaa dast-e-junuu.n hai
pas-e-idraak jalva-aafrii.n hai aql kii jaaduu-nigaahii
shu.uur-e-asr-e-haazir me.n simaTtii hai KHudaa.ii
samaa.at kaa ye aalam hai jo gum-gashta sadaa.e.n thii sunaa.ii de rahii hai.n
basaarat us balaa kii hai ki zarre me.n bhii duniyaa.e.n dikhaa.ii de rahii hai.n
jahaan-e-aagahii ke raasto.n par chalte chalte
sitaaro.n ko sar-e-imkaa.n talak ab laa chuke hai.n
na.ii duniyaa.o.n ke ham bhed kyaa kyaa paa chuke hai.n
KHirad ye chaahtii hai maut ko bhii zer kar de
vajuud-e-hast phailaa de qayaam zindagii taa-der kar de
KHirad kii ye fusuu.n-kaarii ye itnii tez-raftaarii kahaa.n jaa kar thamegii
kahaa.n par KHatm hogii
kahaanii justujuu kii
jahaa.n insaan kii uglaa pa.Daav hai vo manzil
vo manzil ajnabii rasto.n kaa haasil
kisii anjaan duniyaa se mumaasil
mujhe ye KHauf khaa.e jaa rahaa hai
ki apnii zaat apne aap se ham
kahii.n nikle.n to itnii duur jaa pahu.nche.n jahaa.n se vaapsii mumkin nahii.n ho

Salman Sarwat

Nazm

dajla ke KHwab

ye adaa.e.n raqs ke ha.ngaam kitnii raqs-KHez
vo javaanaan-e-qabiila hosh se baahar chale
kaakulo.n ke sumbulistaa.n aarizo.n par aks-rez
jaise saahil kaa nazaaraa aab-e-dariyaa par chale
ik ta.assur hai ki raqsaa.n ho rahaa hai har taraf
sham.e.n raushan hai.n charaaGaa.n ho rahaa hai har taraf
aag ke atraaf raushan jaise ik faanuus-e-raqs
raqs kartii la.Dkiyaa.n kuchh aag ke atraaf yuu.n
jaise sat.h-e-aab par mahtaab ke haale kaa aks
jis ko jhuule me.n jhulaa.e.n mauj-haa-e-siimguu.n
mil ke jab jhuktii hai.n lagtii hai.n kalii mu.nh-band sii
aur jab tantii hai.n kis darja bhalii dil-band sii
ik taraf vo surKH mish.al haath me.n le kar chale
kuchh hasii.n kuchh naaznii.n kuchh sarv-qad kuchh siim-tan
jaise kuchh phuulo.n ke naazuk narm-rau lashkar chale
narm-raftaarii me.n dajla ke tamavvuj kii phaban
jaise sahraa.o.n ke aahuu mahv-e-gul-gasht-e-chaman
ye hasii.n aahuu-qadam aahuu-nafas aahuu-mizaaj
le rahe hai.n nau-javaanan-e-qabiila se KHiraaj
jalva-pairaa jalva-saamaa.n kitne dilkash maahtaab
kitne afsaano.n ke paikar kitne ra.ng-o-buu ke KHvaab
vo jabiino.n ke araq me.n jaise sho.alo.n ke saraab
jaise sandal me.n sharaaro.n ke tabassum mahv-e-KHvaab
sho.ala-afshaa.n kaakulo.n me.n surKH phuulo.n ke charaaG
jaise taariikii me.n mil jaa.e.n ujaale ke suraaG
aarizo.n kii chaa.ndnii phailii hu.ii sii har taraf
har taraf hai ek tarkash ek aahuu har qadam
kar rahe hai.n raqs daf par mahvishaan-e-jalva-taab
har taraf bikhre hu.e hai.n vaadi-e-dajla ke KHvaab
kuchh ka.nval kuchh nastaran kuchh sumbulistaa.n kuchh gulaab

Qamar Jameel

Nazm

kaghzi hai pairahan

ye be-nuur andhii siyaasat kaa baazaar hai
maslahat kii dukaa.n hai
shanaasaa yahaa.n ajnabii hai.n
masarrat ke lamhe bhii be-jaan hai.n
jism-o-jaa.n kii haqiiqat nahii.n hai.n
riyaa-kaar socho.n ke
jaamid hisaaro.n me.n lipTii hu.ii
sar-zamiin kah rahii hai
ki ye mahfil-e-ta.ng-daamaa.n hai
saaqii kaa e.ajaaz
mutrib kii aavaaz
aur naara-e-sarmadii kuchh nahii.n hai yahaa.n
to bas
zauq-e-hastii kaa
bedaarii-e-aarzuu kaa asaasa sameTo
unhii.n be-navaa.ii ke Gaaro.n me.n kho jaa.o jaa kar
jahaa.n kone kone me.n
har kunj me.n har-qadam par
sukuut-e-mukammal kaa aaseb hai
shor-o-GauGaa kaa jangal hai
aur gulshan-e-nutq be-barg-o-baar-o-samar hai
ki is mahbas-e-fikr me.n KHayaalo.n kii mahshar-KHiraamii
a.ndhero.n ujaalo.n kii takraar-e-paiham nahii.n hai
isii kunj-e-be-gaa.ngii me.n chhupaa lo dil-o-jaa.n
jahaa.n sahar-KHez bedaar ruuhe.n
kabhii nashsha-e-mai se sarshaar thii.n jo
KHumaar-e-tamannaa ga.nvaa kar
subuk-narm-KHvaabo.n se daaman bachaa kar
kaar-gaah-e-hunar se nigaahe.n churaa kar
zamaane ke naqsh-e-qadam dekhte dekhte
so ga.ii hai.n
ki vo baar-e-hurriyat diin-o-dil se
subuk-baar sii ho ga.ii hai.n
agar jaan-o-dil phir bhii
be-daarii-e-aarzuu
fitna-saazii-e-haq-biinii-o-garm-raftaarii-e-justajuu par musir huu.n
to diivaar-e-mahbas ke rauzan ko aa.nkhe.n banaa lo
nigaahe.n ufuq par jamaa lo

Sajida Zaidi

Nazm

sham samay

mai.n ne jab se apne kamre kii
bistar ke saamne vaalii diivaar par Ta.ngii gha.Dii utaarii hai
tab se us diivaar par aa.nkhe.n ugnaa shuruu.a ho ga.ii hai.n
gha.Dii ke andar
gol gol ghuumtaa vaqt chakraa kar Thahar gayaa thaa
ab diivaar par ugii un tamaam aa.nkho.n me.n
gha.Diyaa.n banii hu.ii hai.n
aur har gha.Dii muKHtalif vaqt par rukii hu.ii hai
lekin aa.nkho.n kii bel ke saa.e me.n pa.Daa
dressing Table kaa aa.iina bataataa hai
ki vaqt chal rahaa hai
tez-raftaarii se
itnii tez-raftaarii se
ki aksar haa.np jaataa hai

Neelam Malik

Nazm

ghunchagi ka safar

kabhii 'itaab-e-buzurgaa.n ke KHauf se paidaa
galii ke mo.D pe be-vaj.h tez-raftaarii

Allama Talib Jauhari

Nazm

rasad-gah

kabhii mai.n KHvaab ke sayyaarche me.n baiTh jaataa huu.n
'aqiidat-gaah se maa.ngii hu.ii 'ainak lagaataa huu.n
gumaa.n ke asp-e-taazii par kamaal-e-barq-raftaarii dikhaataa huu.n

Abid Raza

Nazm

shitab

jab raat bhiig jaatii hai
to us kaa nam
kor-basar KHvaabo.n ke suukhe labo.n tak pahu.nchtaa hai
aur tishna-kaam KHvaabo.n kaa dam TuuTne se zaraa pahle
un ko zindagii kii naved sunaataa hai
KHvaab jab maut ke dahaane se palaT kar aate hai.n
to zindagii un ke rag-o-pai me.n sur.at se dau.Dtii hai
mahmez-e-shauq me.n vo apnii be-basarii ko faraamosh kiye
tez-raftaarii kii aaKHirii mumkina had ko chhuute hu.e
ta.abiir kii manzil tak pahu.nchnaa chaahte hai.n
maut kaa saham un ke a.asaab shal kiye detaa hai
be-basarii unhe.n nazar nazar bhaTkaatii hai
zindagii kii be-sabaatii kaa KHauf
dev-haikal jallaad kii suurat mujassam ho kar
un kii shaah-rag dabochne ke darpe hotaa hai
vo jaante hai.n
ki chaah kar bhii is giraft se
der tak aur duur tak aazaad nahii.n rah sakte
usii KHauf ke zer-e-asar
mayassar vaqt me.n
vo sadiyo.n ko lamho.n me.n jii lenaa chaahte hai.n
aur lamho.n se sadiyaa.n kashiid karnaa chaahte hai.n

Neelam Malik

Nazm

zebra crossing

mai.n kha.Dii thii zebra crossing par
is ummiid par shaayad
vo idhar se guzregaa
aur ek pal ruk kar
KHud se vo ye bolegaa
apnii barq-raftaarii par mai.n KHud pashemaa.n huu.n
zebra crossing se mujh ko ek pal de de
mai.n jahaa.n pe KHud ruk kar
KHud pe bhii nazar Daaluu.n
aur bas yahii lamha
KHvaahisho.n kii jhiilo.n par
barf kii tarah jam kar
mere zehn-o-dil par bhii
zebra crossing sii
line.n banaa degaa
aur ye bhaagte lamhe
kuchh gha.Dii ko Thahre to
tum bhii yaad aa.oge ham bhii yaad aa.e.nge

Malika Naseem

Nazm

dilasa

tund-raftaarii-e-lamhaat-e-asiirii kii qasam
nii.nd se chau.nk ke taskiin na kho
sabr to kar

Kundan Aravali

Nazm

mujhse pahle

mai.n ne maanaa ki shab o roz ke ha.ngaamo.n me.n
vaqt har Gam ko bhulaa detaa hai rafta rafta
chaahe ummiid kii sham.e.n ho.n ki yaado.n ke charaaG
mustaqil bo.ad bujhaa detaa hai rafta rafta

Ahmad Faraz

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now