Search result for "saaya-e-baal-e-humaa-e-ra.nj" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "saaya-e-baal-e-humaa-e-ra.nj"

Nazm MATCHES FOR "saaya-e-baal-e-humaa-e-ra.nj"

Nazm

swadeshi tahrik

usii ke saaya me.n paataa hai parvarish iqbaal
misaal-e-saaya-e-baal-e-humaa sudeshii hai

Tilok Chand Mahroom

Nazm

dua

na to qadmo.n ke tale farsh-e-guhar maa.ngaa hai
aur na sar par kulah-e-baal-e-humaa maa.ngii hai

Kaleem Aajiz

Nazm

jawani

javaanii kyaa hai tum se kyaa kahe.n ham
javaanii kaa hai ab piirii me.n maatam
javaanii sho'la-e-aatish-fishaa.n hai
javaanii ziist kaa raaz-e-nihaa.n hai
javaanii hai javaab-e-KHanda-e-gul
javaanii ehtimaam-e-saaGar-o-mul
javaanii iztiraab-e-zindagii hai
javaanii pech-o-taab-e-zindagii hai
javaanii zindagii kaa ik tabassum
javaanii zindagii kaa ik tarannum
javaanii matla’-e-nuur-e-sahar hai
javaanii rashk-e-KHurshiid-o-qamar hai
javaanii zindagii kaa KHuun-e-taaza
javaanii chehra-e-insaa.n kaa Gaaza
javaanii kyaa sharaab-e-zindagii hai
javaanii iltihaab-e-zindagii hai
javaanii garmii-e-baazaar-e-'aalam
javaanii gesuu-e-KHamdaar-e-'aalam
javaanii KHaamushii kii guftuguu hai
javaanii KHuub-suurat KHuub-ruu hai
javaanii hai bahaar-e-zindagaanii
javaanii laala-zaar-e-zindagaanii
javaanii me.n 'ajab ik dilkashii hai
javaanii me.n 'ajab ik mah-vashii hai
javaanii zindagii kaa naqsh-e-avval
javaanii ek shorish ek halchal
javaanii saaya-e-baal-e-humaa hai
javaanii me.n jahaa.n bhii zer-e-paa hai
javaanii jaise paanii kii ravaanii
javaanii me.n har ik Gam paanii paanii
javaanii me.n nihaa.n ik baa.nkpan hai
javaanii zindagaanii kii dulhan hai
javaanii ibtidaa-e-zauq-e-parvaaz
javaanii intihaa-e-shauq-e-parvaaz
javaanii ek harf-e-dil-nashii.n hai
javaanii ziist kaa taaj-o-nagii.n hai
javaanii zindagaanii kaa hai dam-KHam
javaanii taaqat-e-sohraab-o-rustam
javaanii aasmaan-e-zindagii hai
javaanii hii nishaan-e-zindagii hai
javaanii kohkan kaa zor-e-baazuu
javaanii ek afsuu.n ek jaaduu
javaanii joshish-e-kirdaar-e-paiham
javaanii garmii-e-raftaar-e-paiham
javaanii maKHzan-e-harf-o-hikaayaat
javaanii markaz-e-kashf-o-karaamaat
javaanii chashma-e-tasniim-o-kausar
javaanii aab-e-rahmat kaa samundar
javaanii laGzish-e-mastaana-e-'ishq
javaanii baazii-e-tiflaana-e-'ishq
javaanii daastaan-e-'qais-o-lailaa'
javaanii qissa-e-yuusuf-zuleKHaa
javaanii kyaa hai barq-e-tuur goyaa
javaanii kyaa jamaal-e-huur goyaa
javaanii sozish-e-roz-e-qayaamat
javaanii ek hiddat ik haraarat
javaanii KHud-sitaa.ii KHud-numaa.ii
javaanii jang-juu.ii kaj-adaa.ii
javaanii zindagii kaa zamzama hai
javaanii zindagii kaa tantana hai
magar ab zindagii ko saath le kar
javaanii jaa chukii piirii ko de kar
javaanii ko na puuchho ab kahaa.n hai
javaanii sham'-e-kushta kaa dhu.aa.n hai

Amjad Najmi

Nazm

ai baad-e-saba

ai baad-e-sabaa
mahbuub se milne jaanaa hai
paiGaam miraa pahu.nchaanaa hai
par hadd-e-adab laazim rakhnaa
vo shoKH javaa.n gar KHvaab me.n ho
dhiire se zulfe.n sahlaanaa
bedaar agar vo ho jaa.e
to kahnaa salaam-e-shauq miraa
phir kahnaa ki diivaanii mai.n
palko.n ko bichhaa.e baiThii huu.n
milne ko bahut betaab huu.n mai.n
aur nii.nd agar kuchh gahrii ho
palko.n ko haule se chhuunaa
ruKHsaar thapak denaa un ke
diivaar-o-dar par likh denaa
ai jaan-e-Gazal mai.n zinda huu.n
bas aap kii diid kii KHaatir ab

Rakhshan Hashmi

Nazm

naya sal mubarak

aa baad-e-sabaa aa ki nayaa saal mubaarak
laa jald KHabar laa ki nayaa saal mubaarak

Iqbal Umar

Nazm

zindagi

sarguzasht-e-nauhagar hai zindagii
daastaan-e-ashk-e-tar hai zindagii
kyaa u.Degii vaadii-e-ummiid me.n
taa.ir-e-be-baal-o-par hai zindagii
aa.nkh jhapkii ho gayaa qissa tamaam
aah kitnii muKHtasar hai zindagii
pii ke bahke kyo.n na ehsaas-e-vajuud
saaGar-e-jaaduu-asar hai zindagii
ibtidaa-e-zindagaanii hai ajal
intihaa-e-dard-e-sar hai zindagii
zindagii hai ranj-o-Gam kii daastaa.n
dard-e-dil soz-e-jigar hai zindagii
zeb-e-gulshan munhasir hai KHaar par
dard-e-dil par munhasir hai zindagii
jii rahaa hai tuu bhii ai 'manzar' magar
ek hii andaaz par hai zindagii

Khawaja Manzar Hasan Manzar

Nazm

ai baad-e-saba chal

tuu aa.e to gulshan kaa hasii.n chehra nikhar jaa.e
har Guncha mahak jaa.e har ek pattaa sa.nvar jaa.e
kumhlaa.e se phuulo.n kaa bhii kuchh haal sudhar jaa.e
baaqii rahe qismat me.n ko.ii KHam na ko.ii bal
ai baad-e-sabaa baad-e-sabaa baad-e-sabaa chal

JaiKrishn Chaudhry Habeeb

Nazm

koi aashiq kisi mahbuba se!

gulshan-e-yaad me.n gar aaj dam-e-baad-e-sabaa
phir se chaahe ki gul-afshaa.n ho to ho jaane do
umr-e-rafta ke kisii taaq pe bisraa hu.aa dard
phir se chaahe ki farozaa.n ho to ho jaane do
jaise begaane se ab milte ho vaise hii sahii
aa.o do chaar gha.Dii mere muqaabil baiTho
garche mil-baiThe.nge ham tum to mulaaqaat ke baa'd
apnaa ehsaas-e-ziyaa.n aur ziyaada hogaa
ham-suKHan ho.nge jo ham dono.n to har baat ke biich
an-kahii baat kaa mauhuum saa parda hogaa
ko.ii iqraar na mai.n yaad dilaa.uu.ngaa na tum
ko.ii mazmuun vafaa kaa na jafaa kaa hogaa
gard-e-ayyaam kii tahriir ko dhone ke liye
tum se goyaa ho.n dam-e-diid jo merii palke.n
tum jo chaaho to suno aur jo na chaaho na suno
aur jo harf kare.n mujh se gurezaa.n aa.nkhe.n
tum jo chaaho to kaho aur jo na chaaho na kaho

Faiz Ahmad Faiz

Nazm

bayaad-e-faiz ahmad faiz

vo chaman me.n jis ne kalii kalii ko mizaaj-e-baad-e-sabaa diyaa
vo har ek Gunche ke lab ko jis ne hai ik shu'uur-e-navaa diyaa
vo har ek haal me.n basta-lab na kisii se shikva na kuchh talab
Gam-e-'aashiqii tirii KHair ho tujhe yaadgaar banaa diyaa
vo shariik-e-bazm-e-saman-baraa.n vo sahiim-e-kulfat-e-be-kasaa.n
dil-e-reza-reza ko jis ne apne ravish ravish pe luTaa diyaa
rahaa kaj jabii.n pe sar-e-kafan vahii hausla vahii baa.nkpan
pas-e-marg mailaa nahii.n kafan ye ajal ko saaf bataa diyaa
jise qaid-o-band ke marhale na rah-e-vafaa se haTaa sake
ba-hama shaqaavat-e-dushmanaa.n bhii payaam-e-sidq-o-safaa diyaa
vo jo chaara-saaz-e-jahaa.n rahaa jo shariik-e-dard-e-nihaa.n rahaa
jo vatan kii ruuh-e-ravaa.n rahaa use ham ne kitnaa bhulaa diyaa
vo shahiid-e-sheva-e-dilbarii vo qatiil-e-naavak-e-dostii
vo KHatiib-e-mimbar-e-aashtii use apnii qaum ne kyaa diyaa

Faiz Tabassum Tonsvi

Nazm

marsiya gopal krishn gokhle

rahegaa ranj zamaane me.n yaadgaar tiraa
vo kaun dil hai ki jis me.n nahii.n mazaar tiraa
jo kal raqiib thaa hai aaj sogvaar tiraa
KHudaa ke saamne hai mulk sharmsaar tiraa
palii hai qaum tire saaya-e-karam ke tale
hame.n nasiib thii jannat tire qadam ke tale

Chakbast Braj Narayan

Nazm

ujlat mein pashemani ka tazkira

ham kahii.n saa.at-e-be-baal-o-parii
khol ke dam lete hai.n
reg-zaaro.n se nikalte hai.n
ravaanii le kar
aur utar jaate hai.n
gadraa.e hu.e paanii me.n
bas isii paanii me.n hai
apnii havas
apne chalan kaa qissa
ye chalan
KHvaab-gah-hast se hotaa hu.aa
kaashaane talak jaataa hai
jis kii darzo.n se du.aa jhaa.nktii hai
aur KHilqat hai
ki Gaflat-bhare pahro.n me.n havaa maa.ngtii hai

Farrukh Yar

Nazm

mere baad aa

badlegaa rang shaam-e-alam
mere baad aa
hogaa zaraa saa dard bhii kam
mere baad aa
tanhaa.iyaa.n bhii apnii hai.n
apnii hai.n saa.ate.n
KHud-saaKHta hai.n saare ye Gam
mere baad aa
KHvaabo.n ke is mu.nDer se dekhaa kiye mujhe
ye aur baat hai ki hu.ii chashm merii nam
namnaakiyo.n kii baat KHatm
mere baad aa
hariyaaliyo.n kii bhii.D
magar dukh kii kaasht hai
badlegaa rang charKH-e-kuhan
mere baad aa

Ain Rashid

Nazm

gharibon ka KHuda koi nahin

haa.n magar thaa rickshaw vaalaa ek sargarm-e-safar
jis ko Gurbat kar rahii thii maut se siina-sipar
jo nigaah-e-ahl-e-sarvat me.n haqiir-o-paa.emaal
zindagaanii vaqf thii jis kii baraa.e ahl-e-zar
jis kii duniyaa faqr-o-faaqa jis kii qismat ranj-o-Gam
jabr-e-qudrat hii ne jis ko kar diyaa be-baal-o-par
KHuun ban ban kar pasiina har bun-e-muu se ravaa.n
chaar paise ke liye jo ban gayaa thaa jaanvar
be-niyaaz-e-'aish-o-'ishrat aashnaa-e-dard-o-Gam
ek musht-e-ustuKHvaa.n aashufta-rau baa-chashm-e-tar
us gha.Dii bhii muztarib thaa rizq-koshii ke liye
aag me.n vo jal rahaa thaa apnii roTii ke liye

Abdul Qayyum Zaki Aurangabadi

Nazm

tane

chup jo hu.aa dariicha to guu.njii sadaa-e-baam
ab kar sakoge saa.e tale mere tum qiyaam

Ismail Raaz

Nazm

saba-e-sahra

be-daaG vus.ato.n kii aahuu-e-be-baak
tere ek hii mushk-bez jho.nke ne
yaado.n ke dariiche khol diye hai.n
jhulastii dopahro.n me.n
ghane piipal kii chhaa.nv me.n
jhuulaa jhuultii ham-joliyaa.n
KHush-guluu chaa.Dhe kii aavaaz me.n
reg-zaaro.n ke giit
kun ras hu.e jaate hai.n
barsaat kii aabnuusii raat kaa manzar
khule aasmaan tale baan kii ThanDii chaarpaa.ii par
chaadar taan kar
dhule taaro.n kii jhilmilaahaT
diid-ras hu.ii jaatii hai
saavan rut me.n giilii so.ndhii maTkii mahkaar
cha.Dhii nahro.n kii salonii saavanii thii mushk-baar
sub.haan terii qudrat kii
sadaa.e.n bhii ajab thii.n
Daal Daal ko ka.ii koyal kii
adaa.e.n bhii Gazab thii.n
mai.n chashm-e-tasavvur se
un chu.ndhiyaa dene vaale raushniyo.n se
nazre.n bachaa kar
is bazm-e-nashaat me.n jhaa.nk letii huu.n
ki
har shai apne asal ko Dhuu.nDhtii hai

Shamim Alvi

Nazm

lokmanya-tilak

maaya-e-hindostaa.n thaa baal-gangaa-dhar-tilak
is chaman kaa baaGbaa.n thaa baal-gangaa-dhar-tilak
KHush-kalaam-o-KHush-bayaa.n thaa baal-gangaa-dhar-tilak
mehrbaa.n thaa raazdaa.n thaa baal-gangaa-dhar-tilak
kaun bhaarat kii KHabar le us ke mar jaane ke baa'd
paarsaa thaa paarsaa thaa baal-gangaa-dhar-tilak
be-riyaa thaa be-riyaa thaa baal-gangaa-dhar-tilak
rahnumaa thaa rah-numaa thaa baal-gangaa-dhar-tilak
peshvaa thaa peshvaa thaa baal-gangaa-dhar-tilak
kaun bhaarat kii KHabar le us ke mar jaane ke baa'd
mulk kii ruuh-e-ravaa.n thaa baal-gangaa-dhar-tilak
baa'is-e-aaraam-e-jaa.n thaa baal-gangaa-dhar-tilak
har kisii kaa qadr-daa.n thaa baal-gangaa-dhar-tilak
is zamii.n par aasmaa.n thaa baal-gangaa-dhar-tilak
kaun bhaarat kii KHabar le us ke mar jaane ke baa'd
iftiKHaar-e-hind thaa vo baal-gangaa-dhar-tilak
jaa.n-nisaar-e-hind thaa vo baal-gangaa-dhar-tilak
nau-bahaar-e-hind thaa vo baal-gangaa-dhar-tilak
paas-daar-e-hind thaa vo baal-gangaa-dhar-tilak
kaun bhaarat kii KHabar le us ke mar jaane ke baa'd
mard-e-maidaan-e-siyaasat baal-gangaa-dhar-tilak
baa-muravvat baa-mohabbat baal-gangaa-dhar-tilak
saahab-e-iqbaal-o-shaukat baal-gangaa-dhar-tilak
paak-suurat paak-siirat baal-gangaa-dhar-tilak
kaun bhaarat kii KHabar le us ke mar jaane ke baa'd
har gha.Dii siina-sipar thaa baal-gangaa-dhar-tilak
kitnaa be-KHauf-o-KHatar thaa baal-gangaa-dhar-tilak
dil-jalo.n se baa-KHabar thaa baal-gangaa-dhar-tilak
sab kaa manzuur-e-nazar thaa baal-gangaa-dhar-tilak
kaun bhaarat kii KHabar le us ke mar jaane ke baa'd
ziinat-e-baaG-e-vatan thaa baal-gangaa-dhar-tilak
ik phalaa-phuulaa chaman thaa baal-gangaa-dhar-tilak
nauha-KHvaan-o-naa'ra-zan thaa baal-gangaa-dhar-tilak
vaaqif-e-ranj-o-mehan thaa baal-gangaa-dhar-tilak
kaun bhaarat kii KHabar le us ke mar jaane ke baa'd
rahnumaa.ii kar gayaa vo baal-gangaa-dhar-tilak
sar par ehsaa.n dhar gayaa vo baal-gangaa-dhar-tilak
kab kisii se Dar gayaa vo baal-gangaa-dhar-tilak
marne vaalaa mar gayaa vo baal-gangaa-dhar-tilak
kaun bhaarat kii KHabar le us ke mar jaane ke baa'd
kaash phir duniyaa me.n aa.e baal-gangaa-dhar-tilak
shakl phir apnii dikhaa.e baal-gangaa-dhar-tilak
aur phir giitaa sunaa.e baal-gangaa-dhar-tilak
'bismil' aa kar phir na jaa.e baal-gangaa-dhar-tilak
kaun bhaarat kii KHabar le us ke mar jaane ke baa'd

Bismil Allahabadi

Nazm

karachi ka traffic

dekho vo jaatii hai rishvat se KHariidii hu.ii car
sehn-e-gulshan me.n ho jaise guzaraa.n mauj-e-bahaar
paak daaman pe nahii.n us ke zaraa gard-o-Gubaar
chor-baazaar me.n phirtii hai ba-sad-izz-o-vaqaar
kyaa ho is car ke niiche jo ko.ii aa jaa.e
be-vasiila ho to lambii sii sazaa paa jaa.e

Syed Mohammad Jafri

Nazm

wo aurat

ghar kii izzat kaa bharam rakhtii rahii vo aurat
zindagii jiitii rahii apnii sa.nbhaale hurmat
apne bachcho.n ke liye jiitii rahii thii ab tak
zahr haalaat kaa KHud piitii rahii thii ab tak
umr-bhar zulm-o-sitam ha.nste hu.e sahtii rahii
apne hii aap se guzrii jo use kahtii rahii
sirf ik chhat hii milii pyaar kaa saaya na milaa
mutma.in ziist kaa Guncha na kabhii dil kaa khilaa
baal-bachche bhii javaa.n ho ke hu.e begaane
maa.n pe kyaa biit ga.ii us se rahe anjaane

Siya sachdev

Nazm

ramayan ka ek scene

aur yuu.n kahii.n bhii ra.nj-o-balaa se mafar nahii.n
kyaa hogaa do gha.Dii me.n kisii ko KHabar nahii.n
aksar riyaaz karte hai.n phuulo.n pe baaGbaa.n
hai din kii dhuup raat kii shabnam unhe.n giraa.n
lekin jo rang baaG badaltaa hai naa-gahaa.n
vo gul hazaar pardo.n me.n jaate hai.n raa.egaa.n
rakhte hai.n jo 'aziiz unhe.n apnii jaa.n kii tarah
milte hai.n dast-e-yaas vo barg-e-KHizaa.n kii tarah
lekin jo phuul khilte hai.n sahraa me.n be-shumaar
mauquuf kuchh riyaaz pe un kii nahii.n bahaar
dekho ye qudarat-e-chaman-aaraa-e-rozgaar
vo abr-o-baad o barf me.n rahte hai.n barqaraar
hotaa hai un pe fazl jo rabb-e-kariim kaa
mauj-e-sumuum bantii hai jho.nkaa nasiim kaa
apnii nigaah hai karam-e-kaarsaaz par
sahraa chaman banegaa vo hai mehrbaa.n agar
jangal ho yaa pahaa.D safar ho ki ho hazar
rahtaa nahii.n vo haal se bande ke be-KHabar
us kaa karam shariik agar hai to Gam nahii.n
daamaan-e-dasht daaman-e-maadar se kam nahii.n

Chakbast Braj Narayan

Nazm

udasi

vo shaKHs jis ko ha.nste hu.e ghar pasand the
vo shaKHs jis ko bolte manzar pasand the
vo shaKHs jis ke saath samay KHush-gavaar thaa
vo shaKHs jaane kitne dilo.n kaa qaraar thaa
kuchh vaqt se vo haalat-e-duniyaa se hai KHafaa
KHushbuu se ranj koh se dariyaa se hai KHafaa
aa.nkhe.n udaas aisii ki maathe pe bal pa.De.n
afsurdagaan-e-shahr ke aa.nsuu nikal pa.De.n
duniyaa me.n gum nahii.n hai Gam-e-zaat me.n hai gum
kaise bataa.uu.n tum ko vo kis baat me.n hai gum

Ashu Mishra

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now